السلام عليكم
حبيت نشكر كل من مر على موضوعي او دعالي ربي يحفظكم اخوتي واخواتي
وحبيت نشكر الاخ حكيم وماكانش على اسم الدكتور وعنوانو ربي يجازيكم خير
اختي ملك له وغريب الديار استفدت من ردودكما كثيرا
وحبيت نوضح اني مازال ما اطلقتش لأن الزوج قرر انو يطلق بلا مايقولي اصلا واتخذ القرار وحدو بينما انا كنت في زيارة لعايلتي ورفع دعوى الطلاق وتأجلت الجلسة لشهر سبتمبر لكن المحامية قالت انها ممكن تطول اكثر ورح يديرو جلسات صلح يعني مطولة الحكاية وزوجي ماكانش امل انو يرجعني لأنو من يومها لا عيط ولا سقسا
حاليا راني في البيت وماخرجتش من لي صرا المشكل الا للطبيب او للضرورة ومع واحد من خاوتي او ابي لكن وش خلاني نحط المشكلة هنا حيرتي لأن التسجيلات تاع الماستر كيما تعرفو عندها اجل محدود
وبالنسبة للعمل كنت خدامة وكي صرا المشكل لقيت روحي ضايعة يعني لو اي وحدة مكاني رح تفكر نفس التفكير انها ترجع لعملها ولحياتها لأن الحياة لن تتوقف بفقدان اي انسان
كي سقسيت قالولي عندك 9 اشهر ملي توقف البوانتاج تاعك وقالولي لازمك دي مالادي على 9 اشهر وكلما طالت المدة قادر مايقبلوش اني نرجع عليها حبيت ندفعهم مع بداية الدخول المدرسي
لكن لما قريت كلام الاخ غريب الديار خفت وتراجعت عن قراري او ممكن أجلت قراري نسأل اولا الامام ونصلي استخارة ولي فيه الخير يقدرو ربي
ربي يجازيكم كل خير وسامحوني مرة اخرى عالاطالة
:regards01:
حبيت نشكر كل من مر على موضوعي او دعالي ربي يحفظكم اخوتي واخواتي
وحبيت نشكر الاخ حكيم وماكانش على اسم الدكتور وعنوانو ربي يجازيكم خير
اختي ملك له وغريب الديار استفدت من ردودكما كثيرا
وحبيت نوضح اني مازال ما اطلقتش لأن الزوج قرر انو يطلق بلا مايقولي اصلا واتخذ القرار وحدو بينما انا كنت في زيارة لعايلتي ورفع دعوى الطلاق وتأجلت الجلسة لشهر سبتمبر لكن المحامية قالت انها ممكن تطول اكثر ورح يديرو جلسات صلح يعني مطولة الحكاية وزوجي ماكانش امل انو يرجعني لأنو من يومها لا عيط ولا سقسا
حاليا راني في البيت وماخرجتش من لي صرا المشكل الا للطبيب او للضرورة ومع واحد من خاوتي او ابي لكن وش خلاني نحط المشكلة هنا حيرتي لأن التسجيلات تاع الماستر كيما تعرفو عندها اجل محدود
وبالنسبة للعمل كنت خدامة وكي صرا المشكل لقيت روحي ضايعة يعني لو اي وحدة مكاني رح تفكر نفس التفكير انها ترجع لعملها ولحياتها لأن الحياة لن تتوقف بفقدان اي انسان
كي سقسيت قالولي عندك 9 اشهر ملي توقف البوانتاج تاعك وقالولي لازمك دي مالادي على 9 اشهر وكلما طالت المدة قادر مايقبلوش اني نرجع عليها حبيت ندفعهم مع بداية الدخول المدرسي
لكن لما قريت كلام الاخ غريب الديار خفت وتراجعت عن قراري او ممكن أجلت قراري نسأل اولا الامام ونصلي استخارة ولي فيه الخير يقدرو ربي
ربي يجازيكم كل خير وسامحوني مرة اخرى عالاطالة
:regards01:
