حكايتي مع الماضي

[bilel milano]

بسم الله الرحمن الرحيم

انأ اليوم حاب نحكي لكم و نفرغلكم قلبي على حكاية صرت ليا

هي معندهاش مدة بالصح أثرة فيا ياسر حبيت نحكي لكم على غلطة درتها وبقات تبع فيا

انأ لدرك ما فرغت قلبي لواحد خليتها في قلبي و مقدر تش نحكاها بالصح هي دمرتني و

خلتني بلا مشاعر صحيح انو نحكي و نضحك قدام الناس وكيف تجي تشوف تلقاهم مجرد

اوهام بدون اطالة نحكيلكم حكايتي

حكايتي بدأت نهار 22/02/2015 لومنا هذا مقدر تش ننساه انأ كان عندي صاحبي ربي

يرحموا و يوسع عليه كان مسافر في رحلة

هو كان رابح لواحد من العائلة انأ كنت علبا لي بيه رابح و قالي نتلاقو و نقعدو كيف كيف

الليلة باه غدوة روح انأ قتلوا بالزهر

المهم انأ روحت كان عندي شوي دروس باه نراجعهم و واجب منزلي باه نكملهم تعرفوا

فالجامعة ادا فاتك درس ولا مكملتي واجب راح تخسر ياسر و انأ نسيت صاحبي بالكل

المهم انأ كنت تعبان قلت نرقد و غدوة نكمل المهم انأ رقدة من غدوة رحت للجامعة كملت

المحاضرات ناعي حتى نسمع فالناس تحكي على حادث جرى في جيجل وماتوا ياسر

ناس انأ قلت ربي يرحمهم و روحت كيف كنت مروح لقيت ياسر ناس حدى الدار تع صاحبي

انأ وسوست و تفكرت لحادث قلت نروح نسقي وش كابن و دعيت ربي انو يكون خير انأ

وصلت نلقى والدو يبكي مفهمت فاها والو قلت نسق سيهم لقبتهم كامل من العائلة تاعو

خفت

قلت نشوف ادا لقيت واحد نسقسيه وانأ نخمن لقيت واحد نعرفو سقسيتو قتلو وش كاين

قالي بلي راو في السبيطار وحالتو متفرحش بلاك يموت انا مصدقتش روحي فاك لحظة

وتفكرت طول كيف قلي أرواح نسهرو شوي انا مقدرتش نحكم روحي علبالكم الدمعة

حبست في عيني محبتش تهبط مفهمتش علاه ملقيت وش ندير غير ندعيلو انو ربي

يشفيه و كنت متاكد انو راح يرتاح رحت لدار مقدرتش ندير والو كاره كلش نستنى انو

يجيني لخبر صحيح برك فاتت اك ليلة بالسيف و النوم ماجانيش

المهم الصبحة رحت لدارهم ملقيت حتى واحد متصوروش قداه فرحت قلت بلاك رتاح و

راحو يزوروه

خممت وش ندير قلت نروح لجامعة نكمل المحاضرات تاعي و نروح نسقسي رحت

لجامعة وانا نهار كامل ندعي في ربي

انو نسمع عليه خبر مليح وللأسف واحد ما عطاني خبر عليه

كملت محاضراتي روحت لقيت الناس حدى الدار و القران مفهم تش فاك اللحظة اديكا

مقدرتش ندير والو مام الهدرة مقدرتش

جاني صاحبي قلي علاه محدرتيش لجنازة تاعو هو قالها و انا جسمي معدتش حاس بيه

و الهدرة تاع الناس معدتش سامعها

المهم سقسيت وش جرى

وثبتت مليح وفهمت كلش رحت عظمة ليهم الاجر وروحت ليلة كاملة و انا قاعد مقدرتش

ندير والو مام التخمام منيش نخمم راح نجن طلع النهار عيطلي واحد يكون ليه

قالي انو نتلاقو في القهوة نحكو شوي انا قلقت قلت غير الخير ان شاء الله و رحت تلاقينا

