الرّجولة راحت مع الكيراتين والسيشوار

[لؤلؤة قسنطينة]

السّلام عليكم يا ناس لمتي الغاليين والطيبين
ان شاء الله راكم لاباس؟




بصراحة عندي مدة مافرغتش قلبي وماحكيتش على الظواهر الغريبة تاع المجتمع
و هادا كامل خاطر ماصادفتنيش حاجة غريبة هاد الأيام حتى بديت نقول الحمد لله
ربي يدومها نعمة, بصح وفجأة اليوم شفت حاجة خلاتني ندخل مباشرة لقسم واش راك تهدر وجيت نشارك خاوتي هاد الظاهرة
مالا تبعوني نقولكم

اليوم وأنا قاعدة في أمان الله قدام الميكرو ونكونيكتي في اللمة طبعا :d
وفجأة قالتلي ماما ارواحي تشوفي وين وصلنا ؟
رحت نلقى في أحد القنوات الجزائرية حصة يحكيو فيها على الشباب الجزائري
هاد الشباب الضايع لي سمعنا عليه حتى شبعنا من السروال الطايح و السهرات في مقاهي النت وغيرها من الأمور , وفي هاد الحصة وجهو الضوء هاد المرة على شعر شبابنا وحبو يعرفو
السر وراء هاد التسريحات الغريبة , وبداو يتقربو منهم واحد واحد باه يعرفو السر

مالا يا خاوتي انا بقيت نسمع ونشوف ومخلوعة , أولا تخلعت من التسريحات الغريبة لي يديروها تشبها بالكفار, واحد قاسم شعرو نص ماكانش ونص كاين تقول عدات عليه طيارة
وواحد مداير هاديك لاماش على عينو تقول عروسة وحشمانة :$
وواحد مداير واحد الخريطة تبقى تدقق معاها تقول بالاك راهو رسام عظيم وقاعد يتفنن
وهو الحفاف مسكين فارغ شغل خربشلو في راسو ههه :d
وواحد شعرو مايل على الجنب تقول برج بيزا المائل هههه
وخلي باقي التسريحات الأخرى , وهكاك ولينا نقولو عادي في بلادي لدرجة
ولينا نشوفوا لعوج ونسكتو
ومن بعد يا خاوتي لما قربو يحكيو مع هاد الشباب لي مريض بشعرو, ويسقسيو فيه
حتى حبس مخي كليا وبقيت نتحسر على الرجال لي راحو ( حاشا لي مايستاهلوش)
وعلى الرجولة لي شوهوها هاد الناس
اتخيلو معايا
شاب يخسر على شعرو 400 ألف عند الحفاف باه يدير التمسخير هاداك؟؟
ويقولك راني زاوالي ومالقيتش الخدمة ونروح نحرق وياكلني الحوت وماياكلنيش الدود
أصلا الدود أو يعافك بهاديك المشطة :down:
هادا زعما فقير ومطايش وهو يخسر على شعرو 400 و500 ألف ؟؟ مالا مانلوموش المرأة لما تعدل عند الحفافة على الأقل راهي مرأة ومن حقها تتزين بصح راجل ؟؟ والله عيب

ولي زادت حيرتني وشوكاتني هي لما قالو أحد الشباب أنا ندير الكيراتين والسيشوار لشعري باه يولي رطب ههههه

يا سلام على الرجولة وعلى الشاب الجزائري لي يحافظ على جمالو وأناقتو ويزيد يدير الكيراتين لشعرو
أها يزيدك الماكياج والقندورة تاع الدار وخلاص , واصلا الماكياج داروه , راني نشوف فيهم برا, بالفوندوتان في وجهم ولي بوماد تاع الوجه وولاو حتى يعدلو حواجبهم
حتى نبقى نشوف مع روحي ونقول أنا لي راني غالطة كي نمشي بوجهي شايح ولا هوما لي غالطين؟؟

سامحوني خاوتي إذا قاسكم هاد الكلام بصح الكلام هادا راهو لأشباه الرجال

أتخيلو شاب يروح عند الحفاف ويديلو معاه مستحضرات التجميل تاع الشعر و يطيش 400 ألف على هاداك الشعر؟ كن انا نقصهولو ونخليه هكاك

من وكتاه ولا الراجل يقول لازم شعري رطب ولازمني السيشوار؟؟
من وكتاه ولا الرجل يقعد 10 سوايع قدام المراية وهو يزخرف في هادوك التسريحات لي دير الاشمئزاز في القلب وتتعاف والله العظيم

وين راه الرجل لي كي تشوف معاه تحس بالرجولة خارجة من عينيه
وين راه هاداك الرجل لي تشم ريحة التراب في لبستو غير من العمل الشاق واللقمة الحلال لي يتعب باه يجيبها


وقولولي وين راهم الوالدين؟؟ يشوفو ولادهم يخرجو بهادوك التسريحات الفاسدة, ماكفاش يرميو دراهمهم على ولادهم ويشريولهم الميكروات والبورتابلات بالملايين وزيد اللبسة والتحواس وفي اللخر يزيد يصرفلو 400 ولا 500 ألف على شعرو؟؟

و الله مالقيت مانهدر , تمشط شعرك وتتزين معليش مليحة الهيئة الجميلة والنظيفة للرجل
بصح تخسر الدراهم على شعرك ودير لي بوماد تاع الشعر هنا مالقيت مانهدر

ويضحكو على الملتحين ويقولك منظرهم يخوف باللحية, أها هاديك المشطات المقززة هي لي تفرح وتشرح الصدر
رجل باللحية ونظيف وبسيط خير من ألف شخص يطلي وجهو وشعرو بمستحضرات التجميل
ويجي يتفاخر ويقولك انا راجل , صح راجل وسيد الرجال الله يبارك عليك

انا خلصلي التعبير يا خاوتي, نخليلكم الدور باه تهدرو
وماتنساوش تكرموني بردودكم القيمة
ودايما نقول ونعاود مازال الخير في ولاد بلادنا ومازالو كاينين رجال في بلادنا

تحياتي للجميع
​

 

[لؤلؤة قسنطينة]

رد: الرّجولة راحت مع الكيراتين والسيشوار

شُكـــراً للاعتماد ^^​

 

[oumaima m]

رد: الرّجولة راحت مع الكيراتين والسيشوار

سلام اختي

موضوع رائع

للاسف و الله هاذي الظاهرة تبكي اكثر منها اضحك

المهم و الله راني نشوف في تلاميذ يتسحتو و يتعمللهم تقارير و ما يتنازلوش ينحيو التسريحات نتاعهم

