طفل حديث الولادة يتعصر كثيرا...نداء للامهات للمساعدة

[7anin el 9ods]

السلام علييكم اجواتي في الله
محتاجة نصيحة من الامهات اللي عندهم خبرة الله يجازيهم
انا ام جديدية و وليدي 3 اسابيع في عمرو يتعصر بزاف خاصصة فس الليل اثناء النوم وجهو يحمر ويعمل صوت كانو يتوجع من حاجة ومبعد يرجع لحالتو
يا درا وشنو هدا
قالولي عندو غازات.....شكون مجربة وصفة طبيعية ...........وربي يخليلكم ولادكم:regards01:

 

[دمعة اشتياق]

رد: طفل حديث الولادة يتعصر كثيرا...نداء للامهات للمساعدة

السلام عليكم


كلشي مبروك أختي العزيزة يتربى في عزك ان شاء الله


أختي على حساب رأيي كامل ليبيبي قبل شهر يجيهم وجع كيما يجيك نتي تانيك


شوفي لازم اوبليجي تاخدي طفلك للطبيب ما تريسكيش يلا عندو غازات هو يعطيه


الدوا المناسب


ولكن للتخفيف اشريلو بيبرون تاع السكر اثقبيه و غلي شوية ماء ديري شوية كروية و حبة الطيبة


و زريعة البسباس ماتكتريش منها يلا كثرتي تسببلو باسهال


*
متنسايش حلي لولدك عسل حر غير شوية


ربي يشفي لك ابنك آمين​

 

[7anin el 9ods]

رد: طفل حديث الولادة يتعصر كثيرا...نداء للامهات للمساعدة

السلام عليكم


كلشي مبروك أختي العزيزة يتربى في عزك ان شاء الله


أختي على حساب رأيي كامل ليبيبي قبل شهر يجيهم وجع كيما يجيك نتي تانيك


شوفي لازم اوبليجي تاخدي طفلك للطبيب ما تريسكيش يلا عندو غازات هو يعطيه


الدوا المناسب


ولكن للتخفيف اشريلو بيبرون تاع السكر اثقبيه و غلي شوية ماء ديري شوية كروية و حبة الطيبة


و زريعة البسباس ماتكتريش منها يلا كثرتي تسببلو باسهال


*
متنسايش حلي لولدك عسل حر غير شوية


ربي يشفي لك ابنك آمين​

الله يعيشك ختي لعزيزة

 

[Happy Girl]

رد: طفل حديث الولادة يتعصر كثيرا...نداء للامهات للمساعدة

السلام عليكم الله يصلحو و مبروك عليك ربي يكبرو في طاعة والديه

شوفي حسب تجربتي الشخصية انا ام لطفلين اولا نشرحلك سبب التعصر هناك سببين الاول انو الطفل لما كان في بطنك كان مكمش او كي زاد لازم على الاعضاء تاعو كل واحدة تحكم بلاصتها خاصة الكبد يكون غير كامل النمو مية بالمية و المصارن على هذيك يتعصر و ايضا باه يوالف الجسد تاعو الوضعية الجديدة على ذيك انقمطوهم باه يتكسلو السبب التاني الطفل ولا المولود الجديد مايعرفش يخرج ليقاز يحس بلي شيء غريب يحدثلو مالا جسمو ينبهو بالتقلص لااراديا فبدل ما يخرجهم يضغط على روحو فيحبسهم في الامعاء مالا يديرولو الوجعة
نروحو للحل
اولا كل صباح ديريلو كيرياضة غير بالعقل ارفعيلو رجليه مع بعض و اطويهم باتجاه البطن عدة مرات تلاحظي خروج غازات ايضا تيزانة هناك بزاف وصفات كيما قاتلك الاخت دمعة اشتياق
تانيا ديريلو مساج في الليل قبل مايرقد كامل جسمو بزيت زيتون ولا اللوز ولا لوسيون باه تعاونيه في الاسترخاء و يتجنب جسمو التشنجات ايضا الجلد تاعو يرطاب و تتفادي التشققات في البيطان و بين الافخاذ و الرقبة و كامل الطويات راقبيهم يوميا و ربي يهنيك و استشيري الام ايضا و العجوزة و ذوي الخبرة
لكن اذا كان المغص شديد راكي ام الان الله يبارك و تحسي اذا كان هناك خطر لا سمح الله استشيري طبيب
اتمنى لك الشفاء العاجل

