حبيت نقصر ... معليش !!

الحالة
مغلق ولا يسمح بالمزيد من الردود.
josefcom

josefcom

:: عضو بارز ::
أحباب اللمة
إنضم
18 جوان 2008
المشاركات
1,176
نقاط التفاعل
237
النقاط
43
محل الإقامة
tebessa
سلام عليكم
الموضوع باين من عنوانو أنا برك حبيت نقصر تالمو قلبي معمر زماراني فاهم فيها والو قلت ماكان غير لافامي لي نقلهم ( انتم يعني )
المهم ... أنا كرهت يا خاوتي لمود سوسيال ولا لمود دو في راه تعبان وماشي ويتعب أكثر تسمى في دزاير عامة راني نحكي ...
واش نقلكم لمشاكل المستقبل غامض الزهر آخر مرة شفتو كيما ديت bef ... صح أنا علابالي بالشدة في ربي سبحانو والشكوة لغير الله مذلة وراني مخليها غير على ربي مي حبيت برك نقصر هكا زعمة غير باش نصولاجي راك فاهم
ديجا راني نكتب ضرك وماراني فاهم والو واش راني نكتب تالمو مشوش في راسي ألوغ أسمحولي ادا ما فهمتوش مقصودي ولا ما عرفتش نوصل لمعلومة
اني ممكن ناعود نرجع ليومين لجايين نقصرو شوي وانشالله تكون بيا منا لهداك لوقت
أيا اتهلاو :regards01: ​
 
رد: حبيت نقصر ... معليش !!

السلام عليكم
صحيح انو المود في لالجيغي يعيي وكيما قلت مستقبل الكثير من الشباب غامض
بصح تبقى بلادنا أحسن من بلدان كثيرة
لو شفت مجزرة دوما بريف دمشق لبارح يتقطع قلبك
وتحمد ربي ألف ألف مرة على المود دو في اللي راك عايشو
ونقولك حاجة اخرى
avatar60964_39.gif

​
 
رد: حبيت نقصر ... معليش !!

يعطيك الصحة الأخت على التفاعل مع الموضوع وبارك الله فيك
يعني بارمي 57 مشاهدة نلقى رد وحيد !! ....
ايه بالصح لوكان موضوعي كان أحببتها لكنها تحب صديقي ماذا أفعل ؟ .. كون راها كلات بعضاها بالردود ....
المهم حبيت برك نقول أنو أكثر حاجة توجع هي كي تكون عندك في راسك وقادر مي ماكانش لي موايا والا ما يعطوكش الفرصة ....في بلاد ميكي تعيش لأنثى والا مولا التيكي
​
 
رد: حبيت نقصر ... معليش !!

السلام عليكم
يعني قريت موضوعك قبيل و ذركا رجعت قريتوو
صح افكارك راهي مخلطة انا مفهمتش واش في قلبك بالحق
يعني الا راك تحكي على الروتين رانا كامل فيه بالناس اللي تخدم بالناس اللي قاعدة
كشاب في بالي صح نتا المستقبل يهمك اكثر منا حنا كفتيات لأانك رايحة ترسم خطة حياتك بيه
مي تاني خليها على الله متدري الخير وين و متدري بين ليلة و ليلة واش رايح يصراا
لفت انتباهي حبيت تقصر مي لقيت قلبك معمر
تحياتي و تقبل مروري
​
 
رد: حبيت نقصر ... معليش !!

صحيتي الأخت وشكرا على التفاعل مع الموضوع
مارنيش راح نعقب على الرد تاعك
بالصح حاجة وحدة أنو عنوان الموضوع جيت نقصر راني دايره موضوع مفتوح تاع نقصر فيه كل يوم ولا كل وين بانتلي حكاية ولا موقف صوا يضحك ولا يقلق ولا ... زعمة كل يوم وبراكتو
بالصح بعد ما شفت لحالة ميتة ... أسمحولي ويرجى حذف الموضوع وبارك الله فيكم الادارة ​
 
رد: حبيت نقصر ... معليش !!

