حابة نهرب من الدار

[مشكلتي]

السلام عليكم

أنا طفلة عمري بين 15-20 سنة

في هادي المرحلة من حياتي صراولي بزاف مشاكل

خاصة مع العائلة ولاو كام يجيو ضدي يعيطوا عليا و أي حاجة تافهة يعيطوا عليا

ماما ولات تدعيني بالشر ديما وإا غلطت ولو بأمر بسيط تقولي أنت ماشي بنتي ووو

حتى ح وليت نشك أني مشي بنتهم الحقيقية وأنهم كامل يكرهوني البارح قالتلي كرهتك

وديما تدعي بش طريقي تكون مغلوقة مفهمتش وش قاعد يصرا راني في حالة

وحابة نهرب والله راني حابة نهرب من الدار ملقيتش برك وين نروح

خايفة يحكوني ناس الشارع وخاصة أن المنطقة الي نسكن فيها جديدة علينا منعرفهاش

حابة نبعد عليهم و ميزيدوش يشوفوني خلاص في حياتهم

بيسك أنا والوووو بالنسبة ليهم وهوما حابين يتهناو مني

قولولي كيفاش ندير كاينة طريقة تبعدني عليهم وتحسسهم بلي راهم غالطين في حقي أنا راني وليت منقدرش وعييت بزاف من هادي الحالة
ماعندي صحابات ولا ناس يحبوني كامل الي دايرين بيا يكرهوني حتى صديقتي فالفترة اللخرة قالتلي خليني منك وكرهتك

بيت نخمم نشو في وجهي بالموس ونهرب بش حتى حد مايعرفني​

 

[السلطانة]

رد: حابة نهرب من الدار

وعليكم السلام استغفر الله واتوب اليه

اخيتي وبنيتي

نحي التفكير هادا من راسك

احمدي ربي انك عندك عايلة وعندك والدين واخوة

ناس خلاف محرومين من هاد النعمة


بالعكس حاولي تشوفي انتي واش الاخطاء لي راكي تعملي فيها وتصلحيها

باه ميعودوش يعيطو عليك ممكن انتي قاعدة تغلطي وماش عارفة

وكي تهربي ؟؟؟؟

واش

من غير تحرقي عمرك برك وتخرج عليك هدرة الناس

مام متديري والو يلصقو فيك بلي هربتي في جال طفل

وتجيبي الهدرة في عرضك وفي عرض عايلتك!!

اكيد مترضايش هك

روحي شهدي واستغفري وصلي وادعي ربي يهدي بالك
واخطيك من وساوس الشيطان

 

[الزهرة الحمراء]

رد: حابة نهرب من الدار

السلام عليكم أختي
اول عفسة الناس تحوس على دار وعايلة وانت حابة ترمي كل شي ورا ضهرك وتهربي
ونقولو هربتي وين رايحا تروحي قوليلي برك انت مدايرة في بالك المجتمع وذئاب المجتمع رايحا ترحم طفلة في عمرك وتخليها وراسك غير لالا والله يولوا يداولوا علييك بالواحد شكون ينحي طرف منك غير اقعدي عاقلة مهما عندك مشاكل في داركم ويعيطو علييك وكامل مبصح والله مايرضاولك الضر نحي فكرة الهربة من بالك اذا حبيتي تحافظي على روحك
وزيد عفسة خلاف انت بحكم راكي فهادي السن راهي فترة المراهقة وفترة شوية حساسة يعني اي كلمة تقدر تغيضك وماتعجبكش من داركم عليها راكي تحسي بلي يكرهوك وعلى اي عفسة يعيطو علييك هاذي مجرد حساسية زايدة
انت حاولي اقعدي مع داركم واحكيلهم واش تحسي صدقيني رايحا ترتاحي ملييح قوليلهم شوفوا واش راني نحس من جيهتكم معليش تفهموني علاه المعاملة هاذي من طرفكم هوما وحدهم يتولهوا مع روحهم ويفهموك كل شي ومع الوقت تشوفيه مشكل تافه وقريب كنتي رايحا دمري حياتك على جالو
اختي نصيحة اخرى اتقربي من الله عزوجل رايحا تلقاي راحتك وين تحسي بالضيق تع داركم صليلك 2 ركعات واقراي شوية قرآن تشوفي كيفاه تحسي بالراحة
وربي يهنيك ويعطييك ماتتمناي اختي ​

 

[Hakan]

