ماما ماراهاش ماما

[مشكلتي]

السلام عليكم ورحمة الله و بركاته
شكرا لكم على دعمكم
بخصوص كلمة الطلاق هي تقالت هكا برك بابا ماقلهاش راكي طالق تقولو زعما كون نطلقوا خير فض المكتوب خلاص كل واحد يروح في حالو برك ماوصلتش لهاداك الحد الحد وهدا لا يعتبر طلاق
بالنسبة لحالتنا الدينية كل المسلمين بعاد على ربي سبحانو احنى نديرو غير في القليل القليل مي الحمد لله كامل نصليو و القرآن في الدار ككككللل يووووووووم و اختي قارية شريعة اسلامية في الجامعة و هي الي تقرا في الدار القرآن و ماما تصلي و تقرى قراان تاني و خاوتي و بابا في الجامع صلواتهم و الحمد لله ي ربي .. و عاقلين مش هادوك الى خارجين الطريق
احنى عارفين ماما واش بيها و مين جاية السبة تاع الاسباب عندها مشاكل مع عايلة بابا هي ماتتهدرش معاهم و حابة تمنع بابا من دلك و هدا حرام عليها هادو خواتاتو و خاوتوو ........... هكا ينوضو المشاكل !!!! قالها بابا انت ماتروحيش و ماتهدريش على روحك انا ندير الى نحب هادو خاوتي و بابا من النوع الكتووم هو مايهدرش كامل يرمي كلمه و يسكت ......
بالنسبة للطبيب تاني .. انا ماشايفتهاش من جانب العيييب انا نخمم في ماما ادا قلنالها طبيب نفسي تزعف ولا حاجة .. و لا تغيضها روحهاا برك ماشي عيب و ماشي حراام
حاااااااااااااااااااااااااااولنا نهدرووووووووووووووو معاها حاااااااااولناا ... والوووووووووووو حاكمة في رايهاا تحب تنقنق


ششكرا لكم من ساعدني حتى بكلمة
سلام

 

[راضية حامدة]

رد: ماما ماراهاش ماما

تم الاعتماد
من جهة ربي سبحانو اكيد كلنا مقصرين و ربي يبلي لي يحبو
اما عن الطبيب ربما عندها مكبوتات في خاطرها ربما ذكريات راهي تعذبها
الالم يولد القسوة و مادامها قاسية هكا معناها راهي تتالم لاسباب راكم جاهلينها
نعاود ننصحك بالرقية اولا ثم النفساني حبيبتي
ربي يحفظلك ميمتك و يرجعلها عافيتها و يفرحها بيكم يا رب

 

[لؤلؤة قسنطينة]

رد: ماما ماراهاش ماما

وعليكم السّلام ورحمة الله وبركاته
ربي يفرج ختي ان شاء الله
وكيما قالتها الأخت ربما من المشاكل لي عايشتها لي تحولت وولات هكا
وتولي ترجع غشها فيكم
هادا من جهة من جهة ثانية , نغلط يماك في حكاية المشاكل بينكم وبين عائلة باباك
ومن حقو باباك يروح ليهم ويشوفهم مهما واش يديرو
انا ماما راهي في 23 سنة زواج على ما اظن يوم ماشافتو مليح من جهة عائلة بابا
وللدرك مازالو ورانا, توصلت بيهم حتى قطعولنا التريسيتي في الحر
والغاز في البرد , وللدرك نحكيو معاهم هوما يحاربو فينا وحنا غير الكلمة لحلوة تروح ليهم
ولما شاف بابا بلي كترو على ماوصاوهم قال نبعد عليهم ومانزيدش ندور بيهم خلاص
والله وقفتلو ماما في وجهو وقالتلو غير خواتاتك وخاوتك لي ماتبعدش عليهم وماينفعك غير خوك وختك

انا من جهة أخرى , نظم رايي لرأي الأاخ حكيم كيما قالك الرمة لي فاتت
يماكم ما تتخلاوش عليها ولو تجريو عليها من بلاصة لبلاصة ما طيشوهاش وحاولو توعيوها

وبما انو باباكم عاقل حسب واش هدرتي عليه ارجعو لباباكم

ان شاء الله تتحل كامل الأمور
ورايحة تلقاي النصائح من الإخوة بعدي ختي

تحياتي​

 

[BLEU PEARL]

رد: ماما ماراهاش ماما

السلام عليكم
يا أختي ماتقنطوش من رحمة الله هذا ابتلاء من عند ربي
روحو شوفو راقي يا أختي كاش سحر فبابكم ولا على أمك
باباك ربي يعطيه الصبر ونمنى مايغلطش ويطلق راكي قلتيلنا امكم تغيرت بزاف يجي النهار ويكره اتصرفو قبل ماتتفكك عايلتكم جيبو راقي يا أختي طولتو بزاف
وراني ندعيلك اختي وحاولو تتجنبو الرد عليها خلوها فحالها
هاذي قصة حقيقية صرات ومع جارتنا كانت عايشة لابال في مع أولادها وزوجها يحوسو يضحكو يلعبو وهم مصلين وأتقياء
اتحسدو وربي يبعد علينا وعليكم دارولها سحر
مرة هزت شاقور وههدت زوجها يتقرب ليها تقتلو وخرجت تجري كسرت كل أبواب الجيران الي قراب ليها ومن هذيك الدقيقة وهي تقولو ولولادها نكرهكم و وووو كلمات جارحة مانفعش طبيب عامين وهي هكذاك وفي دار امها بعاد على ولادها وزوجها وكي اداوها ارقاولها لقاو عندها سحر كبير 04 سنين وهي تعالج باه برات الحمد لله
العبرة ماتخلوش يماكم تزيد حابتها من غدوة جيبو راقي ورجعيلنا بالخبر واحذرو السحرة
وربي معاكم اختي

 

[بقايا إنسان]

رد: ماما ماراهاش ماما

إذا علم السبب بطل العجب
اختي الكريمة حكاية نصف المشكلة تعطيك نصف حل
متخافيش معظم النساء يكرهو أهل أزواجهم هههههه
كيما النار والتبن اذا اجتمعو تشعل الحالة (نار حمرة) هههه

 

[همس الوُرود]

رد: ماما ماراهاش ماما

السلآم عليكم

أختي معنتهآ الحكآية في أنو أهل أبوك لآ ينسجمون مع امك ~ أكيد حدثت مشآكل عديدة

هنآ لآ تستطيعوا أن تغيروا رأيهآ إلآ إذآ أصلحتم مآ بين أهل أبآك و أمك..

حآولوا أن تقنعوهآ بأنه يجب أن يتصل مع أهله لأنه أصلآ في ديننآ

لآ يمكن للمرأة أن تأمر زوجهآ بل هي تعطي الآرآء وتنصح فقط لكن الزوج هو من يأمر

وهل هي تستطيع أن تبتعد عن أهلهآ؟؟ مستحيل

حآولوا أن تحآوروهآ بلطف ..وفي حديثكم لآ تُظهروا لهآ بأنكم ضدهآ بل أحسوهآ بأنكم معهآ وأنكم تحسون بمعآنآتهآ

فلربمآ ظلموهآ كثيرآ أهل أبآك لذلك لآ تستطيع أن تحملهم ..

فليتكلم معهآ من تنسجم معه أكثر لآبد أن الأم لهآ من أبنآئهآ من تحكي له أسرآرهآ

يذهب هذآ الشخص ويحدثهآ بهدوء ويقنعهآ وتخرجون بحل ..

تحيآتي الخآلصة لك أختي ~ و أرجو أن يفرج الله همكم ..​