صديقتي وزوجها

[مشكلتي]

​

مشكورين على الاهتمام والردود ربي يبارك في عمرك
والله صاحبتي تقرا والدموع تجري
خاصه بعد اللي صرا البارح بكات الدم ... تاكدت ان راحلهاجلها ماهمو واله
هو راح بايت في دار العزاء وهي راهي ف الدار صاينتاته ومحافظه على روحها ودارها وولادها والمسافه تبعد يمكن ساعه وربع
المهم بعثتله رساله بعدما طلب الرقم كتبت
ارسل لي صورتك ورقمك فرد
انا انتظر
ردت
وانا انتظر كذلك
فبعث الرقم ياويله م ربه كيفاش مايتعضش هنا صاحبتي حبت تهبل قالت راهو ف دار العزاء حتى التربه مازال مانشفتش وين العبرة والله مانكذب هو بنفسه عاونه ف الغسل تاع الميت وهبطه في القبر اذا مادارش اي اعتبار لربي كيفاش يحترمها كيفاه يحشم وهو ماحشمش من ربي
هذا اللي حزناها بزاف لهدرجة قلبه حجر

المهم قاتله نتصل فيك وهي عارفه ان مايقدرش يهدر لان رجال العايله راقدين مع بعض في الصاله
كان نص الليل تقريبا س11
المهم بعث اتصلي بعد نص ساعه
ردت تمام
وهل نستطيع الخروج معا
رد بعد نص ساعه شكله رتب امورج باش تهدرله
قالها بعثيلي في الواتس باش نتفقوا
وسبحان الله ربي عطاه العقل ف هديك اللحظة وجاع ماكانتش مخططة لشي فصاحبتي معروفه بذكاءها وقليل تغلط ف خطة او حاجة
المهم كتبتله تليفوني مايدعمش برامج الاندرويد
فماذا عند موعدنا
فقال متى
انصدمت وقالت بعد 20دقيقه وهي عارفه ان مستحيل يلحق
قالها راني شوي بعيد مع الاهل غدوة نتلاقاو واش رايك

خلعت صاحبتي قالت ياربي معقوله يدير الختمة تاع الميت ويخلصوا ويروح للحرام
هذا الواحد مايمنوش على حياته ولو تشوفوا كيفاش غاضوها ولادها خافت يصرالهم حاجة من عمايل ابوهم

فرد عليه لا اعتقد انك جاد في الموضوع مع السلامه
فرد لا انا جاد ولكن ظروفي واخبرتك غدا واخبريني اذا سنلتقي
فلم ترد عليه
كانت هذه اخر رساله منها هنا تسال ماهي الخطوة الثانيه

بالمناسبه صاحبتي بعثتله مسج في الواتس
راقد؟
المهم اتصلت ورد قاتله مارقدتش قالها مازال شوي مع الشباب
قاتله راني حاسه عمري مقلقه وحاب نتقيا ونرتجف
قالها لحظة وخرج راح لجنان باش يهد لها
قالها خير وتعوذي من الشيطان هذه وساوس شيطانيه وانت مؤمنه وووو
والله ماتصدقي يقول هالكلام.... وقاتله خلاص سكر راني لاباس قالها مستحيل حتان نتطمن عليك
ومبسيف باش سكر بعدما تاكد ان راهي لاباس
وبدا يبعث طمنيني
راني متقلق
مانقدرش نرقد وووو
واتصل بصح كانت مسكرة تليفوني

واش رايكم؟
بالمناسبه صاحبتي ساعات تجيها حالتها تكون صح متلقلقه وتصير حاجة
فعادي هو ماشكش عمباله كيما ديما

والله تقول راني خايفه برك نقلها واحد المرض او حاجة
معقوله يصير وهي شادة في ربي
ولادها صغار وخايفه عليه

وعلى فكرة صاحبتي وظيفتها بزاف ممتازة تخدم في البلاصه يتمناو بزاف يخدموا فيها
وكيما توظفت عام وشوي بصح واش حاول يقنعها باش ماتخدمش يقولها ماخصك والو بصح تحمد ربها ليل ونهار كي ماسمعتلوش
هو حبها ضعيفه وماتقدرش تعتمد على روحها
وباش يكون متاكد ماتقدرش تروح وتخليه

 

[mà_dikrà]

رد: صديقتي وزوجها

عليها بصلاة الاستخارة ♥
..
معندي منقول ولا نعاون غي بدعوة خير إن شاء الله ♥`
□□□□
الله يعاونها
و إن شاء الله يفدوك الاخوة ~
..

تحياتي|~​

 

[@R@ZIK]

رد: صديقتي وزوجها

ربي يكون في عونها
عليها بالدعاء والصبر
تحياتي​

​

 

[مابقاش بزاف.Dz]

رد: صديقتي وزوجها

اذا كانت sur راه يخون فيها و عندها les preuves و شحال من مرة كيما قلتي تشدو يحكي مع بنات و هي بنفسها جرباته في رايي تتصرف بكل نضوج و عقلانية تحكي معاه بكل وضوح و تقولو كامل واش عندها و تعرف من عنده كلش بدون لف او دوران تفكرو بلي راه متزوج و عنده عايلة و مسؤولية كبيرة ..مادام عندهم اولاد صغار ما يبقاوش غير في حكاية ايميل و شديتو بالتيليفون .. تواجهه احسن و ذلك باسلوب الحوار العقلاني
ربي يفرج و يهدي ان شاء الله

 

[بقايا إنسان]

رد: صديقتي وزوجها

عمل زوجها قاق عمل Lucifer

 

