تعدد الزوجآت ...

[همس الوُرود]

السلآم عليكم ورحمة الله وبركآته~

وش أحوآلكم صآفآ بيآن الحمد لله ..نفوت للموضوع~

الموضوع اليوم شوي حسآس ~ والبنآت مين يسمعوا بهذآ الموضوع تطلعلهم لآكريز للدرجة القصوى ~ ويولي مكتوب في جبينهم ممنوع الإقترآب ~ قآبلة للإشتعآل في أية لحظة

أمآ الذكور يفرحوا ويضحكوا و الدنيآ مآتهزهمش ...:smile02:



نحكيو اليوم على تعدد الزوجآتْ~


شفت وحد الحصة فاليوتوب ~ على تعدد الزوجآت ويآويييلو ويلو الي يخمم بآش يجيب زوجة ثآنية في حيآته ~ يعني مستحيل يزيد يرقد ليلة و يغمض عينوا دقيقة ~ ويقول لمثل ~ إذآ حلف فيك رآجل بآت رآقد وإذآ حلفت فيك مرآ بآت قآعد:p

والحكآية كآينة منهآ

يعني الإنسآن بعد مآيتزوج يحب يجيب زوجة ثآنية ..زعمآ صح كل الرجآل هكآ؟؟ الله أعلم

بصح مؤخرآ قريت حآجة كتبهآ وآحد قآاااالكم الرجل مستحيل ميحبش يجيب امرأة أخرى في بيتو و مستحيل مآيقولش لزوجته في يوم مآ نجيب الدوزيآم خخخخ


صرآحة أغلبية النسآء بعد مآيسمعوا هآدي الكلمة تقول يخبطوا رآجلهم يجيبوه فالموزمبيق يشوف مليح النسآ لتم ..

وكآين نسآ يتقبلو الوضع وتقوللك حللوا الزوآج ب 04 و عآدي وأنآ نخطب لزوجي ~ يعني صرآحة الغيرة فيهآ فيهآ


صح ربي حلل 04 بصح ههههههه هنآ المرأة تبدآ تجهل تقوللك صح صح بصح مآيعدلوش بينآتنآ ووو ورآجلي ليآ وحدي خخخخ


يعني حكآية لقآت بزآف جدآل بين الجنسين ~

السؤآل المطروح~

آسكو صح الرآجل ميقدرش يعيش مع وحدة برك؟؟ ويكتفي بزوجة وآحدة فقط؟؟

مآيقدرش يعمر عينيه بيهآ؟؟ وهي الي مدتلوا حيآتهآ و عطآتوا عينيهآ وكل شيء ..


مجرد موضوع جآ فالبآل حبيت نكتبو و صرآحة محبيتش نكتبو تآني ~ بصح فالأخير كتبتو وبآلآك مآنكملش ونفآصيه دوك ونترآجع 0..... مآعرف .. المهم نخليلكم الخط ليكم


بآ البنآت مآتشعلوش برك والله أنآ منآ بديت نشعل قبلكم هههه


سلآمي​

 

[Salam Fleur]

رد: تعدد الزوجآت ...

اهلا .............

ربي يستر ... فتحتي جبهة قتال ..... هههه ........ اكثر المواضيع حساسية لدى النساء .......

لي عودة للتعليق ........

شكرا على الموضوع ​

 

[لؤلؤة قسنطينة]

رد: تعدد الزوجآت ...

السّلام عليكم
أهلا بحبيبتي ^^ والله فرحت كي شفتك وضعتي الموضوع خاطر راكي تغيبي هاد اليامات
ان شاء الله ديما متواجدة ومنورة
والموضوع تاعك حسب عنوانو درك رجال اللمة كامل يدخلو يجريو ههههه
المرة الجاية نكتب موضوع ضد الرجل ونديرلو موضوع تعدد الزوجات غير باه يدخلو ومن بعد يتشوكاو هههه
راني غير نضحك, نوليو للموضوع

والله يا ختي نهدر من وجهة نظري, ومانقولش تاع يعدل ولا مايعدلش
ولا نخالف امر ربي , حاشا ماش رايحين نعلمو خير من ربي سبحانو
بصح نتكلمي عن نفسي كإمرأة وكإنسانة عندها مشاعر مانحبش تعدد الزوجات
ربي يغفرلي ويسامحني هادا أمرو وماش من حقي نعارضو

بصح الله غالب فوق طاقتي مانقدرش, انا كن نشوف ماما تهدر مع وحدة من العائلة وتحضنها نغير
ماش غيرة حسد بصح لدرجة نحبها نتمنى نكون انا في بلاصة هاديك الإنسانة