بدى يحكيلي و يفرغ في قلبو

وتم دهرة مشكلتي اني محسيتش بوالو مام و هو يحكيلي انا منيش حاس بوالو حتى

حكالي حكاية مفهمتش بقاة تتعاودلي في

راسي من اك نهار قالي علبالك كيف جرى ليهم الحادث هز التيلفون تاعو و عيط للوالدة و

قالاها راني راح نموت اسمحيلي ادا غلطت معاك و ادعيلي و ان شاء الله تكوني راضية

عليا انا قتلو مكانش منها اديا كيفاه هو في حالة موت و قدر يعيط لامو

انا قلقت فاك لحظة روحت طول مزدتش هدرت معاه حتى كلمة المهم نهار كامل جبتو

وحدي منحكي مع واحد مهمني في اي واحد

كلمني صاحبي قالي أرواح نروحو لدارهم نصبرو لوالد تاعو شوي راو مريض ياسر انأ

كنت حشمان منو كيف محضر تش

الجنازة

وليت خممت شوي قلت بلاك نروح باه ميقولش انو كان ميهمهمش رحنا ليه صبرناه شوي

متصوروش قداه فرح بينا

ومن بعد حكالنا لحكاية لي جرأت مع آمو قالينا انو آدا لي دمرني انو آمو باه تقلو راضية

عليك

رمت تليفون و عادة تبكي و تعيط على ولدها انأ تم باه صدقت متصور وش كيفاه فاتت عليا

اك الليلة راح نجن

فاتت ليام و تنحت عليا شوي بالصح شعوري متبدلش مهما جرى معايا نحس روحي كاره

كلش مكنتش مهتم بحتى واحد

كرهت الحياة بكل اتم المعنى انا كنت نصلي وندعيلو ديما وكنت علبالي انو مكتوب و
حتى كيف محظرتش الجنازة علبالي مكتوب

بالصح راو ديما ضميري يؤنب فيا وديما نتفكرها مقدرتش ننسى

نتمنى انو منكونش طولت عليكم

تحياتي

​

 

[Nina's]

رد: حكايتي مع الماضي

الله يرحموا و يوسّع عليه
و ربي يصبرك عليه ان شاء الله
قضاء الله و قدره ما نقدروش نتحكموا في حكم ربي سبحانو​

 

[abc.imane2009]

رد: حكايتي مع الماضي

الله يرحموا و يوسّع عليه
و ربي يصبرك عليه ان شاء الله
قضاء الله و قدره بصح والله بكيت كي قريت حكايتك ربي يصبررررررررررررررررك

 

[hadil2044]

رد: حكايتي مع الماضي

الله يرحمو ويجعل مثواه الجنة
الصديق كنز في هاد الدنيا وخسارتو حاجة شينة بزاف
بكيتني علبالك
ادعيلو بالرحمة ونحي من بالك هاد الوسواس هادا قضاء الله وقدره وانت مش دايرها بلعاني جات الاحداث فجأة وبسرعة ساعات ما تخليناش نستوعبو وش راهو صاري

كل ما تحس بالضيق صلي وادعيلو راح ترتاح واكثر من الاستغفار
​

 

[السلطانة]

رد: حكايتي مع الماضي

الله يرحمو ويوسع عليه

ربي يصبرك خويا


مكتوب ربي واش تدير

ادعيلو وتصدق عليه راح توصلو ان شا ءالله

 

[LINA LOLO]

رد: حكايتي مع الماضي

ربي يرحمو ويوسع عليه
وربي يصبرك خويا

 

[♫الباحثة عن الحظ♫]

رد: حكايتي مع الماضي

سلام عليكم خويا
ربي يرحمه ويسكنه فسيح جناته
و تبالي التاريخ راك غالط فيه المهم لا علينا
واش راح نقولك انا سبقت وعشت التجربة هادي
واعرة مي متخليهاش تحبس هاك وتتحكم فيك
مكتوب ربي والي يشد في ربي مش يخيبه
صاحبك راح يبقى ديما في بالك في بالك مي دنيا تمشي مش تتوقف
لازم نصبرو وربي يعينك
انا والدي توفى بغفلة هاك مزال حتى لدورك مرات نبقا ونقول يمن منامة مي واش راح ادير
الحمد لله على كلش

