سلام الله عليكم أحبتي الكرام وبعد:اليوم عندي كلام رايح نطرحو عليكم وانتم أوضعولو عنوان
من طبيعتي أني منتوقف بسيارتي لحتى واحد نلاقاه يدير ف stop في الطريق سواء كان شاب أو شابة إلى كبار السن,,,,هيا في يوم العيد رحت نغافر الوالدة وهي بعيد على مدينة إقامتي فبقيت معاها حتى العصر ورجعت مروح لمدينتي لي فيها بيتي طبعا وانا في الطريق لقيت شيخ كبير رافع يدو لل stop ,فحبست ونزلت من سيارتي باش نركبو ...هيا وحنا في طريق بديت نحكي معاه ,فقتلو يا جدي لوين رايح في هذا الوقت؟؟؟فقالي رايح لعند بنتي نعيدها متزوجة في المدينة نفسها لي رايح انا ليها ,,,,,هيا بدا يحكي على مغامراتو لما كان يخدم في فرنسا فعرفت انو مسكين قضى حياتو كاملة بعيد على ولادو هيا لما دخلنا للمدينة قلت لو :وين تسكن بنتك حتى نوصلك لدارها؟فقالي:يقولوا أنها تسكن في الكارتي لي فيه طبيبة ,,
فقتلو يا جدي الحاج الطبيبات راهم في كامل لمدينة واش من طبيبة تقصد؟قالي وأنا وين نعرفها...؟يلا وبدا الخوف يمشي في جسدي من تحت للفوق .الخوف أني لو ملقيتش بيت بنتو وينا رايح نديه؟؟؟لبيتي؟؟؟وهل هو يقبل.؟؟ فقتلو:يالحاج أعطيني لقب زوج بنتك.فقالي:لقب منعرفوش ومن بعد تبين أنو زوج بنتو مهوش من المدينة,يعني الناس ميعرفوهش وبقيت ندور بيه (حومة حومة. بيت بيت,زنقة زنقة هههه) فيها طبيبة هههههههه ونسال وهو قاعد في السيارة ماراحلوش طول وانا نجري ونبحث على بيت بنتو حتى تعبت
وفي الاخير لقيت واحد يعرف زوج بنتو فدلني على الشارع الي يسكن فيه ,,,ففرحت فرحة عظيمة هههه على أني لقيت البيت ورايح نتخلص منو هههه فلما وصلت للشارع لي ساكنة فيه بنتو,قتلو:انزل الحاج راك وصلت,قالي : لالا أنزل انت وابحثلي على بيتها,,,,يعني هنا قاعد ومش رايح ينزلي من السيارة ...فنزلت على زهري المسود نطرق على كل باب او في الليل ونسأل :هذا الحاج لي راكب معاية ليكم ولالا هههههه حتى وصلت لآخر بيت فخرجو ليا بنات صغار لما شافو جدهم راحو يجرو ليه يفرحو بيه وخرج ليا مول البيت طبعا شكرني وقلت لجدي الحاج يلا خلاصو دراهمك انزل ,,قالي:يلا انزل معايا تتشعا وتروح,قتلو :في العيد المقبل إذا عشنا ههههههه
فمنخبيش عليكم خاوتي على قدر الغضب من برودة أعصاب هذا الشيخ إ والورطة الي وقعت فيها إلاأن هذا الشيخ علمني بفعلو هذا أهمية التوكل على الله من أجل صلة الرحم
والعجب أنو:الشيخ خرج من بيته بعد العصر في يوم عيد والمواصلات منعدمة تماما ورايح يسافر لبنتو تٌقدر المسافة بيناتهم 50 كلم متوكل على ربي من أجل إصال صلة رحمه ,فسخرني الله له في ذلك اليوم(العيد) وننقلو بسيارتي ونسافر بيه ونبحثلو على بيت بنتو لحتى وقت العشاء ........وحنا شافناربي مقصرين في صلة رحمنا يسر علينا بالهاتف ومع ذلك والله واحد ما يتصل بخوه باش يقلو صحا عيدك
استسمحكم على الاطالة أحبتي كما أترك لأقلامكم المجال للتعقيب ووضع عنوان مناسب لهذا الحدث سلام