رد: حابة نهرب من الدار

السلااام عليكم واش راكي اختي الصغيرة
انت قلتي النااس كامل تكرهني وانت ما تعرفيني ما نعرفك والله غير حبيتك ونقولهالك قدام الاعضااء
انا نعز اختي بلا ما نعرفك وبلا اشياءك اللي ديريهاا وانت ماراكيش حااسةبيهاا
نوريلك واحد لوكان تهربي لعنو رايح يخلي كامل النااس تحبك ويليو يقدرووك ويحتارموك كيما راني نحتارمك انا
يقول الله تعالى ( فَفِرُّوا إِلَى اللَّهِ إِنِّي لَكُمْ مِنْهُ نَذِيرٌ مُبِينٌ ) الذاريات/50.

انعم الهربة تسلك عند ربي سبحانو ايا اختي ياك حنايا نعطوك حلول وانت طبقيهم نعطيك برناامج ولتزميه وان شااء الله خير :

اولا نوضي تصلي الفجر نتااعك في وقتو ثانياا بعدي على الانترنت لمدة 20 يوم
خلال العشرين يوم حاولي تعملي امورك الخااصة بنفسك :
اغسلي اشياائك بنفسك
نظفي الغرفة نتاعك بنفسك
وديري اشياء اخرى عاوني الام نتااعك
واياك ثم ايااك تردي الهدرة راني قلتهاالك 20 يوم وتنجح الخطة خلال العشرون يوم ما ترجعيش الهدرة لاي كان والكلام اللي يقولوهولك روحي في صلاتك عاودي احكيه لربي سبحانو وقوليلو ياربي راهم يقولو فيا كذا وكذا وانت راك عارف بلي ماعنديش ومافيااش واش راهم يقولو وداايما استغفري واستغفري واستغفري

الهربة ما دير والو
طفلة وردة ماشااء الله في عمر الزهور تخرج في هذاك الظلام وحدها خاايفة انساانة شريفة تخاف على العرض نتاعها وشرفها تمشي وحدهاا في الظلمات ماهيش حااجة سااهلة وكي تهربي رايحة تزيدي تاكديلهم بلي راهم كانو على صواب
اذن ما تخليلهمش الفرصة راني قتلك طبقي نصائحي ورايحة تفيدك واما مشكل صديقتك مازالك صغيرة باش تقولي عندي صحبتي مازال العمر قدامك وان شااء الله ختي يكونو عندها صحابات بزااف يعاونوها ويخمو فيها ويحكولها ويشكولها ويقولولها حابين نهربو وهي تضحك وتقلهم ما تهربوش وماشي هكاك وربي يهني ختي تصبحين على فرج من الله.....​

 

[باتنية و نص]

رد: حابة نهرب من الدار

سلـــآمــ عليكمــ

~

كيف حالك أخيتي؟

حنونة كلامك ممكن يكون صائب وممكن يكون غآلط وفي كلتا الحالتين وايا كانت منهما صحيحة ملازمش تخممي هاك

الدنيا هاذي حكايات وقصص وحاجة ما تجي هكاك بالصدفة بدون سبب

واحد ما يكره بدون سبب

مكانش ام تكره ولادها خاصة اذا كانت طفلة وكيما تقول ماما ديما "الطفلة كي تزيد تزيد برا القلب وكل متكبار تدخل القلب كثر وكثر"

امك ممكن تكون تواجه مشاكل ولا عندها ضغوط تخليها تدعيك دون قصد،،،وشخصيا صراتلي بكري لما كنت فعمرك ولا قل كنت نبكي كي ماما تقولي كلمة صغيرة برك لانو عودتنا على حنيتها

لكن لما كبرت واستعقلت وفقت وشفت الدنيا وعرفت وفهمت بزاف صوالح ماوليتش نلومها

بالمقابل انت ممكن تكوني حساسة خاصة في هذا العمر ونقولهالك عن تجربه

عندي اختي صغيرة في نفس عمرك كل مانحكو معاها كلمة تبدا تبكي وتعيط حتى ولو كانت تافهة

وحاسة بلي كامل جايين ضدها ونكرهوها وتقولنا انا مريضة بالقلب وحابين تكملو عليا (وفي الحقيقة احنا قاعدين نقسو عليها لاسباب خاصة ولمصلحتها)خاصة انو الجيل تع هاذ ليام صعيب انو تسيطر عليه


