~يوميات عيد ~ ذكريات لا تنسى ~

[~خفة روح~]

السلام عليكم ناس اللمة في رمضان ديت كونشي من المواضيع وراني رجعتلكم

كيما تعرفو كاين يوميات في العيد مع التحضيرات للعيد تبقى راسخة طول عمرنا طبعا كأي عائلة جزائرية حاجة الاولة معظم الاحيان نبداو بيها هي حوايج العيد

تعرفو ناس بكري كانو يشرؤوهم في الليل يعيدو بيهم الصبح مشي كيما ضرك المهم تبدا تحضيرات حلويات العيد هههههههه وتبدأ المتعة نهار نقرو واش نديرو قاطو و تنتشر ريحت ماء زهر وماء ورد ويدير النحل هجوم هههههههه الكوزينة معمرة نحل تحسبي رانا في الخلية وبالخصوص في السخانة لازم نحلو التواقي

نهار يهجم النحل حاجة مليحة بالنسبة لية لخطش الذراري لي يكونو قدامي يغزلو فية يتستفو ويهربو

بصح الموصيبة اذا قرصاتك وحدة ههههههه موصيبة انا وحدة نطيح اونبان

وشابة كامل اذا قعدو معاك الذراري لا غفلتي نص دقيقة الحشوة بالخصوص كاوكاو .... تخلاص اديها سوغ تسر ولا طليا ودعيها
بعد الحلويات طبعا نخملو شوي ويكون تقريبا كامل ذراري بزلو مجاوش نهار الاول ت العيد يجوز آلاز الا حاجة وحدة ذراري تاع الحومة يدورو لاشا عند الباب يدخلو بالواحد ن قوة لي تكرهي وانت تلمي تولي عنفية هههه نهار التسلام من الصبح للعشية اوك يجوز النهار على خير غد من ذاك الصبح

وانت نائمة تحسي واحد طعنك متحيريش اذا تلمو بنات خالاتك وحدة تجبد من الشعر وحدة تمشي فوقك تقول مشافتكش وحدة تنوض فيك وحدة تعيطلك

هههههههه وتحلو الحياة اذا رفدتي حاجة ولو ورقة يدابزو عليها باش يدوها وانا مقلتلهم اصلا واش في يدي واذا دابزو على الحاجة ودعيها

واذا معطيتيهالهمش يتحاماو فيك يعني مكلاه تخمي تقولي لالا

اما الميكرو ودعيه والنوم ودعيه ههههههههههه بالخصوص في السخانة وهوما الله يبارك بسلامتهم بزاف تحسبي روحك في الحمام ههههههههههه اما عن الرياضات لي يستعملوها ضدك

كاين لي منعرفهاش كامل هههههه

اما اذا شربتي كامل يجيبو كيسان ويهجمو واذا فطرتي كامل يجيبو الخبر ...... واذا كملت الذكريات ميخلاصوش
هههههههههه رغم كلش هذي الذريات متروحش من بالي قد ماكبرت ههههههه

اسئلة الموضوع:
* احكينا على بعض من ذكرياتك لي تصحك ولي تبكي في العيد؟
** عندكم ذراري بزاف ؟ كيفاش حوالك معاهم؟
*** باختصار تعليق صغيور ؟
​

 

[صلوا على النبي]

رد: ~يوميات عيد ~ ذكريات لا تنسى ~

وشراكم اهل اللمة ؟
يسعدني ان اكون اول من يرد على حبيبتي ســلمى
مواقف تضحكني نضحك على لبنات الصغار كي ولو يزوخو بالحوايج تع لعيد ههههه
مواقف تبكيني كي نتفكر 2009 اسمط عيد جوزتو في حياتي لا لبسة لا خرجة ويعني حتى هدا العام مفرحتش كنت موالف نعيد عند دار جدي تيــزي وزو نوض نسمع جدي يهدر بالقبايلة نشوف جداتي تعطيني ندي الدراهم للعجايز لكبار امممممم شحال مليح لعيد ثما
تعليقي هو نحبك بزاف هههه لا علاقة بالموضوع بصح معليش ربي يخليك ايامك فرح في فرح وربي ينجحك
تعيدي وتزيدي ولعقوبة للعام لجاي تن شاء الله

 

[Nina's]

رد: ~يوميات عيد ~ ذكريات لا تنسى ~

{موقف يضحك كيما قالت اختي سمية البنات لي يزوخو برا ههههه}
{و موقف يبكي الجنود لي ماتو هذا العيد مقتولين من طرف الإرهاب بعين الدفلى الله يرحمهم و يصبر اهاليهم}
{وي عندنا الصغار بزااااف الله يبارك, بصح انا يخافوني ما يدوروش كامل بيا هههه دونك متهنيا منهم كامل خهههه, بصح بيناتنا كانو شابين و هوما الحلاوة تاع الدار}


