زواج الأستاذ من تلميذته ... موضوع للنقاش

[جليلوس]

السلام عليكم
كيف حالكم لحباب اللمة ان شاء الله بخير
جئتكم اليوم بموضوع هااام ... وغريب نوعااا ما
الزوااااج ليس عيب فهو قدر ومكتوووب ... فهو إتمام نصف الدين
لكن ما لفت انتباهي منذ فترة ظاهرة تزوّج الأستاذ بتلميذته التي درست عنده، وصارت فيما بعد زوجته وأم أولاده..

:s:s:s كل يوم نسمعو العجب ...

هنااااك
صنف من الناس يراه عاديا كغيره من الزيجات ولا جديد فيه (رجل/امرأة/عقد شرعي).
وهناااك صنف ثان يراه تهوُّرا من الأستاذ، وانتهاكا منه للبراءة، واستغلالا لحياء التلميذة، ويتهمون الأستاذ بعلاقة قبلية مع التلميذة.
اما الصنف الأخير فيرحّب بهذا الزواج، باعتباره أحرى للأدم بينهما، وأوفق وأوفر للنجاح وأدعى للتفاهم..

المهم من خلال هذا الموضوع لسنا بصدد تعداد هذه الحالات أو إحصاءها وإنما:
1-كيف ترون هذا الزواج من الناحية الإجتماعية والتربوية؟
2-ما مدى تأثيره في نفسية التلميذة، وبلورة نظرتها من أستاذها إلى زوجها؟
3- وهل سيكون هذا الزواج ناجحا على جميع الأصعدة..
4- نظرة الناس عامة، والتلاميذ بصفة خاصة إلى الأستاذ و ... رأي المجتمع بهذا ؟؟

ارجو إبداء نظرتكم الشخصية لهذا الزواج، ومدى نجاحه، ودعم الموضوع لما لا بأمثلة واقعية حدث فيها زواج أستاذ بتلميذته ... تقبلوا تحيتي
اخوكم جليلوووو

​

 

[Nina's]

رد: زواج الأستاذ من تلميذته ... موضوع للنقاش

-كيف ترون هذا الزواج من الناحية الإجتماعية والتربوية؟
اذا كانت لا تزال تلميذة متمدرسة او طالبة فهذا شيء غريب في مجتمعنا و الكثيرون لا يقبلونه خاصة فئة الشباب​

2-ما مدى تأثيره في نفسية التلميذة، وبلورة نظرتها من أستاذها إلى زوجها؟
بالجزائر فئات عقلية مختلفة و منها تلك المستهزئة و هي الفئة التي تؤثر على نفسية التلميذة من جهة و على هيبة الأستاذ من جهة اخرى
3- وهل سيكون هذا الزواج ناجحا على جميع الأصعدة..
اذا كانت الفتاة قد انهت دراستها فسيكون زواجا عاديا كاي زواج آخر’ و ان كانت لا تزال تزاول دراستها فسيعقب ذلك مشاكل عويصة​

4- نظرة الناس عامة، والتلاميذ بصفة خاصة إلى الأستاذ و ... رأي المجتمع بهذا ؟؟
بصفتنا شعب لا يعجبه العجاب فالكثيرون سيتكلمون و يستهزؤون بمن أراد ان يخوض هذه المغامرة و لكن الحب يطغى على كل شيء في الأخير​

تعليق صغير : الزواج الحلال نعمة من الله, و لكن المشكل الكبير ما نراه من علاقات محرّمة بين الأستاذ و تلميذته اما من اجل المال او من اجل النجاح
شكرا اخي جليل​

 

[لؤلؤة قسنطينة]

رد: زواج الأستاذ من تلميذته ... موضوع للنقاش

وعليكم السّلام ورحمة الله وبركاته
مواضيعك دائماً مميّزة أخي الكريم
بارك الله فيك ومزيداً من التألق ^^

نوليو للاسئلة:
بسم الله نبداو على بركة الله

1-كيف ترون هذا الزواج من الناحية الإجتماعية والتربوية؟
بالنسبة لي ومن رأيي الشخصي عادي, المهم أنو المرأة تكون صالحة والرجل يكون شهم , أما أستاذها أو طبيب تداوي عندو كيف كيف, وخاصة إذا كان استاذ يقارب الطالبة في العمر, حنا ساعات في الجامعة عمرنا 22 سنة والأستاذ تلقاه 26 سنة وإلا 30 سنة يعني تقارب في العمر , ماشي استاذ في الأربعين ويحوس على وحدة بنت ال 15 سنة
يعني قصدي هنا أنو الأهم هو نضج كلا الطرفين , بغض النظر على علاقة الأستاذ بالطالبة أو التلميذة, كيما تلقى استاذ يتزوج بأستاذة تخدم معاه , عادي بالنسبة ليا بين استاذ وطالبة

2-ما مدى تأثيره في نفسية التلميذة، وبلورة نظرتها من أستاذها إلى زوجها؟
من رأيي أنو هاد النظرة تكون عند الجميع, مثلا ابن عمك تتربى معاه ومن بعد يولي زوجك, ولا الطبيب لي تداوي عندو يولي زوجك, وإلا زميلك في العمل يولي زوجك, اي شخص تعرفو ومن بعد يشاركك الحياة الزوجية رايحة تكون النظرة تاعو مختلفة
وغريبة نوعا ما.

