أصواتٌ غريبة تزورني ليلاً - أحتاج مساعدتكم -

[لؤلؤة قسنطينة]

السّلام عليكم يا ناس اللمة الكرام
ان شاء الله راكم لاباس؟؟
بصراحة عندي مدة طويلة ماوضعتش موضوع في هاد القسم
والسبب الرئيسي لي خلاني نجي اليوم هنا هو ظاهرة تصرالي يوميا ومقلقتني
وقلت لربما نلقى لي يفهم هاد الأمر ويساعدني من ناس اللمة
وهاد الظاهرة يا خاوتي هي كل مانجي نرقد فليل وغير مانغمض عيني ونكون رايحة
ندخل في مرحلة النوم حتى نسمع صوت يناديني بإسمي يفيقني من النوم
ربما مانخلعش من هاد الأصوات خاطر اعتدت عليها كل يوم وماحسيتش بالأذية منهم
بصح تقلقت وماعرفتش ما السبب خاصة اني نقرا القرآن قبل ما نرقد, لما حكيت لماما قاتلي اتوضاي قبل ماترقدي وليت نتوضا قبل مانرقد وراح الصوت لمدة قصيرة ومن بعد رجع,
كي نكون في فراشي قاعدة ومازال مارقدتش مانسمع والو , انا غير نكون رايحة نرقد وندخل في مرحلة النوم حتى نسمع الصوت يعيط بإسمي ويحاولي ينوضني من الرقاد
ساعات نسمع صوت رجل وساعات صوت مرأة ومرة سمعت صوت طفل صغير , صوت الطفل الصغير سمعتو مرة فقط وكانت في الأسبوع لي ماتت فيه جداتي وقالي هاد الصوت ربي يرحمها جداتك, مافهمتش اذا هادو ناس عايشين معايا ولا واش ؟؟ ساعات غير نرقد حتى نحس بشخص حركلي جسمي كلي قاعد يقولي ماترقديش اقعدي نايضة , ونحس بجسمي فعلا يهتز ماش مجرد تخيلات , ولما نسمع اصواتهم بالرغم من انها مسموعة نحس أنا الوحيدة لي نسمع الصوت كلي بيني وبين نفسي

بصراحة عدات مدة اسبوعين ولا ثلاث اسابيع ماسمعتش هاد الأصوات ونسيت عليهم, لكن
البارح غير رقدت وغمضت عيني حتى نسمع صوت المرأة عيطتلي بإسمي وسقسات على أحوالي بحكم اني البارح فليل كنت مريضة وكانت حرارتي مرتفعة شوي, وليت فقت من النعاس وبقيت نشوف يمين ويسار لكن ماخفتش لأنو معتادة على هاد الصوت لي ينوضني مرة كل يوم

مافهمتش درك منين تجيني هاد الأصوات , واذا شياطين ولا وسوات ماعرفتش
نتمنى لي عندو خبرة بمثل هاد الأمور يقولي ماسبب سماعي لهاد الأصوات

اتهلاو في رواحكم
سلام​

 

[لؤلؤة قسنطينة]

رد: أصواتٌ غريبة تزورني ليلاً - أحتاج مساعدتكم -

شكراً للاعتماد ^^​

 

[السلطانة]

رد: أصواتٌ غريبة تزورني ليلاً - أحتاج مساعدتكم -

وعليكم السلام

عليكِ بالرقية الشرعية حبيبتي

صراتلي حاجة من هذا القبيل

لكن بمجرد اني رقيت راح كلش ومعدت نسمع لاصوت لانشوف حتى شي الحمد لله


ربي يحفظك ان شاء الله

 

[مريم.]

