الجامعات تخرج المخاخ و حنا عندنا تخرج عبدة الشيطان

[آمِيْرَتُه]

السلام عليكم ورحمة الله تعالى و بركاته


مرحبا بالجميع


بغيت نهدر على ظاهرة رجعت منتشرة في بلادنا و لي هي عبدة الشيطان
لمهم تقريبا كامل شفتوا حصة نتاع عبدة الشيطان فالجزائر لي دارتها البلادtv
بصراحة مكنتش نتوقع أن أكبر مركز لعبدة الشيطان راح يكون الجامعة
يعني تقريبا لي قاعدين يعبدوا فيه من طبقة مثقفة و متعلمة مدام راه فالجامعة فأكيد راه مثقف و متعلم و يعرف بعض الأشياء المحرمة مثلا
ناس كي تشوف عنوان قد السخط يقول عبدة الشيطان فالجزائر فأكيد يقول باينة راهم ولاد و لا بنات ميعرفوش خاطيهم داتهم الهاوية لكن بعد ما تسمع أن أكبر جامعة في افريقيا و لي هي جامعة باب زوار مكان توافد عبدة الشيطان هنا gاع يقولو مالا الجامعة مش مكان للتعلم و الثقافة مكان للعبادة وواش من عبادة عبادة الشيطان :s
و تقريبا لي وروهم كامل سنهم يفوق العشرين ماشي صغار قد ما تنحشا ليهم
يدخلوا للجامعة بلباس الأسود و فيه الحيوانات و الاكسسورات عادي
يسمعوا الموسيقى الروك لي فيها أصوات الذئاب و الخنازير أكرمكم الله و البومة تاني
يشربوا دماء نتاع البنات الشابات الجميلات :d
يروحوا للحدائق و للمقابر و يديروا طقوسهم الشطيح و الرديح دgول راهم يدابزوا واحد يضرب في واحد
كل شي عادي كلي مكان والو
هنا السؤال يبقى مطروح : وين راه المسؤول نتاع الجامعة موصلهش gاع خبر على هي الفئة ؟
أمن الجامعة لي يظل واقف عند الباب يخزر في هذي و هذي و يحgر في الزوالي لي لبس كلاكات و بونتاكوغ مراهش يشوف فيهم ؟
والديهم وين راهم مشافوش ولاده في ذيك الحالة و لا بناتهم ؟
كان على بالي بلي كاين عبدة الشيطان فالجزائر كيما كاين في مصر و المغرب و تونس و حتى بلاد الحرمين السعودية مي حاجة لي حبستلي مخي كي قالوا من رواد الجامعات
و الله مخك يحبسوهلك هذوا العباد
كل واحد يقولنا كان يتصور أن طبقة المثقفة و المتعلمة عندنا يكون نصها من عبيد الشيطان ؟
و شكون المسؤول الأول في انتشارها ؟




​

 

[غريب الديار]

رد: الجامعات تخرج المخاخ و حنا عندنا تخرج عبدة الشيطان

مشكورة على الموضوع ..

وما خفي كان اعظم ..

هنا يدرك المرء معنى ان يكون صنف من الناس هم :

_"اسفل السافلين " ... " اضل من الانعام " ..

_المسؤولية واضحة على من تقع ..

_لكن هناك لا مبالاة .. مقصودة ..

دمتم سالمين .. حذرين.

 

[*مواطن بسيط*]

رد: الجامعات تخرج المخاخ و حنا عندنا تخرج عبدة الشيطان

سلامـ عليكم

الهدرة سطر والمعنى بحر ...


الله غالب هدا بحرك يا حوت عوم ولا موت اكثر ما يغيضك انو الدولة سامعة بهد الشيئ مهمهاش الخوف على الدين والتسيب الي صاري على قدرها متنحي الخمار من الجمارك !!!