المهم كاين واحد نعرفو و الله يغسلو و يعملو بلاسور و يجي يقرا

و الاخر كون تقتليه ما يخلي حتى واحد يمس شعرو

و كاين تنافس في طول الشعر كل واحد يقول تيعي هكا و هكا

مي حكاية الكيراتين و الله غير وحدها

حبيبتي انا لوكان ليا واحد شعرو طبيعي احسن

و ما نحكيلكش على السناسل تاع الفضة و الخواتم تقول عليهم عروسة مصدرة

حبيبتي تقبلي مروري

مشكورة و جزاك الله خيرا






​

 

[الزهرة الحمراء]

رد: الرّجولة راحت مع الكيراتين والسيشوار

السلام عليكم لؤلؤتنا :regards01:
يعطيك الصحة والله موضوع فالصميم وعندي الزهر قرعجت فيه قبل مانروح هههههه :thumb_up02:
وماتخافيش ماشي غير عندي الافكار هنا عندي كل شي :bravo01:
راكي تحكي على حاجة ولااات عادي علاه ماقالولكش بلي الشباب ذركا راهو ولا يحكم لي رونديvو عند الحفافة تع النساء :sقالك هي تعرف في صوالح الصبيغة خير من الحفاف :-oخخخخخ
ماتحيريش رانا فالدزاير ونشوفوا كل شي نورمال قادرة ترقدي وتنوضي تلقايهم غدوا خرجولك بحاجة بالاك انت طفلة ومازال مادرتيهاش :smile02:
وهاد الصنف انا شفت منو بزاااف بزااااف دركا عادو يديروا هاديك الخلطة تع النيسكافي مع البيض ومانعرف كيفاه تصبغلك شعرك وماشي واحد ولا زوج لي شفتو دايرها في شعرو
حتى مرة واحد دارها وجا شعرو يهبل خير من شعري لمكشرد هههههه ومن بعدة كي ولاو يسقسو فيه قالهم من الجال لي درتوا رقدت بيه بلا ماغسلت شعري صرالي هكا :down:هههههههههههه من نيتك حبيبنا :-hاصبرلي نزيد نضحك شوية لالا بزاااف ماشي شوية هههههههههههههههههه اذا كان عاد هكا اعطينا الماركة تع الجال تاعك هكا النسا بلا مايخسروا الدراهم تع الصبغة يشروا وحدة جال رخيسة ويلطخوا بيها شعرهم وهي فرااات اني لقيتلكم الحل لوكان نقولك انا الصبغة والكيراتين انا والله ماجاو في شعري
وزيد الاخيرة لي حبستلي مخي عندنا جارنا تقدري تقولي هداك وين بداه هبال المراهقة وبدا يدخل للعالم تع اللبسة المخبوطة والتمسخير هذا مرة جييت هابطة فالدروج تلاقيت بيه قتلو ارواح دقيقة سقسيتو قتلو واش درت في شعرك قالي سيشوار يااااااالهوي وات ايز ذيس غاضتني روحي انا على خاطر مرة على مرة ندير السيشوار وهو كل يوم ههههه
حنا نقولوا ربي يهدي شبابنا ويصلحهم باه يكونوا صح رجالة
وانت اسمحيلي طولت علييك الزينة تاعي الله غالب اللسان فيه 2 ميترات
يعطيك الصحة ديما متألقة ماعندي مانقول
دمتي في رعاية الله وحفظه ​

 

[أم أُنٌَيسة]

رد: الرّجولة راحت مع الكيراتين والسيشوار

و عليكم السلام و الرحمة و البركة غاليتي
الحمد لله بخير ، اتمنى أن تكوني انتي ايضا بخير ان شاء الله
والله اشقت لمواضيعكي حبيبتي و صرت أنتظرها بفارغ الصبر
أما فيما يخص الموضوع : يرحم باباكم قولولي واش معنتها الكيراتين ؟

السؤال:
ورد النهي عن القزع، فما المراد به وهل يشمل تقصير بعض الرأس وترك بعضه وهل النهي للتحريم أم للكراهة؟

الإجابة:
الحمد لله،

ثبت في الصحيحين عن النبي صلى الله عليه وسلم أنه نهى عن القزع، رواه البخاري (5466) ومسلم (3959)، قال العلماء: القزع هو حلق بعض الرأس وترك بعضه، فمن أهل العلم من يقول: إن هذا النهي للكراهة، يعني أنه ليس للتحريم، ولكن الأصل أن النهي للتحريم، كيف وقد جاء في الحديث الآخر عن النبي صلى الله عليه وسلم أنه قال -وقد رأى صبياً قد حلق بعض رأسه وتُرِك بعضه-: "احلقه كله أو اتركه كله" (رواه النسائي4962) فتطابق الأمر والنهي مما يؤكد أن حلق بعض الرأس وترك بعضه حرام. ويشبه القزع تقصير بعض الشعر وتطويل بعضه، ومن جهة أخرى فإن تقصير بعض الشعر وتطويل بعضه يتضمن معنى آخر وهو التشبه بالكفار فإن هذا من عادتهم، ولهذا كثيرٌ من جهال المسلمين يقلدون بعض أعيان الكفار في صفة شعورهم يقع هذا من النساء والرجال فلهذا صار عرفاً عند هؤلاء أن هذه قَصّة فلان وهذه قَصّة فلان كلٌ منهم يختار من هذه القَصّات ما يعجبه تبعاً لإعجابه لمن عُرف بها من مشاهير الكفار من ممثلين أو مغنين أو لاعبين ونحوهم من سفلة هذه الأمم الكافرة فالواجب على المسلم أن يبتعد في جميع شؤونه عن المظاهر المحرمة أو المكروهة وأن يعتز بدينه وآدابه ويحذر من التشبه بالكفار فإن التشبه بالكفار من التبعية التي تنبئ عن الضعف والسذاجة ونقص التفكير فعلى المسلم أن يكون عزيزاً بأخلاقه، بعيداً عن مظاهر الذلة والتبعية نسأل الله أن يجنبنا سفاسف الأخلاق وأن يهدينا لأحسن الأخلاق، لا يهدي لأحسنها إلا هو سبحانه وتعالى. والله أعلم.

كيفية قص شعر الرأس للرجل
ما هو القزع ؟ وما حكم ما يفعله بعض الشباب من حلاقة جوانب من الرأس وترك الوسط ؟.
الحمد لله
سئل الشيخ محمد بن إبراهيم عن ذلك فقال :

أما مَا يَخْتَصّ بِالشَعْرِ فقد كان هَدْيُ النَّبي صلى الله عليه وسلم في شَعْرِ رَأْسِهِ ، تَرْكُه كلّه ، أو أَخْذَهُ كلّه ، ولم يَكُنْ يَحْلِقُ بعضه ويدع بعضه .