رد: أصواتٌ غريبة تزورني ليلاً - أحتاج مساعدتكم -

عليكي بالادكار الصباح والمساء

 

[بنقابي افتخر]

رد: أصواتٌ غريبة تزورني ليلاً - أحتاج مساعدتكم -

عليك بالرقيا
والاذكار المسائيه
حبيبتي ماعليك شر ان شاء الله ما يكون غير الخير

 

[Hakan]

رد: أصواتٌ غريبة تزورني ليلاً - أحتاج مساعدتكم -

السلاام عليكم

اهلا اختي نحكيلك قصتي مع الاشبااح يااختي هذي نهارات
كي نرقد انا نتحط سواسوة حتى تجيني الفطنة في الليل نشوف اقزاام يلعبو قداامي ونشووف في بعض الحشراات مثل العناكب نتاع الافلاام
ساعات نشوف اشكاال غريبة والحاجة اللي دوختني هي اليوم
رقدت على السااعة 15:30 نتاع القيلولة وداتني عيني بعد اليوم المرهق
وكي جابتني فطنة لقيت وحد الحشرة غريبة جداا يعني كبيرة بحجم دلاعة وراايحة تدخل فياا
ما نك>بش على ختي درت ردة فعل قفزت فيها من بلاصتي حتان بعدت على المكان اللي كنت رااقد فيه
وبقى قلبي يضرب لكن الحااجة اللي مدوختني اني ليه ليه نعاود نرجع نرقد خخخخخخخ ما نخاافش وديجا ما يحكمليش النوم غير معااهم لكن هذا الولف جاني بعد ما سقسيت اخ لياا عندو شوياا علم شرعي
قلي الحشرات والاصوات وما الى غير ذالك تجي من العين وهي دليل على انو الشخص مصااب بالعين
وعزمت اني هذو النهارات نشوف كااش رقااي مالغري نعرف نرقي
ارقي يااختي وربي يشاافي واذا ما هيش دايرتلك ازعااج خليها باسكو انا راهي حاكمتلي حاس روحي هاري بوتر
وزيد ملااحظة هذي الاشيااء نشوفها غير في بيتناا
وهذي اللي مدوختني باسكو كي نرووح لدار بيت عمي او بيت جدي نورماال نرقد بدون اقزاام ههههه

سلاام وربي يشفيناا كاامل مليح لقيت اقرب الاعضااء لياا عندو نفس المشكل نتااعي وسبقتيني بالموضوع هههه
انت الله يباارك يسقسوك على صحتك وانا مهبلين بالتنقااز نتاعهم ....​

 

[لؤلؤة قسنطينة]

رد: أصواتٌ غريبة تزورني ليلاً - أحتاج مساعدتكم -

شكرا للجميع على مروكم وربي يحفظكم ويبعد عليكم السوء دون استثناء
لي عودة بعد الصلاة ان شاء الله ونرد على كل انسان وحدو

فقط كملاحظة: خويا حكيم قتلتني ضحك هههه
من بعد نرجع ونشوفو حكاية الأقزام هادي هههه
لي عودة بإذن الله ^^
​

 

[Perle Blanche]

رد: أصواتٌ غريبة تزورني ليلاً - أحتاج مساعدتكم -

السلام عليكم
الصلاة و السلام عليك حبيبي يا رسول الله
هذا موضوعك و الواحد فيناا ميقدرش يحكي حكايتو باه يخفف عليك
مي اختي الغالية شوفي راقى و داومي على الرقية الشرعية اكيد
و ربي يفرج عليك
​

 

[{مُدَلَّلَتُهُ}]

رد: أصواتٌ غريبة تزورني ليلاً - أحتاج مساعدتكم -

السلام عليكم و رحمة الله و بركاته

أختي ارقي و عاودي القرآن شفآء . . .

دايما ارقدي متوضية و قراي أذكار النوم . . . ان شا الله ماكان والو

أنا ساعات نفطن ف الليل مشي صوت ينوضني نحس حاجة هزتني نوض مفزوعة ما نكذبش عليك هههههه ساعات ندير الكوراج نروح نتوضا نصلي 2 ركعات و نرجع نرقد و ساعات ما نقدرش نتحرك من بلاصتي بالخوف

بصح ملي درت الرقية راني الحمد لله

​

 

[أم أحمــــد يــسّ]

رد: أصواتٌ غريبة تزورني ليلاً - أحتاج مساعدتكم -

السلام عليكم...
كيفك حبوبة انشالله بخير..
هذا اكيد من العين حبيبتي انا لحد الآن مش مفارقتني رؤية العقارب والافاعي
ربي يبعد عليك شر الحساد
حاولي ترقي واكيد بقراءة القرآن والمواضبة على الاذكار والوضوء راح تروح
ربي يريح بالك ويسعدك يارب

