رد: نصآئحــكم و تجآربكم و ارشآدآتـكم الى طلآب البكآلوريا
وعليكم السلام
بالنسبة لاختبار البكالوريا هو اختبار عادي
لكنه يتطلب تحضير طوال السنة
بالنسبة لي هو :
فهم +حفظ+منهجية
أنصحكم بتحضير الدروس +المتابعة في القسم جيّدا مع الأستاذ +المراجعة في المنزل +حل التمارين +حفظ المواد الأدبية وتلخيصها ومراجة كل فصل لوحده
بالتوفيق ان شاء الله
بالنسبة لاختبار البكالوريا هو اختبار عادي
لكنه يتطلب تحضير طوال السنة
بالنسبة لي هو :
فهم +حفظ+منهجية
أنصحكم بتحضير الدروس +المتابعة في القسم جيّدا مع الأستاذ +المراجعة في المنزل +حل التمارين +حفظ المواد الأدبية وتلخيصها ومراجة كل فصل لوحده
بالتوفيق ان شاء الله
و عليكم السلآم عبير
شكرا ليك اختي
في الاعآدة افادة و انتي ادرى منآ باهمية هذا الامتحآن
يقال اسأل مجرب ولا تسأل طبيب
نصيحتكـ قيمة اختي و انتي ادرى بها
لذا اسال الله ان يوفقنآ و اياكم في هذا الامتحآن
بوركتي اخيتي على هذه النصآئح التي تبعث في القلب الامل و حب العلم
رد: نصآئحــكم و تجآربكم و ارشآدآتـكم الى طلآب البكآلوريا
راني جيييت
البكالوريا هي كلمة متكونة من عدة حروف قليلة ... ولكنها هي مفتاح لباب المستقبل ... اذا نجحت فتح لك ذلك الباب ... اما اذا رسبت لن يفتح لك ذلك الباب
انت نعم انت بالإرادة القوية والعزيمة ستفتح ذلك الباب لتلجأ الى مستقبل زاهر بإذن الله ... لكن كيف ذلك ؟؟؟
الي يقلك الباك زهر راه غالط ... هو مكتوب ... والزهر فالباك هو فالتصحيح قادر اطيح في اساتذة يخافو ربي وقادر اطيح في اساتذة حسبي الله ونعم الوكيل ... وانا سبتي فالباك هوما الاساتذة الله لا تربحهم والله مانسمحلهم هادي بين قوسين
المهم انت دير الي عليك والباقي على ربي
البكالوريا هو امتحان بسيط بصح لازملو الاجتهاد وعدم التكاسل والتواكل
الانضباط في القسم مع الانتباه للدروس وللمعلم ... اذا مافهمت والو فالقسم ومع الاستاذ والله مارح تفهم وبلاكم تقولو امبعد نفهمو فالدروس الخصوصية لان الدرس مع الاستاذ هو الصح
وكاين خطوة اخرى ماتخليش الدروس تتراكم عليك لان صدقوني والله العظيم واقسم بالثلاث مع الخر قبل الباك بشهر هكداك يولي الوقت يجري والله ماتحس بيه ويولي عندك ضغوطات لان قرب الباك ومزالولك الدروس امالا تتفرفش كامل والحروف الي بقاولك يروحو
وسيرتو التمارين كثرو من الحل تاعهم لان خطرات تصادفو تمارين فالباك تكونو حليتوهم من قبل وبالزيادة تتعلمو كل الطرق ويبداو يجوكم حاجات بديهية
هدا واش راني متفكرة واذا كاش ما تفكرت راح نقلكم واي استفسار انا في الخدمة
رد: نصآئحــكم و تجآربكم و ارشآدآتـكم الى طلآب البكآلوريا
سلام عليكم ورحمة الله وبركاته
اولا مشكورة اختي على الموضوع الذي سيفيد كل طالب من الناحية المعنوية
اولا وقبل كل شيء : توكل على الله ولا تتواكل على الله ...
والبكالوريا ماهو الا امتحان كباقي الامتحانات فلا داعي للخوف ابدااا فقط عندو ميزة خاصة يعني كل الانظار موجهة اليه مما يسبب في توتر الطالب وهذا شيئ طبيعي و ايضا انو بوابة للدخول الى الجامعة :d ان شاء الله كاامل تفتحو هذا الباب :graduation:
على كل لازم الانتباه للاستاذ في القسم وقبل هذا حاول تحظير الدرس قبل الشروع فيه في القسم باه تكون عندك فكرة خفيفة وباه تكون متتبع مع الاستاذ وعند العودة للبيت بعد استراحة اكيد تقوم بمراجعة ذلك الدرس
وحل تمرين او مثال حوله على الاقل لتتوصل الى تحديد النقاط الغامضة فيه ومباشرة في اليوم الموالي تسال استاذك او زميلك عن الغموض ...وهكذا تواليك كي لا يكون عندك اي اشكال....