 

[bilel milano]

رد: حكايتي مع الماضي

مشكورين على المتابعة و دعواتكم فرحتني و حفزتني
متقدروش تصوروا الراحة لي حاس بيها درك
خويا حكيم انا شافي عليه النهار ادا معلاباليش
نتمنالكم كل خير و ان شاء الله ربي يفرج علينا و عليكم
وربي يفرحكم كامل
مشكورييييييييييين​

 

[BLEU PEARL]

رد: حكايتي مع الماضي

أنا نقرى والدمعة على خدي عشت معاك كل القصة حرف بحرف.
لا خويا ماتظلمش روحك
رانا كامل مرينا بتجربة الجامعة ومرارة امتحاناتها ودروسها
ربي يرحمو وتكون الجنة مثواه الله غالب قدر الله وماشاء فعل
أنا عشت تجربة تاني واعرة بزاف بموت جداتي وخاصة انها ودعتني وعارفة بلي تموت وهي تحتضر بين يديا وانا مش جايبة خبر ماتت وماقلتهاش اسمحيلي
المهم ربي يرحمها ويوسع عليها
الحكمة أننا المستقبل مش بيدينا حنا جامي فرطنا فلعزاز ربي يرحمهم
فقط لاتنسى زيارة قبره والتصدق عليه
ربي يعوضك أخي
والسلام عليكم

 

[bilel milano]

رد: حكايتي مع الماضي

مشكورة ان شاء الله المستقبل يكون افضل
وربي يرحموا ويجعل مثواه الجنة ان شاء الله
وربي يحفظكم كامل انا اليوم نقصتو عليا وجع كبير
مشكورين :regards01:​

 

[هدوء المطر]

رد: حكايتي مع الماضي

ربي يرحمو ويوسع عليه ويجعلو من أهل الجنة يا رب
ادعيلو خويا، تصدق عليه سراً، روح زور قبرو واحكي معاه بالاك ترتاح شوي
من قلبي ندعيلو بالرحمة ليه ولجميع الموتى، الله يغفرلهم ذنوبهم وهذي هي الدنيا كل يوم رانا نسمعو في عباد يموتو
ربي يحسن خاتمتنا إن شاء الله​

 

[ثَسْكُورْثْ نَثْدُوكْلِي]

رد: حكايتي مع الماضي

سلام عليكم خويا والله غير حكايتك بكاتني ومؤثرة

صح مكتوب ربي

مابقالك غير تدعيلو بالرحمة والمغفرة

ربي يرحمو

كل نفس ذائقة الموت


وربي يصبرك وعظم الله اجرك

بالتوفيق لك خويا

تحياتي

 

[Oussama.GF]

رد: حكايتي مع الماضي

حكايتي بدأت نهار 22/12/2015 لومنا هذا مقدر تش ننساه انأ كان عندي صاحبي ربي
اخي حنا اصلا ميزال ملحقناش شهر ونتا راك تحكي عليه
صحح خطأ

 

[bilel milano]

رد: حكايتي مع الماضي

ان شاء الله ربي يحسن خاتمتنا و ربي يغفر لينا و ليكم و جميع الاموات من المسلمين
نصاءحكم قيمة وتم اخذها في عين الاعتبار
مشكوريننننننن
​

 

[bilel milano]

رد: حكايتي مع الماضي

تم التصحيح اخي اسامة
مشكور على التذكير انا اثلا كنت نكتب و.......
يعني كنت شارد
مشكور مرة اخرى

 

[أم أُنٌَيسة]

