الحجاب

[عبير الجنان]

السلام عليكم اخوتي ان شاء الله تكونو ملاح

اليوم و انا مريحة نتفرج في التلفزيون شفت هاك قعدة تاع نساء في الاستوديو و المشكل اين~؟؟؟ انو ولا واحدة فيهم دايرة خمار حبيت نسخسيكم ياك هاذي بلاد مسلمة ولا واش؟؟؟ و ربي سبحانو امر المرأة بالحجاب فأين هوا الحجاب؟؟؟؟؟؟:down:
وليت كي نكون نمشي فالولايات الشماية و الغربية ما نشوفش على الاقل 10 نساء دايرين الخمار وين ولينا يا ناس؟؟؟ ولاو اغلب البنات يمشو بلباس غير محترم و بدون حجاب او خمار :s راني نستنا في ردودكم يا احبابي و الله حا نهبل ................................................

 

[همس الوُرود]

رد: الحجاب

السلآم عليكم ~

هدآنآ الله وإيآكم لمآ فيه خير ~

لآ يمكنني أن أتكلم أكثر في هدآ الموضوع فالقلب انفجر ولآ زآل يسيل ألمآ على مآ تحدثت فيه أختي ~

حتى المتحجبآت و أصبحن يبدعن في لبس القصير و ..

عآفآنآ الله و سلآمي​

 

[حكاية قمر]

رد: الحجاب

موضوع أسال الكثير من الحبر ولكن للأسف بعضهن لا يدركن أن الحجاب فرض ع المسلمة
سرتنا الله وبنات المسلمين
شكرا ​

 

[NASRO DZ]

رد: الحجاب

السلام عليكم
موضوع مهم اختي عبير

نبدا
صرحتا في وقتنا هذا كاين بنات بزززاف لا يلبسن الحجاب
لا اعرف لماذا
مع انا الحجاب سترة المراءة المسلمة يسترها من كلشىء
واوصى رسول الله بالحجاب
فكيف تكون البنت مسلمة وهي لاتلبس الحجاب

قال تعالى : ( وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلا يُبْدِينَ زِينَتَهُنَّ إِلا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ وَلا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ وَتُوبُوا إِلَى اللَّهِ جَمِيعاً أَيُّهَا الْمُؤْمِنُونَ لَعَلَّكُمْ تُفْلِحُونَ ) النور/31
​

 

[NASRO DZ]

رد: الحجاب

وقال تعالى : ( وَالْقَوَاعِدُ مِنَ النِّسَاءِ اللَّاتِي لا يَرْجُونَ نِكَاحاً فَلَيْسَ عَلَيْهِنَّ جُنَاحٌ أَنْ يَضَعْنَ ثِيَابَهُنَّ غَيْرَ مُتَبَرِّجَاتٍ بِزِينَةٍ وَأَنْ يَسْتَعْفِفْنَ خَيْرٌ لَهُنَّ وَاللَّهُ سَمِيعٌ عَلِيمٌ ) النور/60 . ​

 

[لؤلؤة قسنطينة]

رد: الحجاب

و عليكم السّلام أختي وشكرا على الموضوع ^^
أولاً وقبل كل شي , أنتِ احتجيتي على البنات لي ماش مدايرين الحجاب لأنو رانا أمة مسلمة
أنا نقول ومن رايي غير ما يديروش الحجاب ويقعدو هكاك
باه تلبسيلي فيزو وتريكو دومي مونش وشعرك على برا وتقوليلي حجاب
في رايي اقعدي هكاك خير, يتمسخرو بالحجاب وعلى المباشر
( حاشا لي ما يستاهلش )
أما في ما يخص الموضوع تلقايها تقولك أنا مازال ما اقتنعتش بالحجاب
سبحان الله ؟؟ هادا راجل جا يخطبك و قلنالك اقبلي بيه؟؟
هادا راهو أمر من ربي , كيما الصلاة وكيما الصوم
أنو المرأة لما توصل سن معين لازملها سترة وعفة
والحجاب هو خير حافظ للبنت المسلمة , وإذا ما قنعتيش اضربي طلة على القرآن ودرك تعرفي واش معناها الإقتناع
وزيد هنا نقص الثقافة الدينية ولي لازم تبداها الأم مع بنتها من الصغر
درك والله الأم نفسها تمنع بنتها من الحجاب
كاينة وحدة تقرا معايا في الجامعة والله ماشي محجبة لكن لبستها مستورة ما شاء الله ناقصها غير الحجاب
وماشي من النوع تاع ماكياج ولا نهار كامل وهي تعس في شعرها
مرة نصحتها قلتلها أمينة ختي نتي ما شاء الله تربية وأخلاق وظرافة خاصك غير الحجاب وتولي ما شاء الله
قاتلي والله هاداك واش متمنية بصح ماما قاتلي عيشي حياتك ساع ومن بعد اتحجبي
أنا حرت كي قالتلي هكاك , وبقيت كل يوم نتمنالها تلبس الحجاب ودارتلنا مفاجأة وورا عطلة الربيع دخلت متحجبة وحجاب طويل ما شاء الله, والله فرحتلها من قلبي
ولدرك في العائلة تاعنا كامل عماماتي بناتهم مطلوقين هكاك وكي تتكلم معاهم على الحجاب تقولك بنتي حتى توصل للباك وتتحجب, ومن بعد توصل بنتها للباك تقولك حتى توصل للجامعة, ولما توصل للجامعة تقولك حتى تتزوج
بركاونا من التمسخير, إذا كانت الأم نفسها تشجع في بنتها على اللبس الفاضح بدل السترة يسما ما بقاتش دنيا