الجامعات الجزائرية تستحق يمركوها في غينيش بيسك مخارج منها غير العجب العجاب وكل مرة بخرجة جديدة

ندخلو في الموضوع ..يتصرفون بروعة !!! هدا وين نقول على هد الي يعبدو في الشيطان خطاك محيرنيش انهم عبدة شيطان لكن حيروني كراهم من الجامعة راهم بعقولهم كبااار معهمش حتى في مرهقة باه ولعل نقصو شويا اللوم ونطيشوها في طياشة

هدا كلو بسبة ضعف الوازع الديني والوالدين الي الام همها مسلسلات والاب الي همو قصرة مع الاصحاب وماتش البرصا والريال


ربي يهدي انا راني حابس حتى لكلام روحهالي كيف ميقلك جيت ندوخ فهمت بلي جامعاتها متصلح لوالو كن للكباش ياكلو فيها الحشيش


ممم مرسي على الموضوع الي المفاجئ انا سمعتها كن هد هد القضية نحسابهم مراهقين حتى لقيتهم من الجامعة هاو الواحد مصدوم


... سلامـ​

 

[لؤلؤة قسنطينة]

رد: الجامعات تخرج المخاخ و حنا عندنا تخرج عبدة الشيطان

وعليكم السّلام ورحمة الله وبركاته
والله فرحتيني ختي بموضوعك, هادي مدة والغمة حاكمتني وحابة نفرغ قلبي
خلي نجي نثرثر عندك شوي ههه
و ما شاء الله موضوع في الصميم
أولا نفتتح كلامي ختي لعزيزة وقبل ما نهدر على عبدة الشيطان
نحكي على الجامعات ساع , لي عنوانها يدل على العلم بصح محتواها اكبر مكان للفساد وللفسق في آن واحد
وماشي غير من الطلبة من الاستاذة نفسهم, باه تلقى استاذ مثقف يغلق على بنات في قسم بحجة انو يحتاجهم في بحث
و من بعد يقولهم كلام قليل الحيا ويهدرلهم على اشياء تحشم تتكلم عليها بينك وبين نفسك, حسبي الله ونعم الوكيل
يعني الاستاذ نفسو لي راهو حامل شهادة الدوكتوراه ولا شهادة ماعرف واش وهو عقلو فاسد و موسخ حاشاك
لربما واحد في السنة الأولى ابتدائي عقلو احسن منو, واش تتوقعي من الاستاذ لي يقدم المثل يكون عقلو فاسد
يعني الطلبة حدث ولا حرج

المهم
نروحو لهادو عبدة الشيطان
حنا في الجامعة لي ندرس فيها وخاصة كلية الإقتصاد ماعندناش مثل هاد الظاهرة
لكن مرة سمعت من احد الصديقات قاتلي بلي في الحافلة تاع الجامعة لي تركب فيها
لقات زوج بنات يلفتو الإنتباه بلباسهم و تسريحة شعرهم, قاتلي كل شي فيهم اسود
وبما انو صديقتي حكمها الفضول سمعت جزء من كلامهم ولي هو كالآتي:
" أنا نحب كل شي أسود وكل شي فيه ظلمة, واي حاجة فيها دم وقتل نحبها "

ناس جاهلين هادا مانقول , خلاو النور وراحو للظلام , وخلاو ديارهم ورايحين للمقابر
ربي يهديهم هادا واش نقولو

نروحو للاسئلة
بسم الله

وين راه المسؤول نتاع الجامعة موصلهش gاع خبر على هي الفئة ؟
واينة مسؤول ختي, اصلا المسؤول تلقايه اكبر شخص يروج للفساد , راني قتلك الجامعة كلها فساد من كبيرها لصغيرها, حاشا لي مايستاهلش, انا راني نهز في يديا لربي كل يوم غير باه نخلص ونهرب من هاد المكان

أمن الجامعة لي يظل واقف عند الباب يخزر في هذي و هذي و يحgر في الزوالي لي لبس كلاكات و بونتاكوغ مراهش يشوف فيهم ؟
راكي قلتيها الامن هاداك يعس في لي رايحة وجاية, كن تسقسيه نهار دخلتي للجامعة واش كنتي لابسة يعطيهالك بالألف و الباء , هادوك اصلا نشوفهم مصدر قلق , نشوفهم خطر ماشي أمن , ورانا نشوفو في فعايلهم يا لطيف

والديهم وين راهم مشافوش ولاده في ذيك الحالة و لا بناتهم ؟
علابالك حتى قريب تجيني الدمعة لما نسمع كلمة والدين, وينهم الوالدين؟؟
رانا كل يوم نعيطو ونكتبو بالخط العريض " وينهم الوالدين " ماعلابالوش الاب ببنتو, كن جات الأم دير وظيفة الأم وتجبد ليها بنتها والاب يدير وظيفة الاب ويجبد بنو ليه مانوصلوش لهاد الشي.