واكيد تخصص ايام لحفظ الاجتماعيات والتربية اسلامية كل وطريقته وسرعته في الحفظ ...
بالنسبة للدروس الخصوصية اذا كان عندك استاذ جيد في القسم فلاداعي لهذه الدروس الخصوصية فهي مضيعة للوقت وتسبب التوتر الزائد :down: انا شخصيا لا احبذها ابدااا ....
الاستعانة بالكتب الخارجية اكيد مثلا: المجتهد في العلوم ط , الزاد او السبيل في الفيزياء او مؤخرااا لاحظت بعض الطلاب يستعينون بفيديوهات الاستاذ نورالدين و مولاي ع الرغم اني لم اجربها لكن قالو انها ممتازة :up:
بالنسبة للرياضيات فقط تحتاج تركيز وحل اكبر عدد ممكن من التمارين (تنوع في التمارين ) و الذي ينجز جميع نشاطات وتمارين الكتاب المدرسي :graduation: والاستعانة بسلسلة هباج الخاص بحلول الكتاب المدرسي :up: مع مواضيع البكالوريا المقترحة و تع الاعوام السابقة اضمن لك علامة ممتازة ان شاء الله
بالنسبة للتربية اسلامية سهلة وهي المادة التي يتحصل عليها الجميع على علامة ممتازة :up: وضع ملخصات ... القليل من الفهم + حفظ الايات والاحاديث عن ظهر قلب وحل كل مواضيع البكالوريا السابقة واكيد راح تتحصل على علامة ممتازة :up:
والفلسفة مادة حقاا راائعة الكثير ينظر اليها بمنظور الصعوبة لكنها ممتعة و حسب تجربتي انا ضد من يقول " احفظ مقالة و اكتبها مباشرة في ورقة الجابة :down: " حاول ان تتابع الاستاذ اثناء الشرح وعليك بالاطلاع على مختلف المقالات وقم بصياغة مقالة باسلوبك واكيد مع التقيد بطريقة كتابة المقالة هل بالمجادلة او التحليل او الاستقصاء بالرفع او الوضع و...... وعليك بحفظ مقولات الفلاسفة للاستخدامها في مقالاتك ... وان شاء الله تجيكم ساهلة الهضم :up:
بالنسبة للانجليزية والفرنسية عليكم الا تتهاونو فيها كما فعلت انا للاسف :down: لم ادرسهما حتى اخر لحظة والان ندمت ندما شديدااا
عليكم بحظور الدرس والانتباه للاستاذ والتدريب في المواضيع المقترحة ومعرفة القواعد وغيرهااا.....
اللغة العربية مممم قمة الروعة فهم + حفظ = نتيجة راائعة ..
لا داعي للقلق اعزائي فوالله امتحان عادي توكل على الله + ارادة + فهم + حفظ + تفائل = نجاح ان شاء الله
بالتوفيق للجميع واي مساعدة نحن في الخدمة ان شاء الله يارب
رد: نصآئحــكم و تجآربكم و ارشآدآتـكم الى طلآب البكآلوريا
اهلآ و سهلآ بكـ غآليتي
اولا شكرا جزيلا حبوبتي فدوش و الله لا راق لي كلامك و كل ما نثرته من عبير
بارك الله فيكـي
استوقفتني هذه الجملة : الي يقلك الباك زهر راه غالط
هذه الجملة هي الي تحبطلي المورال و تخليه -0 لانو و الله من جد وجد و من زرع حصد
انا شخصيا افضل ان اجتهد و ادرس بعد الاتكآل على الله طبعآ
بوركتي على النصآئح القيمة
و الله لاستفدت منهآ كثيرا و ان شاء الله ربي يجزيك الخير و الجنة
و ايلآ تفكرتي حآجة خلآف غير ارجعي بسرعة لانو بلاك كاش معلومة منكم تكون هي سبب نجآحنآ
رد: نصآئحــكم و تجآربكم و ارشآدآتـكم الى طلآب البكآلوريا
السلام عليكم
ربي يوفقكم جميعا
نصيحة يجب المراجعة و الحفظ طوال السنة
ديرو توقيت زماني خاص بيكم كل مرة حفظوا حاجة متخلوش الدروس تتراكم عليكم و مش حتى يبقى شهر تنوضوا تراجعوا
و تاني متعبوش رواحكم و ركزوا مليح في قرايتكم و اياكم و الخمول لأن تحسوا رواحكم عيتوا ترخفوا رواحكم في اخر سنة