رد: حكايتي مع الماضي

السلام عليكم

اللهمّ أبدله داراً خيراً من داره، وأهلاً خيراً من أهله، وأدخله الجنّة، وأعذه من عذاب القبر ومن عذاب النّار
اللهمّ عامله بما أنت أهله، ولا تعامله بما هو أهله
اللهمّ اجزه عن الإحسان إحساناً وعن الإساءة عفواً وغفراناً
اللهمّ إن كان محسناً فزد من حسناته، وإن كان مسيئاً فتجاوز عن سيّئاته
اللهمّ أدخله الجنّة من غير مناقشة حساب ولا سابقة عذاب
اللهمّ اّنسه في وحدته وفي وحشته وفي غربته
اللهمّ أنزله منزلاً مباركاً وأنت خير المنزلين
اللهمّ أنزله منازل الصدّيقين والشّهداء والصّالحين، وحسن أولئك رفيقاً
اللهمّ اجعل قبره روضةً من رياض الجنّة، ولا تجعله حفرةً من حفر النّار
اللهمّ افسح له في قبره مدّ بصره، وافرش قبره من فراش الجنّة
اللهمّ أعذه من عذاب القبر، وجفاف ِالأرض عن جنبيها
اللهمّ املأ قبره بالرّضا والنّور والفسحة والسّرور
اللهمّ إنّه في ذمّتك وحبل جوارك، فقِهِِ فتنة القبر، وعذاب النّار، وأنت أهل الوفاء والحقّ، فاغفر له وارحمه إنّك أنت الغفور الرّحيم
اللهمّ إنّه عبدك وابن عبدك خرج من الدّنيا وسعتها ومحبوبها وأحبّائه فيها إلى ظلمة القبر وما هو لاقيه
اللهمّ إنّه كان يشهد أنّك لا إله إلّا أنت وأنّ محمّداً عبدك ورسولك وأنت أعلم به
اللهمّ إنّا نتوسّل بك إليك، ونقسم بك عليك أن ترحمه ولا تعذّبه، وأن تثبّته عند السؤال
اللهمّ إنّه نَزَل بك وأنت خير منزولٍ به، وأصبح فقيراً إلى رحمتك وأنت غنيٌّ عن عذابه
اللهمّ آته برحمتك ورضاك، وقهِ فتنة القبر وعذابه، وآته برحمتك الأمن من عذابك حتّى تبعثه إلى جنّتك يا أرحم الرّاحمين
اللهمّ انقله من مواطن الدّود وضيق اللحود إلى جنّات الخلود
اللهمّ احمه تحت الأرض، واستره يوم العرض، ولا تخزه يوم يبعثون "يوم لا ينفع مالٌ ولا بنون إلّا من أتى الله بقلبٍ سليم"
اللهمّ يمّن كتابه، ويسّر حسابه، وثقّل بالحسنات ميزانه، وثبّت على الصّراط أقدامه، وأسكنه في أعلى الجنّات بجوار حبيبك ومصطفاك (صلّى الله عليه وسلّم)
اللهمّ أمّنه من فزع يوم القيامة، ومن هول يوم القيامة، واجعل نفسه آمنة مطمئنّة، ولقّنه حجّته
اللهمّ اجعله في بطن القبر مطمئنّاً وعند قيام الإشهاد آمن، وبجود رضوانك واثق، وإلى أعلى درجاتك سابق
اللهم اجعل عن يمينه نوراً حتّى تبعثه آمناً مطمئنّاً في نورٍ من نورك
اللهمّ انظر إليه نظرة رضا، فإنّ من تنظر إليه نظرة رضا لا تعذّبه أبداً
اللهمّ أسكنه فسيح الجنان، واغفر له يا رحمن، وارحمه يا رحيم، وتجاوز عمّا تعلم يا عليم،
اللهمّ اعف عنه فإنّك القائل "ويعفو عن كثير"
اللهمّ إنّه جاء ببابك، وأناخ بجنابك، فَجد عليه بعفوك وإكرامك وجود إحسانك
اللهمّ إنّ رحمتك وسعت كلّ شيء فارحمه رحمةً تطمئنّ بها نفسه، وتقرّ بها عينه
اللهمّ احشره مع المتّقين إلى الرّحمن وفداً
اللهمّ احشره مع أصحاب اليمين، واجعل تحيّته سلامٌ لك من أصحاب اليمين
اللهمّ بشّره بقولك "كلوا واشربوا هنيئاً بما أسلفتم في الأيّام الخالية"
اللهمّ اجعله من الّذين سعدوا في الجنّة خالدين فيها ما دامت السموات والأرض
اللهمّ لا نزكّيه عليك، ولكنّا نحسبه أنّه أمن وعمل صالحاً، فاجعل له جنّتين ذواتي أفنان بحقّ قولك: "ولمن خاف مقام ربّه جنّتان"
