الجلباب ....نعمة ام نقمة ؟!

[sunrise]

بسم الله الرحمان الرحيم
والصلاة والسلام على نبيه الكريم
هاذي اول مرة نحط موضوع في هذا القسم....على خاطر حابة نحكيلكم ونفرغ قلبي ....نتمنى تسمعوني وتنصحوني ....راكم خاوتي وخواتاتي
المهم .....نظن انكم استغربتوا من العنوان .......ايه الجلباب لفت الانظار الي اكثر ....على خاطر ملي لبستوا ...وانا نحس روحي كي نمشي في الشارع كائن فضائي ولا حاجة وحدوخرا ....قع الناس تخزر فيا ....عشيت نحشم باه نخرج غير في وقت الضرورة...على خاطر الجلباب ماهوش شايع في المنطقة اللي انا ساكنة فيها ....
وهوما دايرين في بالهم انو الجلباب وسيلة باه تغطي الطفلة على روحها وادير واش تحب ....تفكير يحط العقل في اليد .......كيفاه الحجاب الشرعي يتهموه كيما الهاك والبنات اللي يخرجوا بلباس ****ما كان لاه نحددوا***ما يقولوا عليهم والو ......
حتى لا فامي نتاعي كي درتو اول مرة ورحت لدار جدي ....قعدو يبحلقو فيا ويعلقوا عليا....لابسة خيشة ....تشبهي لباتمان ....خفاش ........ما نعرف وش .....واش اللي تقلي انا مستحيل نديروا .....
وبيناتنا هاذي الردود كانت من النساء ....معظم اقاربي من الرجال عجبتهم الفكرة وهناوني عليها ......
المهم......هادي قبل ما نروح للجامعة ....كي رحت حسيت روحي كي نمشي مع صحاباتي ...اللي لابسين عادي ....نلاحظ الذراري يخزروا فيا وحتى احيانا يضايقوني ......تخيلوا انهم يخزروني انا ويعاكسوني ****كيما يقولوا المصريين****ويخلوا صحاباتي اللي لابسين اللبسة الملفتة .......ما قدرتش نفهم كيفاه راهم يخمموا ......
وكي ندخل لكش حانوت يعود يعامل فيا معاملة خاصة .....
وانا حسيت روحي بارتدائي للجلباب درت فتنة اكثر من قبل .....****ما عرفتش اسكو كاين خطا في تصرفاتي ولا الناس ولاو غريبين****حرت والله
احيانا نخمم ندير نقاب ....باه نقطع دابر الفتنة هاذي من اصلها ....بصح علابالي اهلي ما راحش يوافقوا لانو الجلباب بالسيف ووافقوني عليه ....لانو في بالهم النقاب اديروا غير المتزوجة...وثاني بما اني نقرى في الجامعة ما علاباليش كيفاه يكون وضعي في القسم مع الاساتذة ....بيناتنا انا تاني متخوفة ومانيش مقتنعة باه نديروا. مئة بالمئة....وكاين الي قالولي ما تقدريش اديري نقاب وانتي تقراي ....ممكن ما يوافقوكش عليه الادارة ....مع اني هاذي اول مرة نسمع بيها....ديجا الادارة واش دخلها في خصوصية الطلبة ......
انا الحمد لله مقتنعة بجلبالي ......والحمد لله كاين بعض صحاباتي داروه بعد ما شافوني ...
فقط انا حرت من تصرف الناس معايا ونظرتهم السخيفة عن الجلباب
يا هل ترى نتوما تاني عندكم ناس تفكر كيما هاك ؟؟؟
اسمحولي اذا طولت عليكم....واقيلا راكم ما فهمتو والو....من الصباح و انا نخلط عليكم ...اسمحولي اول مرة نهدر في هذا القسم​

 

[السلطانة]

رد: الجلباب ....نعمة ام نقمة ؟!

وعليكم السلام ربي يثبتلك بعقلك اختي ويقيك شر الفتنة

نظن الشي لي خلى الناس يحكمو بالسلب على الجلباب والنقاب

البنات والنسا لي شوهولو صورتو ونعذروهم


كي تعود مولات الجلباب تلبسو برك ومن جيهة خلاف دايرة المحرمات
كل كيما تحب تخلي الناس متحطش كونفيونص

اكيد انتي درتيه بنية صادقة ربي يكملك ويسترك

ومتقلقيش روحك بالناس مادامك صافية

وانما الناس توسوسو بحكم البنات والنسا لي شوهو طهارة هذا اللباس

نعرف وحدة دارتو زمان وكانت تضل تفتي ووو
ودرك نحاتو بسهولة ورجعت تلبس السراول راح الخيمار الطويل وراح كلش !!!
انا عن نفسي تشوكيت فيها لأني نعرفها مليح عن قرب

يعني حسبنا الله ونعم الوكيل فيهم برك

 

[Hakan]

رد: الجلباب ....نعمة ام نقمة ؟!