 

[عاشقة الكرة]

رد: أصواتٌ غريبة تزورني ليلاً - أحتاج مساعدتكم -

سلام ختيتة ربي يحفظك ويحميك الحل الوحيد هو الرقيه الشرعية لازملك حاجة كما هاذي والحافظ ربي سبحانو ربي يبعد عليك كل أذى خذي بالنصيحة ولا تتهاوني

 

[mamatadia]

رد: أصواتٌ غريبة تزورني ليلاً - أحتاج مساعدتكم -

السلام عليكم اختي الحبيبة عندي ليك تفسيرين الاول ديني والثاني علمي اولا ممكن فيك التابعة بعيد الشر وهي تحدث مع الناس المتميزيين المؤلفتين للنظر واللي الناس تضال تبعهم وتستنى خرجاتهم والحل هو انك كي تسمعي الأصوات تحقريها وما تعبريهاش مهماقالت وأذكار الصباح والمساء والوضوء كما قالت أمك ربي يحفظها وكذلك تحاولي تكوني بعيدة على عنين الناس يعني خبي مشاريعك وأسراره وأقضي امورك في السر. ا،ثانيا علميا وهو نشاط زايد في الذاكرة السمعية فتعمل اكثر من الازم وتعيد ذكريات السمعية بطريقة عشوائية والسبب ممكن يعود لاجاهادك مثلا السهر الكثير أوهو حالة خاصة بك يعني نشاط زائد في الذاكرة السمعية والحل هو شرب تيزانة مهدءة قبل النوم مثل النعناع او البابونج يا اختي ما تتوسوسيش خير ان شاء الله

 

[adel._dz]