وبالنسبة لصديقتك عندنا مثل يقول :"وحذي والا اسعيف اوذيحلي "

يعني ربي حب يبعدك عليها لسبب من الاسباب ,,على الرغم من انو هاذ لحكايات منتشرين بزاف بين لبنات

وديها نصيحة من اختك حاولي على قد مقدرتي متصاحبيش بزاف ،،،

زيدي راجعي روحك بزاف وشوفي فاه زعفتي ماماك واذا مكانش خليها لربي وخلاص

نعرف مليح وش معنتها "الحقرة" ووش تخلي في نفسية بنادم لكن مهما كان متحاوليش تحقدي ،،،ربك حنين كريم

انتي ديري لي عليك واحملي هاذي امك مهما كان حاولي تقراي وتفرحي والديك وان شاء الله تكبري وديري مستقبلك وتلقاي خدمة سلاح في يدك ويرزقك ربي بالزوج الصالح ويعوضك على وش فات

ومديريش في بالك بلي نتي برك لي عشتي هاذ الامر

والدي مر بنفس تجربتك تقريبا وللضك مزال بار بوالديه والحمد لله

ربي يوفقك ويفرج عليك

ومديري والو فبالك راناكامل عندنا حاجة تضايقنا

لكن الواحد يشوف لوجه ربي برك،،الدنيا فانية

وربي يجيب اللي فيه الخير

تحياتي​

 

[جليلوس]

رد: حابة نهرب من الدار

السلام عليكم
لا حول ولا قوة الا بالله
شاراكي تقولي خيتي استغفري مولاك كاين ناس محرومين من نعمة الوالدين والعائلة بأكمل
عايشين في دور الأيتام او متشردين .... استغفري وانعلي الشيطان حاولي تتقربي منهم اكثر
خاصة الوالدة الكريمة ادا رضات عليك هي خلاص كلش راح يسهلك ويفتحها ربي في وجهك
نوضي صلي صلاتك وخليك من هاد الأفكار الشيطانية ماتخرجكش انا نقولك ...
راح تجيبلك الهدرة كثر ملي راكي فيه
ادعي ربي وصلي كيما قلنالك وحاولي تتقربي من اهلك اكثر ... بلاك تعرفي وين راكي غالطة ومازلتي صغيرة والدنيا قداااامك ياااااك خيتي الصغرى نصيحة لوجه الله ماتعاوديش تخممي كيما هااااك
ربي يفتح عليك ويوفقك ان شاء الله
تحيتي
​

 

[بقايا إنسان]

رد: حابة نهرب من الدار

سلام الله عليكم وبعد:بنيتي المدللة اذا هربتي من بيتكم لا قدر الله سيحدث لكي مثل الذي هرب من حرارة الشمس إلى النار
وما رأيت في مشكلتكي إلا المبالغة صحيح أنتي بحاجة إلى العناية أكثر ولم تنتبه لكي أمك ربما لغرض ما أنت تعرفينه
وكما يبدولي فإن أمك كرهت أعمالكي ولم تكرهكي أنتي فلو غيرتي في أفعالكي فستجدين العكس
لاتقنطي بنيتي من رحمة الله فإني والله رأيت إناث الحيوانات العجماوات تذود على صغارها بالنفس والنفيس وهي لا تعقل فماذا عن أم بعاطفة جياشة؟؟؟؟ سارعي إلى تغير سلوككي وسيتحسن وضعكي بحول الله

 

[الامين محمد]

رد: حابة نهرب من الدار

الحقيقة ما خلاولي الخاوة ما نحكي
انا موافقهم نزيدك معلومة فقط

كامل البنات اللي تعبوا عند والديهم نجحوا في زواجهم
لأنهم تعبوا و كبروا على التعب
و لما تتزوج تجد نوع من الحرية تخليها تبدع و تتمتع في حياتها

ربي يهدي خاطرك و يفرج همك و يخليلك والديك و عايلتك​

 

[أم أُنٌَيسة]

رد: حابة نهرب من الدار

السلام عليكم و رحمة الله تعالى و بركاته
مالقيت مانقول اختي
الاعضاء كفوا ووفوا و اعجبني رد الاخ حكيم ماشاء الله بارك الله فيه
الجئي لربكي اختي
نسال الله العظيم ان يوفقكي بما تحبين فيما يحب و يرضى لكي
تحياتي​

 

[{مُدَلَّلَتُهُ}]

رد: حابة نهرب من الدار

السلام عليكم و رحمة الله وبركاته

أستغفري أختي و احمدي ربي على نعمة العائلة كاين الي راهم يحوسو عليها بالدراهم و ما صابوهاش

شوفي لتصرفاتك و حاولي تفهمي من عايلتك علاه تغيرت معاملتهم ليك

أختي لا عايلتك الي جابتك راكي تقولي باغية تهربي من عندهم مالا كي تروحي برا و تصيبي الذئاب البشرية شا تقولي ؟ المهابيل و ما خلاوهمش في حالهم باغي يخلوك انت كي الوردة ؟ !

