jattend vos conseille sur la spécialité anglais !???

[amina-amina]

Bnsr les Etudiants de anglais bon douka vraiment ani me7tajetkom : jai eu mon bac cette année et j'était sientifique mais sincerment ana khamemt m3a9li w bgit ngoul winhi la spécialité li fihaaa avenire w li rahi bcp demandé ces derniers temps alors banetli anglais mais 7ta ldorka w jai le droit pour changer donc ani 7abetkom tjawbouni 3ma had les question dyawlou SVP !!
1)es que kirani sientifique rah nnghben f had la specialité puisque les autrs sont littérature ?
2) es que nebdou kamel kif kif quelques soit sienctifique ou bien langues nebdaw kamel la langue kif kif ?
3)bach tens7ouni nebda negra f had sayf pour la premiére année en fac anglais ?
4) es que yjikom des concoure ou bien des bourse étrangere w genaralment litkharjou wach rahom ydirou douka ??!
MERCIII
:regards01:VOTRE SŒUR AMINA

 

[السلطانة]

رد: jattend vos conseille sur la spécialité anglais !???

اهلا وسهلا اختي ربي يوفقك ان شاء الله

منظنش تلقاي صعوبة في الانجليزية

بالعكس

كانو يقراو معايا علميين في الادب العربي كانو الله يبارك عليهم اسرع في الفهم

ان شاء الله يعاونوك بقية الاعضاء

 

[sunrise]

رد: jattend vos conseille sur la spécialité anglais !???

انا كنت علمية ....ودرت انجليزية......بصح انا نقرى مدرسة عليا ما علاباليش اسكو كيف كيف مع الجامعة*المهم انا نقلك رايي
اختيارك موفق ....اللغات هي اكثر شيء مطلوب وبين الفرونسي ولونقلي ....النجليزية اسهل .....
الانجليزية ما فيهاش تعب ياسر في القراية ....اذا كان عندك شويا نيفو فيها من قبل .......
وحكاية بينكم وبين الادبيين .....الوقت لول ممكن تتعبي وتحسي روحك ناقصة عليهم....مي مع ما توالفي راه تلحقيهم....على خاطر العلميين اذكياء اكثر من الادبيين*مع احترامي لكل الادبيين*
بخصوص الدروس راح تبداو من الصفر يعني ما كانش علاقة بالدروس اللي قراوها الادبيين او العلميين ....
في هذا الصيف ...حاولي تقراي ياسر كتب .......تسمي فيديوات اوقلي ...وتتفرجي افلام ......باه تكتسبي لغة ....على خاطر مبعد ممكن تلقاي صعوبة في التواصل مع الاساتذة ...
وبخصوص لي كونكور بعد التخرج الله اعلم ...انا السنة عندي سنة ثانية ......نتمنى الاخوة والاخوات يجاوبوك
هذا على حسابي انا والله اعلم
اذا حبيتي تسالي اي شيء انا في الخدمة

 

[amina-amina]

رد: jattend vos conseille sur la spécialité anglais !???

mecri bcp bcp khtitouuuuu pr les conseilles <3
bon courage a to mm

 

[amina-amina]

رد: jattend vos conseille sur la spécialité anglais !???

jattend plus de vos avies ! !!

 

[no one like me]

رد: jattend vos conseille sur la spécialité anglais !???

سلام اختي ،

اولا مبارك عليك الباك والاختصاص

اول حاجة مايهمش اذا علمية او ادبية كيما يهم اذا تحبي هذا التخصص او لا

اذا حبيتي الانجليزية راح تبدعي فيها بغض النظر عن المستوى راح تطوريه بسرعة ،كيما قالت اخت قبلي مبدئيا راح تبداو من البداية والدراسة في الجامعة مشوقة ،،،

في البداية راح نقلك واش تقراي و نقلك على كل مادة واش تقاي فيها
ولي موديل يختلفو من جامعة لجامعة لكن كاين مقاييس اساسية كيما

oral experssion and written experssion

كيما اورال راح يختلف على حساب الاستاذ كل استاذ واسلوبو لكن راح تقراو فيه الكلام والسمع

مقياس الكتابة في البداية راح تقراو انواع الجمل و الفقرات وما الى ذلك

grammar راح تبداو بحوايج بسيطة ( ساهل ويتطلب تركيز شويا )


linguistics او لسانيات راح تقاي على منشأ اللغة ،، زعما اللغة كيفاش جات والنظريات وحاجات هكا ، هذي تعتمد بنسبة كبيرة على الحفاظة و فيها الفهم ايضا

civilisation هنا كاين جامعات يختلفو كاين لي قراو تاريخ بريطانيا وكاين لي بدا بتاريخ اوربا قبل هذي كل جامعة وكيفاش لكن المهم والاهم هنا تاريخ بريطانيا و أمريكا ( هذا حفظ ويعجبني مشوق ايضا )

literature الأدب ثاني كل جامعة وكيفاش يقروه على الاغلب راح تبداو بانواع الادب اهميته والمدارس ،،،، ( مقياس مشوق )

phonetics صوتيات شحال يعجبني هاذ الموديل خفيييف وهايل ( تقراو في البداية كيما الليسي vowel n consonant

methodology هذا تع منهجية تقراو على البحوث وحوايج هكا
وكاين مقاييس اضافية

كيما اللغة الاجنبية راح تكون فرنسية ، المانية ، عربية ( كل جامعة وكيفاش )

وكاين اعلام آلي ثاني وممكن يكونو مقاييس اخرى كيما قتلك كل جامعة وتتبع نظام ،،،

بالنسبة للكونكور لازم تديري كونكور باش تولي استاذة او تكملي قرايتكك وتولي استاذة جامعية
اما عن المنح ماعنديش فكرة

بالتوفيق لييك ختيتو ​