من طبيعتي أني منتوقف بسيارتي لحتى واحد نلاقاه يدير ف stop في الطريق سواء كان شاب أو شابة إلى كبار السن,,,,هيا في يوم العيد رحت نغافر الوالدة وهي بعيد على مدينة إقامتي فبقيت معاها حتى العصر ورجعت مروح لمدينتي لي فيها بيتي طبعا وانا في الطريق لقيت شيخ كبير رافع يدو لل stop ,فحبست ونزلت من سيارتي باش نركبو ...هيا وحنا في طريق بديت نحكي معاه ,فقتلو يا جدي لوين رايح في هذا الوقت؟؟؟فقالي رايح لعند بنتي نعيدها متزوجة في المدينة نفسها لي رايح انا ليها ,,,,,هيا بدا يحكي على مغامراتو لما كان يخدم في فرنسا فعرفت انو مسكين قضى حياتو كاملة بعيد على ولادو هيا لما دخلنا للمدينة قلت لو :وين تسكن بنتك حتى نوصلك لدارها؟فقالي:يقولوا أنها تسكن في الكارتي لي فيه طبيبة ,,
فقتلو يا جدي الحاج الطبيبات راهم في كامل لمدينة واش من طبيبة تقصد؟قالي وأنا وين نعرفها...؟يلا وبدا الخوف يمشي في جسدي من تحت للفوق .الخوف أني لو ملقيتش بيت بنتو وينا رايح نديه؟؟؟لبيتي؟؟؟وهل هو يقبل.؟؟ فقتلو:يالحاج أعطيني لقب زوج بنتك.فقالي:لقب منعرفوش ومن بعد تبين أنو زوج بنتو مهوش من المدينة,يعني الناس ميعرفوهش وبقيت ندور بيه (حومة حومة. بيت بيت,زنقة زنقة هههه) فيها طبيبة هههههههه ونسال وهو قاعد في السيارة ماراحلوش طول وانا نجري ونبحث على بيت بنتو حتى تعبت
وفي الاخير لقيت واحد يعرف زوج بنتو فدلني على الشارع الي يسكن فيه ,,,ففرحت فرحة عظيمة هههه على أني لقيت البيت ورايح نتخلص منو هههه فلما وصلت للشارع لي ساكنة فيه بنتو,قتلو:انزل الحاج راك وصلت,قالي : لالا أنزل انت وابحثلي على بيتها,,,,يعني هنا قاعد ومش رايح ينزلي من السيارة ...فنزلت على زهري المسود نطرق على كل باب او في الليل ونسأل :هذا الحاج لي راكب معاية ليكم ولالا هههههه حتى وصلت لآخر بيت فخرجو ليا بنات صغار لما شافو جدهم راحو يجرو ليه يفرحو بيه وخرج ليا مول البيت طبعا شكرني وقلت لجدي الحاج يلا خلاصو دراهمك انزل ,,قالي:يلا انزل معايا تتشعا وتروح,قتلو :في العيد المقبل إذا عشنا ههههههه
فمنخبيش عليكم خاوتي على قدر الغضب من برودة أعصاب هذا الشيخ إ والورطة الي وقعت فيها إلاأن هذا الشيخ علمني بفعلو هذا أهمية التوكل على الله من أجل صلة الرحم
والعجب أنو:الشيخ خرج من بيته بعد العصر في يوم عيد والمواصلات منعدمة تماما ورايح يسافر لبنتو تٌقدر المسافة بيناتهم 50 كلم متوكل على ربي من أجل إصال صلة رحمه ,فسخرني الله له في ذلك اليوم(العيد) وننقلو بسيارتي ونسافر بيه ونبحثلو على بيت بنتو لحتى وقت العشاء ........وحنا شافناربي مقصرين في صلة رحمنا يسر علينا بالهاتف ومع ذلك والله واحد ما يتصل بخوه باش يقلو صحا عيدك
استسمحكم على الاطالة أحبتي كما أترك لأقلامكم المجال للتعقيب ووضع عنوان مناسب لهذا الحدث سلام