رد: أصواتٌ غريبة تزورني ليلاً - أحتاج مساعدتكم -

پ1„0پ1…7پ1‡2پ1‡2 پ1„0پ1…7پ1‡2
پ1…2پ1‡2پ1†5پ1‡4 پ1‡2پ1‡4پ1‡0 پ1„2پ1†6پ1„9پ1ƒ9پ1‡4 پ1„9پ1„7پ1‡4 پ1†9پ1„0پ1ƒ9پ1…2پ1„9پ1„1 پ1„2پ1†8پ1†5پ1„2پ1‡4 پ1‡2پ1„9پ1ƒ9پ1†7 پ1‡2پ1†6پ1‡2پ1†8پ1‡4پ1†8پ1‡4 پ1‡2پ1ƒ9پ1…2 پ1…2پ1†5پ1„2پ1‡4 پ1‡1پ1‡1پ1‡1پ1‡1پ1‡1
پ1‡1پ1„8پ1‡4 پ1‡4پ1…1پ1†9پ1‡2پ1‡1پ1ƒ9 پ1„2پ1ƒ9پ1„0پ1…7پ1„1 پ1‡2پ1ƒ9پ1†8پ1†8پ1‡1 پ1ƒ9پ1…7پ1†8پ1†9 پ1„2پ1„5پ1„7پ1„3پ1„2 پ1…7پ1†8پ1‡4پ1‡1پ1ƒ9 پ1ƒ9پ1†8پ1ƒ9پ1„6پ1„2 پ1†6پ1„0پ1†8پ1‡4
پ1†9پ1†9پ1†7پ1‡0 پ1„2پ1†5پ1…1پ1‡4پ1„9 پ1ƒ9پ1„6پ1„9 پ1ƒ9پ1‡0پ1†7 پ1†5پ1‡4 پ1…5پ1„9پ1‡4پ1†6پ1†7 پ1†8پ1†8پ1„4پ1‡0پ1‡2پ1‡0
پ1‡2پ1…7پ1†6پ1†8پ1†7 پ1ƒ9پ1†8پ1„0پ1ƒ9پ1…5پ1‡0 پ1‡4پ1„5پ1†9پ1‡4 پ1†5پ1‡4پ1†7 پ1„0پ1ƒ9پ1†8پ1‡4پ1ƒ9پ1„2 پ1„7پ1†5پ1ƒ9پ1…7پ1‡4پ1„1 پ1‡1پ1‡1پ1‡1پ1‡1پ1‡1پ1‡1 پ1‡0پ1…4پ1„5پ1†7 پ1„0پ1„9پ1†7پ1„1
پ1…2پ1‡2پ1†5پ1‡4 پ1ƒ9پ1†8پ1…7پ1†6پ1†8 پ1ƒ9پ1†8پ1„0پ1…2پ1„9پ1‡4 پ1…7پ1„4پ1‡4پ1„0 پ1…3پ1„5 پ1ƒ9„1”5پ1„5پ1†8پ1ƒ9پ1†9 پ1‡2پ1ƒ9پ1†8پ1‡2پ1…1پ1ƒ9پ1‡2پ1‡4پ1…1 پ1‡1پ1„8پ1‡4 پ1…1پ1„0پ1„0پ1‡1پ1ƒ9 پ1ƒ9پ1„5پ1‡4پ1ƒ9پ1‡0پ1ƒ9 پ1†5پ1‡4 پ1ƒ9پ1†8پ1‡0پ1‡2پ1†9 پ1†9پ1ƒ6پ1…2پ1„9پ1ƒ9پ1„2پ1‡0پ1ƒ9 پ1ƒ9پ1†8پ1„5پ1‡4پ1‡2پ1‡4پ1„1 پ1„2پ1‡0پ1„6پ1†5پ1…4 پ1†5پ1„4پ1ƒ5پ1„1 پ1‡4پ1„5پ1†5پ1…0پ1‡1پ1ƒ9 پ1…7پ1†6پ1†8پ1‡0پ1ƒ9 پ1„0پ1‡1پ1„9پ1†9پ1‡2پ1‡0 پ1ƒ9پ1†8پ1…8پ1…4پ1„0 پ1‡2پ1ƒ9پ1†8پ1„6پ1‡2پ1†5 پ1ƒ9„1”5پ1„7پ1„9پ1‡4پ1‡0پ1ƒ9پ1†8پ1‡4پ1‡0 پ1†8پ1‡4 پ1‡4پ1…7پ1…5پ1‡4پ1‡0پ1ƒ9 پ1„7پ1†5پ1…7پ1„1 پ1†8پ1ƒ9پ1…7پ1ƒ9پ1„7پ1„1 پ1ƒ9پ1†8پ1„2پ1…2پ1…8پ1‡4پ1†8
پ1ƒ5پ1†9پ1ƒ9 پ1ƒ9پ1†9پ1‡2پ1„9 پ1ƒ9پ1†8پ1…7پ1ƒ9پ1†8پ1†9 پ1ƒ9„1”5پ1„6پ1„9 پ1†5پ1„5پ1†8پ1‡1پ1ƒ9 پ1ƒ9پ1†8پ1†7پ1‡2پ1„9پ1ƒ9پ1„4 پ1‡2پ1ƒ9پ1†8پ1ƒ9پ1†8پ1„2پ1…0پ1ƒ9پ1†9 پ1ƒ9پ1†8پ1„7پ1‡4پ1‡0پ1‡4

 

[لؤلؤة قسنطينة]

رد: أصواتٌ غريبة تزورني ليلاً - أحتاج مساعدتكم -

وعليكم السلام

عليكِ بالرقية الشرعية حبيبتي

صراتلي حاجة من هذا القبيل

لكن بمجرد اني رقيت راح كلش ومعدت نسمع لاصوت لانشوف حتى شي الحمد لله


ربي يحفظك ان شاء الله

أهلا بساندريلا اللمة
شكراً ختي ربي يحفظك رايحة نحاول ندير رقية مع انو في اليامات لي كنت
نسمع فيها الأصوات كنت نستعمل الزيت المرقي
بصح ان شاء الله نعاود
ربي يحفظك ختي ورب ييهنيك ويبعد عليك كل عين حاسدة

شكرا لنصيحتك , تحياتي القلبية لكِ :regards01:​

 

[لؤلؤة قسنطينة]

رد: أصواتٌ غريبة تزورني ليلاً - أحتاج مساعدتكم -

عليكي بالادكار الصباح والمساء

أهلا بغاليتي :love01:
ان شاء الله حبيبتي رايحة نداوم عليهم
مع انو الاصوات هادي لاحقتني وانا نقرا القرآن ونصلي وكل شي

