القَنآة الجزآئرية " اليتيمة "

[لؤلؤة قسنطينة]

السّلام عليكم يا ناس لمتّي الغاليين والرآئعين

إن شاء الله راكم لاباس ؟؟

والله كل يوم يجيوني واحد الأفكار يا لطيف ههه

, واليوم بالضبط جاتني واحد الفكرة وحبيت نوضع موضوع كوميدي نوعاً ما , خاطر سبق وحطيت موضوع كوميدي هنا ولقى إقبال ما شاء الله وزرعت بيه القليل من البسمة على وجوه أعضاء لمتي الغاليين والموضوع هو

http://4algeria.com/forum/threads/430132/


لي يحب يضحك يشوفو ههه​

ولدرجة راكم عزاز عليا راني عصرت مخي

وجيت نرفه عليكم مرة أخرى ولو بالقليل ونحكيلكم على القناة الجزائرية أو المقبرة الجزائرية بعبارة أوضح
خاطر مايتفرجها غير الميت

وراني علابالي كل واحد فيكم حاكمتو القلقة والغمة منها كيما راهي حاكمتني أنا

خاطر لي يتفرج القناة الجزائرية يا إما يخلص بمرض السكر ولا يديرلو الضغط ولا يطيح تما بعد ويروح فيها ههه
وهاد القناة المشؤومة لدرجة راهي بيريمي ولاو يسميوها "اليتيمة " ياو اليتيمة قليل
من المفروض يسميوها الأرملة ولا المغبونة خاطر مشاكل العالم كامل طايحة على راسها هههه
واصلا كن تخمم برك فيها تجيك الرعشة في ركايبك لدرجة الهول لي رايح تلقاه فيها

مالا فرغو مخكم شوي وابداو اتخايلو معايا لدقائق

اتخيل ولا اتخيلي يا لي راكم تقراو في الموضوع بلي نضت الصباح وشربت قهوتك

ومن بعد رحت تشعل التلفاز ومع تشعلو تلقى غير القناة الجزائرية في البارابول

علابالي واعرة اللقطة هادي, تحس روحك خسرت مباراة تاع نهائي كأس العالم بضربات الترجيح هههه

المهم اتخيلو برك, من بعد زعما باه تخفف الصدمة على روحك

تقول واش فيها نتفرج قناة بلادي , ياك انا جزائري وأفتخر:up:, وزعما تحكم في كلمتك وتحط تتفرج القناة الجزائرية بكل شجاعة وما علابالكش بلي راك قادر تخلصها بسكتة قلبية هههه
المهم تحط القناة وتتفرج زعما على حصة اسمها صباح الخير, اصلا هاديك ماتفهمهاش إذا صباح الخير ولا مساء الخير ولا مساء الليل :s لدرجة تشوف فيهم يهدرو على الصباح بصح نوعية الصورة مظلمة تقول تاع العصور الحجرية حتى تتوسوس تقول بالاك في الجزائر العاصمة عندهم الليل وحنا النهار ههههه , يا عجابة الديناصورات وولا عندهم ال HD وحنا نوعية الصورة لازملها نواظر طولهم 10 أمتار ويكبرو كي المجهر قد ماتشوف الجراثيم ويا ربي كاشما تدقق وتفهم

هادي الصورة برك, اما المحتوى يجيبلك الدوخة

, أتخيلو فلاح يعرضوه لصباح الخير ويبدا يحكيلو على المبيدات, اصلا شكون الفلاح هادا لي يقعد في دارو ويتفرجكم ويسمع النصائح, :down:
ويزيد كل زوج دقايق يقولك نترككم مع هذه النغمة الممتعة , واينة نغمة ممتعة؟ يجيبلك واحد يصوطي معرف منين ودايرين بيه الرقاصين هادوك

ويقولك نغمة ممتعة, ياو نغمة منومة

ولا نغمة دير الفشلة في الودنين, المهم بدلو علينا صباح الخير لا يزيد يطيحلي واحد فيكم هنا ههههه
هي تخلص صباح الخير ويلطع هاداك الجينيريك بهاديك الأغنية المزعجة

لي تنوض الموتى هههه ,يجيبلك وراها مسلسل زعما تفرح تقول نتفرجو نحي الغمة تاع صباح الخير, حتى تلقاهم جابولك مسلسل تاع عام 1001 قريب تلقى فرعون البطل الرئيسي فيه ههه :d بالاك الممثل نفسو راهو مات وماتو ولاد ولاد ولادو وهوما مازالو شافيين عليه, واذا زعما عجبك المسلسل ورضيت تتفرجو تلقى اللقطة الأولى من المسلسل تاع الحلقة الأولى ومن بعد تتحول الحلقة حتى تلقاهم دخلو الحلقة الاخيرة هههه لدرجة ماكانش رقابةوتنسيق :smile02:, وبعد مايخلص المسلسل هاداك لي للمدة تاعو ساعة ونصف[/COLOR]" يعني بعد مايقضيو عليك "