كل واحد يقولنا كان يتصور أن طبقة المثقفة و المتعلمة عندنا يكون نصها من عبيد الشيطان ؟
ختي الرحمة بالاك في الطبقة الأمية لي راهي تمشي بعادات بكري وواش خلاو فيهم الأجداد, أما دركا تلقى نص الملحدين مثقفين , نص عبدة الشيطان مثقفين ونص المفسدين مثقفين , الثقافة بدون أخلاق , كي الراس بدون عقل, وينهي الثقافة لي ماتخليكش تفرق بين الصح والخطأ , اقعد جاهل خير في رايي

و شكون المسؤول الأول في انتشارها ؟
كل واحد مسؤول عن نفسو ختي لعزيزة , بالرغم من أنو اول دور يرجع لكل مسؤول , مسؤول البيت هو الاب , مسؤول المدرسة هو المدير وهي رايحة , لو كل مسؤول يدير دورو عل ىاكمل وجه كن رانا أمة وصلت للقمة

ربي يهدينا برك ويبعد علينا هاد الجهلة ويختم ربي حياتنا بشهادة ان لا إله إلا الله محمّد رسول الله

تحياتي الخالصة لكِ واعتذر على الإطالة​

 

[ثَسْكُورْثْ نَثْدُوكْلِي]

رد: الجامعات تخرج المخاخ و حنا عندنا تخرج عبدة الشيطان

سلام عليكم اختي شكراا على الموضوع

ربي يستر والله غير خلعتيني

اها صح شاهدت في النت فيديوهات على جماعة الايمو وجماعات اخرى

وعبدة الشياطين ربي يسترنا ويعافينا منهم

مي واش حكيتي انو كاين في الجامعة ووين هنا عندنا في الجزائر والله غير تشوكيت

قلت بلاك ماشي جزائرين

ماعندي مانقول غير ربي يهدي ماخلق

وربي يسترنا ويستر كم كاامل

وكيما قلتي اين المسؤولية اين الامن في الجامعات

والله كل مسؤول سيحاسب على كل صغيرة وكبيرة

في المتابعة لردود الاعضاء

شكراا مجدداا للموضوع
​

 

[أم أُنٌَيسة]

رد: الجامعات تخرج المخاخ و حنا عندنا تخرج عبدة الشيطان

السلام عليكم و رحمة الله تعالى و بركاته
لا حول ولا قوة الا بالله العلي العظيم
وجعني قلبي و اول مرة نسمع بيها والله
ربي يهدينا ان شاء الله
لا حول ولا قوة الا بالله
لا تعليق
بارك الله فيكي اختي و اظن الاخوة وخاصة الاخت لؤلؤة الغالية كفت ووفت
تحياتي

 

[{مُدَلَّلَتُهُ}]

رد: الجامعات تخرج المخاخ و حنا عندنا تخرج عبدة الشيطان

السلام عليكم و رحمة الله و بركاته

لا حول ولا قوة إلا بالله

خلعتيني منمن راني نقرا ثم يا بنتي علاه تديريلي هاك هههههه سيرتو حكاية يشربو دم البنات

الله يثبتنا على الدين و يبعد علينا البلا سمعنا مرة و حنا نقراو بحكاية الإيمو الي في الجامعة بصح حسبتها خرطي برك خرجت الحكاية نيشان ؟ !