تعليقي : مهما يكون, العيد فرح و مرح و سرور, خاصة عندنا حنا الجزائريين’ ربي يحفظ بلادنا و يرحم الشهداء و ان شاء الله ينعاد علينا رمضان و العيد بالصحة و العافية
تحيآتي​

 

[~خفة روح~]

رد: ~يوميات عيد ~ ذكريات لا تنسى ~

وشراكم اهل اللمة ؟
يسعدني ان اكون اول من يرد على حبيبتي ســلمى
مواقف تضحكني نضحك على لبنات الصغار كي ولو يزوخو بالحوايج تع لعيد ههههه
مواقف تبكيني كي نتفكر 2009 اسمط عيد جوزتو في حياتي لا لبسة لا خرجة ويعني حتى هدا العام مفرحتش كنت موالف نعيد عند دار جدي تيــزي وزو نوض نسمع جدي يهدر بالقبايلة نشوف جداتي تعطيني ندي الدراهم للعجايز لكبار امممممم شحال مليح لعيد ثما
تعليقي هو نحبك بزاف هههه لا علاقة بالموضوع بصح معليش ربي يخليك ايامك فرح في فرح وربي ينجحك
تعيدي وتزيدي ولعقوبة للعام لجاي تن شاء الله

:love01: اهلا حبيبتي الزينة نورتي الموضوع بحروفك العطرة

فرحتيني الله يفرحك
ربي يخليك​

 

[~خفة روح~]

رد: ~يوميات عيد ~ ذكريات لا تنسى ~

{موقف يضحك كيما قالت اختي سمية البنات لي يزوخو برا ههههه}
{و موقف يبكي الجنود لي ماتو هذا العيد مقتولين من طرف الإرهاب بعين الدفلى الله يرحمهم و يصبر اهاليهم}
{وي عندنا الصغار بزااااف الله يبارك, بصح انا يخافوني ما يدوروش كامل بيا هههه دونك متهنيا منهم كامل خهههه, بصح بيناتنا كانو شابين و هوما الحلاوة تاع الدار}


تعليقي : مهما يكون, العيد فرح و مرح و سرور, خاصة عندنا حنا الجزائريين’ ربي يحفظ بلادنا و يرحم الشهداء و ان شاء الله ينعاد علينا رمضان و العيد بالصحة و العافية
تحيآتي​

حنونتي اولا نورتي الموضوع
ثانيا انا حنينة بزاف عييت ضبحت ضحكو علية كيما درت علميني نقباح
هوما صح شبان وزينة العيد بصح واعرين رغم انهم صغار
+ الله يرحم كل شهداءنا انا ملي شفت تصاورهم تشوكيت

ربي يحفظك شكرااااا

​

 

[Malika Tlm]

رد: ~يوميات عيد ~ ذكريات لا تنسى ~

السلام عليكم

اختي الغالية صحا عيدك

الله الله يا اختي دكرتيني بوقت فات من حياتي

نتمني يرجع منو غي لقليل تعرفي الحاجة لي تبكيني

نتفكرها نضحك كنا كي نروحو

نغافرو ويعطونا عيدية كي نرجعو للدار كل وحدة تحسب شحال لمت

ونفرح كييكون عندي كتر منهم ههههههه والحاجة لي تبكيني

هديك اللمة نتاع العايلة لي كانت بكري راحت كنا كامل نجتمعو

بنات الخال الخالة العم العمة الجيران درك نقصت بزاف لي مات

ولي تبدل ولي ولي ولي .......... المهم لوكان نجيو نحكيو فدكريات العيد

كامل منكملوش ههههه الله يديم السعادة يارب ويفرج ربي علي كل مهموم

وكل عام ونتوما بخير موضوع هايل حبوبة :regards01: :thumb_up02::thumb_up02:

 

[~خفة روح~]

رد: ~يوميات عيد ~ ذكريات لا تنسى ~

السلام عليكم

اختي الغالية صحا عيدك

الله الله يا اختي دكرتيني بوقت فات من حياتي

نتمني يرجع منو غي لقليل تعرفي الحاجة لي تبكيني

نتفكرها نضحك كنا كي نروحو

نغافرو ويعطونا عيدية كي نرجعو للدار كل وحدة تحسب شحال لمت

ونفرح كييكون عندي كتر منهم ههههههه والحاجة لي تبكيني

هديك اللمة نتاع العايلة لي كانت بكري راحت كنا كامل نجتمعو

بنات الخال الخالة العم العمة الجيران درك نقصت بزاف لي مات

ولي تبدل ولي ولي ولي .......... المهم لوكان نجيو نحكيو فدكريات العيد

كامل منكملوش ههههه الله يديم السعادة يارب ويفرج ربي علي كل مهموم

وكل عام ونتوما بخير موضوع هايل حبوبة :regards01: :thumb_up02::thumb_up02:

ههههههههههههه مهمن صحا عيدك نورتي بوجودك وانت الاجمل حبوبة​