ما تخليش الشيطان يوسوسلك و يدخل بينك و بين عايلتك ما تخليهش يعميك و تروحي ديري حاجة نهايتها باينة و معروفة انت برك كي راكي مقلقة ماراكيش شايفتها

ربي يهنيك حبيبتي و يرزقك راحة البال ♥ تقربي من الله هو ملاذك ♥
​

 

[السلطانة]

رد: حابة نهرب من الدار

السلام عليكم

اختي نتمنى انك تدخلي وتطمنينا بلي مهربتيش من الدار


وبدلتي رايك

 

[Me too]

رد: حابة نهرب من الدار

السلام عليكم اختي العزيزة
اياك تغلطي غلطة كيما هذه
مايدوملك غير عايلتك وداركم
والشارع ميرحمش راح اجيبي العار الروحك واللعايلة ديالك وهكذا ازيدو يكرهوك
ملقري عندك وين تروحي بصح هذه العايلة مرحش تتحملك اكثر من شهر مهما كانت القرابة
وكيما قالتها الاخت شوفي روحك وعاودي صلحي اخطائك
صلي واستغفري وقراي القران وربي ايجيب لفيها الخير
وانتي مزالك صغيرة متضيعيش روحك ارجوك

 

[Nina's]

رد: حابة نهرب من الدار

نظن اني عرفتك حبيبتي
اقراي و افهمي مليح. حنا كامل {مراهقات العصر} يجينا الوسواس هذا و هو مجرد وسواس من الشيطان
تحسي الدنيا كامل دارت عليك, و واحد ما يحبك و واحد ما يحس بيك
و لكن طبعا هذا مجرد تخيل يخرجو العقل الباطن باش تحسي بالكآبة لي تحسها المراهقات عادة
و تاني هذا الشيء راح يساعد الشيطان باش يضعّفلك الايمان بربي و يبعدك عليه
هذا من جهة ~
و من جهة اخرى’ وين راكي رايحة كي تهربي ؟ الشارع راح يرفدك ؟ المجتمع راح يقبل بيك ؟ و المستقبل كيفاش راح يكون ؟ راح يقبل كاش واحد يجيب بنت الزنق يمات ولادو ؟ لآلآ يا بنت الناس فكري مليح قبل ما تندمي و تخسري روحك و حياتك و المجتمع و داركم أيضا لي انا ندعم الموقف ديالهم باسكو مازالنا صغار و يخافو علينا
اسمحيلي راني مشوشة شويا دونك وحدك افهمي الكلام لي بين السطور
سلام​

 

[بنت الـ25]

رد: حابة نهرب من الدار

السلام عليكم
اختي العزيزة حتى أب ولا أم ما يكرهو ولادهم
بالعكس كون كاشما يصرا في ولادهم تلقايهم زي المهابل عليهم
سامحيني نقلك بلي انتي لي تكرهيهم كون جيتي تحبيهم ما تخميش في كامل هاد الشي وما تجيش هاد الأفكار في راسك
حابة تهربي تحرميهم منك من جيهة وتلصقي فيهم عار ما يمحيهش الزمان من جهة اخرى وضربتين فالراس تقتل ما توجعش برك
الحاجة لوخرا نفرضوها انك هربتي، وين تروحي؟ غير لاكان عندك لوين تهربي هديك حاجة خلاف
كيما قاتلك الأخت ساندلايلا اقعدي مع روحك خممي وش درتي وعلاش حتى الناس الكل تكرهك
خاطر موحال الناس كامل تكره عبد بلا سبة
شوفي مع نفسك وش راكي ديري؟ وش درتي ؟ انتي أدرى
لا كان غلطتي اطلبي السماح وتوبي ومتزيديش تعاودي
اما حكاية الهربة راهم داروها بزاف بنات قبلك ونهايتهم كانت معروفة ومأساوية
وربي يهديك برك يا اختي