3- وهل سيكون هذا الزواج ناجحا على جميع الأصعدة
والله يا أخي الزواج الناجح يرتبط بنضج كل من الطرفين كيما ذكرت من قبل, لما تكون المرأة تؤدي واجبها كمرأة والرجل يؤدي واجبه كرجل, ويمشيو على طريق ربي كل شي يصلح وكل شي ينجح بإذن الله

4- نظرة الناس عامة، والتلاميذ بصفة خاصة إلى الأستاذ و ... رأي المجتمع بهذا ؟؟
نظن أنو نظرة الناس والمجتمع للأستاذ دايما تكون سلبية و نفس الشي بالنسبة للتلاميذ, لأنو والله بالنسبة ليا
قليل خلاص وين تلقى استاذ محترم وحاكم طريق ربي ورانا نشوفو فيهم درك, على هادي قلتلك إذا طلب الحلال بالنسبة ليا عادي
لأنو معظمهم يروحو للحرام ويستغل منصبو كاستاذ باه يروح لحوايج خاطيين الطريق
(وحاشا لي مايستاهلش) لأنو واحد الوقت كان يقرينا استاذ تربية اسلامية لما كنا في الثالثة ثانوي وصغير في السن
ربما عمرو 29 هكاك لكن والله تربية و قمة في الأدب والأخلاق
ودايما نقولو في هاد الدنيا كاين لمليح والحاير

ان شاء الله نكون افدت ولو بالقليل وهاد يبقى مجرد راي
ننتظر راي باقي الأعضاء
وشكرا على الموضوع ولي عودة إن شاء الله للاستفادة من آراء الآخرين
تحياتي الخالصة​

 

[mà_dikrà]

رد: زواج الأستاذ من تلميذته ... موضوع للنقاش

1-كيف ترون هذا الزواج من الناحية الإجتماعية والتربوية؟
هي حسب رأي الشخـصيّ لآتروقُ لٍيْ.. كـآنَ مُعَلِمِيْ أصبح زوجيْ
2-ما مدى تأثيره في نفسية التلميذة، وبلورة نظرتها من أستاذها إلى زوجها؟
صعبة .. للغاية .. يعني كانت تنظر إليه ذآكـ الأسـآذ
المعلم الـ وآلـ .. وووو / تتغير نظرة جذريـاً
3- وهل سيكون هذا الزواج ناجحا على جميع الأصعدة..
لآ .. لآ أظن ذآلـك
4- نظرة الناس عامة، والتلاميذ بصفة خاصة إلى الأستاذ و ... رأي المجتمع بهذا ؟؟
لآ أعلم فَ إخـتلآف الرأي وآجب!

وبآلـنسبة لي معـآرضة لـهذآ الزوآج ..


مشكور اخي


تحياتي ​

 

[جليلوس]

رد: زواج الأستاذ من تلميذته ... موضوع للنقاش

السلام عليكم
اهلا بيك اختي سيلينا نورتي بوجودك الطيب
:up::up:

-كيف ترون هذا الزواج من الناحية الإجتماعية والتربوية؟
اذا كانت لا تزال تلميذة متمدرسة او طالبة فهذا شيء غريب في مجتمعنا و الكثيرون لا يقبلونه خاصة فئة الشباب

صح هذا اللي حيرني ... كيف يتزوجها وهي لا زالت طالبة عنده
لا حول ولا قوة الا بالله ... العجب المعجب في هاد المجتمع كل يوم بحلة جديدة

​

2-ما مدى تأثيره في نفسية التلميذة، وبلورة نظرتها من أستاذها إلى زوجها؟
بالجزائر فئات عقلية مختلفة و منها تلك المستهزئة و هي الفئة التي تؤثر على نفسية التلميذة من جهة و على هيبة الأستاذ من جهة اخرى

صح المجتمع لن يتركها لا هي ولا الأستاذ الخاطب بشانهما يهدروا يهدروا
مجتمع لا تخفى عليه الخافية

3- وهل سيكون هذا الزواج ناجحا على جميع الأصعدة..
اذا كانت الفتاة قد انهت دراستها فسيكون زواجا عاديا كاي زواج آخر’ و ان كانت لا تزال تزاول دراستها فسيعقب ذلك مشاكل عويصة