أما ما يفعله بعض المسلمين من حَلْقِ بعض الرأس وتَرْكِ بعضه ، فهذا هو القزع الذي نهى عنه النبي صلى الله عليه وسلم ، وهو أنواع :

1- أن يحلق من رأسه مواضع ويترك مواضع .

2- أن يحلق جوانبه ويترك وسطه .

3- أن يحلق وسطه ويترك جوانبه .

4- أن يحلق مُقَدِّمه ويترك مُؤَخِّره .

5- أن يحلق مُؤَخّره ويترك مُقَدّمه .

6- حلق بعض أحد الجوانب وترك البقية .

وهذه الأنواع يدل على تحريمها ما ثبت في الصحيحين عن ابن عمر رضي الله عنه قال : " نهى رسول الله صلى الله عليه وسلم عن القزع " أن يُحْلَقَ رأس الصبي ويترك بعض شعره " وعنه رضي الله عنه أن النبي صلى الله عليه وسلم ، رأى صبياً قد حُلِقَ بعض شعره وتُرِكَ بعضه ، فنهاهم عن ذلك ، وقال : " احلقوه كله أو اتركوه كله " ، وعن عمر رضي الله عنه مرفوعا " حلق القفا من غير حجامة مجوسية " وفي سنن أبي داود عن أنس بن مالك رضي الله عنه أنه رأى غلاماً له قرنان ، أو قصّتان ، فقال : احلقوا هذين أو قصوهما ، فإن هذا زي اليهود ، وقال المروذي سألت أبا عبد الله ( يعني أحمد بن حنبل ) عن حلق القفا قال : " هو من فعل المجوس من تشبه بقوم فهو منهم "

السؤال :
ما حكم استعمال مستحضرات التجميل بالنسبة للرجل مثل وضع كريم لجمال البشرة ( لتبييض البشرة ) ؟ هل هذا مباح ؟ لأن استعمال مستحضرات التجميل للرجال شيء منتشر جدا في شبه القارة.

الجواب :
الحمد لله
يختلف الحكم بالنسبة لاستعمال الرجال مستحضرات التجميل من الكريمات وغيرها من حال إلى أخرى ، وبيان ذلك أن يقال :
أولا :
ما كان استعماله لمجرد التجميل والزينة فلا ينبغي للرجال استعماله ؛ لأن المرأة هي التي تحتاج إلى التجميل ، والرجل تناسبه معالم الرجولة من التخشن والصلابة ، لا تناسبه الأنوثة ولا التخنث .
انظر إجابة السؤال رقم : (152357) .
ثانيا :
ما كان منه من زينة النساء وتجملهن خاصة ، كأحمر الشفاه ، والطلاءات ونحو ذلك : فلا يجوز للرجل أن يتجمل به ؛ لأنه من التشبه بهن ، والتشبه بهن محرم من كبائر الذنوب . انظر إجابة السؤال رقم : (135672) .
ثالثا :
ما كان استعماله يؤدي إلى تغيير لون البشرة من السواد إلى البياض مثلا : فإذا كان التغيير مؤقتاً فلا حرج فيه ، وإذا كان على الدوام فلا يجوز ؛ لأن ذلك من تغيير خلق الله تعالى .
مع التنبيه على أن مثل هذه الاستعمالات التحسينية لا تنبغي للرجال كما تقدم .
راجع إجابة السؤال رقم : (174371) .
رابعا :
ما كان منها لإزالة عيب فلا حرج في استعماله ، كاستعمال الكريمات لإزالة الحبوب من الوجه ؛ لأن هذا من باب التداوي والعلاج .
وقد سئل الشيخ ابن عثيمين رحمه الله :
ما حكم استعمال المراهم والدهونات لتبييض البشرة ، أو لإزالة حب الشباب والتشوهات؟
فأجاب:
" أما الأول فلا ، أي لا تستعمل شيئاً يتغير به لون الجلد لأن هذا أشد من الوشم الذي لعنت فاعلته .
وأما إزالة حب الشباب وما شابهها : فلا بأس ، لأن هذه معالجة مرض ، ومعالجة المرض لا بأس بها ، فهناك فرق بين ما يقصد به التجميل ، وبين ما يقصد به إزالة العيب ، فالأول : ليس بجائز إذا كان على وجهٍ ثابت ، والثاني : جائز " .
انتهى من "فتاوى نور على الدرب" (22/ 2) بترقيم الشاملة .

وينبغي الانتباه إلى أن ما صنع منه من مواد نجسة ، أو مواد كيميائية ضارة : فلا يجوز استعماله في شيء من ذلك كله .
وينظر جواب السؤال رقم : (98622) .

والله أعلم .

و نسأل الله الهداية لنا ولكل أولاد المؤمنين
بوركتي غاليتي ،دمتي ودام تميزكي و نبض قلمكي الراقي
تحياتي القلبية
​

 

[لؤلؤة قسنطينة]

رد: الرّجولة راحت مع الكيراتين والسيشوار

دقائق ونوليلكم
لي عودة بإذن الله ^^​

 

[لؤلؤة قسنطينة]

رد: الرّجولة راحت مع الكيراتين والسيشوار

سلام اختي

موضوع رائع

للاسف و الله هاذي الظاهرة تبكي اكثر منها اضحك

المهم و الله راني نشوف في تلاميذ يتسحتو و يتعمللهم تقارير و ما يتنازلوش ينحيو التسريحات نتاعهم

المهم كاين واحد نعرفو و الله يغسلو و يعملو بلاسور و يجي يقرا

و الاخر كون تقتليه ما يخلي حتى واحد يمس شعرو

و كاين تنافس في طول الشعر كل واحد يقول تيعي هكا و هكا

مي حكاية الكيراتين و الله غير وحدها

حبيبتي انا لوكان ليا واحد شعرو طبيعي احسن

و ما نحكيلكش على السناسل تاع الفضة و الخواتم تقول عليهم عروسة مصدرة

حبيبتي تقبلي مروري

مشكورة و جزاك الله خيرا






​

وعليكم السّلام ورحمة الله وبركاته
أهلا بحبيبتي :love01: منورة الموضوع ^^
راكي جيتي وفكرتيني في الدخول المدرسي هههه :d
ما ديريش عليا :p
أصلا لازم نرحب بيك مرتين خاطر اول مرة تدخلي مواضيعي :$
واش تحبي نحطلك؟ قهوة ولا تاي :d
دركا نوليو لموضوعنا :up:
وفعلاً واش قلتي, ولينا نشوفو راجل يستخدم مستحضرات المرأة ماتعرفهمش
والله عيب, وينهي الرجولة؟
يخسر على شعرو الدراهم وعلى وجهو الدراهم