اهلاا اختي سونريس وحد القصة عندها 10 ايام تقريبا ديت جداتي للاستعجالات عندها ضغط دموي وسكر واشياء اخرى ربي يشفافيهاا
المهم وانا لتم حتى جات طفلة لابسة جلباب وبالتحديد نقاب وقيلا ما علابالكم واش يصرالي
نحكي لخواتاتي اعرااض رؤيتي لفتاة دايرة حجاب :
اولا صعود في درجة الحرارة
ثانيا ترتجف اليدين نتاوعي والرجلين نتاوعي
واتوماتيكمون عينيا يهبطو للارض والرااس نتاعي يهبط للارض وتبقى هاديك الصورة السوداء نتاع المتجلببة في رااسي
والله نفتخر نهار نشوف طفلة متجلببةوالناس هادو منافقين شئنا ام ابينا ماطلقو بولحية ما طلقو اخت ما طلقو حتى واحد هوما يديرو في الكحلة وياعجبا يجي يتحججلك وينتفض ويجيه الغضب ويقلك راهم اهانو اللحية واهانو الحجااب يااخي او يااختي انت شايف في روحك انسان صالح لتزم باللحية او التزمي بالجلباب ونحي للناس نضرتهم للجلباب
الله يبارك في دزاير ملاين من الكاسيات العاريات والعجب كامل تلقاهم يخمو في مصلحة الحجااب ويعرفو الشرع ياو روحو تموتو كامل والله اللي يسمع بيكم يضحك اختي ربي يوفقك امشي في طريق ربي وهو يسهلك
ونعطيك فيديو مليح ممكن تستفيدي منو حول مسئلة الحجاب الشرعي ....


https://www.youtube.com/watch?v=duyq3CabuGs​

 

[لؤلؤة قسنطينة]

رد: الجلباب ....نعمة ام نقمة ؟!

السّلام عليكم اختي الغالية ^^
ان شاء الله راكي لاباس؟؟
أولا والله نرفع قبعتي تحية لكِ
نتي درتي خطوة لي عجزو عليها كثير من البنات وانا منهم مانهدرش على الناس وننسى روحي
لأني قد ماراني نحسن في حجابي ونحس بالنقص
وان شاء الله نوصل لما وصلتي ليه ويفتحلي ربي قلبي كيما فتحهولك وخلاك تخيري افضل لباس للمرأة المسلمة
وإذا ناس تمسخرو بيه, ختك راهي هنا انا نفتخر انو كاينة بنت كيفك في بلادي
ونتي افضل مثال على انو بنات الجزائر ماش كامل فاسدات

نوليو لموضوعنا, صدقيني يا ختي كلام الناس مايخلاصش ولو تغطسي روحك في العسل
واش ديري يهدرو, وإذا تبعنا كلام الناس مانوصلو لوالو ومانتبعوش كلام ربي

نتي المهم تكوني قانعة بينك وبين روحك وربي والله يفتحلك طريقك
سيدنا محمد صلى الله عليه وسلم واجه القوم تاعو وجابلهم ماشي لبس جديد , جابلهم دين جديد
وهكاك وواجهم وساعدو ربي وعاونو, لي على طريق الحق عمرو ما يخليه ربي سبحانو
وإذا راكي على كلام العايلة حطيه من وراك

حنا عندنا في عائلة بابا , كامل عماماتي وبناتهم خيمارهم ملاية , يديروه كي يخرجو برك
حتى ولو يدخلو رجال الارض كامل للدار يقابلوهم عادي بلا خمار بحجة راهم في الدار
و ياريت كان خيمارهم ملاية, الملاية كانت مستورة, درك راهم بالفيزو وتريكو طولو 2 ملم والخيمار هاداك لي تقول ريدو تاع الدار يبان منو كل شي
صدقيني انا وختي الوحيدين لي دايما الخمار على راسنا, ضحكو علينا علقو علينا قالو ماقالو
لي تقولك هاداك كي خوك نحي قدامو لي تقولك هادا كي جدك وهادا كي قبيلة عمك وهادا معرف واش
وهكاك وهدرو وحدهم حتى سكتو, نفس الشي في الأعراس يضحكو علينا لما يشوفونا بالخمار
يضحكو على لبستنا وتبانلهم معقدة
مرة قالولي جامي شفنا في حياتنا طفلة تقرا في الجامعة وماديرش الماكياج
وكي تقوليلهم واش فيها؟ يقولولك كيفاه حابة تتزوجي؟؟ (تفكير غبي)