شكرا للنصيحة غاليتي ربي يبعد عليك كل عين حاسدة ويبعد عليك ناس الحرام
تحياتي القلبية لكِ :regards01:​

 

[لؤلؤة قسنطينة]

رد: أصواتٌ غريبة تزورني ليلاً - أحتاج مساعدتكم -

عليك بالرقيا
والاذكار المسائيه
حبيبتي ماعليك شر ان شاء الله ما يكون غير الخير

أهلا بحبيبة قلبي ليدي :love01:
ان شاء الله غاليتي رايحة نتبع واش قلتي
وندير الرقية ونداوم على الاذكار و ان شاء الله ما يجيك شر حبيبتي
وربي يحفظك من العين الحاسدة ومن كل شخص ناوي السوء

شكرا على النصيحة وتحياتي القلبية لكِ :regards01:​

 

[لؤلؤة قسنطينة]

رد: أصواتٌ غريبة تزورني ليلاً - أحتاج مساعدتكم -

السلاام عليكم

اهلا اختي نحكيلك قصتي مع الاشبااح يااختي هذي نهارات
كي نرقد انا نتحط سواسوة حتى تجيني الفطنة في الليل نشوف اقزاام يلعبو قداامي ونشووف في بعض الحشراات مثل العناكب نتاع الافلاام
ساعات نشوف اشكاال غريبة والحاجة اللي دوختني هي اليوم
رقدت على السااعة 15:30 نتاع القيلولة وداتني عيني بعد اليوم المرهق
وكي جابتني فطنة لقيت وحد الحشرة غريبة جداا يعني كبيرة بحجم دلاعة وراايحة تدخل فياا
ما نك>بش على ختي درت ردة فعل قفزت فيها من بلاصتي حتان بعدت على المكان اللي كنت رااقد فيه
وبقى قلبي يضرب لكن الحااجة اللي مدوختني اني ليه ليه نعاود نرجع نرقد خخخخخخخ ما نخاافش وديجا ما يحكمليش النوم غير معااهم لكن هذا الولف جاني بعد ما سقسيت اخ لياا عندو شوياا علم شرعي
قلي الحشرات والاصوات وما الى غير ذالك تجي من العين وهي دليل على انو الشخص مصااب بالعين
وعزمت اني هذو النهارات نشوف كااش رقااي مالغري نعرف نرقي
ارقي يااختي وربي يشاافي واذا ما هيش دايرتلك ازعااج خليها باسكو انا راهي حاكمتلي حاس روحي هاري بوتر
وزيد ملااحظة هذي الاشيااء نشوفها غير في بيتناا
وهذي اللي مدوختني باسكو كي نرووح لدار بيت عمي او بيت جدي نورماال نرقد بدون اقزاام ههههه

سلاام وربي يشفيناا كاامل مليح لقيت اقرب الاعضااء لياا عندو نفس المشكل نتااعي وسبقتيني بالموضوع هههه
انت الله يباارك يسقسوك على صحتك وانا مهبلين بالتنقااز نتاعهم ....​

و عليكم السّلام ورحمة الله وبركاته
من المفروض الموضوع هادا ليا وليك ونبدلولو العنوان نردوه أصوات غريبة وأقزام ترقص
تزورني ليلا :d
والله قتلتني ضحك ربي يفرج همك هههه, وحتى انا حكاية الحشرات عندي ربما ماش ديما
فترات قلال وين نشوفهم وخاصة العنكبوت خاطر في الواقع بعد نخاف منها وهي نقطة ضعفي, ونشوفها بحجم كبير كيما قلت نتا بعد بصح في الحلم ماش في الواقع, بصح الأصوات هادوك كي نكون فاطنة لالا أنا غير نغيص يعني الغمضة الأولى بعد لي نديرها
حتى نسمع الصوت يعيط بإسمي ساعات صوت راجل وساعات صوت مرأة وآخر مرة سمعتها كان البارح
هوما ماياديوش يعني نصلي عادي ونقرا قرآن عادي ماعندي حتى مشكل , ويعني كي نسمع الصوت مانخلعش نفطن برك والفت بيهم هههه , وساعات تاني نحس شخص ينوضني كلي شخص يحركك باه تنوض ونفطن على جسمي يتحرك صح ماش خيال
وحتى انا غير في دارنا كيما قلت نتا بعد مانسمع والو عند الناس, اواه هادو متفاهمين علينا هههه يدهرلي الأقزام تاعك راهم جاييني في الطريق :d
وان شاء الله نحاول ندير رقية بإذن الله باه نبعد الوسوسة والشياطين