أنا نشفى عليها من لي كنت نقرا في الابتدائي كانت ماما تحكيلي على الحجاب, بينتلي من الصغر بلي هادي حاجة فرض كيفها كي الصلاة ماشي حتى نقتنع ونخير بين رايي وراي ربي سبحانو, من الصغر كنت نشوف صورتي كبيرة ومحجبة

بصح درك مهما وتتحجب بنتها تزيد تولي فتنة كتر وكتر , درك نص البنات ولاو يتحجبو خاطر شافو اللبسة المزركشة والفاضحة عند المحجبات كتر من لي بلا حجاب

مرة طفلة كانت تقرا معايا في المتوسط قاتلي حابة نتحجب , فرحتلها وقلتلها ماتلقايش لي يسترك قد الحجاب, علابالك واش قالتلي ؟؟ قالتلي شعري قلقني كل صباح لازم نمشطو , ماشي كيما نحجب نتهنا منو
درك واش نقولها هادي ؟؟ أصلا الحجاب و حابة ديرو لمصالح ماشي سترة ليها , على هادي يفسد معنى الحجاب وتفسد قيمتو

اسمحيلي ختي طولت عليك ويسمحولي بنات اللمة لي محجبة ولا ماش محجبة بالاك زدت في الكلام
سامحوني بزاااف وربي يستر على الجميع ويرزقكم العفاف يا رب
تحياتي للجميع​

 

[Ønlÿ Mę]

رد: الحجاب

السلام عليكم
ايه اختي
واش راح ديري بززاف بنات كما هاك لازم ننصحوهم ونفكرهم بلي الحجاب لازم والله اوصى به

تمنيت لو ممكن ان نديرو جمعية اسمها الحجاب في الشارع باش ناس ترجع تلبس الحجاب
وشكرا على الموضوع رائع

​

 

[maryama louma]

رد: الحجاب

الله يهدينا لؤلؤة قسنطينة بردتلي قلبي ماعندي مانزيد

 

[lina algeria]

رد: الحجاب

السلام عليكم أختي نشكرك على طرح هذا الموضوع المهم .... أنا عندي 3 صديقات مايلبسوش الخمار و المهم الله يهديهم بصح لوكان نقلك يا أختي جد محترمات في اللباس ( حتى في الحرارة ما يلبسوش ملابس بدون أكمام) و الصلاة الوقت ما يفوتش خوه.....أنا في رأيي حتى لي مشي دايرين حجاب المهم يلبسو ملابس محتر مة محت رمة هذا ما في الأمر ... أما بالنسبة للحجاب الشرعي فهذا فرض لكن يتعلق بقناعة البنت الشخصية و لازم نديرولو قدرو ماشي كيما بعض البنات تلبس الخمار مع ملابس غير لائقة:down: (ليس كل البنات بل البعض ) بالنسبة ليا نفضل بنت ماشي لابسة خمار و ساترة روحها أحسن من وحدة مغطية شعرها و كاشفة عن كل جسمها بملابس فاضحة و هو فرض على كل فتاة و هذه حقيقة لا يمكن انكارها أبدا...هذا مجرد رأي :regards01:

 

[Hakan]

رد: الحجاب

يااختي واشمن حجااب و واشمن سترة
راكي تشفاي نهارات الاولين كي دخل التيليفون
كان غير الجد الاكبر يستعملو
ومن بعد طورت الحاالة رجع الهاتف النقاال وكانت النخوة عندنا
كيفااش الطفلة تستعمل تيليفون وماهوش رااجل يلي اختو تستعمل تيليفون
ومن بعد راحت وجات الانترنت وهكذا اللي تجي تنسيك في اخرى
يعني بمفهوم اخر بكري من كان عمري 6 سنوات كنت ياحسرااه صعيب باش نلقى طفلة ماشي دايرة حجااب لما كان الحجاب بحقو لا زواق لا اكسسوارات لا الوان لا والو
مي دركاا راهم يعجبو في الحجااب
علابالك عندي نهارين ديت جداتي للمستشفى كي هبطلها الضغط علابالك شفت طفلة صغيرة داايرة النقاب وفاتت عليا ما نحكيلكمش على الشعور نتاعي والله غير جلدي شوك وقريب عشقت الطفلة هادي