المهم اسمحيلي دخلتك حكاية في حكاية ولكن باه نبينلك برك بلي الخمار وعلقو عليه فمابالك الجلباب
ختي هاد الناس لو تبعيهم يروحو لجهنم ويديوك معاهم

وهادوك الاعتداءات لي يديروهم معاك برا والله عمدا لأنك بنت محتشمة ومتجلببة وقصدهم بهاداك الاعتداء السخرية ختي لعزيزة
ربما كيما قالت الاخت يشوفو هاد اللباس تغطية للفضائح, وهاديك لي راهي هي نفسها فضيحة فوق الأرض مايشوفوهاش؟؟ ولا يشوفو واش يعجب العين؟؟
لكن نتي ماتستسلميش وخاصة انك قلتي انو والديك تعبتي باه اقنعتيهم
يعني تخطيتي الصعوبات على جال هاد اللباس مالا ماتفرطيش فيه وربي معاك
وكلام الناس ديريه طريق وامشي عليه

ربي يوفقك ختي ويهنيك ويرزقك الزوج الصالح ويرزقك التقى والعفاف والغنى ... يا رب
لكِ مني اصدق تحياتي ^^ وراني فخورة بيك ​

 

[الزهرة الحمراء]

رد: الجلباب ....نعمة ام نقمة ؟!

السلام عليكم أختي
أولا اختي انت درتي الجلباب لغرض السترة وزيد انت درتيه لله عزوجل مايهمكش فالناس اختي على خاطر لوكان نتبعوا الناس والله مانسلكوا بيناتنا اختي شكون خير انت ولا لي راهم فالدول الغربية وبالجلباب والنقاب يعني وين تكون النظرة اكثر غرابة ليهم هنا ولا فالدول الغربية وراهم حاملين وكامل
وبالنسبة لهاذوك لي راهم يقولولك خيشة ومانعرف واش قوليلهم الستار لكحل هذا لي راكم تتمسخروا بيه هو غدوا لي رايح يغطي لحمي من نار جهنم
غاليتي نحيييك ونرفعلك القبعة احتراما لكي وكي ديري حاجة ربي امرنا بيها عمرك ولا تكوني غلطتي فالقرار تاعك ربي يعاونك ويعطيك ماتتمناي اختي
ونزيدك اختي نعطيك واحد الأنشودة انا وين نسمعها نبكي على خاطر تحكي على واقع بزاااف بنات
https://www.youtube.com/watch?v=ZaghjOBOk30
ودمتي في رعاية الله وحفظه غاليتي
​

 

[سكون الفجر]

رد: الجلباب ....نعمة ام نقمة ؟!

السلام عليكم ورحمة الله وبركاته
والله يا أختي كنت أتصفح المنتدى وعيناي في طريقهما للنوم
ولكن لفت نظري ذلك العنوان،فتفتحت وطار النوم من عيني، لاني وبصراحة عندي الجلباب والنقاب خط أحمر، يعني بإختصار الذي يمس بكرامة المتجلببة والمنقبة فاليقم العزاء سلفاً.

أختي الغالية
والله وبالله حين علمت أنكِ متجلببة زادت عزتكِ عندي بل ووالله إني أقولها لك من القلب
أسأل الله أن يمن عليكِ بشربة هنيئة مريئة من يدي حبيبنا ونبينا ومرشدنا للجلباب والحشمة محمد ابن عبد الله صلى الله عليه وسلم
أختي وحبيبتي وقرة عيني، لا تستمعي لأحد ينهاكِ عن الحشمة ويأمركِ بقلة الحياء
فلا طاعة لمخلوق في معصية الخالق. إنتهى
يعني لو الآن والدي ووالدتي التي تحت قدميها الجنة أمراني بنزع الحجاب او النزع الجلباب ثقي بأني لن أفعل ولو كان ذلك العناد هو آخر شيء افعله
فإسلامنا لم يأمر المرأة بالحجاب لكي تجلس في بيت اهلها ولا يتزوجها أحد
هذه الفكرة الغبية على الناس أن يتركوها، ينبذوها ويتخلصو منها
فالنصيب مكتوب سواء أكانت تلك الفتاة صغيرة أم كبيرة
ستتزوج طالما أن الله كتب لها رجلاً تكمل معه ما تلقى من حياتها
ووالله وبالله لو أن الأمة اجتمعت على تزويج فتاة لرجل لم يكتبهما الله لبعضهما فلن يتزوجا مهما فعل النااااااس
هذه حقيقة بل هكذا علمنا الله ورسوله