صح ان انهت دراستها فلا مانع ... ربي يهنيهم ... لكن المشكلة ان كانت تزاول دراستها وهي متزوجة به
عيب والله لا يقبلها العقل هادي

​

4- نظرة الناس عامة، والتلاميذ بصفة خاصة إلى الأستاذ و ... رأي المجتمع بهذا ؟؟
بصفتنا شعب لا يعجبه العجاب فالكثيرون سيتكلمون و يستهزؤون بمن أراد ان يخوض هذه المغامرة و لكن الحب يطغى على كل شيء في الأخير​

صح معكِ حق ... نحن مجتمع حتى العجب ومايعجبناااش
وسيصبحان حديث الطالع والنازل وسيرة على كل لساااان
لكن الحب اعمى كما قلت لا يعرف الحدود
الله يجيب الخير برك
​

تعليق صغير : الزواج الحلال نعمة من الله, و لكن المشكل الكبير ما نراه من علاقات محرّمة بين الأستاذ و تلميذته اما من اجل المال او من اجل النجاح
شكرا اخي جليل​

تلكم الطامة الكبرى ومانراه بجامعاتنا اليوم يندى له الجبين
خلي البير بغطااااه .... الله يستر العقايب برك
​

شكرا لتواجدك اختي يعطيك الصحة
:graduation:

 

[جليلوس]

رد: زواج الأستاذ من تلميذته ... موضوع للنقاش

وعليكم السّلام ورحمة الله وبركاته
مواضيعك دائماً مميّزة أخي الكريم
بارك الله فيك ومزيداً من التألق ^^

اهلا بيك اختي لؤلؤة المنتدى نورتي بوجودك الطيب
الله يبارك فيك ... التميز بكم ومعكم :love01:
يعطيك الصحة :up::up:

نوليو للاسئلة:
بسم الله نبداو على بركة الله

يا الله بسم الله خلينا نستمعتوا بردودك القيمة :up::up:

1-كيف ترون هذا الزواج من الناحية الإجتماعية والتربوية؟
بالنسبة لي ومن رأيي الشخصي عادي, المهم أنو المرأة تكون صالحة والرجل يكون شهم , أما أستاذها أو طبيب تداوي عندو كيف كيف, وخاصة إذا كان استاذ يقارب الطالبة في العمر, حنا ساعات في الجامعة عمرنا 22 سنة والأستاذ تلقاه 26 سنة وإلا 30 سنة يعني تقارب في العمر , ماشي استاذ في الأربعين ويحوس على وحدة بنت ال 15 سنة
يعني قصدي هنا أنو الأهم هو نضج كلا الطرفين , بغض النظر على علاقة الأستاذ بالطالبة أو التلميذة, كيما تلقى استاذ يتزوج بأستاذة تخدم معاه , عادي بالنسبة ليا بين استاذ وطالبة

صح هادا رأيك واحترمه واوافقك في كل ما قلته يعطيك الصح ةلا مانع ان تزوج استاذ بزميلته في التدريس او احدى طالباته في الجامعة بما ان السن يقارب وهذا الزواااج في الحلال ما شاء الله ربي يكمل لكل واحد
لكن ما رأيك في طالبة بكالوريا تعيش مع استاذها حالة عشق ... عذرا على الكلمة لكن هذا الواقع ... ويتزوجها وان كانت خطبتها علمت بها كل الثانوية ما رأيك ؟؟
انا برأيي جايتني عيب والله خليها تكمل يا سيدي قرايتها ومن بعد ربي يهنيكم ... علاش تدير الفاضيح قدام الطلبة وتزيد تزووووخ بيها
اسكو راني غالط ؟؟

2-ما مدى تأثيره في نفسية التلميذة، وبلورة نظرتها من أستاذها إلى زوجها؟
من رأيي أنو هاد النظرة تكون عند الجميع, مثلا ابن عمك تتربى معاه ومن بعد يولي زوجك, ولا الطبيب لي تداوي عندو يولي زوجك, وإلا زميلك في العمل يولي زوجك, اي شخص تعرفو ومن بعد يشاركك الحياة الزوجية رايحة تكون النظرة تاعو مختلفة
وغريبة نوعا ما.