وراكي عطيتينا اكبر مثال من الواقع على واش راهو صاري في حياتنا وفي شبابنا
ربي يهدينا هادا ما نقولو

شكرا حبيبتي لمروركِ العطرو المتميز
تحياتي الخالصة لكِ :regards01:

​

 

[oumaima m]

رد: الرّجولة راحت مع الكيراتين والسيشوار

وعليكم السّلام ورحمة الله وبركاته
أهلا بحبيبتي :love01: منورة الموضوع ^^
راكي جيتي وفكرتيني في الدخول المدرسي هههه :d
ما ديريش عليا :p
أصلا لازم نرحب بيك مرتين خاطر اول مرة تدخلي مواضيعي :$
واش تحبي نحطلك؟ قهوة ولا تاي :d
دركا نوليو لموضوعنا :up:
وفعلاً واش قلتي, ولينا نشوفو راجل يستخدم مستحضرات المرأة ماتعرفهمش
والله عيب, وينهي الرجولة؟
يخسر على شعرو الدراهم وعلى وجهو الدراهم

وراكي عطيتينا اكبر مثال من الواقع على واش راهو صاري في حياتنا وفي شبابنا
ربي يهدينا هادا ما نقولو

شكرا حبيبتي لمروركِ العطرو المتميز
تحياتي الخالصة لكِ :regards01:

​

ربي يخليك حبيبتي على الترحيب في الحقيقة مواضيعك رائعة و انت اروع

و الله انا نفسي كل شوية نتفكر الدخول المدرسي يفسد نهاري

كل الشكر لك اختي

 

[لؤلؤة قسنطينة]

رد: الرّجولة راحت مع الكيراتين والسيشوار

السلام عليكم لؤلؤتنا :regards01:
يعطيك الصحة والله موضوع فالصميم وعندي الزهر قرعجت فيه قبل مانروح هههههه :thumb_up02:
وماتخافيش ماشي غير عندي الافكار هنا عندي كل شي :bravo01:
راكي تحكي على حاجة ولااات عادي علاه ماقالولكش بلي الشباب ذركا راهو ولا يحكم لي رونديvو عند الحفافة تع النساء :sقالك هي تعرف في صوالح الصبيغة خير من الحفاف :-oخخخخخ
ماتحيريش رانا فالدزاير ونشوفوا كل شي نورمال قادرة ترقدي وتنوضي تلقايهم غدوا خرجولك بحاجة بالاك انت طفلة ومازال مادرتيهاش :smile02:
وهاد الصنف انا شفت منو بزاااف بزااااف دركا عادو يديروا هاديك الخلطة تع النيسكافي مع البيض ومانعرف كيفاه تصبغلك شعرك وماشي واحد ولا زوج لي شفتو دايرها في شعرو
حتى مرة واحد دارها وجا شعرو يهبل خير من شعري لمكشرد هههههه ومن بعدة كي ولاو يسقسو فيه قالهم من الجال لي درتوا رقدت بيه بلا ماغسلت شعري صرالي هكا :down:هههههههههههه من نيتك حبيبنا :-hاصبرلي نزيد نضحك شوية لالا بزاااف ماشي شوية هههههههههههههههههه اذا كان عاد هكا اعطينا الماركة تع الجال تاعك هكا النسا بلا مايخسروا الدراهم تع الصبغة يشروا وحدة جال رخيسة ويلطخوا بيها شعرهم وهي فرااات اني لقيتلكم الحل لوكان نقولك انا الصبغة والكيراتين انا والله ماجاو في شعري
وزيد الاخيرة لي حبستلي مخي عندنا جارنا تقدري تقولي هداك وين بداه هبال المراهقة وبدا يدخل للعالم تع اللبسة المخبوطة والتمسخير هذا مرة جييت هابطة فالدروج تلاقيت بيه قتلو ارواح دقيقة سقسيتو قتلو واش درت في شعرك قالي سيشوار يااااااالهوي وات ايز ذيس غاضتني روحي انا على خاطر مرة على مرة ندير السيشوار وهو كل يوم ههههه
حنا نقولوا ربي يهدي شبابنا ويصلحهم باه يكونوا صح رجالة
وانت اسمحيلي طولت علييك الزينة تاعي الله غالب اللسان فيه 2 ميترات
يعطيك الصحة ديما متألقة ماعندي مانقول
دمتي في رعاية الله وحفظه ​

وعليكم السّلام ورحمة الله وبركاته
أهلا بزهرتي الجميلة :love01: منورة الموضوع ^^
شفتي كيفاه من المحبة بزااف لحقتي على الموضوع قبل ماتروحي:$
والله ماش غير عندك أفكار راكي الله يبارك ماخليتيلي واش نزيد

يعني بصراحة المشطات المقززة هاديك راهي ولات ظاهرة منتشرة بزاف
مرة أنا وماما في الحافلة مروحين, حتى قاتلي شوفي العروسة هاديك لي مصدرة تسنا في الحنة ههههه
أنا بقيت ندور ونطل على الطاقة نحوس عليها , ساع قاتلي هزي راسك بشوي
درك تلقايها مقابلتك, انا طلعت راسي ونشوف واحد الطفل يا يما
هاديك المشطة تقول تاع عروسة, لاماش هابطة على الجنب وهاداك كيفاه مطلعو من فوق ومخربطوو ناقصو غير التاج ههههه

والله غير عيب , واللخرة خلاص حكاية الكيراتين, يسما راهم ينافسو لبنات على الحفافات؟
ويا يما على هاداك المنظر لما تشوفي طفل مقعدينو ويصبغولو في شعرو تقول معرف واش نديرلو, ويزيد يقولك انا راجل, لالا سيد الرجال الله يبارك عليك

يدهرلي نسكت خير ههه راني زدت فيها
المهم شكراً حبيبتي على مرورك العطر والمميز
وبالعكس ختك راهي هنا وحلت الموضوع على جالكم, اهدري واش تحبي
خلي نمنشرو شوي ههه
ربي يهنيك حبيبتي وماطوليش علينا الغيبة, واتهلاي في روحك
في امان الله وحفظه
وتحياتي الخالصة لكِ :regards01:​

 

[لؤلؤة قسنطينة]