اللهمّ شفع فيه نبيّنا ومصطفاك، واحشره تحت لوائه، واسقه من يده الشّريفة شربةً هنيئةً لا يظمأ بعدها أبداً
اللهمّ اجعله في جنّة الخلد (الّتي وُعد المتقون كانت جزاءً ومصيراُ لهم ما يشاؤون وكان على ربّك وعداُ ومسؤولاً)
اللهمّ إنّه صبر على البلاء فلم يجزع، فامنحه درجة الصّابرين الّذين يوفون أجورهم بغير حساب فإنّك القائل " إنّما يوفي الصّابرون أجرهم بغير حساب "
اللهمّ إنّه كان مصلّ لك، فثبّته على الصّراط يوم تزل الأقدام
اللهمّ إنّه كان صائماً لك، فأدخله الجنّة من باب الريّان
اللهمّ إنّه كان لكتابك تالٍ وسامع، فشفّع فيه القرآن، وارحمه من النّيران، واجعله يا رحمن يرتقي في الجنّة إلى آخر آية قرأها أو سمعها، وآخر حرفٍ تلاه
اللهمّ ارزقه بكلّ حرفٍ في القرآن حلاوة، وبكلّ كلمة كرامة، وبكلّ اّية سعادة، وبكلّ سورة سلامة، وبكل جْزءٍ جزاء.
اللهمّ ارحمه فإنّه كان مسلماً، واغفر له فإنّه كان مؤمناً، وأدخله الجنّة فإنّه كان بنبيّك مصدّقاً، وسامحه فإنّه كان لكتابك مرتّلاً
اللهمّ اغفر لحيّنا وميّتنا، وشاهدنا وغائبنا، وصغيرنا وكبيرنا، وذَكرنَا وأنثانا
اللهمّ من أحييته منّا فأحيه على الإسلام، ومن توفّيته منّا فتوفّه على الإيمان
اللهمّ لا تحرمنا أجره ولا تضللنا بعده
اللهمّ ارحمنا إذا أتانا اليقين، وعرق منّا الجبين، وكثر الأنين والحنين
اللهمّ ارحمنا إذا يئس منّا الطبيب، وبكى علينا الحبيب، وتخلّى عنّا القريب والغريب، وارتفع النّشيج والنّحيب
اللهمّ ارحمنا إذا اشتدّت الكربات، وتوالت الحسرات، وأطبقت الرّوعات، وفاضت العبرات، وتكشّفت العورات، وتعطّلت القوى والقدرات
اللّهم ارحمنا إذا حُمِلنا على الأعناقِ، وبلغتِ التراقِ، وقيل من راق وظنّ أنّه الفراق والتفَّتِ السَّاقُ بالسَّاقِ، إليك يا ربَّنا يومئذٍ المساق
اللهمّ ارحمنا إذا ورينا التّراب، وغلقت القبور والأبواب، وانقضّ الأهل والأحباب، فإذا الوحشة والوحدة وهول الحساب
اللهمّ ارحمنا إذا فارقنا النّعيم، وانقطع النّسيم، وقيل ما غرّك بربّك الكريم
اللهمّ ارحمنا إذا أقمنا للسؤال، وخاننا المقال، ولم ينفع جاهٌ ولامال ولا عيال، وقد حال الحال، وليس إلّا فضل الكبير المتعال
اللهمّ ارحمنا إذا نَسي اسمنا، ودَرس رسمنا، وأحاط بنا قسمنا ووسعنا
اللهمّ ارحمنا إذا أهملنا فلم يزرنا زائر، ولم يذكرنا ذاكر، وما لنا من قوّة ولا ناصر، فلا أمل إلّا في القاهر القادر الغافر، يا من إذا وعد أوفى، وإذا توعّد عفا، وشفّع يا ربّ فينا حبيبنا المصطفى، واجعلنا ممّن صفا ووفا، وبالله اكتفى، يا أرحم الرّاحمين، يا حيّ يا قيّوم، يا بديع السموات والأرض، يا ذا الجلال والإكرام
اللهمّ إنّه عبدك وابن عبدك وابن أمتك مات وهو يشهد لك بالوحدانيّة ولرسولك بالشّهادة فاغفر له إنّك أنت الغفّار
اللهمّ لا تحرمنا أجره، ولا تفتنّا بعده، واغفر لنا وله، واجمعنا معه في جنّات النّعيم يا ربّ العالمين
اللهمّ أنزل على أهله الصّبر والسلوان وارضهم بقضائك
اللهمّ ثبّتهم على القول الثّابت في الحياة الدّنيا، وفي الآخرة، ويوم يقوم الإشهاد
اللهمّ صلّ وسلّم وبارك على سيّدنا محمّد، وعلى اّله وصحبه وسلّم إلى يوم الدّين