صح غريب نوعا مااا :down::down: ... واحد تكون تعرفوا شحال وانتوما معا بعض ومن بعد كيما قلتي يشاركك في حياتك:s:s ... غريبة كرة الجزائريين :d:d
الله يجيب الخير

3- وهل سيكون هذا الزواج ناجحا على جميع الأصعدة
والله يا أخي الزواج الناجح يرتبط بنضج كل من الطرفين كيما ذكرت من قبل, لما تكون المرأة تؤدي واجبها كمرأة والرجل يؤدي واجبه كرجل, ويمشيو على طريق ربي كل شي يصلح وكل شي ينجح بإذن الله

اوافقك الرأي بارك الله فيك
:up::up:

4- نظرة الناس عامة، والتلاميذ بصفة خاصة إلى الأستاذ و ... رأي المجتمع بهذا ؟؟
نظن أنو نظرة الناس والمجتمع للأستاذ دايما تكون سلبية و نفس الشي بالنسبة للتلاميذ, لأنو والله بالنسبة ليا
قليل خلاص وين تلقى استاذ محترم وحاكم طريق ربي ورانا نشوفو فيهم درك, على هادي قلتلك إذا طلب الحلال بالنسبة ليا عادي
لأنو معظمهم يروحو للحرام ويستغل منصبو كاستاذ باه يروح لحوايج خاطيين الطريق
(وحاشا لي مايستاهلش) لأنو واحد الوقت كان يقرينا استاذ تربية اسلامية لما كنا في الثالثة ثانوي وصغير في السن
ربما عمرو 29 هكاك لكن والله تربية و قمة في الأدب والأخلاق
ودايما نقولو في هاد الدنيا كاين لمليح والحاير

صح كاين بزااااف الا من رحم ربي ...
من يستغل مهنته في اشياء لا يرضاها لا دين لا عقل ولا مجتمع
صح في هاد الدنيا كل واحد واش كاتبلو ربي
وصباع اليدين ماشي كيف كيف

ان شاء الله نكون افدت ولو بالقليل وهاد يبقى مجرد راي
ننتظر راي باقي الأعضاء
وشكرا على الموضوع ولي عودة إن شاء الله للاستفادة من آراء الآخرين
تحياتي الخالصة

لالا بالعكس افدت وبالكثير كفيت ووفيت
ما شاء الله عليك ... ارفع قبعتي احتراما لكِ ولقلمك :regards01:
بارك الله لنا فيك وفي فكرك وسلمك ياااارب

​

يعطيك الصحة :up::up:

اخوكِ جليلووو

 

[جليلوس]

رد: زواج الأستاذ من تلميذته ... موضوع للنقاش

1-كيف ترون هذا الزواج من الناحية الإجتماعية والتربوية؟
هي حسب رأي الشخـصيّ لآتروقُ لٍيْ.. كـآنَ مُعَلِمِيْ أصبح زوجيْ
2-ما مدى تأثيره في نفسية التلميذة، وبلورة نظرتها من أستاذها إلى زوجها؟
صعبة .. للغاية .. يعني كانت تنظر إليه ذآكـ الأسـآذ
المعلم الـ وآلـ .. وووو / تتغير نظرة جذريـاً
3- وهل سيكون هذا الزواج ناجحا على جميع الأصعدة..
لآ .. لآ أظن ذآلـك
4- نظرة الناس عامة، والتلاميذ بصفة خاصة إلى الأستاذ و ... رأي المجتمع بهذا ؟؟
لآ أعلم فَ إخـتلآف الرأي وآجب!

وبآلـنسبة لي معـآرضة لـهذآ الزوآج ..


مشكور اخي


تحياتي ​

اهلا بيك اختي ذكرى نورتي
:up::up: ... الحال صعيب خاصة انو الحال يتبدل :s:s
والنظرة ماتبقااااش كيما كانت عليه من قبل :down::down:... الله يهدينا برك
شكرا على ردك الطيب بارك الله فيك .. يعطيك الصحة :regards01:

 

[لؤلؤة قسنطينة]

رد: زواج الأستاذ من تلميذته ... موضوع للنقاش

لكن ما رأيك في طالبة بكالوريا تعيش مع استاذها حالة عشق ... عذرا على الكلمة لكن هذا الواقع ... ويتزوجها وان كانت خطبتها علمت بها كل الثانوية ما رأيك ؟؟
انا برأيي جايتني عيب والله خليها تكمل يا سيدي قرايتها ومن بعد ربي يهنيكم ... علاش تدير الفاضيح قدام الطلبة وتزيد تزووووخ بيها

نوافقك أخي على هاد الكلام
صح أنا قلت مافيها والو يتزوج الاستاذ بالطالبة لي تقرا عندو المهم لحلال بصح في حدود
هاداك لي يلعب حتى يشبع ويدير القصص عليه ومن بعد يتزوج هادي نرفضها
أنا الجزء لي هدرت عليه, هو استاذ شاف طالبة عندو تربية وأخلاق وحب يخطبها مباشرة
يعني لا علاقة في الخفاء لا والو, مباشرة يروح لدارها كيفو كيف أي خاطب
لأنو المكتوب قادر يجي في مدرسة ولا جامعة ولا حتى في بلاصة خلاف
ولي ناوي الحلال ماشي عيب
يعني نهدر على زواج الأصول , أما التمسخير هاداك ما نحبوش
ومن بين مراحل الدراسة لي نوافق عليها هي المرحلة الجامعية
أما علاقة بين استاذ وتلميذة في الليسي ولا المتوسط ما نظنش تروح بعيد
والله اعلم
شكرا أخي على اضافتك ^^​

