- إنضم
- 7 جويلية 2010
- المشاركات
- 2,386
- نقاط التفاعل
- 1,948
- النقاط
- 111
- محل الإقامة
- الجزائر العاصمة
- الجنس
- أنثى
السلام عليكم و رحمة الله و بركآته
عندي بزاف ما فرغتش قلبي, راه تعمّر بزاف
حبيت نحكيلكم واحد الحكاية قريب كامل البنات جازو عليها بصّح كاين لي كانت فايقة و جازت عليها بردا و سلاما و كاين لي نية و طاحت فالفخ بسهولة
انا كي كنت صغيرة كنت بزاااف عاقلة مع الناس, كامل يحبوني سورتو المعلمة تاع الابتدائي هه كنت نية بزاف و ما نعرف فالدنيا والو, حتى نهار طلعت لسيام, قولو 11 ولا 12 سنة في عمري برك, كنت مازالني صغيييرة بزاف, المهم واحدة صغيرة و جاية لدنيا و شفت الناس تلبس و تماكيي و تهدر فالتيليفونات آآو وشنو هذا, انا خواتاتي جامي شفتهم هكا
مع الوقت تعرفت على جماعة تاع البنات, هذيك الجماعة تاع الزواخات لي يلبسو و يخرجو و تلقاهم كامل على علاقات, وليت ندور معاهم كي البهلولة, نهار ارواحي نخرجو و نهار هاكي تهدري فالتيليفون, و نهار علاش ما تلبسيش قصير, مع الوقت وليت نتبعهم في كلش, و جيتهم سهالة كي صغيرة و بهلولة -_-
سمعت ماما و شافت بنتها لي كانت تحشم تلبس القصير و المزير رجعت هي تحب تشريه الوغ حكمتني و قالتلي يا بنتي كي تكبري تندمي و حاجة ما تدوملك فالدنيا غير رضايىة ربي, قلتلها ماما راني كبيرة و نعرف صلاحي, لحقت حتى رجعت نجيب هاذوك البنات لدّار و ماما تحاوزهم و انا ندير فيها حالة مسكينة باسكو هذاك الوقت كنت حاسبة روحي انا لي عندي الحق’ بصح مع الوقت و مع لي بديت نكبر و نفهم, عرفت بلي ماما عندها الحق, و هاذوك البنات ضيعوني و ضيعولي قرايتي لي كانت من 16 و 17 ما تهبطش رجعت بسيف باش نجيب 10 ولا 11
بديت نجبد في روحي و و الله ما حبّو يطلقوني لوكان ما خرجتلهمش طاي طاي تاع يا بنات الناس قيلوني راني حابة نتوب خلاااص,
بصّح عرفت بنات داوهم معاهم فالرّجلين و مازالهم لدرك يتبعو فالشوفات الخاطيين
و انا درك باش نسمّي وحدة صحباتي و ندخّلها لدارنا يلزملها باسكو هذا الوقت الواحد رجع يخاف..
انا دركا الحمدلله عندي 2 حباباتي ما شاء الله عليهم, بالعكس كي نكون راح نغلط هوما يرجعوني لطريق الصحيحة و واقفين معايا بلي يقدرو عليها ربي يخليهم ليا
و شفت بلي فاللمة كاين بنات صغارات نحب نقوللهم ماشي لي تضحكلكم هذيك هي صحبتكم و ماشي لي تعاونكم هي صحبتكم, لالا كي تخيري صحبتك اعرفيها بلي بنت مؤمنة بربي و تصلي و تخاف على شرفها, و خذو راي يمآكم مآم ما يعجبكمش بصح راح يكون في صلاحكم
و ان شاء الله ما نكونش طولت عليكم
و السلام
عندي بزاف ما فرغتش قلبي, راه تعمّر بزاف
حبيت نحكيلكم واحد الحكاية قريب كامل البنات جازو عليها بصّح كاين لي كانت فايقة و جازت عليها بردا و سلاما و كاين لي نية و طاحت فالفخ بسهولة
انا كي كنت صغيرة كنت بزاااف عاقلة مع الناس, كامل يحبوني سورتو المعلمة تاع الابتدائي هه كنت نية بزاف و ما نعرف فالدنيا والو, حتى نهار طلعت لسيام, قولو 11 ولا 12 سنة في عمري برك, كنت مازالني صغيييرة بزاف, المهم واحدة صغيرة و جاية لدنيا و شفت الناس تلبس و تماكيي و تهدر فالتيليفونات آآو وشنو هذا, انا خواتاتي جامي شفتهم هكا
مع الوقت تعرفت على جماعة تاع البنات, هذيك الجماعة تاع الزواخات لي يلبسو و يخرجو و تلقاهم كامل على علاقات, وليت ندور معاهم كي البهلولة, نهار ارواحي نخرجو و نهار هاكي تهدري فالتيليفون, و نهار علاش ما تلبسيش قصير, مع الوقت وليت نتبعهم في كلش, و جيتهم سهالة كي صغيرة و بهلولة -_-
سمعت ماما و شافت بنتها لي كانت تحشم تلبس القصير و المزير رجعت هي تحب تشريه الوغ حكمتني و قالتلي يا بنتي كي تكبري تندمي و حاجة ما تدوملك فالدنيا غير رضايىة ربي, قلتلها ماما راني كبيرة و نعرف صلاحي, لحقت حتى رجعت نجيب هاذوك البنات لدّار و ماما تحاوزهم و انا ندير فيها حالة مسكينة باسكو هذاك الوقت كنت حاسبة روحي انا لي عندي الحق’ بصح مع الوقت و مع لي بديت نكبر و نفهم, عرفت بلي ماما عندها الحق, و هاذوك البنات ضيعوني و ضيعولي قرايتي لي كانت من 16 و 17 ما تهبطش رجعت بسيف باش نجيب 10 ولا 11
بديت نجبد في روحي و و الله ما حبّو يطلقوني لوكان ما خرجتلهمش طاي طاي تاع يا بنات الناس قيلوني راني حابة نتوب خلاااص,
بصّح عرفت بنات داوهم معاهم فالرّجلين و مازالهم لدرك يتبعو فالشوفات الخاطيين
و انا درك باش نسمّي وحدة صحباتي و ندخّلها لدارنا يلزملها باسكو هذا الوقت الواحد رجع يخاف..
انا دركا الحمدلله عندي 2 حباباتي ما شاء الله عليهم, بالعكس كي نكون راح نغلط هوما يرجعوني لطريق الصحيحة و واقفين معايا بلي يقدرو عليها ربي يخليهم ليا
و شفت بلي فاللمة كاين بنات صغارات نحب نقوللهم ماشي لي تضحكلكم هذيك هي صحبتكم و ماشي لي تعاونكم هي صحبتكم, لالا كي تخيري صحبتك اعرفيها بلي بنت مؤمنة بربي و تصلي و تخاف على شرفها, و خذو راي يمآكم مآم ما يعجبكمش بصح راح يكون في صلاحكم
و ان شاء الله ما نكونش طولت عليكم
و السلام