فمابالك براجلي أب ولادي, مانقبلش أي امرأة تشاركني فيه
خاطر نغير , ونعترف بروحي بلي نغير

وان شاء الله وبإذن الله تعالى ولا كتب ربي وتزوجت رايحة نكون ليه قد 10 نسا إذا يحب
نعوضو على اي نقص في حياتو إذا قدرني ربي

غير لاكان عجزت ولا مرضت وطحت في شوكة مريضة تما يدبر راسو خاطر خلصت مهمتي بالنسبة ليه
بصح انا صحيحة وبعافية نوفرلو كل شي بإذن الله تعالى

بصح بيناتنا ياو غير يجي ونخرجلو العين الحمرا هههههههه
راني غير نضحك برك ^^

شكرا حبيبتي على الموضوع وراني ديما في كل محضر نحضر

والاسئلة تاعك نخليها للرجال خير يجاوبو عليها
تقبلي مروري وربي يدوم طلتك الجميلة ​

 

[الزهرة الحمراء]

رد: تعدد الزوجآت ...

السلام عليكم الزينة تاعي
يعطيك الصحة على الموضوع الرائع والحساس في نفس الوقت
والله انا بعد غير قريت العنوان السخانة طلعتلي ودخلت نجري حتى قريب تعكلت فالعتبة خخخخخ
يايما على تعدد الزوجات شوفي انا انسانة نفهم فالدين وواعية والحمد لله مبصح كاينة عفسة مانفهمهاش الشرع حلل 4 انا مانيش رايحا نكون ضد امر ربي سبحانو قالو ولكن كيما قالت اختي مريم يحكم اني امرأة وعندي مشاااعر وغيورة بزاااف مانحبهاش ربي يغفر لنا على هدرتنا
ونظن اي مرا في بلاصتي تخمامها هكا وقليل وين تلقاي وحدة تقبلها ولا هي بنفسها تقولك نخطب لراجلي هدا من غير ادا كان كاش مابيها اما لوكان تكون قايمة بيه وعاطيتلو كامل الحقوق تاعو ويجي نهار يقولها حاب نعاود الزواج شوفيها اذا ماتحولتش لسفاحة هههههه
وبالنسبة لموضوع اليوم شباب اللمة رايح يعجبهم بزاااف وعندهم مايحكوا فيه
وبيناتنا برك حبوبة انتي هوما وحدة ماقدرولهاش وحدة رايحا تخرجهم من عقلهم يروحوا يجيبو 4 هههههه وزيد في وقتنا هدا ماكانش لي يجيب 2 نسا ويعدل بيناتهم تلقايه يجيب الثانية يدللها ويقلشها ملييح والاولى مسكينة شابعة ميزيرية هي وولادها بحكم انو هاديك فات وقتها وانا عفسة كيما هادي تقلقني تلقاي مرا مسكينة فنات عمرها تقوم براجلها وغير تكبر شوية راجلها يبدا يحوس على وحدة صغيرة وبابيشة
وزيد انا الراجل خارجتهالو طاي طاي قتلو انا وحدي ولا ماكانش ههههه
وبالنسبة لاسئلتك مانظنش انو كامل الرجال هكاك
هدرنا بزاااف نخلوا شوية للخط للرجال ونشوفوا واش رايحين يقولوا مع انو رانا عارفين رايهم هههه
يعطيك الصحة الزينة متألقة ديما
دمتي في رعاية الله وحفظه ​

 

[علي الفاضلي]

رد: تعدد الزوجآت ...

لك الشكر على الموضوع .. الجميل ..:thumb_up02:

هذه تعليقانكم ...:s
​

= بآ البنآت مآتشعلوش برك والله أنآ منآ بديت نشعل قبلكم هههه

=ربي يستر ... فتحتي جبهة قتال ..... هههه

=صرآحة أغلبية النسآء بعد مآيسمعوا هآدي الكلمة تقول يخبطوا رآجلهم يجيبوه فالموزمبيق يشوف مليح النسآ لتم ..

=بصح بيناتنا ياو غير يجي ونخرجلو العين الحمرا هههههههه
راني غير نضحك برك ^^

=والله انا بعد غير قريت العنوان السخانة طلعتلي ودخلت نجري حتى قريب تعكلت فالعتبة
=وزيد انا الراجل خارجتهالو طاي طاي قتلو انا وحدي ولا ماكانش ههههه ..

................
دمتم مفردين .. موحدين ..:sport02:

 

[السلطانة]

رد: تعدد الزوجآت ...

موضوع واعر


ودرك راح الحال


نفضل نرجع نرد فيه غدا ان شاء الله

 

[لؤلؤة قسنطينة]

رد: تعدد الزوجآت ...