 

[جليلوس]

رد: زواج الأستاذ من تلميذته ... موضوع للنقاش

لكن ما رأيك في طالبة بكالوريا تعيش مع استاذها حالة عشق ... عذرا على الكلمة لكن هذا الواقع ... ويتزوجها وان كانت خطبتها علمت بها كل الثانوية ما رأيك ؟؟
انا برأيي جايتني عيب والله خليها تكمل يا سيدي قرايتها ومن بعد ربي يهنيكم ... علاش تدير الفاضيح قدام الطلبة وتزيد تزووووخ بيها

نوافقك أخي على هاد الكلام
صح أنا قلت مافيها والو يتزوج الاستاذ بالطالبة لي تقرا عندو المهم لحلال بصح في حدود
هاداك لي يلعب حتى يشبع ويدير القصص عليه ومن بعد يتزوج هادي نرفضها
أنا الجزء لي هدرت عليه, هو استاذ شاف طالبة عندو تربية وأخلاق وحب يخطبها مباشرة
يعني لا علاقة في الخفاء لا والو, مباشرة يروح لدارها كيفو كيف أي خاطب
لأنو المكتوب قادر يجي في مدرسة ولا جامعة ولا حتى في بلاصة خلاف
ولي ناوي الحلال ماشي عيب
يعني نهدر على زواج الأصول , أما التمسخير هاداك ما نحبوش
ومن بين مراحل الدراسة لي نوافق عليها هي المرحلة الجامعية
أما علاقة بين استاذ وتلميذة في الليسي ولا المتوسط ما نظنش تروح بعيد
والله اعلم
شكرا أخي على اضافتك ^^​

عندك الحق في كل ماقلته
نسأل الله الهداية لمن يريد ان يبتعد عن الحلال
فالحرام طريقه معبد ولقصير ولن يصل الى مبتغاه
يعطيك الصحة دائما تعجزينني عن الرد .... جزاك الله خيرااا
تحيتي

 

[hadjer 1996]

رد: زواج الأستاذ من تلميذته ... موضوع للنقاش

لي يبقى يديها في ناس ويطلعهم قالو وماقالوش يروح يموت خير باسكو مجتمعنا هدا غي يعس ماعاجبو والو ماعلاباليش كيفاش مي انا نشوف زواجج هدا نورمال وكااين بزااف لي زوجو هااك وعايشيين لاباس بيهم وزواج حاجة تاع مكتوب من عند ربي

 

[جليلوس]

رد: زواج الأستاذ من تلميذته ... موضوع للنقاش

لي يبقى يديها في ناس ويطلعهم قالو وماقالوش يروح يموت خير باسكو مجتمعنا هدا غي يعس ماعاجبو والو ماعلاباليش كيفاش مي انا نشوف زواجج هدا نورمال وكااين بزااف لي زوجو هااك وعايشيين لاباس بيهم وزواج حاجة تاع مكتوب من عند ربي

صح الناس تهدر ولي يسمعلهم يموت بالقنطة
مي في حوايج كيما هاك انا مانيش معارض ولا سبحان الله
هادا زواااج وقبل كل شيئ مكتوب ... لكن ان يتزوجها وهو يدرسها شوي آنورمال
هاكا بانتلي ومانعرف ... المهم شكرا لكم جميعا ... تحيتي

 

[الامين محمد]

رد: زواج الأستاذ من تلميذته ... موضوع للنقاش

شوف أخي عقييييييد
أنا أعمل في ثانوية و دائما استشار في هكذا امور رايح احكيلك من واقعنا

1-كيف ترون هذا الزواج من الناحية الإجتماعية والتربوية؟
في كثير من الأوقات يرون الاستاذ الذي يخطب تلميذته على أنه متسرع و غير متوازن
لأن يذهب تفكيرنا مباشرة كيف كان يراها قبل الخطبة و هل كان بريئا معاها في تعاملاته
هدا ان خطب و أعطيت له اما اذا تم رفضه هنا الامر يصبح خطييرا جدا قد تتوقف التلميذة عن الدراسة او تفشل
و سيجد الأستاذ صعوبة بالغة في تضاهره أنه ليس تحت الأنظار و قد ينتقم منها بسبب الرفض

2-ما مدى تأثيره في نفسية التلميذة، وبلورة نظرتها من أستاذها إلى زوجها؟
حسب و حسب توجد تلميذات شديدات الحياء لا تقبل الامر من أصله
و توجد من نفسيتها قوية و لا تجد مانع او مشكل