إذاً مما الخوف يا أمة الإسلام!!!!
أختي الحبيبة تلك النظرات التي تتحدثين عنها حصلت لي ولأختيّ فنحن تجلببنا اما اختي فتنقبت حفظها الله
كانت لي قريبة تنعتني بقولها يا صومالية تعالي الا يزعجك هذا؟؟؟؟ تقصد حجابي
فما كان مني الا ان قلت لها صومالية في الجنة خير من غيرها في النار!!!!!!
إصفر لونها طبعاً فهي لم تظن اني سأرد ابداً

اسمعي يا غالية إياكِ ثم إياكِ أن تكترثي بتلك النظرات وتلك الهمسات والإشارات عليكِ
كوني واثقة بنفسك فأنتِ ملك لله ليس لغيره
ثقي بنفسك وارفعي رأسكِ عالياً وقولي لنفسك أنا بنت امهات المسلمين
اختي لا تخافي من شيء فالله كتب لكِ كل شيء تعيشينه حتى تلك الشوكة التي تشاكيها هي مكتوبة في كتاب عند الله منذ خلقتِ

لا بأس إن لم تضعي النقاب فالجلباب يكفي ومع مرور الوقت ستجدي الوقت الملائم لوضعه ايتها الحسناء الجميلة

حبيبتي لا تنزعجي من قول البعض عن المتجلببة
فبعض المتجلببات هدانا الله واياهن شوهن سمعة المتجلببة
فمعظهم فتياة الهوى يتسترن بالنقاب والحجاب خشية أن يتعرف اليهن احد
وتلك العقول المريضة لا تفرق بين مذنبة وبين محتشمة بحق

عقولنا تردد ما يقوله الغرب فهم اصبحوا كالعاب الفيديو مربوطة بآلة تحكم ( لاسلكية )

ثقي بنفسك ولا تدعي تلك الكلاب تنهش وتهتك جلبابك بل امضي في هذا الطريق ولو صعب عليكِ الامر
فالجنة تستحق ورضا الله يستحق ان نفني انفسنا لأجل ان نحصل عليه

حبيبتي اعذريني عن الإطالة ولكن ثقي اني ساكون لكِ ولغيركِ من المتجلببات المحتشمات حصناً منيعاً يخشى احدهم ان يفكر مجرد تفكير بالإعتداء

وفقكِ الله يا غالية وحماكِ الله وجعلكِ من خيرة نساء اهل الجنة إنه ولي ذلك والقادر عليه

هذا والله أعلم وصلّ اللهم وسلم على عبدك ورسولك محمد وعلى آله وصحبه وسلم
​

 

[رابح66]

رد: الجلباب ....نعمة ام نقمة ؟!

السلام عليكم

تحياتي لك أختي الكريمة وبارك الله فيك
الشيئ الإيجابي ذون نقاش هو إرتداؤك للجلباب
اما النظرة ليك من المجتمع فيها إيجابي وسلبي
الوقت متأخر ولنا موعد غذا إن شاء الله في هذه الصفحة من أجل التوسع في التوضيح*​

تقبلوا تحياتي​

 

[Malware Analyzer]

رد: الجلباب ....نعمة ام نقمة ؟!

ببساطة تامة درتيه على جال ربي سبحانو خالق كل شيء
وش تحتاجي من الدنيا كل تحتاجي خالقك الذي سيعطيك كل طموحاتك وامنياتك غير ذلك
شوفي واش راح يقدوملك الناس لو رضو عنك ؟ راح يرضو نهار وغدوة يسخطوا وهكذا دواليك

امالا ارضي لي خلقك برك

 

[red rose]

رد: الجلباب ....نعمة ام نقمة ؟!

اختي انت مقتنعة
بجلبابك اذن خليهم يشلقبو كيف يحبو
انا ثاني هاذ العام لبسته
وليت نلبس غير طويل
و لقيت معارضة منحكيلكش مام من ماما تقولي عجوزة نتي خخخخ
واش نقولك الي ديريه متسلكيش مالا ديري الي يعجبك
في امان الله​

 

[بنقابي افتخر]

رد: الجلباب ....نعمة ام نقمة ؟!