يبقالهم فراغ بين المسلسل وأخبار الواحدة يولي يدخلك شريط وثائقي لي ماتعرف لا أصلو ولا فصلو

وقادر حتى تكون تفرجتو نهار كان في عمرك عامين ههههه وكي يخلص يحطلك رسوم متحركة
لي الأطفال نفسهم يعافو يتفرجوها " كن على الأقل حطو توم وجيري" ,ومن بعد يجيبلك الأخبار, والاخبار هادوك واش يتعبوني يحطهملك 2598566 مرة في النهار غير ترمش علينك تلقى أخبار

وهي نفسها كوبي كولي يتبدل العبد برك وتتبدل اللهجة , وكي تخلص الأخبار يجيبلك الأحوال الجوية لي ماتفهم فيها والو, يقولك اليوم تنزل أمطار تلقاها طلت الشمس وكي يقولك شمس تنزل الأمطار تقول يمكرو فيك , وبعد ما تخلص الأحوال الجوية يزيد يجيبلك مسلسل يعدي بيه الوقت وماتخلعش كي تلقى نفس المسلسل تاع الصباح هههه مساكن ماعندهمش الوقت باه يجيبلك مسلسل جديد

, وكي يخلص المسلسل تزيد تجيك الأخبار وكي تخلص الاخبار يزيد يجيك مسلسل وكي يخلص المسلسل تزيد تجيك الأخبار, يعني تبقى المنافسة بين المسلسل والأخبار حتى تسجل الأخبار هدف الفوز على الساعة الثامنة, ساعات برك تتدخل حصة متعة المائدة هاديك في النص " وانا نسميها بشاعة المائدة لدرجة التخربيط هاداك" تقول نخرجها ببطاقة حمراء باه ماتزيدش تولي للساحة التلفزيونية هههه ومن بعد يبدلولك شوي ويجيبولك كاش حصة تافهة من حصصهم المعتادة
لي معمرة غنا وشطيح

تقول ناقصين عراس وزهو
ومن بعد على 1 تاع الليل يجيبلك فيلم ديني هههه, يسما هنا حنا نكونو راقدين , تقول يشوفو فينا كفار هههه على هادي يحطلك فيلم ديني ورا ماترقد, وكي يخلص الفيلم الديني يختمهالك بالغنا والشطيح , من الدين للغنا طول سقوط حر ههه :down:

وغدوة إذا ماعندكش الزهر رايح تزيد تعاود تتفرج نفس الشي لي شفتو البارح حتى حلقات المسلسل ويتعاودو هههه , ولي ماعندوش الزهر خلاص وطفرت فيه يقابلو مجلس الأمة نهار كامل هههه مايشوف لا فيلم لا أخبار :smile02:

نقولكم غير افطنو وبركاو ماتتخيالو ولي طفرت فيه ومافطنش الله غالب ربي يرحمو, وإذا كاش نهار صراتلكم غير احرقو التلفاز خير هههه خودو رايي وماتندموش
المهم اتهلاو في روحكم وإذا عندكم عقدة من القناة الجزائرية غير فرغو قلبكم المجال مفتوح ههه

ان شاء الله نكون رسمت ولو إبتسامة صغيرة على وجهكم ^^
وان شاء الله مايكونش الموضوع تقيل عليكم
وفي الاخير تحيا القناة الجزائرية :regards02:
سلآم​

​

 

[لؤلؤة قسنطينة]

رد: القَنآة الجزآئرية " اليتيمة "

شكرا على الاعتماد ^^
ان شاء الله يعجبكم الموضوع ​

 

[Perle Blanche]

رد: القَنآة الجزآئرية " اليتيمة "

السلام عليكم
الصلاة و السلام عليك حبيبي يا رسول الله
هههههههه حرام عليك علبالك خلييتني نتبع اليتمية في موضوعك و انا عندي شحال مشفتهاش
الصراحة نقلك انا وقتاه نشوفهاا فالعيد اما الباقي الايام صدقيني منشوفهاش بالمرة و منطلش عليها مكانش الجديد في اي مجال و علاه علكي كيما قلتي حتى الصورة تبان منعرف واش من عصر يعني تبان قديمة :s:s:s
منيش عارفة الا كاين فيها تجديد سواء في كل اللي راهم يعرضو فيه مي صراحة ذركا معنديش فضول حتى نطل عليهاا بالرغم انو الوالدة تاعي الله يحفظها في غرفتها القناة الوحيدة اللي تمشي على طول الخط هي اليتيمة
لالا مرسمتيش ابتسامة هياا خلصيني حق مشفت اليتيمة في موضوعك اليوم هههههه
:p:p:p:p:p
تحياتي و تقبلي ردي غاليتي
:bravo01:
​

 

[لؤلؤة قسنطينة]

رد: القَنآة الجزآئرية " اليتيمة "