لك الشكر على الموضوع .. الجميل ..:thumb_up02:

هذه تعليقانكم ...:s
​

= بآ البنآت مآتشعلوش برك والله أنآ منآ بديت نشعل قبلكم هههه

=ربي يستر ... فتحتي جبهة قتال ..... هههه

=صرآحة أغلبية النسآء بعد مآيسمعوا هآدي الكلمة تقول يخبطوا رآجلهم يجيبوه فالموزمبيق يشوف مليح النسآ لتم ..

=بصح بيناتنا ياو غير يجي ونخرجلو العين الحمرا هههههههه
راني غير نضحك برك ^^

=والله انا بعد غير قريت العنوان السخانة طلعتلي ودخلت نجري حتى قريب تعكلت فالعتبة
=وزيد انا الراجل خارجتهالو طاي طاي قتلو انا وحدي ولا ماكانش ههههه ..

................
دمتم مفردين .. موحدين ..:sport02:

بصح انا راني قلت راني غير نضحك
يسما مايتحسبش الهدف هههه :d
راهو تسلل ههه​

 

[Hakan]

رد: تعدد الزوجآت ...

ما تطلعلكم السخانة خواتاتي ما ترميو رواحكم من فوق قمة تاهات اتاكور
موضوع يستاهل راجل برك هذا مكان وموضوع عطاولو اكثر من حدو كي شغل راهو صارينا كيما هذاك السيد
اللي ماعندوش الرجلين ويتفرج في سباق ١٠٠ متر حواجز
مشكلتنا حنايا العرب اننا نتناقش في الامور النادرة ونخليو الامور المهمة
باش نخمو في امور السعادة بين الزوجين اللي راهي غايبة على كثير من البيوت قاعدين نخمو على تعدد الزوجات اللي قلال بزاف اللي داروه
شكراا على الموضوع انا مع عدم التعدد الواحد يعمل صالحاا ويرضي ربي مع امراة واحدة ومن بعد في الجنة ساهل الواحد مع الحور العين ويشبع مليح سلاام​

 

[{مُدَلَّلَتُهُ}]

رد: تعدد الزوجآت ...

السلام عليكم و رحمة الله و بركاته

يعطيك الصحة توينكل على موضوعك "دقيتي على الوتر الحساس"

ندخلو في حلبة القتال "قصدي موضوعك "

شخصيا رغم أني على علم بالدين و نعرف ربي و شا شرع و شا حرم بصح هاد الموضوع ما نتقبلوووش نهااائيا ربي يسامحنا ! بطبعي غيووورة محاال نشوف راجلي مع مرأة وحدوخرا يا اختي لوكان نشوفه شاف في وحدة غيري برك نفقسلو عينو وين يعيش معاها -_- !

و النسا تقريبا كامل كيفي ماكانش الي تقبل ضرة عليها "الضرة مرة يا لوكان تكون جرة" !



أسئلتك نستناو الرجال يجاوبونا عليهم ههههههه

شكرا على الموضوع ♥ سلآمي
​

 

[وردة النرجس]

رد: تعدد الزوجآت ...

موضوع جميل
ممممممم تعدد الزوجات هو حق من حقوق الرجل
بصح مش ساهل اذ لازم عليه يعدل بين زو جاتو في الامور الماديه و المعنويه يعني إذا جاب حاجه لمرتو الاولى لازم عليه يجيب كيفها لمرتو الثانيه و يحب مرتو الاولى بنفس مقدار حبو لمرتو الثانيه و إذا ما عدلش ربي يحاسبو
لذى لازم الراجل يفكر مليح مليح قبل ما يجيب ذرى لمرتو

 

[programmeur]

رد: تعدد الزوجآت ...

أحم أحم
السلام عليكم
عندي مدة مادرتش الحس و رديت على كاش موضوع حتى لليوم وفي هده الجبهة القتالية الصعبة جدا

أودي مالقري ناوي نتزوج وحدة في حياتي بصح ربي محلل لراجل 4 نساء
هكدا قاع بنات المنتدى يتزوجو وماتبقاش البايرة تهدر في المنتدى هههههههههههههههههههههههههههههه

ربي محلل 4 نساء لكن الشرط و الواجب هو العدل و القسط واللي مايحققش هدا الشرط انقولو روح عند مرتك هههه
أنا عن نفسي العدل مانيش محققه مع روحي أنا هههههههههههههههههه فمابالك مع مراة و زوج و ثلاثة

بصح بيناتنا مالغري وحدة بزاف عليا مرتي غادي نهبلها بقصة 4 نساء ههههههههههههههههههههههههه يليق كي تشوفني تمرض هههههههههههههه

 

[adel._dz]

رد: تعدد الزوجآت ...