ارضاء الناس غاية لا تدرك
حبيبتي ضحكتني نتاع باتمان مام انا يقولوهالي هههههه
ايا خلي لي بغى يهدر يهدر.
الخبر يجيبوه توالى

 

[sunrise]

رد: الجلباب ....نعمة ام نقمة ؟!

بصراحة لم اتوقع في البداية هذا التفاعل مع كلامي هذا
شكرا لكم انعشتم قلبي واعدتم الي ثقتي بنفسي وقوتي وثباتي
انا فقط اردت ان اشكو لكم معاناتي املا مني ان اجد من يشاركني فيها
وبالفعل وجدت الكثيرين ممن عانو مما عانيت منه وهذا ما سيزيدني ثباتا واصرارا على ما انا عليه
الحمد لله الحمد لله الحمد لله ........مازال كاين الخير في بلادنا
ربي يهدي بناتنا وجميع بنات المسلمين الى الحجاب الشرعي ويهدي شباننا وحتى اهالينا حتى يكفوا عنا السنتهم
شكرا

 

[sunrise]

رد: الجلباب ....نعمة ام نقمة ؟!

وعليكم السلام ربي يثبتلك بعقلك اختي ويقيك شر الفتنة

نظن الشي لي خلى الناس يحكمو بالسلب على الجلباب والنقاب

البنات والنسا لي شوهولو صورتو ونعذروهم


كي تعود مولات الجلباب تلبسو برك ومن جيهة خلاف دايرة المحرمات
كل كيما تحب تخلي الناس متحطش كونفيونص

اكيد انتي درتيه بنية صادقة ربي يكملك ويسترك

ومتقلقيش روحك بالناس مادامك صافية

وانما الناس توسوسو بحكم البنات والنسا لي شوهو طهارة هذا اللباس

نعرف وحدة دارتو زمان وكانت تضل تفتي ووو
ودرك نحاتو بسهولة ورجعت تلبس السراول راح الخيمار الطويل وراح كلش !!!
انا عن نفسي تشوكيت فيها لأني نعرفها مليح عن قرب

يعني حسبنا الله ونعم الوكيل فيهم برك

واش نقول اختي ربي يهدي هاذو البنات اللي شوهوا صورة الجلباب
ماكفاهمش اللي دايرينوا خصهم غير الجلباب يدوروا بيه ....على الاقل خلولنا حاجة نتمسكوا بيها
شكرا اختي على كلامك الصادق

 

[sunrise]

رد: الجلباب ....نعمة ام نقمة ؟!

اهلاا اختي سونريس وحد القصة عندها 10 ايام تقريبا ديت جداتي للاستعجالات عندها ضغط دموي وسكر واشياء اخرى ربي يشفافيهاا
المهم وانا لتم حتى جات طفلة لابسة جلباب وبالتحديد نقاب وقيلا ما علابالكم واش يصرالي
نحكي لخواتاتي اعرااض رؤيتي لفتاة دايرة حجاب :
اولا صعود في درجة الحرارة
ثانيا ترتجف اليدين نتاوعي والرجلين نتاوعي
واتوماتيكمون عينيا يهبطو للارض والرااس نتاعي يهبط للارض وتبقى هاديك الصورة السوداء نتاع المتجلببة في رااسي
والله نفتخر نهار نشوف طفلة متجلببةوالناس هادو منافقين شئنا ام ابينا ماطلقو بولحية ما طلقو اخت ما طلقو حتى واحد هوما يديرو في الكحلة وياعجبا يجي يتحججلك وينتفض ويجيه الغضب ويقلك راهم اهانو اللحية واهانو الحجااب يااخي او يااختي انت شايف في روحك انسان صالح لتزم باللحية او التزمي بالجلباب ونحي للناس نضرتهم للجلباب
الله يبارك في دزاير ملاين من الكاسيات العاريات والعجب كامل تلقاهم يخمو في مصلحة الحجااب ويعرفو الشرع ياو روحو تموتو كامل والله اللي يسمع بيكم يضحك اختي ربي يوفقك امشي في طريق ربي وهو يسهلك
ونعطيك فيديو مليح ممكن تستفيدي منو حول مسئلة الحجاب الشرعي ....


https://www.youtube.com/watch?v=duyq3CabuGs​

اخي لك الف تحية مني ويا ريت كانوا قع الشباب ينظروا للجلباب بنظرتك ....
شكرا اخي على الفيديو ....جعله الله في ميزان حسناتك

 

[sunrise]

رد: الجلباب ....نعمة ام نقمة ؟!