ايه يازمان الراجل رجع يحشم من لبسة النسااء
وراجل يشوف في ختو تلبس اللبسة العياانة ولاعبها سيد الرجال
ويعس في المتحجبات هادي فيها وهادي عليها
يااختي الفيزو ما خلاناش نخمو في الحجااب طول يعني ملابس يندى لها الجبين نهار نشوف طفلة لابسة كيما هاك نقول والله غير يستاهلو كثر من دااعش ياجدك يخرجولك الدماار والنار من القلب
السروال مزير عليها وين رايحة يابنت النااس
ياصرعووفة يا هماج ياقلة حيااء وين رايحة بهذا الفسق وين هبلتي طايرة في السماء ما تخافي رب ما تحشمي من رجال اذا خوك وباباك ماهمش رجال كاين الرجال اللي يحشمو منك ويخافو عليك من الذياابة
والله غير نهار نشوف شاب يتبلى في كاسية عارية تخرج روحي ماشي على جال باباهاولا خوها لكن علاجالها هياا كاين الله غالب فتحت عينيهاا على التعري ما تعرف والو لكن الحيوانات نتاوعنا يقيسو باللبسة نتاع الطفلة ومن بعد يروح الشرف نتاعها شكون بوها وشكون خوها نهار تكون في بيوت الدعارة وبيوت الخمااج ومن راجل لراجل وعلى جال واش على جال لبسة اشتهات فيها كانت قادرة تلبسها في بيتهم
البسي في بيتك واش حبيتي لكن على السوايع نتاع القرايا والسوايع نتاع العمل البسي حاجة مستورة تبعد عليك الذباب من الرجال الشهوانيين واسمحولي راهو خارج قلبي سلاام


والله والله يالبنات يلي تلبسو في العرى والله غير نحاسبوكم عند ربي باسكو ما خليتونااش
نتريقلو وانتوما سباب الضعف نتاعنا واللي تقلي غض البصر نقلهاا عاونيني ماشي يحطوني في حاافلة الروايح والعرى اللي تشوف في رجليها اللي تشوف في شعرها اللي تشوف في اشيااءاخرى لا تذكر لاحترام المكان ومن بعد تقولولي غض البصر ربي يهدينا سلاام​

 

[Oussama.GF]

رد: الحجاب

هاذه مشكلة كبيرة في بلادنا لو كان جايت رئيس دولة
لدى او قرار حين خروج مرأة من منزل لازم تخرج بي حجاب وخمار وتكون ساترة روحك
والله دايما يفوتوا عليا بنات مش متحجبين نحشم نهبط راسي قدامهم وهوما تقول ما صرا والوا يكملوا طريقهم وهما ماهمش لابسين حجاب
اختي المح**** استري على اقل روحك بي حجاب وخمار حين خروجك من منزل

 

[stelllo]

رد: الحجاب

ربي يهديهم ان شاء الله

 

[ضآحكة مستبشرة]

رد: الحجاب

بدون تعليق
انا عن نفسي محجبة منذ كان عمري 12 سنة
اما عن البقية ربي يهديهم​

 

[mà_dikrà]

رد: الحجاب

أنا متحجبة وأفتخر
البقية الله يهديهم

شكراً ع الموضوع^^​

 

[أم أُنٌَيسة]

رد: الحجاب

السلام عليكم و رحمة الله تعالى و بركاته
بارك الله فيكي و جزاكي خيرا اختي الغالية
و يا حبيبتي لؤلؤة ، اسم على مسمى ماشاء الله
والله حكيتي واش في قلبي و عقلي و روحي ، جزاكي الله خير الجزاء
بارك الله في الاخت و جزاكي خيرا للموضوع و مشاعركي غاليتي
و الله نفس الاحساس و نحكيوا وكانوا نحكيو مع الحيط
ربي يهدينا فقط
تحياتي​

 

[Me too]

رد: الحجاب


وعليكم السلام
عندك الحق يا اخت
نسبة الحجاب قليلة جدا في الجزائر حتى في البلدان العربية
وهذا بسبب التمسك بالحضارة الغربية واللباس الغربي
ربي يهديهم ولات المتحجبة في نظر الاخرين وحدة متخلفة ومعقدة
قال صلى الله عليه وسلم "جاء الاسلام غريبا ويعود غريبا فطوبا للغربا "
ونقول لكل متحجبة انك متخلفة في نظر الفاسقات ومتطورة في نظر الاسلام وربي سبحانه وتعالى

 

[خفيفة الروح]