السلام عليكم
الصلاة و السلام عليك حبيبي يا رسول الله
هههههههه حرام عليك علبالك خلييتني نتبع اليتمية في موضوعك و انا عندي شحال مشفتهاش
الصراحة نقلك انا وقتاه نشوفهاا فالعيد اما الباقي الايام صدقيني منشوفهاش بالمرة و منطلش عليها مكانش الجديد في اي مجال و علاه علكي كيما قلتي حتى الصورة تبان منعرف واش من عصر يعني تبان قديمة :s:s:s
منيش عارفة الا كاين فيها تجديد سواء في كل اللي راهم يعرضو فيه مي صراحة ذركا معنديش فضول حتى نطل عليهاا بالرغم انو الوالدة تاعي الله يحفظها في غرفتها القناة الوحيدة اللي تمشي على طول الخط هي اليتيمة
لالا مرسمتيش ابتسامة هياا خلصيني حق مشفت اليتيمة في موضوعك اليوم هههههه
:p:p:p:p:p
تحياتي و تقبلي ردي غاليتي
:bravo01:
​

اعتذر حبيبتي تأخر الوقت
بصح غدوة نخليلك رد على اصولو
غدوة مع ندخل نجاوبك على هاد الرد العسل ^^
لي عودة بإذن الله وليلة سعيدة حبيبتي :love01:​

 

[assinat]

رد: القَنآة الجزآئرية " اليتيمة "

سلآم
هههههه اليتيمة راها معمرتلك قلبك
و على هداك مجلس الامة يطلع السكر نشفى كي كنا صغار نستناو الرسوم حتى يخرج المجلس و لا برنامج التكوين

و لا متعة المائدة تقولي نتعلم بصح كل طيابها بالفلفلة و الدنجال متبدلش كآمل

الله غآلب مرآت محتومة علينا غير نهار يلعب المنتخب الوطني عدا ذلك الله يسمح منحوسش عليهآ

شكرآ اختي على الموضوع ♥ تقبلي مروري ​

 

[وردة النرجس]

رد: القَنآة الجزآئرية " اليتيمة "

وعليكم السلام
هههههههههههههههههه مشكوره على الموضوع الجميل اختي
وإذأ عليا انا ما نتفرجش القنوات الجزائريه الا نهار يلي باش يقولو وقتاش رمضان ولا وقتاش العيد
هاني نتشجع و نكبر قلبي و نحاول نستحمل واش باش نعمل
وانا نخاف إذ شفتها لوقت طويل كاش ما يصرالي و كيفا ما يقولو الوقاية خير من العلاج

 

[{مُدَلَّلَتُهُ}]

رد: القَنآة الجزآئرية " اليتيمة "

السلام عليكم و رحمة الله و بركاته

على االوحدة قل 18 د جبتيلي ضحكة بعد ما كنت مغمومة يعطيك الخير يا موصيبة هههههههههههههههه

و الله كي قريت موضوعك و قعدت نتخيل فشلت

تفكرت بلي الصباح كي نوض نصيب ماما الله يحفظها دايرتلنا الجزاير -_- البارح بابا حكماته الغمة منهم" جايبينلي مقدم يعجز اللسان عن التعبير ما صبتش كيفاه نوصفلك طلاقة لسانه و مواضيعه الشيقة" جا يبدل صاب روحه في mbc 3 قالي شوادا ولا وجوههم :p يعني خلاصت علينا نشوفو في الرسوم على 8 تع الصباح من الخلعة !

ما تنسايش الإشهارات الي يجيبولك مرض الـgـواتر.. . و معروف على الساحة العالمية بلي الجزاير مشهورة بإشهارات القهوة . . !

تجي تقارني بين صباح القنطة تاعنا وصباح الخير يا عرب تع mbc تصييبي فرق شاسع واسع ! على الأقل يجيبولك مواضيع تعمري بيهم راسك ثقافة فن انترنت . . . حوايج من وقتنا مشي من العصر الحجري القديم ! عهد ما قبل الديناصورات

كل عام نقول بالاك السنا تتبدل شوية الدعوة ساعا ماهي ضنة ! بالاك كي ننقرضو تبقا هاديك الساعة أم نقاط خضرين و الأخبار كل دقيقة . . . و بنتهآ هآآآيلة "قريتيها باللحن قولي الصح :p "
​

 

[AmiR@RoRo]

رد: القَنآة الجزآئرية " اليتيمة "

