'' ظاهرة غريبة انتشرت بكثرة ... '' == دخولكم ضروري ==

[جليلوس]

السلام عليكم ورحمة الله
تحية طيبة وبعد ...
اريد ان اعرف اراءكم حول ظاهرة باتت تنتشر بشكل لافت في العائلات الجزائرية
غلق الاسر لمطابخهم و الذهاب عند الاقارب بحجة زيارتهم و الاطمئنان على احوالهم ولكن في الحقيقة الامر يختلف تماما عما يبدو ففي الواقع هو هروب من غلاء المعيشة وارتفاع اسعار المواد الغذائية و رغبتهم في قضاء عطلة مجانية على حساب الأقارب... دون ان يصرفوا دورو واحد

و تظاهرهم بالتقدم civilisation و التباهي بين الاقارب لكن ما خفي اعظم باتوا يشترطون نوع الاكل و كميته ونوعه مع عدم مراعات دخل الشخص الدي يستضيفهم و جلبهم لضيوف معهم " بات وبيت نسيبتو معاه "

دون علم صاحب البيت مسبقا ويمكثون عنده لمدة طويلة دون مساعدته في المصاريف او مساعدة زوجته في تحضير المنزل فهم يلتمون على الطاولة
وتبدا الحكايات والقيل و القال دون ان يكترث احد لنفسية المستضيف
في رايكم ...
هل اصبح الجزائري شخص لا يابه الا لما يلبي رغباته واصبح شخصا يريد ان يصبح غنيا في وقت وجيز دون ان يحرم نفسه من اي شيء؟؟
هل اصبحت العائلات الجزائرية تريد ان تتنفس الصعداء وتعيش حياة جيدة على ظهر الاخرين؟؟
فقد اصبحوا لا يجدون اين يقيموا اجتماعات و جماعات فقد اصبحت المناسبات مملة لدرجة لا تتصور
اختفي ذلك الحساس ب االلمة و بدات تتلاشى صلة الرحم بين الافراد " اللمة راحت معا مواليها "
اين هي الأسرة الجزائرية من كل هذا ؟؟
اين هو دور الاباء في لم شمل ابناءهم واحفادهم ؟؟
بل اصبحوا هم السباقون الى هذا كله لمعرفتهم الجيدة ان هده اللمة
تحتاج الى الكثير من المصاريف وهم من غنى عنها !
ولكن حتى نقضي على هذه الظاهرة ما هي الحلول المقترحة ؟؟ في رأيكم انتم ؟؟
هل هذه الظاهرة منتشرة عندكم ؟؟

هيا النقاش مفتوح
انا لا ادعو الى قطع صلة الرحم لكن اريد ان تحدد كل عائلة مكان واحد لتجمعهم و هو بيت الاب يعني الدار الكبيرة و التقليل من كثرة
الزيارات الدعوات فقد اصبحنا في زمن لا نرى و لا نسمع الا العجب الكلمة لكم
انتظر تعليقاتكم... تحيتي للجميع
اخوكم جليلووو
​

 

[ابوندى]

رد: '' ظاهرة غريبة انتشرت بكثرة ... '' == دخولكم ضروري ==

وعليكم السلام ورحمة الله وبركاته
كاين عايلات نعرفهم هادي عندهم حوايج عادي يعني علينا الكل كي نجيك تقوم بيا وكي تجيني نقوم بيك
اما تاع الواحد يجي ويبروفيتي على ظهر الي عارضينوا فهدا انسان طفيلي انتهازي ويكشف امره عاجلا ام اجلا وتولي العيلة كاملة تحكي عليه وين يروح الناس الكل ناكرينوا ويتهربوا منوا
انت الخاوة درك الا من رحم ربي ومايتحاملوش يا خلي واحد من العايلة
الواحد من واجبه صلة الرحم ولقاء العائلة بشرط انك تكون خفيف ظريف وكيما يقولوا ناس بكري يامن زار وخفف وخلى عرضوا نظيف

شكرا على الطرح والنشاط المبدول اخي الحبيب جليل
تم الاعتماد

 

[حفيدة الخنساء]

رد: '' ظاهرة غريبة انتشرت بكثرة ... '' == دخولكم ضروري ==

ما عسانا أن نقول في مثل هكذا احداث ومناسبات
هناك عائلات تستغل حًسن الضيافة في المرح والأكل على حساب الآخرين
ظاهرة معقدة نوعا ما ...لكن من جهتي أراها حرام...والله حرام عليهم يعملوا هكا
هل اصبح الجزائري شخص لا يابه الا لما يلبي رغباته واصبح شخصا يريد ان يصبح غنيا في وقت وجيز دون ان يحرم نفسه من اي شيء؟؟
ربما إلى مدى بعيد،قد يكون الجزائري أو بعض الجزائريين يتصرفون بهذه الطريقة التي أراها لا تفيدهم في شيء سوى رببح كلام السوء ..لكن لا يُمكن ان يُصبح غنيا بهذه التصرفات..ولن يمده الله مادام يعيش على نفقة الآخرين..
هل اصبحت العائلات الجزائرية تريد ان تتنفس الصعداء وتعيش حياة جيدة على ظهر الاخرين؟؟
لا يمكن ذلك ابدا حسب رأيي..مهما تكن الظروف العائلات الجزائرية ذات طابع أصيل ولا أعتقد أنه سيأتي يوم من الأيام تعيش فيه العائلات الجزائرية على ظهر الآخرين