اهلآ و سهلآ بكـ غآليتي
اولا شكرا جزيلا حبوبتي فدوش و الله لا راق لي كلامك و كل ما نثرته من عبير
بارك الله فيكـي
استوقفتني هذه الجملة : الي يقلك الباك زهر راه غالط
هذه الجملة هي الي تحبطلي المورال و تخليه -0 لانو و الله من جد وجد و من زرع حصد
انا شخصيا افضل ان اجتهد و ادرس بعد الاتكآل على الله طبعآ
بوركتي على النصآئح القيمة
و الله لاستفدت منهآ كثيرا و ان شاء الله ربي يجزيك الخير و الجنة
و ايلآ تفكرتي حآجة خلآف غير ارجعي بسرعة لانو بلاك كاش معلومة منكم تكون هي سبب نجآحنآ
اهلا حبيبتي
لي درتلك تلوين عليها انا زرعت بصح محصدش مش عارفة علاه و عاودت الباك مرات نقول زهر مرات نقول واقيلا مكنتش نركز في الاجوبة مرات يقولولي ورقتك نتاع الفلسفة بدلوها و غيرها من الاحتمالات ديري حاجة في راسك باه ميصرالكش كيفي ديري احتمال ان كل شي بمكتوب ربي اتكلي على روحك و على ربي سبحانه و كيف ما جات نتيجة تكوني مقتنعة بيها
رد: نصآئحــكم و تجآربكم و ارشآدآتـكم الى طلآب البكآلوريا
salam
chaque bac w kifeh chaque personne w kifeh
ana kan 3andi probleme m3a maths w phisique aucune base f 2eme,
mais j me ss ratrappé wahdi f l maths
mais physique dert cours du soir oooh nechfa kan 3andi f lycé genie civil 17h30, apres nebda a 19h, 3yiit wahd 3 mois
mais bien a la fin kont prete
les autres matieres fhama f la class bark
hhh fi dik kont mteb3a mbc 4 a 22h ta3 corea
yekhlass a 23h, nhez na9ra 30mn et dodo
mama tehbel, tsstressi fi plassti hh( doka tesralkom m3a vos mamans)
kont nmizi 3lala genie civil w physique
gc bien dit 20
w physique affaire zhar sabotewni ditt 12:/
dnc koul wahed w kifeh li 9ra kifi imizi 3la les modules essentiel
w yedhmon 10 w les autres
m3a 5 ta3 falssafa ditt 14 de moyenne et la vie continue
kayen li ya9ra l 3am complet a la fin yjib une moyenne normal wala mayjibouch m stress
mala l wahed lazem yvulgarisi hada l examen bach yjih nooormal mouch le but absolu
رد: نصآئحــكم و تجآربكم و ارشآدآتـكم الى طلآب البكآلوريا
أن امتحان البكالوريا امتحان عادي وليس لعبه كما تتخيله ليس على الطالب إلا استغلال الوقت جيدا ومعرفة نقاط ضعفه وقوته في المواد ويجب المراجعة يوميا فلا تتهاون وتقولي لا يزال الوقت مبكرا فكل يوم يمر ليس في صالح كم وفي الأخير أقول بالتوفيق انشالله لكل الطلبة ثقوا في الله فهو معين كم
رد: نصآئحــكم و تجآربكم و ارشآدآتـكم الى طلآب البكآلوريا
السلآم عليكم موفقين جميعآ ان شآء الله ربي يقدركم ويكون معآكم بالنسبة لتجربتي مع البكآلوريآ: هي مجرد امتحآن كسآئر الامتحانآت، ممكن اسهل من الاختبآرآت تعتمد على الدرآسة والجد منذ بدآية السنة لا في آخرهآ الانضبآط والتنظيم المرآجعة الدائمة، الموآد العلمية تعتمد على حل التمارين بصفة منتظمة الموآد الادبية كنت نحفظ ومرة على مرة نرآجع من البدآية المرآجعة الجمآعية فآدتنا كثيرآ وطبعآ قبل كل شيء الثقة بالنفس والتوكل على الله بالتوفيق