كامل كيفك خويآ
مآم تجي تفرح ماتكملش لفرحة
تلقى روحك تخمم
نآس عرب مسلمين كيفك يموتو يوميآ
كي دير ترتاح تقول بالاك جايني الدور
شادير الصبر مفتاح الفرج
دعي ربي كتر العبادة
ترتاح نفسيآ
وربي يفرج على الجميع
 
رد: حبيت نقصر ... معليش !!

قال josefcom:
صحيتي الأخت وشكرا على التفاعل مع الموضوع
مارنيش راح نعقب على الرد تاعك
بالصح حاجة وحدة أنو عنوان الموضوع جيت نقصر راني دايره موضوع مفتوح تاع نقصر فيه كل يوم ولا كل وين بانتلي حكاية ولا موقف صوا يضحك ولا يقلق ولا ... زعمة كل يوم وبراكتو
بالصح بعد ما شفت لحالة ميتة ... أسمحولي ويرجى حذف الموضوع وبارك الله فيكم الادارة ​
إضغط للتوسيع...

ذركا فهمت المغزى من عنوانك
ايه مليحة الفكرة عجبتني مي في بالي الا جاي تقص كل يوم واش عندك متيتناش التفاعل المهم أنت تفرغ واش في قلبك و هذا لي يهم
في بالي تاني حذف الموضوع مش فكرة يعني ماذا بياا غدوا نلقاا ان شاء الله
فكرة حديدة من عندك
تحياتي ​
​
 
رد: حبيت نقصر ... معليش !!

[
يعطيك الصحة دوموازال وانشالله راح كل مرة هكا نكتب
وشكرا مرة أخرى ​
 
رد: حبيت نقصر ... معليش !!

مراحش نحذف الموضوع أخي
انت من حقك تقول وش في قلبك وتوصل أحاسيسك للآخرين ومش بالضرورة يتفاعلو معاك
المهم يوصلنا الشي لي راك تحس بيه
عالأغلب كامل الشباب لي لهنا راهم عايشين نفس المود علابيها ملقاوش بواش يردو
​
 
رد: حبيت نقصر ... معليش !!

انا نقولك عيش يومك و اعتبر ان اليوم هو اخر يوم في حياتلك و اش راح دير فيه الحياة مش مضمونة ماتضيعش عمرك في والو دير هدف في حياتك و حقو وافرح و فرح الناس لي يحبوك
 
رد: حبيت نقصر ... معليش !!

سلام عليكم راني عاودت جيت وليوم راني مليح حمد لله
حبيت قبل ما نبدا نحكي نشكر الأخوة ولاأخوات خاصة بنت قسنطينةوالاخت شمس الأصيل
علابالي ياسر ناس لمرة لي فاتت ما فهموش مغزى الموضوع لي حطيتو على بيها ليوم راني راح نحكي على واش راني حاب ولا الغاية تاعي من هدا الموضوع ... وهي أنو نجي كل مرة هكا نحكي على يومي ولا على حاجة هكا صراتلي تفكرتها ولا أي حاجة .... زعمة كيما نقولها بتعبير أخر فضاء خاص نفرغ فيه ولا نبارتاجي فيه دي سوجي بيرسونال ولا سبيسيال معاكم بويسك أنا انسان ما عنديش مشكل في ح ... وانتم اذا كاش واحد عندو راي ولا حاجة يتفضل بظرافة وبأدب وراني نتقبل رايو بكل رحابة صدر
ضرك وقت القهوة تاعي ... أيا سلام عليكم

​
 
رد: حبيت نقصر ... معليش !!

معليش مش مشكل.
معليش نقصرو ضرك ؟
 
رد: حبيت نقصر ... معليش !!

قال Perle Blanche:
صحا قهيوتك​
إضغط للتوسيع...
الله يسلمك دوموازال ... :regards01: ​
قال adel._dz:
معليش مش مشكل.
معليش نقصرو ضرك ؟
إضغط للتوسيع...

صحيت خويا عادل ... ما فهمتكش
مي ضرك ما عينيش نقصر اسمحلي راني جيت غير ندير طلة في المنتدى
يعطيك الصحة
​
 
رد: حبيت نقصر ... معليش !!