السلام عليكم
هههههههههههههههههههه يا مريومه وما درتي فيا هههههه
تنوضي اون فورم وناشطه كي تشوفي القناة دي تعياي وتحكمك الفشله على صباح ربي
وماشاء الله عليك راكي سلطتي الضوء على اهم النقاط ههه
وديك نوعية الصورة الله الله تهبل حتى الوجوه يبانو مديفورميين فيها هههه
وتع صح نحير انا بلاد البترول ما تقدرش توفر صورة HD عجيب !!
وبلا المسلسلات لي من العصر الجاهلي تقول
سيرتو هداك كل أولادي ولا تاني لي يجي فنص نهار مش عارفه اسمو
تالمو قدم لحتى بلاك لي دارهم نساهم ودزاير باقيين يمجدو فيه
حيره والله يعني مش قادريين يديرو برامج ولا مسلسلات و عليهم الكلام
لا اشهاراتهم اشهارات ولا برامجهم برامج ولا مسلسلاتهم مسلسلات
القنوات الخاصه راها ارحم منهم
ديجا يبالي درك ما بقاش بزاف لي يتفرجلها خاطر شبعو خرطي منها
حتى فالاخبار ويجيبو وش يحبو برك
يحكو عالسياسه والاقتصاد وبرك الاجتماع خاطيينو كامل
وكي يجيبلك على الشعب ما يجيبش المعانات ولا لي راهم عايشين برا ولا
يجيبلك لي عايشين بخير عليهم وفالرفاهيه ويحوس يقنعك بلي لبلاد راهي بخير وما يخصها والو
نهار كانت القناة الوحيده نتاع دزاير كنا غافلين وراقدين على ودنينا
بصح نهار زادو القنوات الخاصه برك فقنا وفطنا على وش راه صاري فالبلاد
درك تلقاي برك العجايز ولا هما لي مهتمين بيها
كما جداتي ربي يحفظها كل وقت تحبها كاينه 24/24 كون تلقا ما تخطاهاش هههه
برك كي يكون شي مسلسل تقولنا ديرولي شي شريط تع طبيعه هه
يعطيك الصحة مريومه على الموضوع الحلو كيفك ^^
وراني كثرت فيه ثرثرة اقبليها وخلاص ههه
ربي يهنيك ​

 

[لؤلؤة قسنطينة]

رد: القَنآة الجزآئرية " اليتيمة "

السلام عليكم
الصلاة و السلام عليك حبيبي يا رسول الله
هههههههه حرام عليك علبالك خلييتني نتبع اليتمية في موضوعك و انا عندي شحال مشفتهاش
الصراحة نقلك انا وقتاه نشوفهاا فالعيد اما الباقي الايام صدقيني منشوفهاش بالمرة و منطلش عليها مكانش الجديد في اي مجال و علاه علكي كيما قلتي حتى الصورة تبان منعرف واش من عصر يعني تبان قديمة :s:s:s
منيش عارفة الا كاين فيها تجديد سواء في كل اللي راهم يعرضو فيه مي صراحة ذركا معنديش فضول حتى نطل عليهاا بالرغم انو الوالدة تاعي الله يحفظها في غرفتها القناة الوحيدة اللي تمشي على طول الخط هي اليتيمة
لالا مرسمتيش ابتسامة هياا خلصيني حق مشفت اليتيمة في موضوعك اليوم هههههه
:p:p:p:p:p
تحياتي و تقبلي ردي غاليتي
:bravo01:
​

و عليكم السّلام ورحمة الله وبركاته
واللهم صلّ وسلّم على نبيّنا محمّد وعلى آله وصحبه أجمعين
وراني رجعتلك كيما وعدتك ^^
أوّلا نقولك أهلا ومرحبا بيك في موضوعي ونورتيني بمرورك
ويفرحني أنو الموضوع عجبك, والله فليل يطيح عليا لهبال نجي نحط موضوع هههه
المهم كي عجبكم
وعندك الحق كي ماتشوفيهاش ولا يديرلك كاش مرض هههه
واصلا كن تكوني شفتي القناة الجزائرية قبل 10 سنوات وترجعي درك تشوفيها تلقاي نفس البرامج ههههههه, انا ساعات نشوف مسلسل ومن بعد كي يعدي 10 اشهر هكاك نلقاه يلعب ههههه
وصح والدينا هوما مازال فيهم حب اليتيمة, حتى بابا لازم يحطها ويشوفها, مزية مانشوفش انا التلفاز بزاف ولا كن راهي ناضت الحرب هههه

ومعليش اقبليها هاد المرة راني فكرتك في الطفولة ههههه

شكراً حبيبتي على مرورك الجميل والحلو كيفك ^^
نورتي موضوعي المتواضع ربي يفرحك ويهنيك غاليتي
تحياتي الخالصة :regards01:​

 

[لؤلؤة قسنطينة]

رد: القَنآة الجزآئرية " اليتيمة "

سلآم
هههههه اليتيمة راها معمرتلك قلبك
و على هداك مجلس الامة يطلع السكر نشفى كي كنا صغار نستناو الرسوم حتى يخرج المجلس و لا برنامج التكوين

و لا متعة المائدة تقولي نتعلم بصح كل طيابها بالفلفلة و الدنجال متبدلش كآمل

الله غآلب مرآت محتومة علينا غير نهار يلعب المنتخب الوطني عدا ذلك الله يسمح منحوسش عليهآ

شكرآ اختي على الموضوع ♥ تقبلي مروري ​

وعليكم السّلام ^^
أهلا بأختي الغالية منورة الموضوع :love01:
ويفرحني انو الموضوع عجبك وفرحك ولو بالقليل
واليتيمة ماش غير معمرتلي قلبي راهي حاكمتني الغمة منها ههههه
ومجلس الأمة مانهدروش, المرة الجاية ندير عليه موضوع وحدو ونعطيكم
الفرصة باه تمنشرو :d
وهاديك متعة المائدة تمرض :tongue02: تجيب الغمة في القلب بالتخلاط والجلاط تاعها
وزيد تجيبلك معاها هادوك العباد زعما يعاونوها وهوما واقفين كي التمثال برك ههههه
وكيما قلتيها ساعات برك تتحتم علينا نتفرجوها, سواءاً من المنتخب الوطني ولا في العيد كيما قالتها الأخت , من غير هذا تحشمي حتى تتفرجيها :$

العفو حبيبتي ^^ وانا لي نشكرك كي نورتي موضوعي بمرورك العطر والمميز
ربي يحفظك ويهنيك غاليتي
تحياتي الخالصة لكِ :regards01:​

 

[red rose]

رد: القَنآة الجزآئرية " اليتيمة "

ههههههه انا نتفرجها كي كان فيها كوميك تاع
كنان و جنان خخخخ
شكرا لك اختي ضحكتيني​

 

[لؤلؤة قسنطينة]

رد: القَنآة الجزآئرية " اليتيمة "

وعليكم السلام
هههههههههههههههههه مشكوره على الموضوع الجميل اختي
وإذأ عليا انا ما نتفرجش القنوات الجزائريه الا نهار يلي باش يقولو وقتاش رمضان ولا وقتاش العيد
هاني نتشجع و نكبر قلبي و نحاول نستحمل واش باش نعمل
وانا نخاف إذ شفتها لوقت طويل كاش ما يصرالي و كيفا ما يقولو الوقاية خير من العلاج

أهلا بأختي الغالية شرفتِ ونورتِ موضوعي :love01:
الشكر لكِ حبيبتي كي مريت من هنا وقريتي موضوعي وخليتيلي رد حلو كيفك ^^

ههههههه خير ما عملتي, اصلا فكرتيني فيهم هادوك تاع لجنة الأهلة كاش نهار ندير عليهم موضوع هههه, يجيبلك 10 سوايع ونتي تستناي غير باه يقولك كلمة عيد ولالا
اه لازملها طولة البال أصلا كي تشوفي لجنة الأهلة برك وقادرة تروحي فيها الحالة ماتعجبش هههههه

راكي قلتيها الوقاية خير من العلاج هههه, مالا بعدي قد ماتقدري على هاد القناة راهي تديك للهاوية هههه

ربي يحفظك غاليتي على المرور العطر والمتيز , فرحتيني وضحكتيني
ربي يفرحك دنيا وآخرة
تحياتي الخالصة :regards01:​

 

[لؤلؤة قسنطينة]

رد: القَنآة الجزآئرية " اليتيمة "

لي عودة للرد على البقية بإذن الله ^^​

 

[لؤلؤة قسنطينة]

رد: القَنآة الجزآئرية " اليتيمة "

السلام عليكم و رحمة الله و بركاته

على االوحدة قل 18 د جبتيلي ضحكة بعد ما كنت مغمومة يعطيك الخير يا موصيبة هههههههههههههههه

و الله كي قريت موضوعك و قعدت نتخيل فشلت

تفكرت بلي الصباح كي نوض نصيب ماما الله يحفظها دايرتلنا الجزاير -_- البارح بابا حكماته الغمة منهم" جايبينلي مقدم يعجز اللسان عن التعبير ما صبتش كيفاه نوصفلك طلاقة لسانه و مواضيعه الشيقة" جا يبدل صاب روحه في mbc 3 قالي شوادا ولا وجوههم :p يعني خلاصت علينا نشوفو في الرسوم على 8 تع الصباح من الخلعة !

ما تنسايش الإشهارات الي يجيبولك مرض الـgـواتر.. . و معروف على الساحة العالمية بلي الجزاير مشهورة بإشهارات القهوة . . !

تجي تقارني بين صباح القنطة تاعنا وصباح الخير يا عرب تع mbc تصييبي فرق شاسع واسع ! على الأقل يجيبولك مواضيع تعمري بيهم راسك ثقافة فن انترنت . . . حوايج من وقتنا مشي من العصر الحجري القديم ! عهد ما قبل الديناصورات

كل عام نقول بالاك السنا تتبدل شوية الدعوة ساعا ماهي ضنة ! بالاك كي ننقرضو تبقا هاديك الساعة أم نقاط خضرين و الأخبار كل دقيقة . . . و بنتهآ هآآآيلة "قريتيها باللحن قولي الصح :p "
​

وعليكم السّلام ورحمة الله وبركاته
أهلا بحبيبتي منورة كالعادة :love01:
جيت نضحكك ساع ضحكتيني ههههههه
شفتي مجرد التخيل يجيب الرعشة في الركايب ههههه فمابالك لو تصرالك صح؟
نظن الانتحار بالاك خير :d
وكيما قلتيها كن ماش والدينا لي يحطوها كن مانشوفوهاش خلاص
خاطر حتى بابا يحب يشوفها زعما الأخبار وهوما لا أخبار لا والو يجيبلك الأخبار تاع عام تحررت الجزائر , تمسخير :tongue02:
وبلا حكاية المقدمين هادوك يديرو الغمة وبضحكتهم هاديك لي تطلع الدم للراس هههه
ديجا كي تفكرتهم برك رايحة نمرض
وخلي حكاية الاشهارات لي راني لحنت معاها :d

وبالاك كن تولي بعد عشرين سنة تلقاي نفس الإشهار ونفس المسلسلات ونفس الأاخبار هههه, تلقاي روحك نتي برك لي شعرك شاب ههه

ربي يحفظك غاليتي على هاد المرور الجميل والمرح لي زاد النص لموضوعي
ربي يفرحك ويدوم الضحكة عليك ^^
تحياتي الخالصة لكِ :regards01:
​

 

[لؤلؤة قسنطينة]

رد: القَنآة الجزآئرية " اليتيمة "

السلام عليكم
هههههههههههههههههههه يا مريومه وما درتي فيا هههههه
تنوضي اون فورم وناشطه كي تشوفي القناة دي تعياي وتحكمك الفشله على صباح ربي
وماشاء الله عليك راكي سلطتي الضوء على اهم النقاط ههه
وديك نوعية الصورة الله الله تهبل حتى الوجوه يبانو مديفورميين فيها هههه
وتع صح نحير انا بلاد البترول ما تقدرش توفر صورة HD عجيب !!
وبلا المسلسلات لي من العصر الجاهلي تقول
سيرتو هداك كل أولادي ولا تاني لي يجي فنص نهار مش عارفه اسمو
تالمو قدم لحتى بلاك لي دارهم نساهم ودزاير باقيين يمجدو فيه
حيره والله يعني مش قادريين يديرو برامج ولا مسلسلات و عليهم الكلام
لا اشهاراتهم اشهارات ولا برامجهم برامج ولا مسلسلاتهم مسلسلات
القنوات الخاصه راها ارحم منهم
ديجا يبالي درك ما بقاش بزاف لي يتفرجلها خاطر شبعو خرطي منها
حتى فالاخبار ويجيبو وش يحبو برك
يحكو عالسياسه والاقتصاد وبرك الاجتماع خاطيينو كامل
وكي يجيبلك على الشعب ما يجيبش المعانات ولا لي راهم عايشين برا ولا
يجيبلك لي عايشين بخير عليهم وفالرفاهيه ويحوس يقنعك بلي لبلاد راهي بخير وما يخصها والو
نهار كانت القناة الوحيده نتاع دزاير كنا غافلين وراقدين على ودنينا
بصح نهار زادو القنوات الخاصه برك فقنا وفطنا على وش راه صاري فالبلاد
درك تلقاي برك العجايز ولا هما لي مهتمين بيها
كما جداتي ربي يحفظها كل وقت تحبها كاينه 24/24 كون تلقا ما تخطاهاش هههه
برك كي يكون شي مسلسل تقولنا ديرولي شي شريط تع طبيعه هه
يعطيك الصحة مريومه على الموضوع الحلو كيفك ^^
وراني كثرت فيه ثرثرة اقبليها وخلاص ههه
ربي يهنيك ​

و عليكم السّلام ورحمة الله وبركاته
أهلا بحبيبتي :love01: منورة مواضيعي كالعادة ^^
هههههههه كنت رايحة ندير موضوع اطول ونفرغ قلبي مليح بصح كان غالبني النعاس
وكي عصرت مخي هادا واش خرج برك هههه
المرة الجاية نديرلكم الجزء الثاني باه تتخايلو مليح هههه

وقتلتيني ضحك كي قلتي الوجوه يبانو مديفورميين ههههههه
صح الصورة معوجة والوجةه معوجة يا لطيف تقول قناة الرعب ههههه
ومسلسل تاع كل أولادي راهو عندو قرون وهو يلعب , منين نحط القناة الجزائرية نلقاه
قريب يولي كل احفادي ههههه

وكيما قلتيها من بكري والقناة الجزائرية طافية وزيد درك جاو القنوات الخاصة زادت راحت خلاص, خاطر ماكانش الجديد وماكانش الهدرة لي تصلح
من المسلسل للأخبار ومن الأخبار للإشهار ومن الإشهار للمسلسل :tongue02: ضيقة الروح

وكيما قلتيها جدودنا ووالدينا هوما لي مازالو يحبو يتفرجوها زعم ايشمو ريحة لبلاد
وهي فيها ريحة الموتى ههههه

ربي يهدينا ويهديهم برك هادا ماكان
وشكرا حبيبتي على المرور وبالعكس المجال مفتوح وقد ماتهدري قد ماتعجبيني :d
خاطر نموت على الهدرة والحكايات ههه