رد: الرّجولة راحت مع الكيراتين والسيشوار

و عليكم السلام و الرحمة و البركة غاليتي
الحمد لله بخير ، اتمنى أن تكوني انتي ايضا بخير ان شاء الله
والله اشقت لمواضيعكي حبيبتي و صرت أنتظرها بفارغ الصبر
أما فيما يخص الموضوع : يرحم باباكم قولولي واش معنتها الكيراتين ؟

السؤال:
ورد النهي عن القزع، فما المراد به وهل يشمل تقصير بعض الرأس وترك بعضه وهل النهي للتحريم أم للكراهة؟

الإجابة:
الحمد لله،

ثبت في الصحيحين عن النبي صلى الله عليه وسلم أنه نهى عن القزع، رواه البخاري (5466) ومسلم (3959)، قال العلماء: القزع هو حلق بعض الرأس وترك بعضه، فمن أهل العلم من يقول: إن هذا النهي للكراهة، يعني أنه ليس للتحريم، ولكن الأصل أن النهي للتحريم، كيف وقد جاء في الحديث الآخر عن النبي صلى الله عليه وسلم أنه قال -وقد رأى صبياً قد حلق بعض رأسه وتُرِك بعضه-: "احلقه كله أو اتركه كله" (رواه النسائي4962) فتطابق الأمر والنهي مما يؤكد أن حلق بعض الرأس وترك بعضه حرام. ويشبه القزع تقصير بعض الشعر وتطويل بعضه، ومن جهة أخرى فإن تقصير بعض الشعر وتطويل بعضه يتضمن معنى آخر وهو التشبه بالكفار فإن هذا من عادتهم، ولهذا كثيرٌ من جهال المسلمين يقلدون بعض أعيان الكفار في صفة شعورهم يقع هذا من النساء والرجال فلهذا صار عرفاً عند هؤلاء أن هذه قَصّة فلان وهذه قَصّة فلان كلٌ منهم يختار من هذه القَصّات ما يعجبه تبعاً لإعجابه لمن عُرف بها من مشاهير الكفار من ممثلين أو مغنين أو لاعبين ونحوهم من سفلة هذه الأمم الكافرة فالواجب على المسلم أن يبتعد في جميع شؤونه عن المظاهر المحرمة أو المكروهة وأن يعتز بدينه وآدابه ويحذر من التشبه بالكفار فإن التشبه بالكفار من التبعية التي تنبئ عن الضعف والسذاجة ونقص التفكير فعلى المسلم أن يكون عزيزاً بأخلاقه، بعيداً عن مظاهر الذلة والتبعية نسأل الله أن يجنبنا سفاسف الأخلاق وأن يهدينا لأحسن الأخلاق، لا يهدي لأحسنها إلا هو سبحانه وتعالى. والله أعلم.

كيفية قص شعر الرأس للرجل
ما هو القزع ؟ وما حكم ما يفعله بعض الشباب من حلاقة جوانب من الرأس وترك الوسط ؟.
الحمد لله
سئل الشيخ محمد بن إبراهيم عن ذلك فقال :

أما مَا يَخْتَصّ بِالشَعْرِ فقد كان هَدْيُ النَّبي صلى الله عليه وسلم في شَعْرِ رَأْسِهِ ، تَرْكُه كلّه ، أو أَخْذَهُ كلّه ، ولم يَكُنْ يَحْلِقُ بعضه ويدع بعضه .

أما ما يفعله بعض المسلمين من حَلْقِ بعض الرأس وتَرْكِ بعضه ، فهذا هو القزع الذي نهى عنه النبي صلى الله عليه وسلم ، وهو أنواع :

1- أن يحلق من رأسه مواضع ويترك مواضع .

2- أن يحلق جوانبه ويترك وسطه .

3- أن يحلق وسطه ويترك جوانبه .

4- أن يحلق مُقَدِّمه ويترك مُؤَخِّره .

5- أن يحلق مُؤَخّره ويترك مُقَدّمه .

6- حلق بعض أحد الجوانب وترك البقية .

وهذه الأنواع يدل على تحريمها ما ثبت في الصحيحين عن ابن عمر رضي الله عنه قال : " نهى رسول الله صلى الله عليه وسلم عن القزع " أن يُحْلَقَ رأس الصبي ويترك بعض شعره " وعنه رضي الله عنه أن النبي صلى الله عليه وسلم ، رأى صبياً قد حُلِقَ بعض شعره وتُرِكَ بعضه ، فنهاهم عن ذلك ، وقال : " احلقوه كله أو اتركوه كله " ، وعن عمر رضي الله عنه مرفوعا " حلق القفا من غير حجامة مجوسية " وفي سنن أبي داود عن أنس بن مالك رضي الله عنه أنه رأى غلاماً له قرنان ، أو قصّتان ، فقال : احلقوا هذين أو قصوهما ، فإن هذا زي اليهود ، وقال المروذي سألت أبا عبد الله ( يعني أحمد بن حنبل ) عن حلق القفا قال : " هو من فعل المجوس من تشبه بقوم فهو منهم "

السؤال :
ما حكم استعمال مستحضرات التجميل بالنسبة للرجل مثل وضع كريم لجمال البشرة ( لتبييض البشرة ) ؟ هل هذا مباح ؟ لأن استعمال مستحضرات التجميل للرجال شيء منتشر جدا في شبه القارة.

الجواب :
الحمد لله
يختلف الحكم بالنسبة لاستعمال الرجال مستحضرات التجميل من الكريمات وغيرها من حال إلى أخرى ، وبيان ذلك أن يقال :
أولا :
ما كان استعماله لمجرد التجميل والزينة فلا ينبغي للرجال استعماله ؛ لأن المرأة هي التي تحتاج إلى التجميل ، والرجل تناسبه معالم الرجولة من التخشن والصلابة ، لا تناسبه الأنوثة ولا التخنث .
انظر إجابة السؤال رقم : (152357) .
ثانيا :
ما كان منه من زينة النساء وتجملهن خاصة ، كأحمر الشفاه ، والطلاءات ونحو ذلك : فلا يجوز للرجل أن يتجمل به ؛ لأنه من التشبه بهن ، والتشبه بهن محرم من كبائر الذنوب . انظر إجابة السؤال رقم : (135672) .
ثالثا :
ما كان استعماله يؤدي إلى تغيير لون البشرة من السواد إلى البياض مثلا : فإذا كان التغيير مؤقتاً فلا حرج فيه ، وإذا كان على الدوام فلا يجوز ؛ لأن ذلك من تغيير خلق الله تعالى .
مع التنبيه على أن مثل هذه الاستعمالات التحسينية لا تنبغي للرجال كما تقدم .
راجع إجابة السؤال رقم : (174371) .
رابعا :
ما كان منها لإزالة عيب فلا حرج في استعماله ، كاستعمال الكريمات لإزالة الحبوب من الوجه ؛ لأن هذا من باب التداوي والعلاج .
وقد سئل الشيخ ابن عثيمين رحمه الله :
ما حكم استعمال المراهم والدهونات لتبييض البشرة ، أو لإزالة حب الشباب والتشوهات؟
فأجاب:
" أما الأول فلا ، أي لا تستعمل شيئاً يتغير به لون الجلد لأن هذا أشد من الوشم الذي لعنت فاعلته .
وأما إزالة حب الشباب وما شابهها : فلا بأس ، لأن هذه معالجة مرض ، ومعالجة المرض لا بأس بها ، فهناك فرق بين ما يقصد به التجميل ، وبين ما يقصد به إزالة العيب ، فالأول : ليس بجائز إذا كان على وجهٍ ثابت ، والثاني : جائز " .
انتهى من "فتاوى نور على الدرب" (22/ 2) بترقيم الشاملة .