السّلام عليكم اختي الغالية ^^
ان شاء الله راكي لاباس؟؟
أولا والله نرفع قبعتي تحية لكِ
نتي درتي خطوة لي عجزو عليها كثير من البنات وانا منهم مانهدرش على الناس وننسى روحي
لأني قد ماراني نحسن في حجابي ونحس بالنقص
وان شاء الله نوصل لما وصلتي ليه ويفتحلي ربي قلبي كيما فتحهولك وخلاك تخيري افضل لباس للمرأة المسلمة
وإذا ناس تمسخرو بيه, ختك راهي هنا انا نفتخر انو كاينة بنت كيفك في بلادي
ونتي افضل مثال على انو بنات الجزائر ماش كامل فاسدات

نوليو لموضوعنا, صدقيني يا ختي كلام الناس مايخلاصش ولو تغطسي روحك في العسل
واش ديري يهدرو, وإذا تبعنا كلام الناس مانوصلو لوالو ومانتبعوش كلام ربي

نتي المهم تكوني قانعة بينك وبين روحك وربي والله يفتحلك طريقك
سيدنا محمد صلى الله عليه وسلم واجه القوم تاعو وجابلهم ماشي لبس جديد , جابلهم دين جديد
وهكاك وواجهم وساعدو ربي وعاونو, لي على طريق الحق عمرو ما يخليه ربي سبحانو
وإذا راكي على كلام العايلة حطيه من وراك

حنا عندنا في عائلة بابا , كامل عماماتي وبناتهم خيمارهم ملاية , يديروه كي يخرجو برك
حتى ولو يدخلو رجال الارض كامل للدار يقابلوهم عادي بلا خمار بحجة راهم في الدار
و ياريت كان خيمارهم ملاية, الملاية كانت مستورة, درك راهم بالفيزو وتريكو طولو 2 ملم والخيمار هاداك لي تقول ريدو تاع الدار يبان منو كل شي
صدقيني انا وختي الوحيدين لي دايما الخمار على راسنا, ضحكو علينا علقو علينا قالو ماقالو
لي تقولك هاداك كي خوك نحي قدامو لي تقولك هادا كي جدك وهادا كي قبيلة عمك وهادا معرف واش
وهكاك وهدرو وحدهم حتى سكتو, نفس الشي في الأعراس يضحكو علينا لما يشوفونا بالخمار
يضحكو على لبستنا وتبانلهم معقدة
مرة قالولي جامي شفنا في حياتنا طفلة تقرا في الجامعة وماديرش الماكياج
وكي تقوليلهم واش فيها؟ يقولولك كيفاه حابة تتزوجي؟؟ (تفكير غبي)

المهم اسمحيلي دخلتك حكاية في حكاية ولكن باه نبينلك برك بلي الخمار وعلقو عليه فمابالك الجلباب
ختي هاد الناس لو تبعيهم يروحو لجهنم ويديوك معاهم

وهادوك الاعتداءات لي يديروهم معاك برا والله عمدا لأنك بنت محتشمة ومتجلببة وقصدهم بهاداك الاعتداء السخرية ختي لعزيزة
ربما كيما قالت الاخت يشوفو هاد اللباس تغطية للفضائح, وهاديك لي راهي هي نفسها فضيحة فوق الأرض مايشوفوهاش؟؟ ولا يشوفو واش يعجب العين؟؟
لكن نتي ماتستسلميش وخاصة انك قلتي انو والديك تعبتي باه اقنعتيهم
يعني تخطيتي الصعوبات على جال هاد اللباس مالا ماتفرطيش فيه وربي معاك
وكلام الناس ديريه طريق وامشي عليه

ربي يوفقك ختي ويهنيك ويرزقك الزوج الصالح ويرزقك التقى والعفاف والغنى ... يا رب
لكِ مني اصدق تحياتي ^^ وراني فخورة بيك ​

اختي واش نقلك
كي عادتك وفيتي وكفيتي
يعطيك الصحة وعندك الحق
وربي اختي يسهلك وديري الحجاب الشرعي ....انا ثاني طولت مادرتوا ...
تخيلي اربع سنوات وانا نخمم ونبحث وندعي ربي ييسرلي والحمد لله في الاخير قدرت ندير الخطوة الاولى .......ثبتنا الله واياكم
الف تحية وسلام لك اختاه

 

[sunrise]

رد: الجلباب ....نعمة ام نقمة ؟!

