مشكلتي من جانب الذكاء الاجتماعي

[مشكلتي]

السلام عليكم ورحمة الله وبركاته
صحا فطوركم
انا فتاة عمري 15سنه مشكلتي هي اني اريد تكوين شخصيتي والتعامل الممتاز مع الناس ..
نحب شخصيتي تكون متفتحه ونحب نكون صاحبة شخصية حاذقة و ذكيه و وشخصية قوية وحاده ..
نحب نكون هذيك الفتاة القوية اللي ما يردعها والو وانا بلعكس شخصيتي ضعيفة بصح نميل لاني نكون العكس نحب نبني ثقتتي بنفسي اعطوني ربي يخليكم المراحل خاطر انا طالعه لليسي ولازمني نكون مدربه روحي باش نثبت وجودي بشخصيتي ارجوكم افييدوني خاصة الفتيات اللواتي يملكن مثل هذه الشخصية اريد نيل مرادي باي طريقة ارشدوووني ..
وبالاضافة الى انس صاحبة شخصية عاديه و ما نعرفش نثبت وجودي ونلفت الانتباه و بما اني في سن المراهقه نكره تكون شخصيتي ضعيفه
صحااا سحوركم سلام:regards01:

 

[راضية حامدة]

رد: مشكلتي من جانب الذكاء الاجتماعي

تم الاعتماد
شدي في دينك و مبادءك حتى واحد ما يقدر يفوتك
انت راكي تحوسي تكوني شخصية سوية مش متسلطة
و الشخصية السوية هي لي توثق في نفسها و قدراتها و تفرق بين الحق و الباطل
و كل هذا في ديننا يا حبيبتي
شدي في اخلاق عالية و مبادئ ثابتة تديري مكانة لنفسك بين الناس

 

[sunrise]

رد: مشكلتي من جانب الذكاء الاجتماعي

نقلك حاجة انت اصلا ماكيش شخصية ضعيفة وهذا ظاهر من كلامك هذا فلا يوجد ضعيفا يعترف بضعفه او يسعى لتغيير نفسه انت دخلت عتبة الشخصية القوية فقط من خلال تفكيرك في تحسين نفسك واصبحت بالفعل قوية عندما طرحت هذا الموضوع.........ونعطيك نصيحة حتى تكوني قوية وتثبتي وجودك بين الناس احبي الناس بكل ما فيك وستجدين نفسك دون انتباه محبوبة من طرف الجميع.......هذا منهجي في الدنيا....كنت احب كل شخص اعرفه ...احاول حل مشاكل الجميع واعتبرها مشاكلي...اعيش همومهم........حتى هؤلاء الذين لا يحبونني..........اعيد واكرر....احبي الناس ........لا تجعلي من موضوع الشخصية هاجسا ولا تكثري من مراقبة نفسك فهذا سيزيدك ضعفا......فقط عيشي على سجيتك.......وكوني انت لا تقلدي اي احد....هذا ما جادت علي به ذاكرتي من نصائح الان.....ارجو ان تنفعك.......وفقك الله اختاك وسدد خطاك وزودك من تقاه

 

[أبو عاتكة]

رد: مشكلتي من جانب الذكاء الاجتماعي

تزودي بالعلم والمعرفة المختلفة . لاتكوني غبية و ساذجة .
استمسكي بدينك وخلقك فلا تكوني غبية وساذجة وفوقها سيئة الخلق ( المظهر ) والاخلاق .
خططي لحياتك وضعي لها اهداف تسعين ورائها يتقوى قلبك وعزيمتك عند تحقيقها. فلا تكوني غبية ساذجة سيئة الخلق والاخلاق وفوقها ليس لك هدف في الحياة و عديمة المسؤولية .

لا تتهربي من المسؤوليات والتحديات فالسعي لاتممامها ولانجاحها يبني الشخصية ويقويها .