3- وهل سيكون هذا الزواج ناجحا على جميع الأصعدة..
شوف أخي اذا كان الزواج برضا تام و كامل من التلميذة و تكون نقفسيتها قوية ممكن ينجح
أما اذا تم الزواج تحت الحياء و الحشمة و التلميذة تستحيي انها ترفض طلب لأستاذها ممكن جدا سيفشل
من ناحية أخرى يوجد مشكل آخر وقع فيه كثير من هكذا زواج و هو خوف التلميذة الذي تزوجها أستاذها
من أن الاستاذ او زوحها رايح تقع عينه و قلبه على تلميذات أخريات مثل ما وقع معاها و ممكن تصبح
تشك و تصبح تراقب كل شارذة و واردة لزوجها حتى تصبح تراقب اوراق الامتحانات و النقاط
طبعا اذا وصل الامر الى هذا الحد رايح تكون مشاكل و صدامات

4- نظرة الناس عامة، والتلاميذ بصفة خاصة إلى الأستاذ و ... رأي المجتمع بهذا ؟؟
نظرة الناس الى الاستاذ الخاطب نظرة فيها الكثير من علامات الاستفهام و نوع من عدم القبول
نظرة التلاميذ بصدق سيفقد ثقة التلاميذ
نظرة المجتمع ارى ان الأفضل للأستاذ ان يبتعد عن المغامرؤة خصوصا في المستوى التغليم المتوسط و الثانوي
اما الجامعة ممكن الأمر مقبول نوعا ما
​

 

[حكاية قمر]

رد: زواج الأستاذ من تلميذته ... موضوع للنقاش

السلام عليكم ورحمة الله وبركاته
قبل كل شيء الزواج عقد مقدس وكما أسلفت الذكر في المقدمة
نظرتي الشخصية لهكذا زواج متحفظة لأن علاقة التلميذ بالأستاذ هي كعلاقة الأب بابنه او ابنته كيف لها أن تنتقل الى حب وغيره أكيد توجود بعض التجوزات سواء من التلميذة او من الأستاذ
وفي هذا المنعرج كان يجدر بنا النقاش عن العلاقة التي تقام بين التلميذة وأستاذها
وبحديثي هذا لا اتكلم على الناس المحترمه والتي تتجه صوب باب البيت مباشرة لا بل أقصد ما صار منتشرا بكثرة غراميات وغيرها وهذا من شأنه أن يقلل من احترام التلميذ لاستاذه لانه سبق وحدثت هكذا قصة بثانويه التي كنت ادرس بها عوده لاجابه ع اسئلتك
من الناحية الاجتماعية والتربوية الزواج امر مقدس ولا حديث عليه ولكن كيف كانت طريقة الوصول اليه وماهي التجاوزات التي حدثت هذا ما يستدعي القلق ويتطلب حلولا للحفاظ ع مظهر الاستاذ امام طلبته لانه قدوه ومعلم
بالنسبه لسؤال الثاني الذي كان بخصوص نفسيتها فهذا يعتمد بالدرجه الاولى ع الطريقه التي تعرفت بها ع استاذها كي يصير زوجا لها ويتعلق بالاستاذ الزوج وكيف كان يظهر لها أ بوجه الاستاذ المتفهم ام العصبي ولا انسى اهم جانب حاله التلميذه وكيف تعيش مع والدها واخوتها فلهذا تأثير ع افكارها لربما كانت تبحث عن حنان الاب فاذا به تجده في الاستاذ وهكذا يحدث تعلق وقد تغتر به للوهلة الاولى
فيما يخص نجاح الزواج والله توجد زيجات فشلت واخرى لم تكتمل واخرى نجحت مليون بالمئة لان الامر سيتحول من استاذ وتلميذه الى زوج وزوجة وعلى كلا الطرفين تغيير النظرة السابقه ولا يتم الخلط بين تصرفاتها كزوجه وكما كانت تلميذه وكذا الحال لها وخاصه هي لانها في فتره حساسه وقابليه التعلق تكون كبيره

اما المجتمع لا يرحم ولا يمكن ان يقبل بالعجب ونظرته لا تهم لان الاهم هو الحلال ورضا الله
وشكرا لك​

 

[Hakan]

رد: زواج الأستاذ من تلميذته ... موضوع للنقاش

ساعود يااخي جلال ان اذن الله

 

[أم لينة]

رد: زواج الأستاذ من تلميذته ... موضوع للنقاش

السلام عليكم ورحمة الله و بركاته

شكرا اخي على الموضوع و الطرح المميزين و راح نجاوبك على اساس امثلة من واقعي فأخي استاذ عمره 30 سنة و متزوج بتلميذته.