شكرا خويا حكيم على نصائحك, وعلى مرورك المرح لي قتلني ضحك هههه
ربي يبعد عليك ان شاء الله كل عين حاسدة وكل ناس السوء , خلي الاقزام برك معاك راهم ناس ملاح هههه ولا ابعتهملي نمثل معاهم فلة و الأقزام السبعة ههههه
غير نضحك ^^
ربي يهنيك وتحياتي الخالصة لك :regards01:​

 

[لؤلؤة قسنطينة]

رد: أصواتٌ غريبة تزورني ليلاً - أحتاج مساعدتكم -

السلام عليكم
الصلاة و السلام عليك حبيبي يا رسول الله
هذا موضوعك و الواحد فيناا ميقدرش يحكي حكايتو باه يخفف عليك
مي اختي الغالية شوفي راقى و داومي على الرقية الشرعية اكيد
و ربي يفرج عليك
​

و عليكم السّلام ورحمة الله وبركاته
واللهم صلّ وسلّم على سيّدنا محمّد وعلى آله وصحبه أجمعين
أهلا بحبيبتي :love01: اصلا ردك فيه صلاة على خير خلق الله وهادا وحدو يرجع السكينة للقلب, بارك الله فيكِ غاليتي

ورايحة بإذن الله نتبع واش قلتيلي ونداوم على الرقية وبإذن الله ما يكون غير الخير
شكرا لنصائحكِ غاليتي ربي يبعد عليك كل عين حاسدة وكل سوء ويزقك واش تحبي
تحياتي القلبية :regards01:​

 

[لؤلؤة قسنطينة]

رد: أصواتٌ غريبة تزورني ليلاً - أحتاج مساعدتكم -

السلام عليكم و رحمة الله و بركاته

أختي ارقي و عاودي القرآن شفآء . . .

دايما ارقدي متوضية و قراي أذكار النوم . . . ان شا الله ماكان والو

أنا ساعات نفطن ف الليل مشي صوت ينوضني نحس حاجة هزتني نوض مفزوعة ما نكذبش عليك هههههه ساعات ندير الكوراج نروح نتوضا نصلي 2 ركعات و نرجع نرقد و ساعات ما نقدرش نتحرك من بلاصتي بالخوف

بصح ملي درت الرقية راني الحمد لله

​

و عليكم السّلام ورحمة الله وبركاته
أهلا بحبوبتي :love01:
ربي يبعد عليك الشيطان وكل سوء غاليتي, حتى انا نحس نفس احساسك ونحس روحي تهزيت ونفطن فعلاً على جسمي يتهز نخلع نولي نستغفر ونشهد ونعاود نرقد
ان شاء الله رايحة نمشي بنصيحتك غاليتي ونحاول نرقي ونداوم على الوضوء والقرآن
وان شاء الله ما يكون غير الخير
ربي يحفظك حبيبتي وشكرا على نصائحك القيمة
تحياتي القلبية :regards01:
​

 

[حياتي ابداع]

رد: أصواتٌ غريبة تزورني ليلاً - أحتاج مساعدتكم -

يا اختي راكي خلعتيني و خوفتيني كون غير ماقريتش موضوعك فالليل و انا وحدي. شوك لحمي.
ثاني و الله غير خفت عليك لاني احببتك في الله.
شوفي هاذ النصائح ليك و للاخ حكيم لانو الاعراض اللي ذكرتوها من أعراض المس او السحر و انا أظن أن الامر يخص البيت
لازم متخليوش رواحكم بلا تحصين يعني دايما تقراو المعوذات و آية الكرسي و خصوصا قبل النوم
كما يجب التأذين في أركان البيت و تشغيل سورة البقرة كل ثلاثة ايام مع فتح النوافذ و الابواب
أسأل العظيم رب العرش العظيم أن يشفيكما.