لاتكوني نعامة

كوني لبؤة

​

 

[Hakan]

رد: مشكلتي من جانب الذكاء الاجتماعي

السلااام عليكم
اختي مرحبا بيك يعني بناء الشخصية هدا هو المشكل نتاعك لكن المشكلة نتاعك الاعظم هي انو حاقرة روحك وانت اصلا ما زال في سن البنااء اختي في الله اعلمي ان تجارب الحياة هي من تصقل الشخصية وليس الشخصية كتابا نحفظه او لباس نرتديه
صحيح ان الناس يهتمون بالمظاهر لكن الحقيقة التي لا ينكرها الناااس ان الانساان المثقف هو من يميل اليه الجميع
اصنعي لنفسك هدفاا وبناءالشخصية يعتمد على عنصرين اساسين هماا :
العلم
والتجربة

العلم يؤخذ بالمطالعة والتثقف فمن يرد ان يسيطر على احاديث المجموعات مثال انت قاعدة مع زميلاتك
ساعاتتحسي بلي مكانش اللي يسمع فيك
ما سقسيتيش رووحك علاش ؟
نقلك يااختي لانك لم تملكي الاحاديث والمعلومات التي تجارين بها احاديثهم يعني تلقايهم يحكيو مثلاا على ظاهرة ولا مشكلة عند المراة وانت ما عندكش عليها معلومات ..

التجربة :
واعظم التجارب هي التي نعيشها ونتعلم منهااا واذا اردت صقل الشخصية نتاعك فعليك بمجالسة الكباار وداائما ابتعدي عن المواضيع السخيفة انت ما زالك صغيرة سناا لكن تسائلاتك هادي كافية باش نقولو انك في الطريق الصحيح وتذكري العلم العلم العلم والتجربة..

سلااام.
​

 

[لؤلؤة قسنطينة]

رد: مشكلتي من جانب الذكاء الاجتماعي

وعليكم السّلام ورحمة الله وبركاته
ربي يحفظك ختي وربي يهنيك ويوفقك في دراستك ان شاء الله،
أما بعد ، والله يا أختي مازلتي صغيرة يعني راكي تبني في شخصيتك عادي
والشخصية ماتكسبيهاش بقواعد راكي تكسبيها بالتجربة كيما قالوها لي قبلي
كي تتعلمي من الدنيا تتعلمي كيفاه تعيشي ، وتتكون شخصيتك تلقائيا
ولفت الانتباه والشخصية لي تجذب الناس والله تجي بالعفوية تاعك ولما تكوني على طبيعتك
ماشي لازم تكون عندك فصاحة اللسان باه تكسبي القلوب وتخليهم يميلو ليك
نعطيك مثال ، انا لوكان نشوف مع نفسي ومن جهة قوة الشخصية نشوف روحي اضعف شخص
لأنو مجرد إنسان يتكلم معايا دموعي ينزلو وتبانلي روحي ضعيفة
أما من جهة كسب قلوب الناس والله نتكلم عادي بواش كاين في قلبي والناس يحبوني عادي
ختي ما تقلقيش روحك بأمور كيما هكا ، كيما قالتهالك الأخت تبعي دينك وعبادتك
والباقي يجي وحدو ، تحياتي ​

 

[Pyar]

رد: مشكلتي من جانب الذكاء الاجتماعي

وعليكم السلام ورحمة الله تعالى وبركاته ..
اختي لازم اولا تحبي نفسك .. لازم ماتقوليش انا مانقدرش
وماتقوليش انا يخصني ويخصني ، لازم تحسي راكي انسانة كاملة مع انو الكمال لله
وهكدا تولي عندك ثقة ف نفسك كبيرة وماتخليهاش توصل للتكبر والغرور
ولازم تكوني صداقات مع كل الي حولك وماتبقيش وحدك، وبيني كل قدراتك ف دراستك اذا تحوسي الانظار عليك
لازم تحبي نفسك اولا وممباعد تحبي الناس ومع الوقت تدي خبرة م الدنيا وتولي تعرفي كيفاه تتصرفي ولازم ماتكونيش طائشة ف كلشي
وربي يوفقك حنونة :*
سلآم ~