أما فيما يخص صلة الأرحام فلا تكون هكذا يا أخي
تقرر عائلة زيارة عائلة أخرى وتمكث عندها بالأيام

اللمة العائلية لا أراها ستعود في وقتنا الحاضر
لأن التكنولوجيا أول عامل نجح في تفريق الأفراد عن بعضها
ترى كل فرد من العائلة يجري بهاتفه
يتكلم مع الناس عبر الهاتف أو مواقع التواصل الإجتماعي
وكأن هذا الصديق يُغنيه عن اللمة العائلية وكأنه كذلك يُنسيه في أفراده
و إخوته وأحبابه..أي اصبح رفقاء الفايسبوك افضل من رفقاء العمر في الحياة...

اين هو دور الاباء في لم شمل ابناءهم واحفادهم ؟؟

علينا ان نعترف انه في بعض الاحيان الآباء لا دور لهم في لمّ شمل آبائهم
لا اقصد خطأ الوالدين....بل الأبناء هم من تعوّدوا تلقائيا على هذا
أي عناد الأولاد وإصرارهم على البقاء في المنزل بحجة أنه سيتكلم معهم فيما بعد
جعلت العائلات تتشتت شيئا فشيئا،وتتفرق عن بعضها
الله يرحم أيام اللمة العائلية راحت مع زمنها

موضو قيم ونقاشي شيق
شكرا لك على الطرح المميز...
​

 

[أميرة تقرت]

رد: '' ظاهرة غريبة انتشرت بكثرة ... '' == دخولكم ضروري ==

صح و احنا عندنا خالتي تقولهالك في وجهك:-o راني تعبانة مانيش قادرة نطيب
نجي نقعد عندكم و المشكلة ماشي هكا المشكلة راهي كل يومين تجي تقعد عندنا
تقعد غير تعلق عليا انا و ختي راكم ما تعرفوش تطيبو مليح و مانيش عارفة واش
بيها ارواحي اقعدي و اغلقي فمك

 

[المفسر]

رد: '' ظاهرة غريبة انتشرت بكثرة ... '' == دخولكم ضروري ==

هذه الظاهره في كل مجنمع ولكنها تبقي قليله جدا بالنسبه للمجتمع ككل والله يهدي الجميع .وهناك موقف ظريف زار بخيل بخيل مثله وهم اقارب وتربطهم صلة رحم فال البخيل الاول نويت ااصلي لوجه الله الف ركعه حتي يضايق البخيل الثاني وينصرف فقال البخيل الثاني نويت اصلي لله الي يوم القيامه حتي يعرف البخيل الاول انه لا فائده من التهرب من عمل الاكل للبخيل الثاني والحمد لله رب العالمين

 

[لؤلؤة قسنطينة]

رد: '' ظاهرة غريبة انتشرت بكثرة ... '' == دخولكم ضروري ==

وعليكم السّلام ورحمة الله وبركاته
والله يا أخي نحييك ، راك تجيبلنا هاد الأيام مواضيع مميزة ^^
وأنا نحب نهدر بزاف ولقيت فرصة ههه
ان شاء الله ما نكونش تقيلة
والله يا أخي لي ذكرتو كامل صح
لأنو دركا في العائلة الجزائرية تحتج بصلة الرحم باه تلبي احتياجات تخصها
وزيد يتشرط ، يجي يعدي عندك عطلة مجانية ويتشرط
مثلا لوكان يجيك ضيف وتحطلو غداك ولا عشاك عادي
يعني قد مقدورك ما يعجبوش الحال ويديرها سبة و ما يزيدش يجي يشوفك
زعما ماراكش تقوم بالضيف ( مافهمتش جاي على وجهي ولا على وجه الماكلة ؟)
أنا صدقني وحدة من الناس ما نحبش نروح عند العباد بزاف
نروح لدار جداتي ربي يرحمها وإلا دار خالي ساعات
وبطلب منهم ما نروحش هكاك ، ولما نروح ونلقاهم مدايرين عشا قدهم قد روحهم
والله تعجبني بزااااف ، تحس روحك كلي واحد من الدار
ومن جهة أخرى عندنا في العائلة لما يتلمو الأخوات مثلا في دار باباهم
لازم كل وحدة تجيب حاجة معاها باه ما يتقلوش على أهل الدار
وهكا منها صلة رحم ومافيهاش استغلال
هادا من جهة ومن جهة أخرى لما ذكرت كلمة اللمة والله قلبي وجعني
لأنو دركا ما بقات لمة وما بقات أسرة وما بقات قرابة
إلا من رحم ربي ، لي يجيك ويسقسي عليك إلا لحاجة تخصو
ساعات تلقى شخص ما يتصلش بيك قريب من نهار استقلت الجزائر
ومبعد يعيطلك ويتفكرك بلي راك عايلتو وهو باه تفريلو أمورو
دركا ولا كل شي مصالح ومن كل النواحي