 

[سكون الفجر]

رد: طفل حديث الولادة يتعصر كثيرا...نداء للامهات للمساعدة

مبارك أختي الغالية وربي يجعله من الصالحين
أختي عليكِ باليانسون
إغليه ثم حاولي أن تشربيه منه
وأقلبيه على بطنه في حجرك وبإذن الله لن يبقى غازات في بطنه
ربي يباركلك أختي​

 

[7anin el 9ods]

رد: طفل حديث الولادة يتعصر كثيرا...نداء للامهات للمساعدة

بارك الله فيك ختي الغالية happy girl الله يخليلك وليداتك ويفرحك بيهم يااااا رب

 

[7anin el 9ods]

رد: طفل حديث الولادة يتعصر كثيرا...نداء للامهات للمساعدة

مبارك أختي الغالية وربي يجعله من الصالحين
أختي عليكِ باليانسون
إغليه ثم حاولي أن تشربيه منه
وأقلبيه على بطنه في حجرك وبإذن الله لن يبقى غازات في بطنه
ربي يباركلك أختي​

[/f


بارك الله فيك اختي الله يجعلها في ميزان حسناتك ياااا رب

 

[مريم.]

رد: طفل حديث الولادة يتعصر كثيرا...نداء للامهات للمساعدة

الف الف الف مبروك ادعيلي ربي يرزقني بالدرية

 

[7anin el 9ods]

رد: طفل حديث الولادة يتعصر كثيرا...نداء للامهات للمساعدة

الف الف الف مبروك ادعيلي ربي يرزقني بالدرية

انشالله ختي غير كيما اليوم ربي يفتح عليك وتصيري ام وتسقسيني على شي حاجة على وليدك ونجاوبك....

 

[بنقابي افتخر]

رد: طفل حديث الولادة يتعصر كثيرا...نداء للامهات للمساعدة

مبارك اختي الغالية يتربى في امو ابوه
اما بخصوص التعصاره
البروز نتاعو كيفاش
يعني رطبين ولا يابسين
اخضر ام اصفر
هل يطلق الغازات

 

[7anin el 9ods]

رد: طفل حديث الولادة يتعصر كثيرا...نداء للامهات للمساعدة

مبارك اختي الغالية يتربى في امو ابوه
اما بخصوص التعصاره
البروز نتاعو كيفاش
يعني رطبين ولا يابسين
اخضر ام اصفر
هل يطلق الغازات

لونو اصفر كان قوامو عاي ولما شربتلو تيزانا صار سائل ويخرجلو من الكوش ونعم يطلق بزاف غازات

 

[أم لينة]

رد: طفل حديث الولادة يتعصر كثيرا...نداء للامهات للمساعدة

السلام عليكم و رحمة الله و بركاته
مبروك عليك و يتربى في عزكم ان شاء الله .
اسباب المغص بزاف و اشهرها و المعروفة عند حديثي الولادة هو الغازات خصوصا و اعراضه كيما قلتيها و هذي بعض النصائح المهمة :