 

[بقايا إنسان]

رد: مشكلتي من جانب الذكاء الاجتماعي

اتبعي بنيتي نصائح لقمان لابنه لا اكثر
سلام

 

[أميرة تقرت]

رد: مشكلتي من جانب الذكاء الاجتماعي

لازم ما تكونيش ضعيفة الحاجة الي تخليك تكوني
ضعيفة هي الناس الي معاك ممكن واحد يعملك مشكلة
تخليك تطيحي انت حاولي تتجنبي هادوما الناس
و انت غير تروحي للثانوية افرضي وجودك حاولي ما تكونيش متكبرة
و تحبي الناس كامل و في نفس الوقت ما تديري كونفيونس في حتى
واحد ان شاء الله تكوني فهمتيني كيما حابة نوصلك.
" ان تثق بنفسك ترعب كل أعدائك "

 

[♫الباحثة عن الحظ♫]

رد: مشكلتي من جانب الذكاء الاجتماعي

مرحبا اختي
بون اول حاجة باه تكوني واثقة من نفسك
انك تمشي على مبادءك معناها اذا انت تحبي حاجة مقتنعة بيها مهما تشوفي اراء الاخرين مختلفة على تاعك لازم تتمسكي بالفكرة و متخافيش تحاولي تفرضي رايك
تاني مين تكون في موقف وين راكي متاكدة من كلامك لازمك تدافعي عليه ومش تبدليه في لحظة فقط لان الاخرين قالو العكس تعلمي النقاش و تبادل الاراء تعلمي تحكي مع ناس وتعطي رايك و تاخدي وتجيبي في الهدرة والافكار و هاك راح تتصقل شخصيتك وتقوى

مثلا اذا انت عندك موقف انك تقرا تروحي من دار للقراية و لقراية لدار هادي هي مش غدوة يجو بنات يقولولك انت حابسة ايا تروحي تحوسي معانا نو اهنا انت تفرضي رايك انا مبدء تاعي يقول هاك وانا متربية هاك ابا تحبو تروحو روحو وانا حابسة على روحي ولا قال نشاورهم في دار

فهمتي هاك مثال


ننصحك بما ان راكي اهنا في اللمة ناقشي و حاوري الاعضاء في كل مواضيع واعطي ارائك وناكدلك راح تتعلمي بزاف
بلوس الصراحة اه وي انا نمشي بيها و منخافش والي مش يعجبه لحيوط كاين الصراحة متخافيش قال انا صريحة والي مش يعجبني مش نقولك مش نجاملك و انا مش نحب الشىء هذاك

 

[بقايا إنسان]

رد: مشكلتي من جانب الذكاء الاجتماعي

يابنيتي راني رديت عليك من قبل ونضن مفهمتنيش واليوم نحاول نبسطلك الفكرة فأقول:عليك بكثرة الصمت وقلة الكلام فقد سمعت مقولة لعلي رضي الله عنه تقولإذا تم العقل نقص الكلام) واحذري النفس فإنها العدو الأول لكي ولنا جميعا وابتعدي عن فضاضة القلب فإن الناس ينفضّون ممن له قلبا فضا
ولا تكونيني من المختالين والمغرورين فإن الله يكره ذلك ولا تكثر القهقهة حتى لا تنقصي من قيمتكي وكوني دائما مبتسمة فإنها الصدقة بلا مال واعتصمي بحبل الله المتين ولا تكونين عليه من الغافلين ولا تحتقري ممن هم دونكي من المستوى واخفضي لهم جناحكي وكوني بارة لوالديكي ومطيعة لأوامرهم فإن رضى الوالدين من رضى الله عزوجل ولا تكوني في مواطن يكره الله أن يراكي فيها واتبعي الاماكن الذي ترضي الله عزوجل
هذا ما خلصت اليه فإن أحسنت فتلك منة من الله علي وضل وإن أخطأت فذاك من نفسي ومن الشيطان وتلك ميزة ابن آدم خطاء وخير الخطائين التوابون