وينبغي الانتباه إلى أن ما صنع منه من مواد نجسة ، أو مواد كيميائية ضارة : فلا يجوز استعماله في شيء من ذلك كله .
وينظر جواب السؤال رقم : (98622) .

والله أعلم .

و نسأل الله الهداية لنا ولكل أولاد المؤمنين
بوركتي غاليتي ،دمتي ودام تميزكي و نبض قلمكي الراقي
تحياتي القلبية
​

أهلا بحبيبتي وجميلتي :love01: منورة الموضوع كالعادة غاليتي ^^
وحتى انا نشتاق لمرورك العطر والمميز لي ينشرح ليه الصدر
والكيراتين راني شرحتهالك في الكواليس ههههه
ربي يخليك حبيبتي على الإضافة القيمة والمميزة
لي قادر يستفيد منها الكثير
جعلها الله في ميزان حسناتكِ حبيبتي
وربي يوفقك ويهنيك ويبعد عليك كل سوء
فرحتيني بمرورك العطر والراقي
تحياتي الخالصة لكِ :regards01:​

 

[زهور الشوق]

رد: الرّجولة راحت مع الكيراتين والسيشوار

يا ناناك راكي غير بـ to00o0op
هههههههههههه ضحكتيني ليمن شبهتيهم
فعلا هم يبكي وهم يضحك
اي لوكان بقات فالكيراتين معليش ام واصلين لحاجات مخك يبلوكي للأبد
ربي يسترنا

مرسي يا الزين
لؤلؤتنا الغاالية
^^​

 

[لؤلؤة قسنطينة]

رد: الرّجولة راحت مع الكيراتين والسيشوار

يا ناناك راكي غير بـ to00o0op
هههههههههههه ضحكتيني ليمن شبهتيهم
فعلا هم يبكي وهم يضحك
اي لوكان بقات فالكيراتين معليش ام واصلين لحاجات مخك يبلوكي للأبد
ربي يسترنا

مرسي يا الزين
لؤلؤتنا الغاالية
^^​

أهلا بأختي وحبيبتي وجميلتي :love01: منورة الموضوع
ربي يخليك نتي لي toooop بهاد الكلمات وهاد المرور الجميل

ههههههه واش تحبي شي ينطق , تكوني قاعدة في عقلك حتى تشوفي
شاب قاعد في الكرسي والحفاف يديرلو مستحضرات التجميل ويزيدلو في الكريراتين لشعرو
زعما باه يولي رطب, ان شاء الله يتفرطس كامل ويقعد هكاك باه يبرد مليح
ربي خلقهم في أحسن صورة وهوما يشوهو في رواحهم بالتسريحات الشيطانية
ربي يسترنا كيما قلتيها ويبعدنا على هادو الناس

الشكر لكِ غاليتي على المرور العطر والمتألق ^^
ربي يحفظك ويهنيك حبيبتي
وتحياتي الخالصة لكِ :regards01:​

 

[لؤلؤة قسنطينة]

رد: الرّجولة راحت مع الكيراتين والسيشوار

ربي يخليك حبيبتي على الترحيب في الحقيقة مواضيعك رائعة و انت اروع

و الله انا نفسي كل شوية نتفكر الدخول المدرسي يفسد نهاري

كل الشكر لك اختي

ربي يحفظك يا غالية ومروركِ أروع وأجمل حبيبتي :love01:
ههههه معليش تدخل يوتوالفي بالدخول المدرسي :up:

العفو حبيبتي وماتحرمينيش من مرورك الجميل
تحياتي :regards01:​

 

[نظرة تفاؤل]

رد: الرّجولة راحت مع الكيراتين والسيشوار

السسلام عليكم ورحمة الله وبركاته


ربي يحفظك يااختي على هذا الموضوع راكي قستيني في الجرح

قلبي دود من هاذو الرجال صحاب السيشوار وكيراتين ..الخ

والله يااختي رانا نشوفوا العجب كل يوم تبان حاجة جديدة من سراويل مقطعين

وسراويل الطايحين ويطلعوا شعرهم تقول سردوك زادو الكيراتين والسيشوار

انا امراة مانديروش الا في المناسبات:-r والكيراتين جامي درتو ومانديروش (شعري دورجين رطب ههههههههه)
ماننسواش هاديك الصبيغة واش نقلك
وحد النهار في عام 2012 هههههههههه كنت هداك الوقت 4am

كنت انا وصحباتي رايحيين في امان ربي للسيام
حتى شفت وحد جان شعرو احمر وطويل شوي
قلتلهم شوفوا هداك الكوري شعرو شحال شباب
وانا كي لبهلولة حسبت هداك شعرو طبيعي دورجين داير هكاك
فات هداك العام وفي عام 2013 هههههههه
زدت شفت هداك الطفل مي شعرو تماك كان اصفر هههههه
ومن بعد شفت في صحباتي وقلتهم مشي هداك الي كان العام الي فات شعرو احمر واش صرا لشعرو دوك
وبقيت حالة فمي :-o ههههههههههه
ومرة تان كنت في النقل جاية للدار وشفت وحد الطفل يااختي داير منgوشة
ودرت هاديك الحركة الي موالف نديرها :-o هههههههههه
وقلت لصحبتي هههههههه هداك طفلة ولا طفل خخخخخخخ ونبقى دائما بهلولة

واسمعي الجديد
راهم دوك يديروا ليماش هههههههههه
وانا كي سمعت بقيت دايرة :-o هههههههه