رد: الحجاب

انا دايرة الحجاب و نفتخر بيه لانه سر جمال المراة

 

[بنت الـ25]

رد: الحجاب

السلام عليكم ، القلب معمر والراس مدمر
هداك نهار جيت فايتة على بعض الشباب ولابسة والحمدلله حجاب شرعي ذو القطعة الواحدة بلون موحد مش مزرقط المهم نظيف وساتر
تخيلو وش قال أحدهما للآخر: شوف بصح زوالية وبنت فاميلية هادي تع دار صح
ههههههههههههه والله ضحكني (كون يسمعو المربح تاعي يكرفصو يرجعلو رجليه في زوج درواط خخخخخ)
قلت في قلبي : " الحمد لله اللي قال عليا زوالية (رغم ان بشهريتي قادرة نلبس أشيك موضة ونحط أرقى العطور وأغلى مكياج) وما قالش عليا ما تقشعر لها الأبدان اللي رجعنا نسمعوه كل يوم كي صباح الخير
لكن كلامو يبين بلي الحجاب والسترة بالنسبة ليهم ينم عن فقر أو تخلف واللي تلبس وتتشيك وتتعطر مرفهة وهوما بالاك كون يطلو عليها يلقاوها فالزلط تعوم
الحجاب رااااااح نهار لي رجع الخمار ملفوق والبانتاكور من لتحت مصداقا لقول الشاعر: ملفوق عمرو خالد ومن تحت الشاب خالد
دوكا وين تجي تحط عينك تلقاهم كيما قال أخي حكيم ، نعم أيها السادة المشاهدون إنهن الكاسيات العاريات اللواتي لا يدخلن الجنة ولا يشممن ريحها
والمشكل راهم حاسبين بلي راهم يعجبو فالناس ، وهوما للأسف ما يعجبو انس ما يعجبو جان، إنهم الأخسرون أعمالا اللي ما ربحوها دنيا ما ربحوها آخرة
يعيفو القلب، واللي يشوفهم يلعنهم وأكيد ربي من عالي سماه يلعن فيهم
ربي يهدي الأمة تعنا اللي راهي ماشية في التقليد الأعمى للغرب بحجة التقدم والتطور
ومن عندي نقولهم لو كان التحضر في العري فإن البهائم أسياد الحضارة والحديت قياس
​

 

[عبير الجنان]

رد: الحجاب

السلام عليكم ، القلب معمر والراس مدمر
هداك نهار جيت فايتة على بعض الشباب ولابسة والحمدلله حجاب شرعي ذو القطعة الواحدة بلون موحد مش مزرقط المهم نظيف وساتر
تخيلو وش قال أحدهما للآخر: شوف بصح زوالية وبنت فاميلية هادي تع دار صح
ههههههههههههه والله ضحكني (كون يسمعو المربح تاعي يكرفصو يرجعلو رجليه في زوج درواط خخخخخ)
قلت في قلبي : " الحمد لله اللي قال عليا زوالية (رغم ان بشهريتي قادرة نلبس أشيك موضة ونحط أرقى العطور وأغلى مكياج) وما قالش عليا ما تقشعر لها الأبدان اللي رجعنا نسمعوه كل يوم كي صباح الخير
لكن كلامو يبين بلي الحجاب والسترة بالنسبة ليهم ينم عن فقر أو تخلف واللي تلبس وتتشيك وتتعطر مرفهة وهوما بالاك كون يطلو عليها يلقاوها فالزلط تعوم
الحجاب رااااااح نهار لي رجع الخمار ملفوق والبانتاكور من لتحت مصداقا لقول الشاعر: ملفوق عمرو خالد ومن تحت الشاب خالد
دوكا وين تجي تحط عينك تلقاهم كيما قال أخي حكيم ، نعم أيها السادة المشاهدون إنهن الكاسيات العاريات اللواتي لا يدخلن الجنة ولا يشممن ريحها
والمشكل راهم حاسبين بلي راهم يعجبو فالناس ، وهوما للأسف ما يعجبو انس ما يعجبو جان، إنهم الأخسرون أعمالا اللي ما ربحوها دنيا ما ربحوها آخرة
يعيفو القلب، واللي يشوفهم يلعنهم وأكيد ربي من عالي سماه يلعن فيهم
ربي يهدي الأمة تعنا اللي راهي ماشية في التقليد الأعمى للغرب بحجة التقدم والتطور
ومن عندي نقولهم لو كان التحضر في العري فإن البهائم أسياد الحضارة والحديت قياس
​

:up::up::up::up::up::up::up::up::up::up::up::up::up::up::up:

 

[خفيفة الروح]

رد: الحجاب

انا من الناس لي متحبش تلبش الروال باسكو انا دايرة الحجاب و نشاله ربي يهديه ويديرو الحجاب