انا انسان متدين
راح ندي ربعة نساء
ياخي حقي ياو
لو كان نقصر في حق كاش وحدة فيهم صح
راح ندير بيناتهم سباق
نتزوج ربعة وتقعد وحدة الباقي كامل لدأرهم
هههههههه
السياسة انا سياسي
ضرك المراة واش تولي تخمم لازمني انا هي لي نفوز بيه ولخرين هوما لي يطلقو بعد ما كان تخمامها العرقلة والات تخمم في السيطرة هههههههه
وباينة في ربعة يخممو نفس التخمام
ايا انا نعيش حياة حلوة مع بدل المراة ربعة ياعيني
نحس روحي سلطأن نتع بكري هههههههه وهوما راهم مأمنين بالغولة
المعم عادل فيق فيق ملتغضبش منك بنات حواء
راني نضحك برك يالجنس اللطيف
والي في القلب في القلب
ة

 

[متعب الشووووق]

رد: تعدد الزوجآت ...

اني ارى هنا حرب ضروس كما هي في بلادنا
كنت اتوقع اتزوج اربع من هذه البلاد المباركة
فأتضح ان حال النساء هنا من حال النساء هناك
ولكن عفواً ايها الرجال رفقاً بالقوارير فإني ارى
فيهن الطمأنينة و السكون و لكن اذا قلبت اسد
ما عليك الا الفرار و تشوف لك غزال على الطريق
هههههه .. فالعدل في كل شئ الا الحب فلا يملك
الرجل قلبين في جوفه و اللبيبة فيهن من تملك لب الرجل…

 

[أم أحمــــد يــسّ]

رد: تعدد الزوجآت ...

السلام عليكم...موضوع ساخن والمشاركات رغم التهابها الا انها غير عقلانية وتنبع من عاطفة شخصية ليس الا
ساقول ان الله شرع التعدد وله في تشريعه حكمة مع شرط العدل. ولو لم يكن في مقدور الرجل خاصية العدل لما كان ذلك
فاكيد ان الخالق ادرى بحكمه على خلقه فلم يخص المرأة بذلك...
تبقى مساله التعدد شائكة لاسباب متعددة اولها. لماذا يلجأ الرجل الى التعدد؟ الاخت ركزت على مسألة الاكتفاء فقط
ولا اظنها السبب الوحيد. فقد يكتفي الرجل بواحدة فتلبي حاجاته لكن يبقى بحاجة الى اشياء اخرى وابيط مثال ” مسألة العقم” والحاجة للاولاد
فقد يحب الاولى ويعيش معها دهرا ولا يستطيع مفارقتها او هي لا تقبل بالطلاق فترضى بثانية لتنجب له..قد يلم بالاولى مرض يستدعي مزاولتها الفراش
فتحتاج لمن تقوم بامر اولادها...قد يكون التعدد لامر رغبة او حتى رهبة. فالعاقة اذا كان لها اولاد واستحال الطلاق وتشتيهم ” تُضرب لاخرى” ويقال ( اضرب النساء بالنساء)..اما ان كان الرجل لديه من حب الشهوات واستبدال الزيجات كزوج الاحذية هنا تكون الكارثة...
فهناك من لا تملأ عينيه نساء الدنيا كاملة فلا ينظر لمسالة الزواج سوى بانه هو الرجل ويحق له ما لا يحق للانثى...
قد اقول انني غيورة وانه لا يوجد امراة تقبل المناصفة او المشاركة فيما تملك لان الغيرة هي من حكم لكن ان حكمت الظروف والقدر فمرحبا بما كتب الله

يبقى ماكتب الله لنا هو المقدر لنا..لانه لا توجد امراة تقرا مستقبلها لتعرف ما سيحصل وهل بعدما كانت الاولى ستكون لها ثانية وثالثة ورابعة
او انها ستكون هي 2او3او4...ومن يضمن ذلك يجيبني...
اما عن السؤال تكفيه امراة واحدة ام لا؟ ساجيبك انها تكفيه ان كان رجلا بحق واكتفى بما يملك وغض بصره وتغلب على شهواته ورضى بنصيبه...ولا تكفيه
اذا كان عقله قبل قلبه فارغا وعينه لا يملاها الا التراب فراح يبحث عن الاسباب ليفتعل مشاكلا ويشتت اسرة وينهي علاقة...
اسفة للاطالة وارجو ان لا يكون ردي قد تجاوز الموضوع...
تقبلوا تحياتي

 

[Salam Fleur]

رد: تعدد الزوجآت ...