اسمحيلي اختي طولت عليك

وفي اخير نقول ربي يهديهم ويهدينا ان شاء الله

تحيتي اختي لؤلؤة

​

 

[Hakan]

رد: الرّجولة راحت مع الكيراتين والسيشوار

السلاام عليكم موضوع شيق وجميل مالغري راهو قديم
مي الاسلوب نتااعك يرجع اي شيء جديد وما نيش نمدح مي هذا والوااقع هههه وما تحشميش ..
المهم اختي وااش نقلك رانا شفنا وعفناا من الرجاال نتاع درك ماشي رجاال انما اشباه رجااال
مانكذبش على ختي بكري كي كنت نقرى في الثاانوي ندير مثبت الشعر مي التسريحة لطيفة والحمد لله
مافيهااش الخلاايع والقزع والتخربيشات هاديك لكن على وااش تسقسي تلقاي اغلب اللي يديرو هادو الصواالح
غير بااش يلفتو انتبااه الفتياات وعند بالهم بلي البنات يبغيو الصواالح هذي
لكن راني نقرى في الردود ونزيد نتاكد بلي الطفلة مهما هبلت ما تعجبش بواحد مكشرد
اما دركاا فاغلب اللي يديرو هادي المشطات هوما الجمااعة نتاع الثاانوي
والمتوسط اما في الجاامعة راني قريت ونسبة قليلة من الشباب دايرين هادي التسريحة
خااصة في البرومو نتاعي اللي نقرى معااهم يعني عندنا وااحد ومحرووق ونعيطولو الموسوس
واش نقول لخيتي الحمد لله اللي عافاناا من المستحضرات هادي
اللي نعرف منها غير العطر ومرطب الشعر الجال كيما يقولولو
اما المشاحيق الاخرى نضن خليناها لخواتاتنا وتاني بعد ما يتزوجو ان شااء الله
ربي يهنيك سلااام..​

 

[لؤلؤة قسنطينة]

رد: الرّجولة راحت مع الكيراتين والسيشوار

السسلام عليكم ورحمة الله وبركاته


ربي يحفظك يااختي على هذا الموضوع راكي قستيني في الجرح

قلبي دود من هاذو الرجال صحاب السيشوار وكيراتين ..الخ

والله يااختي رانا نشوفوا العجب كل يوم تبان حاجة جديدة من سراويل مقطعين

وسراويل الطايحين ويطلعوا شعرهم تقول سردوك زادو الكيراتين والسيشوار

انا امراة مانديروش الا في المناسبات:-r والكيراتين جامي درتو ومانديروش (شعري دورجين رطب ههههههههه)
ماننسواش هاديك الصبيغة واش نقلك
وحد النهار في عام 2012 هههههههههه كنت هداك الوقت 4am

كنت انا وصحباتي رايحيين في امان ربي للسيام
حتى شفت وحد جان شعرو احمر وطويل شوي
قلتلهم شوفوا هداك الكوري شعرو شحال شباب
وانا كي لبهلولة حسبت هداك شعرو طبيعي دورجين داير هكاك
فات هداك العام وفي عام 2013 هههههههه
زدت شفت هداك الطفل مي شعرو تماك كان اصفر هههههه
ومن بعد شفت في صحباتي وقلتهم مشي هداك الي كان العام الي فات شعرو احمر واش صرا لشعرو دوك
وبقيت حالة فمي :-o ههههههههههه
ومرة تان كنت في النقل جاية للدار وشفت وحد الطفل يااختي داير منgوشة
ودرت هاديك الحركة الي موالف نديرها :-o هههههههههه
وقلت لصحبتي هههههههه هداك طفلة ولا طفل خخخخخخخ ونبقى دائما بهلولة

واسمعي الجديد
راهم دوك يديروا ليماش هههههههههه
وانا كي سمعت بقيت دايرة :-o هههههههه

اسمحيلي اختي طولت عليك

وفي اخير نقول ربي يهديهم ويهدينا ان شاء الله

تحيتي اختي لؤلؤة

​

و عليكم السّلام ورحمة الله وبركاته
أهلا بحبيبتي وجميلتي :love01: منورة الموضوع غاليتي ^^
شفتي نعزفلكم غير على الوتر الحساس :d
وانا ماش غير قلبي معمر, عدت نسخف نشوف راجل يمشي وشعرو مرتب بطريقة بسيطة
واحد العباد ما لقينا مانعدرو, وراكي ذكرتيلنا بزاااف أمثلة من الواقع
وخاصة حكاية ماتفرقش بين الطفلة والطفل
انا ساعت نكون نمشي برا حتى نبقى ندقق مع العبد اذ اراهو طفل ولا طفلة
الطفلة ولات تلبس لبسة رياضية وضعرها مقصوص كي تاع الراجل
والراجل شعرو مصبوغ والفلايك في ودنيه
والله ما لقينا مانهدرو, انا أصلا لما شفت طفل حاطينو على الكرسي ويصبغولو في شعرو ويديرولو في لي بوماد حتى قرب تقييت حاشاك
شعب راهو رايح للهاوية يا لطيف
وحكاية ليماش سمعت بيها ههههه ربي يهديهم هادا ما نقولو

ربي يحفظك حبيبتي على المرور العطر وبالعكس ماطولتيش عليا
راكي في ضيافة ختك واحكي كيما تحبي وبردي قلبك ههه

بارك الله فيك غاليتي على الاطلالة المتميزة
تحياتي الخالصة لكِ :regards01:​

 

[أم أُنٌَيسة]

رد: الرّجولة راحت مع الكيراتين والسيشوار

السلاام عليكم موضوع شيق وجميل مالغري راهو قديم
مي الاسلوب نتااعك يرجع اي شيء جديد وما نيش نمدح مي هذا والوااقع هههه وما تحشميش ..
المهم اختي وااش نقلك رانا شفنا وعفناا من الرجاال نتاع درك ماشي رجاال انما اشباه رجااال
مانكذبش على ختي بكري كي كنت نقرى في الثاانوي ندير مثبت الشعر مي التسريحة لطيفة والحمد لله
مافيهااش الخلاايع والقزع والتخربيشات هاديك لكن على وااش تسقسي تلقاي اغلب اللي يديرو هادو الصواالح
غير بااش يلفتو انتبااه الفتياات وعند بالهم بلي البنات يبغيو الصواالح هذي
لكن راني نقرى في الردود ونزيد نتاكد بلي الطفلة مهما هبلت ما تعجبش بواحد مكشرد
اما دركاا فاغلب اللي يديرو هادي المشطات هوما الجمااعة نتاع الثاانوي
والمتوسط اما في الجاامعة راني قريت ونسبة قليلة من الشباب دايرين هادي التسريحة
خااصة في البرومو نتاعي اللي نقرى معااهم يعني عندنا وااحد ومحرووق ونعيطولو الموسوس
واش نقول لخيتي الحمد لله اللي عافاناا من المستحضرات هادي
اللي نعرف منها غير العطر ومرطب الشعر الجال كيما يقولولو
اما المشاحيق الاخرى نضن خليناها لخواتاتنا وتاني بعد ما يتزوجو ان شااء الله
ربي يهنيك سلااام..​