1-كيف ترون هذا الزواج من الناحية الإجتماعية والتربوية؟

عادي جدا و لا يعيبه شيء بالعكس لي يتعاب هم شرذمة الاساتذه لي يحوسو على العلاقات المحرمة داخل المؤسسات التربوية و تلقاه في كل قسم عندو علاقة بتلميذة . و الادهى و الامر متزوجين و بعضهم الشيب و العيب - اكيد لا على التعميم-. ليست هناك اي علاقة بهذا الزواج و تاثيرها على الجانب التربوي للتلميذة و الاستاذ هذا راجع لقناعاتهما .

2-ما مدى تأثيره في نفسية التلميذة، وبلورة نظرتها من أستاذها إلى زوجها؟

اذا قصدك على التلميذة لي تتزوج باستاذها فاكيد راح تتغير نظرتها ليه لانو راح يصير زوجاه شأنها شأن الفرملية لي تتزوج بالطبيب او السكرتيرة لي تتزوج بمديرها و الامثلة كثيرة ........

3- وهل سيكون هذا الزواج ناجحا على جميع الأصعدة..

نجاح او فشل العلاقة لا اربطه من ناحية انو كان استاذها . بل لظروف اخرى شأنها شأن اي علاقة زوجية .

4- نظرة الناس عامة، والتلاميذ بصفة خاصة إلى الأستاذ و ... رأي المجتمع بهذا ؟؟

الناس بصفة عامة راح تهدر سواء تلميذته او تزوجها بطريقة اخرى و ليس هذا مهم لان ارضاء الناس غاية لاتدرك . اما التلاميذ رانا عشنا مرحلة المراهقة و كانت تبانلنا كبيرة . .. لكن لا هي حاجة كبيرة و لاهي عيب او حرام .

 

[Ønlÿ Mę]

رد: زواج الأستاذ من تلميذته ... موضوع للنقاش

انا نضن نورمال خويا
وكل واحد وكيفاه يشوفها
​

 

[Yacine333]

رد: زواج الأستاذ من تلميذته ... موضوع للنقاش

آلسلآم عليكم ,,


إعرف شخص آستآذ تزوج من تلميذته ورآهم عآيشين نورمآل "قصدي طالبة في الثانوية ",,

أعتقد آخي هذآ الآمر يبقى علقيات من حيث آلمجتمعات

شكرا على الطرح ​

 

[Moha le sage]

رد: زواج الأستاذ من تلميذته ... موضوع للنقاش

السلام عليكم


بادئ ذي بدء حبذا لو كان عنوان الموضوع زواج الاستاذ من طالبته .. فالتلميذة و نقصد بها عادة في الطور الاابتدائي ليست مؤهلة للزواج لصغر سنها ...


بالعودة للموضوع شخصيا لا أرى حرجا في تزوج الاستاذ من طالبة لديه سواء كانت في الثانوية أو في الجامعة ...

الزواج هو ارتباط شرعي .. و ان استوفى الزوجان الشروط فمبارك عليهما ..

العيب ليس في الزواج بل في العلاقات الغرامية و الاحتكاكات التي دائما تقع بين الاساتذة و الطالبات ... و للأسف صارت جامعاتنا خير دليل للتسيب الاخلاقي اللذي وصلنا اليه .. و حتى الثانويات ما انفكت يوميا تنشر غسيلها عن سيرة بعض الاساتذة و بعض الطالبات في الاقسام و خارجها !!


سلامي



​

 

[♫الباحثة عن الحظ♫]

رد: زواج الأستاذ من تلميذته ... موضوع للنقاش

مبدع كعادتك اخي جليلو

كيف ترون هذا الزواج من الناحية الإجتماعية والتربوية؟
انا بالنسبة ليا ضد الفكرة هادي نهائيا ومستحيل نقبل بيها
صح الزواج مكتوب ربي
لكن زواج استاذ من تلميذة والله شوي عيانة الفكرة
انت تقراي و استاذك يحبك بركاونا ما تيقى قراية ما تبقى حاجة معدولة هو يفوت و ناس تهدر خخخخ بلوس تولي افار من بعد معريفة في نقاط ووووو الخ

2-ما مدى تأثيره في نفسية التلميذة، وبلورة نظرتها من أستاذها إلى زوجها؟
انا يبدو لي مستحيل نقدر نبدل نظرتي من استاذ لرجل حياتي
تبالي فكرة بشع وجددددا وهاد الشىء يخلي الطالبة مش تقرى و تشوف غير في زوجها وهاك افكار غريبة ههه

3- وهل سيكون هذا الزواج ناجحا على جميع الأصعدة..
والله اهنا ترجع للمكتوب ممكن ينجح ممكن لا على طريقة تبادل المشاعر بينهم الاثنين كل شىء له نظرتي اما ينجح ام لا اذا لا يمكن الحكم عليه
انا نعرف ناس تزوجو باساتذتهم وعايشين عادي وجدا ربما بعد ما تتخرج الفتاة ومش تبقى مع الزوج تاعها على اساس استاذها راح مع الوقت تنسى الفكرة نهائيا