السلام عليكم أختي
أولا اختي انت درتي الجلباب لغرض السترة وزيد انت درتيه لله عزوجل مايهمكش فالناس اختي على خاطر لوكان نتبعوا الناس والله مانسلكوا بيناتنا اختي شكون خير انت ولا لي راهم فالدول الغربية وبالجلباب والنقاب يعني وين تكون النظرة اكثر غرابة ليهم هنا ولا فالدول الغربية وراهم حاملين وكامل
وبالنسبة لهاذوك لي راهم يقولولك خيشة ومانعرف واش قوليلهم الستار لكحل هذا لي راكم تتمسخروا بيه هو غدوا لي رايح يغطي لحمي من نار جهنم
غاليتي نحيييك ونرفعلك القبعة احتراما لكي وكي ديري حاجة ربي امرنا بيها عمرك ولا تكوني غلطتي فالقرار تاعك ربي يعاونك ويعطيك ماتتمناي اختي
ونزيدك اختي نعطيك واحد الأنشودة انا وين نسمعها نبكي على خاطر تحكي على واقع بزاااف بنات
https://www.youtube.com/watch?v=ZaghjOBOk30
ودمتي في رعاية الله وحفظه غاليتي
​

وعليكم السلام والرحمة والاكرام
عندك الحق اختي ....مهما كانت نظرة ناسنا غريبة مش ممكن نكون اغرب من نظرة الغرب
ومهما عانيت من كلام الاناس ماراحش نعاني اكثر من معاناة الرسول عليه افضل صلاة وسلام والصحابة الكرام
شكرا اختي ....اصلا هاذيك الانشودة كانت من احد اسباب ارتدائي للحجاب

 

[sunrise]

رد: الجلباب ....نعمة ام نقمة ؟!

السلام عليكم ورحمة الله وبركاته
والله يا أختي كنت أتصفح المنتدى وعيناي في طريقهما للنوم
ولكن لفت نظري ذلك العنوان،فتفتحت وطار النوم من عيني، لاني وبصراحة عندي الجلباب والنقاب خط أحمر، يعني بإختصار الذي يمس بكرامة المتجلببة والمنقبة فاليقم العزاء سلفاً.

أختي الغالية
والله وبالله حين علمت أنكِ متجلببة زادت عزتكِ عندي بل ووالله إني أقولها لك من القلب
أسأل الله أن يمن عليكِ بشربة هنيئة مريئة من يدي حبيبنا ونبينا ومرشدنا للجلباب والحشمة محمد ابن عبد الله صلى الله عليه وسلم
أختي وحبيبتي وقرة عيني، لا تستمعي لأحد ينهاكِ عن الحشمة ويأمركِ بقلة الحياء
فلا طاعة لمخلوق في معصية الخالق. إنتهى
يعني لو الآن والدي ووالدتي التي تحت قدميها الجنة أمراني بنزع الحجاب او النزع الجلباب ثقي بأني لن أفعل ولو كان ذلك العناد هو آخر شيء افعله
فإسلامنا لم يأمر المرأة بالحجاب لكي تجلس في بيت اهلها ولا يتزوجها أحد
هذه الفكرة الغبية على الناس أن يتركوها، ينبذوها ويتخلصو منها
فالنصيب مكتوب سواء أكانت تلك الفتاة صغيرة أم كبيرة
ستتزوج طالما أن الله كتب لها رجلاً تكمل معه ما تلقى من حياتها
ووالله وبالله لو أن الأمة اجتمعت على تزويج فتاة لرجل لم يكتبهما الله لبعضهما فلن يتزوجا مهما فعل النااااااس
هذه حقيقة بل هكذا علمنا الله ورسوله

إذاً مما الخوف يا أمة الإسلام!!!!
أختي الحبيبة تلك النظرات التي تتحدثين عنها حصلت لي ولأختيّ فنحن تجلببنا اما اختي فتنقبت حفظها الله
كانت لي قريبة تنعتني بقولها يا صومالية تعالي الا يزعجك هذا؟؟؟؟ تقصد حجابي
فما كان مني الا ان قلت لها صومالية في الجنة خير من غيرها في النار!!!!!!
إصفر لونها طبعاً فهي لم تظن اني سأرد ابداً

اسمعي يا غالية إياكِ ثم إياكِ أن تكترثي بتلك النظرات وتلك الهمسات والإشارات عليكِ
كوني واثقة بنفسك فأنتِ ملك لله ليس لغيره
ثقي بنفسك وارفعي رأسكِ عالياً وقولي لنفسك أنا بنت امهات المسلمين
اختي لا تخافي من شيء فالله كتب لكِ كل شيء تعيشينه حتى تلك الشوكة التي تشاكيها هي مكتوبة في كتاب عند الله منذ خلقتِ