عدنا و العود احمد

تعدد الزوجات موضوع يعني انا واحدة من الناس مجرد سماعي للكلمة نحس قلبي رايح يخرج من بلاصته ...... مارايحان ندخل في امر ربي سبحانه و من اكون حتى اناقش امرا حلله خالق السموات و الارض

لكن الله سبحانه و تعالى في ايته الكريمة التي تتحدث عن هذا الموضوع قال " وَإِنْ خِفْتُمْ أَلَّا تُقْسِطُوا فِي الْيَتَامَى فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلاثَ وَرُبَاعَ فَإِنْ خِفْتُمْ أَلَّا تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلَّا تَعُولُوا [النساء:3]

" فَإِنْ خِفْتُمْ أَلَّا تَعْدِلُوا فَوَاحِدَةً "

العدل هنا كاين راجل يقدر يعدل .....؟؟؟؟؟ ......... ما نهدروش على العدل المادي .... نهدروا على العدل المعنوي ....... رايح رايح يميل لواحدة ...... انا في هاذي نصوتي ...... مستحيل نقدر نتخيل راجلي نشاركي فيه واحدة اخرى ... و مستحيل نقدر نتقبل انه يحب واحدة اكثر مني .....
احساس فظيع جدا ....... راني نهدر واش في قلبي واحد ما يجي يتفلسف عليا ........


في الماضي القريب كان عندي ربما تنازل انه نقبل الزوج تاعي يزوج عليا في حالة واحدة و هي لا قدر الله ما رزقنيش ربي الذرية ....... بصح ماعلاباليش مرات راسي يبلوكي كي نخمم في الموضوع هذا ............... لانه اذا كان العيب فيه انا رايحة نصبر معاه راه مكتوب ربي و ماتدريش انا نعرف ناس 14 سنة زواج باه رزقهم ربي الذرية .... يعني علاه هو مايصبرش معايا ............ موضوع صعيب بزززززاف ................

ممممم .......................

على كل حال بعيد الشر .......... بربي ان شاء الله يرزقني طزينة تاع دراري ...... ههههه ..... و ربي يجيب الخير ......​

​

 

[ماكانش]

رد: تعدد الزوجآت ...

قال عمي حمد
أضرب النسا بالنسا والإبل بالعصا
ولحديث قياس

 

[ام أمينة]

رد: تعدد الزوجآت ...

السلام عليكم
هاد الموضوع فيه بزاف آراء
كاين لي تقبل بالأمر و كاين لي ما تقبلش
و كاين لي تقبل و تقول عادي بصح كي تكون في أمر الواقع تولي حاجة اخرى

مشكورة على الموضوع
تحياتي

​

 

[علي الفاضلي]

رد: تعدد الزوجآت ...

و كاين لي تقبل و تقول عادي بصح كي تكون في أمر الواقع تولي حاجة اخرى
​

الشيخ البخاري اطال الله عمره .. سالته هذا السؤال :

اذا حبيت نعاود الزواج هل الواجب علي نعلم زوجتي شرعا؟ ام نخليها في عقلها:-o

وقتلو القانون يقول لازم رضاها ماشي غير تعلمها ...:-o

قالي لمرا ما تقبلش باحرى ابدا ذاك طبعها .. لازم نسيفو عليها ..:sport01:

وحكالي حكاية واقعية .. مفادها ان رجلا اقنع زوجته بالزواج عليها .. وراحت

هي اللي خطبتها ..ونهار العرس ..كي جابوها في المحفل وقرب من دارها وهوما

في البادية ..حطت يديها في حناكها هذي تدي هذي تجيب ..وتدعي على روحها وعلى

زهرها واش دارت بيدها ..:s

فليس من سمع .. كمن راى ......

دمتم سالمين .. غير مضطرين ..

 

[علي الفاضلي]

رد: تعدد الزوجآت ...

قال عمي حمد
أضرب النسا بالنسا والإبل بالعصا
ولحديث قياس

حكمة مجربة .....اخوف ما تخافه الزوجة .. ان تضربها باخرى ..

تولي غزال .. شباب .. المهم ما تعددش برك عليها...

تجاوزت الستينات .. ولما اعاد الزواج عليها .. اخبرني بانقلاب حالها ..:sport02:

الى الشباب .. وهل يصلح العطار ما افسده الدهر ...؟؟؟؟.. ربما يخفف:-r

 

[همس الوُرود]

رد: تعدد الزوجآت ...

السلآم عليكم~

سآمحوني لآ يمكنني الرد على مشآركتكم حآليآ .. آسفة!!

دمتم متألقين ..~​