لا اله إلا الله وحده لا شريك له . له الحمد وله الشكر وله الفضل وله الثناء الحسن يحيي ويميت بيده الخير وهو على كل شيء قدير . لا اله إلا الله لا نعبد إلا إياه مخلصين له الدين ولو كره الكافرون ولا حول ولا قوة إلا بالله . اللهم صلى الله على سيدنا محمد خاتم النبيين والمرسلين عليه افضل الصلاة أتم التسليم .


اللهم واظله تحت عرشك يوم لا ظل الا ظلك ولا باقي الا وجهك . اللهم بيض وجهه يوم تبيض الوجوه وتسود وجوه اللهم يمن كتابه . اللهم وثبت قدمه يوم تزل فيها الاقدام . اللهم اكتبه عندك من الصالحين والصديقين والشهداء والاخيار والابرار . اللهم اكتبه عندك من الصابرين وجازه جزاء الصابرين .

اللهم انقله من ضيق اللحود ومن مراتع الدود الى جناتك جنات الخلود لا اله الا انت يا حنان يا منان يا بديع السموات والارض تغمد ( المتوفي ) برحمتك يا ارحم الراحمين


اللهم يا باسط اليدين بال****ا يا قريب يا مجيب دعوة الداع اذا دعاه يا حنان يا منان يا رب يا ارحم الراحمين يا بديع السموات والارض يا احد يا صمد اعطي (المتوفي ) من خير ما اعطيت به نبيك محمد صلى الله عليه وسلم عطاء ماله من نفاد من مالك خزائن السموات والارض . عطاء عظيما من رب غظيم . عطاء ماله من نفاد عطاء انت له اهل عطاء يليق بجلال وجهك وعظيم سلطانك

و يا اخي انا لله وانا اليه راجعون
كل نفس ذائقة الموت
قدر الله و ماشاء فعل
ربي يكون في عون اهلوا وعونك ان شاء الله
و الله يعلم مافي القلوب اخي​

 

[bilel milano]

رد: حكايتي مع الماضي

وعليكم السلام
وان شاء الله يجعل مثواه الجنة
مشكورة اختي على الدعم
تحياتي :regards01:​

 

[zineb dz]

رد: حكايتي مع الماضي

السلام عليكم
اخ بلال و الله دمعتي نزلت كي قريت الحكاية
بصح هذا قضاء و قدر و لازم تقبل بيه
​

رحمة الله عليه و على جميع الموتى

 

[صلوا على النبي]

رد: حكايتي مع الماضي

ربي يرحمو ويوسع عليه
البراكة فيك انت ربي يطول في عمرك
صح حاجة تبكي كي نخسرو انسان نعزوه

 

[Hakan]

رد: حكايتي مع الماضي

الله يرحمه برحمته
ويسكن فسيح جنانه
ادعيلو انت لانو في دعائك له خير كثير ربي يرحمو ويوسع قبرو ​