4- نظرة الناس عامة، والتلاميذ بصفة خاصة إلى الأستاذ و ... رأي المجتمع بهذا ؟؟
ياودي انا نشوفها جياحة اولا زيماه استاذ يقدر يشوف مع تلميذته نظر اعجاب و حب هادي الاولى
وهنا راح يخلي الطالبات يرجعو يهتمو غير بالشىء هذا خاصة الا تقرا معاك في قسم واحد و اصبح اليوم طالبات ههه مش يقراو الا اذا كان الاستاذ جون و بوقوص اهنا كلاصة مش تفرغ

اانا على العموم ضذ الفكرة
وكلش مكتوب ربي
شكرا اخي جليلو تحياتي
​

 

[جليلوس]

رد: زواج الأستاذ من تلميذته ... موضوع للنقاش

السلام عليكم ورحمة الله وبركاته
قبل كل شيء الزواج عقد مقدس وكما أسلفت الذكر في المقدمة
نظرتي الشخصية لهكذا زواج متحفظة لأن علاقة التلميذ بالأستاذ هي كعلاقة الأب بابنه او ابنته كيف لها أن تنتقل الى حب وغيره أكيد توجود بعض التجوزات سواء من التلميذة او من الأستاذ

اهلا بك اختي الكريمة نورتي يعطيك الصحة
يا اخاي هادا مكتوب ربي واش دير
بصح الغريب في الأمر انه يتزوجها هادي مافيهاش عيب وهي مازال تدرس عنده
او قرأ فاتحتها ... هادي ماحبتش تدخل راسي ... ياخي يخليها تكمل قرايتها وربي يهني سعيد بسعيدة ...

وفي هذا المنعرج كان يجدر بنا النقاش عن العلاقة التي تقام بين التلميذة وأستاذها
وبحديثي هذا لا اتكلم على الناس المحترمه والتي تتجه صوب باب البيت مباشرة لا بل أقصد ما صار منتشرا بكثرة غراميات وغيرها وهذا من شأنه أن يقلل من احترام التلميذ لاستاذه لانه سبق وحدثت هكذا قصة بثانويه التي كنت ادرس بها عوده لاجابه ع اسئلتك

صح اختي وماخفي كان اعظم ... ربي يهدي ماخلق وخلاص هادا مانقولوا ... بعض الناس يستغل مصالح الناس لمصالحه الشخصية ... لا حول ولا قوة الا بالله ... اللوم على كلاهما .... ربي يجيب الخير ويسترنا من الفضايح

من الناحية الاجتماعية والتربوية الزواج امر مقدس ولا حديث عليه ولكن كيف كانت طريقة الوصول اليه وماهي التجاوزات التي حدثت هذا ما يستدعي القلق ويتطلب حلولا للحفاظ ع مظهر الاستاذ امام طلبته لانه قدوه ومعلم
بالنسبه لسؤال الثاني الذي كان بخصوص نفسيتها فهذا يعتمد بالدرجه الاولى ع الطريقه التي تعرفت بها ع استاذها كي يصير زوجا لها ويتعلق بالاستاذ الزوج وكيف كان يظهر لها أ بوجه الاستاذ المتفهم ام العصبي ولا انسى اهم جانب حاله التلميذه وكيف تعيش مع والدها واخوتها فلهذا تأثير ع افكارها لربما كانت تبحث عن حنان الاب فاذا به تجده في الاستاذ وهكذا يحدث تعلق وقد تغتر به للوهلة الاولى
فيما يخص نجاح الزواج والله توجد زيجات فشلت واخرى لم تكتمل واخرى نجحت مليون بالمئة لان الامر سيتحول من استاذ وتلميذه الى زوج وزوجة وعلى كلا الطرفين تغيير النظرة السابقه ولا يتم الخلط بين تصرفاتها كزوجه وكما كانت تلميذه وكذا الحال لها وخاصه هي لانها في فتره حساسه وقابليه التعلق تكون كبيره

صح الأمر شائك ومتشعب ... ربي يجيب الخير ... ياخي هوما ربي يهنيهم واش نقولوا الزواج ياك مكتوب ربي وماينحيه حتى واحد بصح في هاد الموقف شوي حشومة ... هاكا تبانلي ومانعرف الناس كيراهي تخمم ... المهم شكرا لك لقد كفيتِ ووفيتِ يعطيك الصحة

اما المجتمع لا يرحم ولا يمكن ان يقبل بالعجب ونظرته لا تهم لان الاهم هو الحلال ورضا الله
وشكرا لك​

ربي يجيب لي فيها الخير
تحيتي