ربي يحفظك ويفرحك غاليتي وفرحتيني كي عجبك الموضوع
تحياتي الخالصة لكِ :regards01:​

 

[لؤلؤة قسنطينة]

رد: القَنآة الجزآئرية " اليتيمة "

ههههههه انا نتفرجها كي كان فيها كوميك تاع
كنان و جنان خخخخ
شكرا لك اختي ضحكتيني​

اهلا بمصيبتي ههههه :d
ورسوم متحركة تاع سنان نسيتيها ههههه
جبتلك لي يخلصو ب "نان " كامل ههههه
ومن المفروض تفرغيلنا قلبك شوي هنا راهو مجال لتمنشير :d

ربي يحفظك على المرور العطر غاليتي ويفرحني كي عجبك الموضوع :up:
وم نبعد ولي احكيلنا شوي على مغامراتك مع القناة الجزائرية :p

تحياتي الخالصة لكِ
​

 

[آمِيْرَتُه]

رد: القَنآة الجزآئرية " اليتيمة "

السلام عليك

غير هاك و لا الكشفة و المكشوف


نفضلها هي على ألف قناة عربية هههه عمش غير مكانش gاع و لا كاين و الكشف و الحرمة باح باح

 

[الزهرة الحمراء]

رد: القَنآة الجزآئرية " اليتيمة "

السلام عليكم مهبولتي
يعطيك الصحة على الموضوع الباهي تاعك والله قتلتيني ضحك وين نقرا وين نزيد نضحك صح
وزيد شكون قالك اهدري هكا على حبيبتي راني نحبها ونحب نتفرجها (ياربي سامحني على الكذبة تاعي )
على واش نحكي وعلى واش نخلي نبدااو على البرامج تاعها نفس البرامج تقول ماعندهمش كامل افكار ياربي نشوفها مرة على زهر ومن بعدة نقعد 25454512 سنة مانشوفهاش (علابالي ماقريتيش الرقم ) ونهار نعاود نرجع مرة نشوفها على زهر نلقى نفس البرنامج ونفس المذيعة ونفس كل شي حتى ولاو يوسوسوني ماتشوفيها شحال ونهار تشوفيها تلقاي كل شي كيما راه نورمالمون يديرو في نهار كامل البرامج وغدوا من ذاك يكتبولنا واش تفرجتو البارح راهم معاود اليوم
نروحوا للاشهارات تاعها يايما غير ماكالاه نحكي يعيو يعيو يعيو -_- يجيبولي الفشلة في ركايبيا لا من ناحية ممثلين يشوفووا فالكاميرا ولا لغنا لي يديروه نندب بالمقلوب هههه
والنشرة انا مرات يحبسولي مخي نفس الاخبار تتعاود شحال من مرة مافهمتش علاه يعاودوها اصلا يكتبوا نفس الاخبار لي سمعتوهم صبح ويهنيو رواحتيهم وبالنسبة للبسة تع المذيعات حدث ولا حرج مافهمتش منين يجيبوها
ومرااات واحد الوقت نشفالها عندها كنت زعما زعما نتبع الاحوال الجوية تاعهم باه نعرف واش نلبس غدوا ادا غدوا تصب النو ولالا نهار يقولوا مافيهاش نلبس لبسة كي نخرج بيها مايلحقش نص نهار حتى نلقى النو طاحت عياااوني تبا لهم
ياجدي شحاااال هدرت ههههه المهم بالمختصر المفيد اليتيمة لطالما عياتنا وخاصة شفيقة ومجلس الامة لي كانوا يخرجولي بيه قلبي
ديجا قلتلهم لوكان جا هتلر مازالو عايش يعذب بيها يجيب كاش جندي ويديرلوا اليتيمة ويقولوا اتفرج ههههه
حبوبة يعطيك الصحة على موضوع واصلي من غير ماتفاصلي خخخ
دمتي في رعاية الله وحفظه ​

 

[لؤلؤة قسنطينة]

رد: القَنآة الجزآئرية " اليتيمة "

السلام عليك

غير هاك و لا الكشفة و المكشوف


نفضلها هي على ألف قناة عربية هههه عمش غير مكانش gاع و لا كاين و الكشف و الحرمة باح باح

وعليكم السّلام ورحمة الله وبركاته
أهلا بأختي منورة الموضوع :love01:
يشرفني ويفرحني مرورك العطر ^^
اما فيما يخص الموضوع لربما نتي العضوة الوحيدة لي جات وقالت بلي تفضل القناة الجزائرية :d نستعرف بيك :up:

بصح والله القناة تاعنا زعما كانت مخبية تحت رداء الحشمة والحرمة
بصح درك راهي ولات كيفها كيف باقي القنوات, تحطي تتفرجي تلقاي فلم تركي
فيه كلام ماش مليح ولبسة فاضحة , تبدلي تلقاي فيلم هندي تزيدي تبدلي تلقاي فيلم مكسيكي, حتى المذيعات تاوعنا وولات لبستهم فاضحة يا لطيف