 

[عاشقة الكرة]

رد: حابة نهرب من الدار

السلام عليكم اختاه
اولا عمرو ماكان الهروب من الواقع حل لازملك تكوني صبورة راه ابتلاء من عند ربي سبحانو وربي مايبتلي انسان الا اذا كان أراد به خير عليك بالهروب الى الله عزوجل راح يفتح في طريقك ابواب الخير مانقلكش تفكيرك غريب اي انسان يفوت على مراحل مايلقاش بيها وين دونك لازم عليك تكوني صبورة وتكبري بالك عزيزتي هادي هي دنيا لازملك تتقبلي مرارتها
ماعليك الا بالهروب الى ربي سبحانه
وربي يجازيك ويفتح ابواب الخير في طريقك...سلام

 

[الرومنسي الجاد]

رد: حابة نهرب من الدار

يخي هدرا يخي
نتي وحدة بنت بابا وماما شا داك تحكي ع الهربة وووو
ع هدي ميبغيكش ولديك تخمامك سافا با مش نرمال
احكمي دارك واصبري كشغل برآ تلقاي راحتك ،، هدا مكان بانتلك غي تهربي صايي مكاش حل وحداخور زعما فاميلتكم كاع وراها ..؟
يخي تمهبيل يخي
الله يهديك ــ ديري في بالك سيمانة لولا ليك برآ يطيرو بيك نتي لي قلتيها بفمك لبلاصة لي ساكنين فيها واعرا هدا ونتي في وسط ناسك وعايلتك وحدك زعما تسلكيها !!!
يفقولك بلي تخمي كيما هك يخشان اللعب تزيدي ع روحك هم فوق هم وتغبني عايلتك باطل×باطل
راجعي روحك يا وسمك بروبلام فيك مش ف ناس لي دايرا بيك

 

[mà_dikrà]

رد: حابة نهرب من الدار

علابالك لوكان جيتي قدامي
نضربك :\ واسمحيلي ع الكلمة
شوفي خيتي مـهـمآ صـرآ خممي بشرفك
يـــــــآآو شرف الطفلة ايلا راح راحت
اصبري على يماااك ونتي هاذي الفترة ديييماا الناس تصرالهم مشاكيل
نتي كبيرة عليا مي الفكرة وتخمامك معجبنيش
الله يهديك ...​

 

[لؤلؤة قسنطينة]

رد: حابة نهرب من الدار

السّلام عليكم
وأهلا بختي لعزيزة ^^
شوفي حبيبتي مارايحة نقدم حتى نصيحة لأنو الإخوة قبلي كفاو ووفاو وعطاوك كامل الحلول
رايحة نحكيلك حكاية طفلة برك تفكيرها كان مثل تفكيرك وحست بنفس احساسك بصح واش صرالها ؟؟
وهاد الطفلة هي أنا
بصراحة حتى انا لما كان عمري 15 سنة على ما اعتقد او 14 ما نشفاش مليح
كنت نشوف كلشي قدامي ظلمة , نحس روحي وحدي وماما زعما تعيط عليا وماتحبنيش
وتتمنالي الشر وواحد مايحبني في الدنيا ولما نروح للمدرسة ماعندي حتى صديقة
نقعد غير وحدي وكي نولي للدار نفس الشي كامل يعيطو عليا حتى بداتني التخيلات بلي مارانيش بنتهم الحقيقية
وحتى حسيت بلي راني اسوأ فرد في العائلة ويحبو اختي كتر مني
وكنت كي نقلق نروح لزاوية من زوايا البيت ونقعد نبكي وحدي
ونشفى كان عندنا قط كنت نحكمو نقولو غير نتا لي تفهمني هههه (يامات الصغر )
ونقول بيني وبين روحي غير نروح من الدار هادي ويشتاقو وجهي ههه
وكنت نحس بلي واحد مايفهني ولا واحد يحبني
درك راني كبيرة والحمد لله, واقرب شخص ليا واحب شخص ليا واكتر شخص لي ربما نمدلو عينيا وحياتي
هي ماما , للدرك راهي ساعات تتقلق مني ومهما واش تقول مانقلقش منها
مع انو ربما نفس الكلام لي كانت تقولهولي لما كنت صغيرة , بصح بكري هاداك الكلام كنت نحس بيه بلي كره
ودركا نحسو محبة , تعرفي علاه؟ عقلي ماكانش مستوعب في الوقت هاداك
وهادا واش نسميه بسن المراهقة, لأنو الأنثى دايما تخمم بقلبها كتر من عقلها ولدرجة حساسة بزااف
في سن المراهقة تولي اي حاجة تأثر فيها وتغيضها وتحس بلي راهي مظلومة
سقسيني انا ونقولك , بعد سنوات تولي تضحكي على هدرتك هادي
وزيد نقولك كن جات يماك تكرهك توفرلك متطلبات الحياة كيما النت؟؟
توفرلك اللباس؟ , تخليك تروحي تقراي وديري مستقبلك؟
كن جات تكرهك صح كن راهي حرمتك من الأكل والشرب وضو برا ماتشوفيهش
شوفي ختي لعزيزة , حكاية نهرب برا ماتعاوديهاش , نفضل نتدبح في دار بابا ولا نعيش هانية في الشوارع
برا هادي لي كلماتها تبان ساهلة راهي كسرت بزاف عباد وهوما في سن الرشد فمابالك بطفلة صغيرة
دركا وين راهي تتعلم من الدنيا
شوفي عندي نصيحة صغيرة, جربي اتصالحي مع يماك, اطلبي منها السماح وسلميلها على يديها وقوليلها ما نزيدش نعاود
وعودي كل حاجة تقولهالك رديلها ب "أنعم " وشوفي الفرق