رضعى طفلك فى الوضع الصحيح، بحيث يكون مستوى رأسه أعلى من مستوى بطنه، فالرضاعة فى هذا الوضع تجعل اللبن يستقر أسفل المعدة، والغازات تصعد لأعلى، فيسهل خروجها بعد ذلك، مع مراعاة أن تكون حلمة ثديك فى منتصف فم رضيعك، وأن يمسك رضيعك حلمة الثدى من الجزء الداكن حولها.
إذا كنتِ ترضعى طفلك صناعياً، فعليكِ أن ترضعيه فى نفس الوضع السابق، وفى الوقت نفسه تأكدى أن حلمة «الببرونة» ممتلئة باللبن أثناء الرضاعة، ولا يوجد بها هواء.. لتقليل الهواء المبتلع بواسطة لرضيع.
«التكريع» بعد كل رضعة.. فلابد من «تكريع» طفلك بعد كل رضعة، عن طريق حمله على كتفك وهو فى حضنك وتضربى برفق على ظهره، حتى يتم خروج الغازات التى ابتلعها أثناء الرضاعة، ويمكن أن «تكرعى» طفلك فى وضع آخر، بأن تضعيه على بطنه بطول ذراعك، بحيث تكون ذقنه عند يدك، وتقومى بالربت على ظهره بلطف، حتى يتم خروج الغازات، وهذا «التكريع» يجعله يشعر براحة أكثر.
اعطى طفلك بعض الوقت إذا لم «يتكرع»، أى اتركيه وبعد خمس أو عشر دقائق حاولى «تكريعه» مرة أخرى، حتى تكون الغازات انفصلت عن اللبن، ويمكن خروجها الآن.
ضعى طفلك على ظهره وارفعى ساقيه وحركيها، وكأنه يركب دراجة وهذا التمرين يساعد على خروج الغازات من بطنه.
افركى بطن طفلك بحركة دائرية، فهذا يساعده على طرد الغازات من بطنه.

لكن إذا صاحب الغازات أى أعراض أخرى مثل تغيير فى قوام البراز، أو وجود دم بالبراز مع ارتفاع فى درجة حرارة طفلك، أو أن طفلك لا يستطيع أن يرضع أو ينام، ولا تستطيعي تهدئة بكاؤه، فعليكِ بالرجوع للطبيب، فربما توجد مشكلة أخرى.

 

[oumassil8207]

رد: طفل حديث الولادة يتعصر كثيرا...نداء للامهات للمساعدة

السلام عليكم ورحمة الله انا عندي طفل واحد ولكن عندي ابناء اخوتي وابناء العائلة ماشاء الله وكلهم كانو يعانيو من هاذ المشكل
حسب رايي عادي ان الطفل الرضيع يكون عندو هذا المشكل لان كل شيء جديد عليه حتى حليب الام لهذا حاولي ان اكلك يكون صحي تجنبي العصير كثيرا وتجنبي بعض انواع الفواكه مثل البطيخ والعنب والتين خاصة مع فصل الصيف
كذلك تجنبي ملامسة الهواء البارد لجسده فهو يسبب له الكثير من المغص والالم لذلك حاولي استعمال قطعة قماش قطني وقومي بتدفئتها اما بالمكواة او فوق النار لا تسخنيها كثيرا وضعيها فوق بطن الرضيع تحت الملابس وسوف يهدأ باذن الله هذا يعتبر احد الحلول مع القليل من الرياضة او الماساج .وربي يحفظو ان شاء الله.

 

[بنت الـ25]

رد: طفل حديث الولادة يتعصر كثيرا...نداء للامهات للمساعدة

السلام عليكم
ما عنديش خبرة في هدا المجال وعلى الأرجح البيبي تعك دوكا راه كبر
مي هداك نهار رحت عند العطار لقيت امراة كبيرة في السن عطاتني وصفة تساعد على طرد الغازات عند البيبي
الوصفة
تشري الكمون حب ، زريعة البسباس ، حبة حلاوة من عند العطار
تنقيهم وتسيريهم في السياروتسوميهم (تنقعيهم في الماء) وتخليهم ينشفو
ممبعد تخلطيهم ، تحطي الماء يغلي ممبعد ترفدي بالمغرفة الصغيييرة تع القهوة شوية من هديك الخلطة تحطيها في الماء هداك وتطفي متخليهاش تغلي
تغطيها وتخليها تبرد
وممبعد تصفيها في قطعة قماش وتحطيهالو فالببرونة وتعطيه يرضع
وان شاء الله يسولاجي

​