راحت النية تاع بكري ختي, حبو يتطورو ساع عماوها

شكرا غاليتي على مرورك الجميل والمتميز
المرة الجاية نحكيلكم على الحصص التلفزيونية ههههه
تحياتي الخالصة لكِ​

 

[لؤلؤة قسنطينة]

رد: القَنآة الجزآئرية " اليتيمة "

السلام عليكم مهبولتي
يعطيك الصحة على الموضوع الباهي تاعك والله قتلتيني ضحك وين نقرا وين نزيد نضحك صح
وزيد شكون قالك اهدري هكا على حبيبتي راني نحبها ونحب نتفرجها (ياربي سامحني على الكذبة تاعي )
على واش نحكي وعلى واش نخلي نبدااو على البرامج تاعها نفس البرامج تقول ماعندهمش كامل افكار ياربي نشوفها مرة على زهر ومن بعدة نقعد 25454512 سنة مانشوفهاش (علابالي ماقريتيش الرقم ) ونهار نعاود نرجع مرة نشوفها على زهر نلقى نفس البرنامج ونفس المذيعة ونفس كل شي حتى ولاو يوسوسوني ماتشوفيها شحال ونهار تشوفيها تلقاي كل شي كيما راه نورمالمون يديرو في نهار كامل البرامج وغدوا من ذاك يكتبولنا واش تفرجتو البارح راهم معاود اليوم
نروحوا للاشهارات تاعها يايما غير ماكالاه نحكي يعيو يعيو يعيو -_- يجيبولي الفشلة في ركايبيا لا من ناحية ممثلين يشوفووا فالكاميرا ولا لغنا لي يديروه نندب بالمقلوب هههه
والنشرة انا مرات يحبسولي مخي نفس الاخبار تتعاود شحال من مرة مافهمتش علاه يعاودوها اصلا يكتبوا نفس الاخبار لي سمعتوهم صبح ويهنيو رواحتيهم وبالنسبة للبسة تع المذيعات حدث ولا حرج مافهمتش منين يجيبوها
ومرااات واحد الوقت نشفالها عندها كنت زعما زعما نتبع الاحوال الجوية تاعهم باه نعرف واش نلبس غدوا ادا غدوا تصب النو ولالا نهار يقولوا مافيهاش نلبس لبسة كي نخرج بيها مايلحقش نص نهار حتى نلقى النو طاحت عياااوني تبا لهم
ياجدي شحاااال هدرت ههههه المهم بالمختصر المفيد اليتيمة لطالما عياتنا وخاصة شفيقة ومجلس الامة لي كانوا يخرجولي بيه قلبي
ديجا قلتلهم لوكان جا هتلر مازالو عايش يعذب بيها يجيب كاش جندي ويديرلوا اليتيمة ويقولوا اتفرج ههههه
حبوبة يعطيك الصحة على موضوع واصلي من غير ماتفاصلي خخخ
دمتي في رعاية الله وحفظه ​

و عليكم السّلام ورحمة الله وبركاته
راني جيتك يا لا صوص طوماط تاعي ههههه جيت نضحكك ضحكتيني هههههه
صار القناة الجزائرية حبيبتك هههه كن على الاقل قلتي هي قاتلتي ولا معذبتي :d
هههههه صار الرقم لي حطيتو انا وماعلاباليش بيه قداه حتى نقرا تاعك هههه, واما البرامج والله البارح كنت نعسانة برك كن راني عندي مانهدر, وخاصة كي قلتي البرامج تفكرت برنامج "تقدر تربح" ولا تقدر تتقيا خير حاشاك هههه مع هاداك المهبول لي يقدم فيه وبحركاتو الغبية هاديك ديجا كي نتفكرو ديرلي الفشلة والرعشة قريب يديرلي تسونامي في جسمي ههه
وتاني حصة الحان وشباب ديرلي الغمة و نولي نضحك ونبكي في نفس الوقت يتخربطولي المشاعر هههههه , ياو غير المرة الجاية ندير موضوع على البرامج الجزائرية ههههه خاطر قلبي مازال مابردش
اما الإشهارات حدث ولا حرج كيما قالتها ختي lovely smile " وبنتها هايلة , ياو بنتها تغاشي غير اخطيونا , اصلا لي يشوفكم يعتزل القهوة نهائيا

هههههه مجلس الأمة هاداك علاه, محطم الآمال ولا نسميه محطم الزهر هههه
الغبينة لي راكي فيها ويزيد يكملهالك مجلس الأمة تروحي تنتاحري طول هههه
المهم اذا كاشما بقات نقطة صغيرة في قلبك غير اهدري, اتكلمي وماتخليهاش في قلبك هههه

شكرا حبيبتي على المرور العطر لي فرحتيني بيه
المرة الجاية استناو خربشاتي :d
تحياتي الخالصة :regards01:​