بالنسبة لأسئلتك
اين هو دور الاباء في لم شمل ابناءهم واحفادهم ؟؟
ولكن حتى نقضي على هذه الظاهرة ما هي الحلول المقترحة ؟؟ في رأيكم انتم ؟؟
هل هذه الظاهرة منتشرة عندكم ؟؟
رايحة نجاوب على الأسئلة دفعة واحدة ^^
هاد الظاهرة أكيد منتشرة في كل بلاصة وخاصة عند الناس لي تمشي بالمصالح وتفكر في نفسها قبل الغير
وهاد الظاهرة في رايي ما تقدرش تقضي عليها لأنو طبيعة في الناس وماتقدرش تنحيها
لي يجيك ويجيب ولادو ويعدي عندك عطلة باطل وما يفهمش روحو
واش تقولو ؟؟ راهو هو بعد ماش محترم روحو
يدهرلي الحل تكون صريح وتقولهالو في وجهو وخلاص ههه لأنو الناس ناقصة تربية حاشاك وحاشا لي يسمع
أما بالنسبة لدرو الآباء ، أنا نشوف أنو البنت ولا الإبن أفضل مكان يقدرو يجتامعو فيه هو بيت الاب
يعني لازم هاد الاب يستقبل أولادو وأحفادو لأن الدنيا فانية اليوم نشوفو بعضنا وغدوة لا
لأنو كاين آباء حرموا بناتهم وولادهم المتزوجين باه يزوروهم وهكا تقطع صلة الرحم وكل واحد يموت وحيد في بلاصة
ومن جهة أخرى هاد الابناء على العموم ولا هاد الضيف على الخصوص
لازم يفهم روحو مثلا لما يجتامعو كل شخص يعاون بحاجة باه ما يكونوش تقال وهكا تكون صلة رحم وواحد
ما يستغل الآخر

ان شاء الله ما نكونش خرجت على الموضوع وعلابالي طولت اسمحلي
تحياتي الخالصة لك ^^​

 

[الامين محمد]

رد: '' ظاهرة غريبة انتشرت بكثرة ... '' == دخولكم ضروري ==

ههههههههههههههههه
عـgيييييييد لازم يكون قلبك كبير
​

 

[mohamed_sys]

رد: '' ظاهرة غريبة انتشرت بكثرة ... '' == دخولكم ضروري ==

للأسف أصبح الطمع عامِِ لقلوب البشر و لم يعد للايمان في قلوبهم مكان يسنحقه
و نطلب من الله عز و جل ان يهدينا لما في الخير للجميع​

 

[أم أحمــــد يــسّ]

رد: '' ظاهرة غريبة انتشرت بكثرة ... '' == دخولكم ضروري ==

السلام عليكم...
اسمع ممكن بالظاهرة لكنها. ماكانش عندنا...
الضيف مرحبا بيه في اي وقت لكن لم ارى من يطيل المكوث حتى يصير مزعجا..
اما عن صلة الرحم فبدون فخر احنا بيت عايلة ويقولولها ” الزاوية” يعني ديما دايرين حساب الضيف
ومرحبا بضياف ربي واكيد ربي يرزق مول الدار ومول برا...لكن تصدقوني لو قلتلكم راحت النية. كنا زكان نشوفو الاهل والاقارب ديما ملمومين
وفي العيد ربي يبارك والكل زاهي مي خسرت النية وولى كل واحد لاهي بهمو .. للاسف
كانت بيت العايلة يتسمع صداها من بعيد وولات تقتصرعلى الابناء والاحفاد هذا اذا ماتخلفش البعض بحجة العمل والبعد...
ربي يجيب الخير وخلاص...

 

[هآلة]

رد: '' ظاهرة غريبة انتشرت بكثرة ... '' == دخولكم ضروري ==

هههههههههههههه

والله ضحكتني و فكرتني في مخاليق كانوا هكــ .. هههه
ايه والله أخي العَزيز .. موجودين عباد هكا !!
وكي يجيو يزيدو يتقل:dشوآ و يزوخوآ و احنا احنا .. و نديروا و كدآ .. الله يعافيينا
والله قلعوآ البنة تاع نعرضك و تعرضني .. و الواحد يخلي روحو عزيز شوياا
حتى زيارتوآ تولي منتظرة و ملييحة
يا حسرة يا حسرة كي كانت الزيارة محبببة .. ماشي غير مصلحة و تبلبيل فوق هاد الشي
ياو يا خويا ماراناش بخيير انا نقولها هادي ديماا ..
الله يسترنا و يحفظنا .. و يهديناا
شكرا لكــــ على الطرح و الجهد .. ​

 

[جليلوس]

رد: '' ظاهرة غريبة انتشرت بكثرة ... '' == دخولكم ضروري ==

لي عودة للنقاااش ... فمعذرة منكم
تحيتي للجميع
​