ماكانش في الدنيا احن من قلب الأم وكن جات تكرهك كن راهي رماتك علاه تخليك في دارها؟

رايح يروح وقت ويجي وقت وما تلقاي غير يماك هي اقرب اخت وصديقة وشخص في الوجود
افتحيلها قلبك تفتحلك يديها وحظنها وقلبها
وان شاء الله المرة الجاية نسمعو عليك اخبار سعيدة اختي
تحياتي​

 

[mà_dikrà]

رد: حابة نهرب من الدار

السّلام عليكم
وأهلا بختي لعزيزة ^^
شوفي حبيبتي مارايحة نقدم حتى نصيحة لأنو الإخوة قبلي كفاو ووفاو وعطاوك كامل الحلول
رايحة نحكيلك حكاية طفلة برك تفكيرها كان مثل تفكيرك وحست بنفس احساسك بصح واش صرالها ؟؟
وهاد الطفلة هي أنا
بصراحة حتى انا لما كان عمري 15 سنة على ما اعتقد او 14 ما نشفاش مليح
كنت نشوف كلشي قدامي ظلمة , نحس روحي وحدي وماما زعما تعيط عليا وماتحبنيش
وتتمنالي الشر وواحد مايحبني في الدنيا ولما نروح للمدرسة ماعندي حتى صديقة
نقعد غير وحدي وكي نولي للدار نفس الشي كامل يعيطو عليا حتى بداتني التخيلات بلي مارانيش بنتهم الحقيقية
وحتى حسيت بلي راني اسوأ فرد في العائلة ويحبو اختي كتر مني
وكنت كي نقلق نروح لزاوية من زوايا البيت ونقعد نبكي وحدي
ونشفى كان عندنا قط كنت نحكمو نقولو غير نتا لي تفهمني هههه (يامات الصغر )
ونقول بيني وبين روحي غير نروح من الدار هادي ويشتاقو وجهي ههه
وكنت نحس بلي واحد مايفهني ولا واحد يحبني
درك راني كبيرة والحمد لله, واقرب شخص ليا واحب شخص ليا واكتر شخص لي ربما نمدلو عينيا وحياتي
هي ماما , للدرك راهي ساعات تتقلق مني ومهما واش تقول مانقلقش منها
مع انو ربما نفس الكلام لي كانت تقولهولي لما كنت صغيرة , بصح بكري هاداك الكلام كنت نحس بيه بلي كره
ودركا نحسو محبة , تعرفي علاه؟ عقلي ماكانش مستوعب في الوقت هاداك
وهادا واش نسميه بسن المراهقة, لأنو الأنثى دايما تخمم بقلبها كتر من عقلها ولدرجة حساسة بزااف
في سن المراهقة تولي اي حاجة تأثر فيها وتغيضها وتحس بلي راهي مظلومة
سقسيني انا ونقولك , بعد سنوات تولي تضحكي على هدرتك هادي
وزيد نقولك كن جات يماك تكرهك توفرلك متطلبات الحياة كيما النت؟؟
توفرلك اللباس؟ , تخليك تروحي تقراي وديري مستقبلك؟
كن جات تكرهك صح كن راهي حرمتك من الأكل والشرب وضو برا ماتشوفيهش
شوفي ختي لعزيزة , حكاية نهرب برا ماتعاوديهاش , نفضل نتدبح في دار بابا ولا نعيش هانية في الشوارع
برا هادي لي كلماتها تبان ساهلة راهي كسرت بزاف عباد وهوما في سن الرشد فمابالك بطفلة صغيرة
دركا وين راهي تتعلم من الدنيا
شوفي عندي نصيحة صغيرة, جربي اتصالحي مع يماك, اطلبي منها السماح وسلميلها على يديها وقوليلها ما نزيدش نعاود
وعودي كل حاجة تقولهالك رديلها ب "أنعم " وشوفي الفرق

