صبــــــــــــآحكم/ مسآؤكم بخـــــــــــير وعآفية،،،
اخترتلكم للطبق الجآنبي:
محمّر بالكفتة
بســــــــــــم الله:
المقـــــــآدير:
كفتة، حبة بصل، القليل من الزبدة وزيت، اوراق رند، عود قرفة، توابل، حبة بيض، شوية قصبر ومعدنوس، ماء دافي.
طريقة التحضيــــــــــر:
رحيت لحم مع شوية شحم باه ما تجيش الكفتة ثقيلة بزااف، رابيت فيها شوية بصل ضفتلها ملح، حرور، زعفران وكروية، معدنوس ولميت الكل بحبة بيض.
في قدر صغير، نرابي المتبقي من حبة البصل، ضفتلها ملح، حرور، سكنجبير، زعفران، معدنوس وشوية قصبر ، زبدة وزيت ، خلطت الكل مليح، ودرتو فوق نآر هادئة حتى يذوب البصل،
بعدها ضفت القليل من الماء دافي، ثم اوراق الرند وعود قرفة، رميت حبيبات زيتون (اختياري)، وبقيت نشكل في الكفتة على شكل كوريات ونديرهم في القدر و كملت بالماء حتى تغطت كآمل الكفتة، زيدتلوا النار حتى يغلي وبعدها نقصت،
خليتو على نار هادئة تقريبا مدة ساعة، هنا كل وحدة وحسابها كاين اللي تحب تكون فيه لاصوص بزاف وكاين لالا يعني مرة على مرة طلي عليه مي ماتخليهش ينشف بزاف سينو يجي مالح،
وبالصحة والرآحة
ســــــــلآمي