[Salam Fleur]

رد: صديقتي وزوجها

فكرتني كاينة حكاية تاع واحدة عمري قريتها تقريبا نفس المشكل ... هي صح كانت هي سبب خيانته لانها اهملت نفسها و كانت عارفة بلي راجلها عينوا زايغة ..... و في الاخير راه رجع ليها تقولي رجع خاتم في صبعها ... الحكاية راهي شوية طويلة ...... هي حكاية واحدة تحكي التجربة تاعها مع خيانة زوجها ... نتمنة انها تفيدك و القرار راه في يدك اذا تحبي تطلقي او لا .......... تفضلي​

 

[دعاء الجنات]

رد: صديقتي وزوجها

أنا أنها تكثر الدعاء له بالهداياو الله يهدي م يشاء ثمالصبر ،، ماتخمميش في الطلاق هو آخر الحلول ، وما بعده أصعب، رايحا ندعيلها لأني حاااااسة بيها مررت بقصة مشابهة مشابهة مع خطيبي السابق والحمد لله دعوات الأحباب كانت توصل من كل مكان وبعدو ربي عليا ، احنا ندعولها وهي تكثر الدعاء في قيام الليل.

 

[red rose]

رد: صديقتي وزوجها

اعلمينا اختي بجديدها فقلبي على نار عليها
بالتوفيق​

 

[Salam Fleur]

رد: صديقتي وزوجها

...................................................................

 

[لؤلؤة قسنطينة]

رد: صديقتي وزوجها

بدون تعليق والله
أوّل مرة في حياتي تروحلي الهدرة ومانلقاش باه نعلق
ربي معاها وخلاص
تحكم في ربي وما يكون غير الخير ان شاء الله
هادا كامل على جال لولاد
كن واحد كيما هادا مايستاهلش دقيقة تكون معاه
الناس مشتاقة عايلة وهو يتمسخر بيها
ربي يهديهم
تقبلي مروري​

 

[راجية العفو]

رد: صديقتي وزوجها

السلام عليكم ورحمة الله وبركاته
اختي انا حبيت نقولك 2 كلمات نتمنى يفيدوك وتقبليهم
اول حاجة
* هو مش يغير فيك ويقلك فيك حاولي تحمدي ربي على هذي النعمة لانو كل انسان فيه عيب وهو مليح معاك
* حاولي تكسبيه واهتمي بنفسك الا ما قدرتيش بافعالك روحيلو منين يحب ادخل باسم ثاني مستعار وابقى احكي معاك انت اكثر وحدة تعرف واش يحب واش يكره
يعني تقدري تفهميه مليح خليه يتعلق بيك وكي تشوفيه كل وقتو معاك اكشفي شخصيتك بشرط انو يكون في الدار وقت ما يكتشفك
وانت ادرى الناس بيه تاثري با ش تزيدي في عذاب الظمير ولا حبيتي الدوخي وتعملي صدمة عصبية فقدتك الاحساس -ههههههههههه- مليح
خليه يرجعلك وهو نادم
ملاحظة : هذي الفكرة طبقيها الا زوجك مش من النوع الشكاك والموسوس
واهم حاجة استغفار طول الوقت

 

[امونة الشاوية]

رد: صديقتي وزوجها

ربي يفرج والله القصة شوي متداخلة

 

[youcef.as.dz]

رد: صديقتي وزوجها

الله يجيب الخير ان شاء الله

 

[ليليا مرام]

رد: صديقتي وزوجها

السلام عليكم
لو ما فهمتش شوي القصة مكتوبة باسلوب مخلط مش واضح
على حساب ما فهمت جرباتو هي وحكى معاها ومش عارف انها زوجتو وهي تعرف زوجها خاين
اول شي ما يحقلهاش تجربو وتعيش مل حياتها موسوسة ماكانش راجل ما يغلطش ماكانش راجل وما شافش مرة ولو بنية صادقة في مرا لو نظلو نفكرو فالخيانة من يخرج من الدار كل النسا تطلق اختي لازم تكون ذكية لازم تكسب راجلها تشوف النسا هذو الي زوجها يخونها معاهم فواش خير منها ممكن هي حرماتو اهتمت باولادها ودارها وخلاتو لالا هذي غلطة مش عيب المرا تعيس راجلها وكانو حبيبها وهي على موعد معاه اذا البنات اللي يخدعها معاهم ما حشموش فالحرام وهي زوجتو حلالو علاه تحشم لو هي غيرت من نفسها طباعها تعرف راجلها واش يحب وواس يكره تقوليلي الطلاق لا انا ما ننصحهاش هكا قدماتو على طبق من فضة انا من رايي تكتم الامر وتتعامل بذكاء ما تلومش غيرها تلوم روحها ةلة هي فيها كل المواصفات وهو زير نساء حتى هنا قادرة هي تخليه يشوف فيها وبرك الحل راه في يدها

 

[MOHAMED LAMINE7]

رد: صديقتي وزوجها

يجب على الزوجة ان تدرس الاسباب التي جعلت زوجها ينظر الى غيرها
وتسأل نفسها هل هي مقصرة في حقه ام لا
الزوج في النهاية مثله مثل الطفل الصغير في حاجة الى اهتمام
عندما نترك اطفالنا دون رعاية يضيعون
هناك من الرجال من يصمد امام الاغراءات وهناك من يغلبه الشيطان
لكن في كل هذا مطالبة ان تحافظ على بيتها وان لا تتسرع في اتخاذ اي قرار وان تستر على نفسها وعلى زوجها وان لا يتعدى هذا الموضوع حدود بيتها