مسؤول الجامعة لاهي يحط في الدراهم للحفلات . . . 8 مارس و ذكرى افتتاح الجامعة و عيد الطالب

احنا نقراو و الغنا و الرقص داير حالة في القرية الجامعية

خلي البير بغطاه ربي يسترنا باقيلنا عوام فيها الله يجيب الخير
​

 

[جليلوس]

رد: الجامعات تخرج المخاخ و حنا عندنا تخرج عبدة الشيطان

السلام عليكم
شكرا اختي على الموضوع الهام بارك الله فيك
ياو هادا غير القليل وما خفي كان اعظم
ماشفتو والوا ... راهم يخدموا قزانات في شنابرهم و الهربة في ليل اودي واش الموسيقى للفجر تقول راك في عرس ... نحكي واش نخلي
هنا تبقى مسؤولية الجميع والطلبة بشكل خاص ... يمرمدوا في رواحهم وجابولنا الهدرة معاهم ...
لا حول ولا قوة الا بالله
لازم الوزير يدرى بهاد الشي ومدير الجامعة واساتذة الكليات والمعاهد والرئيس بحد ذاته يا يصفوهم يا يديرلهم حد خلاص بلغ السيل الزبى ... لم يبقى للجامعة طعم وللدراسة معنى صراحة كلش تبخر
الله يستر برك ... تحيتي
​

 

[السلطانة]

رد: الجامعات تخرج المخاخ و حنا عندنا تخرج عبدة الشيطان

وعليكم السلام

قال جامعات قال

جامعات من المفروض تخرج ناس مثقفة وواعية

مي ناس كيما هاذو واش يجي منهم

ربي يسترنا

صحيتي منمن

 

[مابقاش بزاف.Dz]

رد: الجامعات تخرج المخاخ و حنا عندنا تخرج عبدة الشيطان

ما شفتش هده الفئة في جامعة باب الزوار ..
ما يعاب على الصحافة انها تبالغ كثيرا في مقالاتها و تزيد في الهدرة ..
وجب رد الكوارث التي بدات تصل تباعا عبر الوسائل المختلفة افرزها الانفتاح الكبير على العالم الخارجي و السهولة الكبيرة التي وجدتها تلك المعتقدات التي تبدا في التغلغل في نفوس الشباب محدثة شروخا كبيرة ...

 

[آمِيْرَتُه]

رد: الجامعات تخرج المخاخ و حنا عندنا تخرج عبدة الشيطان

السلام عليكم

الله يسترنا برك
خلو قاع الارض جاو يجتامعو في الجامعة
ربي يهدي ما خلق
شكرا على التدخلات

 

[Salam Fleur]

رد: الجامعات تخرج المخاخ و حنا عندنا تخرج عبدة الشيطان

و عليكم السلام اهلا بيك اختي

رغم اني ماشفتش الحصة .... (عندي بزززاف ماتفرجتش التليفيزيون ... ) ...بصح عندي معلومات على واش راك تحكي و ماشي غير جامعة باب الزوار شي هذا راه منتشر في العديد من الجامعات الجزائرية .... و هناك ايضا نوادي خاصة بيهم ....

تقوليلي الدولة .... يرحم والديك الدولة لي تمد موافقة لنادي ماسوني لي هو " نادي الروتاري " و على مااعتقد كامل تعرفوا واش هي الماسونية و عبدة الشيطان راهم جزء لا يتجزا من هذا المفهوم ... واش رايحة تنتظري منها ؟؟؟ ........... المشكل الاكبر لو نحوسوا نعرفوا شكون الرؤوس الكبرى بين عبدة الشيطان هاذوا رايحة تلقايهم اولاد اغنياء و راحوا في جرتهم ولاد زوالية بزااف..... خصوصا لي يغريوهم بالدراهم .............. ختي خلي البير بغطاه لي انوا لو تنحي الغطاء رايحة تفوح الدنيا من العفن لي راه كاين ... وربي يسترنا و يستر وليداتنا ​

 

[بنقابي افتخر]

رد: الجامعات تخرج المخاخ و حنا عندنا تخرج عبدة الشيطان

لا حوله و لا قوة الا بالله العلي العظيم

 

[stelllo]

رد: الجامعات تخرج المخاخ و حنا عندنا تخرج عبدة الشيطان

حالياً الأعضاء النشيطين الذين يشاهدون هذا الموضوع : 1 (1 عضو و 0 ضيف) ‏stelllo