سلام عليكم وبون سواري ادا راكم تشوفوا في الموضوع ... قلت نحكي فيت فيت لحكاية هدي
المهم كنت ضرك في لفايس بوك نعمر في لقراع حتى شفت واحد الستاتي تفكرت واحد لحكاية صراتلي كيما كنت نقرا
كنت وقتها نقرا في الجامعة وكنت مريزيدي تسمى نقرا في ولاية أخرى ونهارها آخر السمانة وغير أنا وواحد صاحبي وقاتلنا التحراق ( يعني ماعندناش المصروف ) فضيناها بقاتلنا غير حق الترويحة باش نروحوا بيها من غدوة ووقتها مع لعشية والصماطة وزيد عليها الكوك ( التحراق ) هههههه شعووور ... المهم قلت نروح للفاويي نحي شوي على بالي نشوف تيليفيزيون ولا ندير لقطة ... أيا رحت للفوايي ومع لحقت نشوف في 100 ميل منهيه تشرلي ... يااااااااوو ما صدقتش بقيت غير نكحللها من بعيد لمرة لأولى .. ما حبيتش نزدم ديراكت وكون يظهر مولاها , المهم درت لكوراج وقلت نزدم ووأنا رايح ندير في plan تاع ميسيون أموبوسيبل في راسي ونسويفي في شكون يشوف معايا و أخيرااااا لحقت ودرت قالبي وهزيتها و فجأة حسيت روحي أرشيميلياردير في هديك اللحظة .... لحظة تاريخية هههه ... هدي برك تفكرتها حبيت نبارتاجيها معاكم
أيا تبقاو على خير
​
 
آخر تعديل:
رد: حبيت نقصر ... معليش !!


يـا خويا لعزيز قول الحمد لله
مشاكل هذ الدنيا متخلاصش

كان تشوف انا واش عشت و درك الحمد لله في الف نعمة ولله الحمد

قول الحمد لله و خليها على ربي هو لي يصلح بيك

تقبل مروري صديقي

و ربي ينحي الشدة على كل مومن
​
 
رد: حبيت نقصر ... معليش !!

شهد واستغفر المستقبل بيد الله المهم انت بكر بكري حوس على خدمة اذا كنت ميش خدام المهم بوجي وأسعى شرك يفرج عليك ربي ا اما الفراغ هو اللي خلاك هكا
 
رد: حبيت نقصر ... معليش !!

قال josefcom:
سلام عليكم وبون سواري ادا راكم تشوفوا في الموضوع ... قلت نحكي فيت فيت لحكاية هدي
المهم كنت ضرك في لفايس بوك نعمر في لقراع حتى شفت واحد الستاتي تفكرت واحد لحكاية صراتلي كيما كنت نقرا
كنت وقتها نقرا في الجامعة وكنت مريزيدي تسمى نقرا في ولاية أخرى ونهارها آخر السمانة وغير أنا وواحد صاحبي وقاتلنا التحراق ( يعني ماعندناش المصروف ) فضيناها بقاتلنا غير حق الترويحة باش نروحوا بيها من غدوة ووقتها مع لعشية والصماطة وزيد عليها الكوك ( التحراق ) هههههه شعووور ... المهم قلت نروح للفاويي نحي شوي على بالي نشوف تيليفيزيون ولا ندير لقطة ... أيا رحت للفوايي ومع لحقت نشوف في 100 ميل منهيه تشرلي ... يااااااااوو ما صدقتش بقيت غير نكحللها من بعيد لمرة لأولى .. ما حبيتش نزدم ديراكت وكون يظهر مولاها , المهم درت لكوراج وقلت نزدم ووأنا رايح ندير في plan تاع ميسيون أموبوسيبل في راسي ونسويفي في شكون يشوف معايا و أخيرااااا لحقت ودرت قالبي وهزيتها و فجأة حسيت روحي أرشيميلياردير في هديك اللحظة .... لحظة تاريخية هههه ... هدي برك تفكرتها حبيت نبارتاجيها معاكم
أيا تبقاو على خير
​
إضغط للتوسيع...

هههههههههه حكايات صح يبقو فالبال و ميروحوش و حنا نقولو ننساو
المهم هذاك الاحساس ان شاء الله يتكرر
تحياتي​
​
 
رد: حبيت نقصر ... معليش !!

خخخخخ تعيش فيها الانثى و مول التيكي
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top