لا بأس إن لم تضعي النقاب فالجلباب يكفي ومع مرور الوقت ستجدي الوقت الملائم لوضعه ايتها الحسناء الجميلة

حبيبتي لا تنزعجي من قول البعض عن المتجلببة
فبعض المتجلببات هدانا الله واياهن شوهن سمعة المتجلببة
فمعظهم فتياة الهوى يتسترن بالنقاب والحجاب خشية أن يتعرف اليهن احد
وتلك العقول المريضة لا تفرق بين مذنبة وبين محتشمة بحق

عقولنا تردد ما يقوله الغرب فهم اصبحوا كالعاب الفيديو مربوطة بآلة تحكم ( لاسلكية )

ثقي بنفسك ولا تدعي تلك الكلاب تنهش وتهتك جلبابك بل امضي في هذا الطريق ولو صعب عليكِ الامر
فالجنة تستحق ورضا الله يستحق ان نفني انفسنا لأجل ان نحصل عليه

حبيبتي اعذريني عن الإطالة ولكن ثقي اني ساكون لكِ ولغيركِ من المتجلببات المحتشمات حصناً منيعاً يخشى احدهم ان يفكر مجرد تفكير بالإعتداء

وفقكِ الله يا غالية وحماكِ الله وجعلكِ من خيرة نساء اهل الجنة إنه ولي ذلك والقادر عليه

هذا والله أعلم وصلّ اللهم وسلم على عبدك ورسولك محمد وعلى آله وصحبه وسلم
​

وعليكم السلام ورحمة الله وبركاته
اختي الغالية الله يشهد علي اني منذ اشتركت في هذا المنتدى لفتي انتباهي وعرفت دون ان تقولي لي انك متجلببة ....وقد كنت اول من تحدث اليه ايضا ****اذا كنت تذكرين***
وانت ايضا محبة ومكانتك في قلبي عالية غاليتي وانا قلت لك ذلك من قبل ....انا احسك مثل اختي الكبرى .....احبك الذي احببتني فيه اختاه
شكرا لك على كلامك وانت لم تطيلي انت فقط تركت العنان لقلبك الصادق ليتكلم ...والله يشهد علي لقد نفذ كلامك مباشرة الى قلبي وعقلي و ملئت الدموع عيناي
جزاك الله خيرا اختاه وبارك فيك
وثبتنا واياكم

 

[sunrise]

رد: الجلباب ....نعمة ام نقمة ؟!

السلام عليكم

تحياتي لك أختي الكريمة وبارك الله فيك
الشيئ الإيجابي ذون نقاش هو إرتداؤك للجلباب
اما النظرة ليك من المجتمع فيها إيجابي وسلبي
الوقت متأخر ولنا موعد غذا إن شاء الله في هذه الصفحة من أجل التوسع في التوضيح*​

تقبلوا تحياتي​

وعليكم السلام والرحمة والاكرام
:regards01:وفيك بركة اخي
شكرا على مرورك وفي انتظار عودتك لتفيدنا برايك

 

[sunrise]

رد: الجلباب ....نعمة ام نقمة ؟!

ببساطة تامة درتيه على جال ربي سبحانو خالق كل شيء
وش تحتاجي من الدنيا كل تحتاجي خالقك الذي سيعطيك كل طموحاتك وامنياتك غير ذلك
شوفي واش راح يقدوملك الناس لو رضو عنك ؟ راح يرضو نهار وغدوة يسخطوا وهكذا دواليك

امالا ارضي لي خلقك برك

شكرا اخي
بالفعل رضا الناس غاية لا تدرك
ولا طاعة للخلق في معصية الخالق

 

[sunrise]

رد: الجلباب ....نعمة ام نقمة ؟!

اختي انت مقتنعة
بجلبابك اذن خليهم يشلقبو كيف يحبو
انا ثاني هاذ العام لبسته
وليت نلبس غير طويل
و لقيت معارضة منحكيلكش مام من ماما تقولي عجوزة نتي خخخخ
واش نقولك الي ديريه متسلكيش مالا ديري الي يعجبك
في امان الله​

شكرا لك اختي
وثبتنا الله وايكم
وهدى اوليائنا واهلينا وجميع المسلمين

 

[sunrise]

رد: الجلباب ....نعمة ام نقمة ؟!

ارضاء الناس غاية لا تدرك
حبيبتي ضحكتني نتاع باتمان مام انا يقولوهالي هههههه
ايا خلي لي بغى يهدر يهدر.
الخبر يجيبوه توالى

ههه عندك الحق
وكيما يقولوا ندير وذن من طين واخرى من عجين هكاك نرتاح