و عليكم السلام و الرحمة و البركة
هههههههههههههههههههههههههههههههههه و الله ضحكت من قلبي على هديك الجملة
بارك الله فيك و أسعد قلبك و أضحك سنك أخي الكريم
و الله يا أخي لا أعلم إن كانوا يفعلون هدا أم لا فأنا و العياذ بالله من كلمة أنا لا انظر للناس أبدا و الحمد لله
لكن كان ابن خالي يفعل هدا الشيء نبهدلوا نرخسوا حتى مانقدرش و في وجهوا ، يكرهني :d:d:d
تحياتي اخي الكريم
و أدام فكرك و بارك فيك
​

 

[لؤلؤة قسنطينة]

رد: الرّجولة راحت مع الكيراتين والسيشوار

السلاام عليكم موضوع شيق وجميل مالغري راهو قديم
مي الاسلوب نتااعك يرجع اي شيء جديد وما نيش نمدح مي هذا والوااقع هههه وما تحشميش ..
المهم اختي وااش نقلك رانا شفنا وعفناا من الرجاال نتاع درك ماشي رجاال انما اشباه رجااال
مانكذبش على ختي بكري كي كنت نقرى في الثاانوي ندير مثبت الشعر مي التسريحة لطيفة والحمد لله
مافيهااش الخلاايع والقزع والتخربيشات هاديك لكن على وااش تسقسي تلقاي اغلب اللي يديرو هادو الصواالح
غير بااش يلفتو انتبااه الفتياات وعند بالهم بلي البنات يبغيو الصواالح هذي
لكن راني نقرى في الردود ونزيد نتاكد بلي الطفلة مهما هبلت ما تعجبش بواحد مكشرد
اما دركاا فاغلب اللي يديرو هادي المشطات هوما الجمااعة نتاع الثاانوي
والمتوسط اما في الجاامعة راني قريت ونسبة قليلة من الشباب دايرين هادي التسريحة
خااصة في البرومو نتاعي اللي نقرى معااهم يعني عندنا وااحد ومحرووق ونعيطولو الموسوس
واش نقول لخيتي الحمد لله اللي عافاناا من المستحضرات هادي
اللي نعرف منها غير العطر ومرطب الشعر الجال كيما يقولولو
اما المشاحيق الاخرى نضن خليناها لخواتاتنا وتاني بعد ما يتزوجو ان شااء الله
ربي يهنيك سلااام..​

و عليكم السّلام ورحمة الله وبركاته
أهلا بأخي منور الموضوع ^^
ولا نقول أهلا بأول رجل يزور الموضوع كامل هربو :d
ان شاء الله ما يكونش قلقهم الموضوع
ربي يحفظك ^^ , راني حشمت ومانزيدش ندخل لهاد القسم لا تزيدو تحشموني كتر :$
هههه

والله يا اخي الجال راهو عادي, وكيما ذكرت في موضوعي اعدل روحك معليش
كامل نحبو الجمال, بصح الشي لي يديرو فيه راهو خلايع ماشي جمال
حتى نتوسوس نولي نقول البيوت الجزائرية مافيهاش مرايا
لأنو لي يخرج والعش هاداك فوق راسو وعادي أكيد ماشافش روحو في المرايا هههه
انا والله العظيم غير بقيت بلا راس كي شفت في التلفاز شاب قاعد وهوما يصبغولو في راسو ويزيدولو في هادوك المستحضرات وهو قاعد وعاجبو الحال
وزيد يتفلسف ويقول حاب شعري يولي رطب
الله يبارك خلصو عليك مشاكل وهموم الدنيا حتى وليت تخمم في شعرك يولي رطب
ان شاء الله يتفرطس ويقعد هكاك وخلي يشري شعر مستعار هههه
وكيما قلتها أخي الكريم, في الثانوية لي راهم هابلين بهادوك المشطات
اصلا الثانوية ولات مكان لعرض الأزياء ماشي للقراية
وكيما قلتها تاني زعما يلفتو الإنتباه, انا والله قريب نرمي روحي من الطابق العاشر كي نشوف هاديك التسريحة ما فهمتش واش فيها يعجب؟

والله نحير صح , ومازال الخير لقدام ومازال نزيدو نشوفو
بنات ولاو رجال ورجال ولاو نسا ( حاشا لي مايستاهلش طبعا)

شكراً أخي للمرور العطر ^^
وربي يحفظك ويهنيك
تحياتي الخالصة :regards01:​

 

[لؤلؤة قسنطينة]

رد: الرّجولة راحت مع الكيراتين والسيشوار

و عليكم السلام و الرحمة و البركة
هههههههههههههههههههههههههههههههههه و الله ضحكت من قلبي على هديك الجملة
بارك الله فيك و أسعد قلبك و أضحك سنك أخي الكريم
و الله يا أخي لا أعلم إن كانوا يفعلون هدا أم لا فأنا و العياذ بالله من كلمة أنا لا انظر للناس أبدا و الحمد لله
لكن كان ابن خالي يفعل هدا الشيء نبهدلوا نرخسوا حتى مانقدرش و في وجهوا ، يكرهني :d:d:d
تحياتي اخي الكريم
و أدام فكرك و بارك فيك
​

ههههههه هيه مكشردين تاع الصح
وأصلا ام عينيك يكونو في الأرض حتى تلقاي الأشعة تحت الحمراء وفوق البنفسجية تضرب من بعيد
تولي تطلعي راسك وتما تشوفي الفاجعة هههه​

 

[مابقاش بزاف.Dz]

رد: الرّجولة راحت مع الكيراتين والسيشوار

الرجولة راحــت من زمان تسـال عليهـــم هاد المخلـوقات الفضائيـة ألي كل يوم بخرجــة و تبهديـــلة أخرى أكتر من ألي سبقتها
ألي شباب و بوGوص من عند ربي ما يزيدلها لا كيراتين لا سيشوار و لا حوايج أخرى تخصنا البنات ..بالاك مازال يزيدوا يديروا صوالـح وحد اخرين اكتر من هاك