ماكانش في الدنيا احن من قلب الأم وكن جات تكرهك كن راهي رماتك علاه تخليك في دارها؟

رايح يروح وقت ويجي وقت وما تلقاي غير يماك هي اقرب اخت وصديقة وشخص في الوجود
افتحيلها قلبك تفتحلك يديها وحظنها وقلبها
وان شاء الله المرة الجاية نسمعو عليك اخبار سعيدة اختي
تحياتي​

نتفق معاك بخصوص هادي ​

 

[همس الوُرود]

رد: حابة نهرب من الدار

السلآم عليكم ورحمة الله وبركآته~

يآ أختي أنآ فتآة في نفس مرحلتك وعمري أيضآ في تلك الفترة ~18 سنة

لآ أعلم إن كنت أصغر مني أو أكبر أو أنت في نفس عمري

أقول هذآ الكلآم لأخبرك بأننآ كلنآ في هآته الفترة .. نتألم

و نوآجه مشآكل كثيرة .. لأننآ وصلنآ إلى مرحلة التطور أقصد أننآ سننتقل من مرحلة الجنون و الطفولة و ....

إلى فترة العقلآنية فيجب أن نصبح مسؤولين عن أنفسنآ وربمآ حتى عن غيرنآ~

وفي هآته الفترة نحن نتصرف تصرفآت أحيآآ تكون غير طبيعية خآصة الإدمآن على الأنترنت والتهرب من المسؤولية ووو..

فمثلآ أنآ عندمآ كآن لي عآم البآكآلوريآ كآن من المفروض أن أدرس و أتحمل مسؤوليتي بنفسي

لأفرح وآلدآي و عآئلتي لكنني لم أتحمل تلك المسؤولية وكنت دآئمة الدخول إلى الأنترنت وكنت لآ أهتم بالدرآسة أبدآ

وهذآ الهروب لم يجعلني أفرح لآ أبدآ بل جعلني مستآءة من نفسي

حيث أصبحت أرى نفسي سيئة و رسبت في الإمتحآن وازدآد إحبآطي..

و تركت أمي تعمل وحدهآ لأنهآ كآنت توآجهني ضغوطآت كبيرة من قبل صديقآت و من قبل الدرآسة و و

و بمآ أني لآ أسآعد أمي وهي وحدهآ أصبحت تصرخ في وجهي و تغضب علي وتقول ليتوقفي عن الدخول إلى الأنترنت لتصبحين أفضل...

كل هذآ لآ يدل بأنهآ تكرهني لآ أبدآ ولكنهآ لآ تحب رؤية ابنتهآ تفشل أمآمهآ

أختي لآ تفكري في الهروب وتلك الأمور وأنآ أعلم بأنك لآ تفعلي هكذآ لأنك قلت أنك خآئفة من الشآرع

لذآ فأنت تعلمين خطورة الأمر

سأملي عليك مآ فعلته أنآ واتبعيه

أنقصي الأنترنت فتلك أول خطوة تقومين بهآ للتقدم

تقربي إلى الله ..

بعدهآ سآعدي أمك فوق طآقتك حتى لو لم ترد منك ذلك فقفي عندهآ وقولي لهآ أنآ هنآ أمآمك

إن احتجتني فقولي لي

وابقي أمآمهآ وآقفة

لآ تجعليهآ تعمل أبدآ ودعيهآ ترتآح من الأعبآء

هكذآ فعلت أنآ والحمد لله أمي لآ تصرخ في وجهي بل هي تتكلم معي وتعآملني كفتآة كبيرة


تحيآتي أختي​