السلام عليكم وبعد...
راني نلاحظ بلي انتشرت ظاهرة الاستهزائ أو السخرية بين أفراد المجتمع تاعنا وفي مختلف مناطق العالم على كل حال, وماعندكمش شك بلي هذي العادة ناتجة عن ضعف الوازع الديني اللي يخلي هذاك الشخص يحب ينقص من القدر نتاع شخص آخر حتى يا لوكان بالأنديراكت كيما نقولوا,
فمثلا قادر تكون تمشي في الشارع ويفوت عليك انسان عادي مي برك الجسم نتاعو ضعيف ( نحيل) تروح نتا تبدا تعلق عليه مع صحابك بلا مايحس هو بالطبع وتستهزئ بالمنظر نتاعو..ونتا في الداخل نتاعك تحسابلك راك ضحايكي ودمك خفيف ..الخ
وبلا ماننساو ثاني الإستهزاء هاذاك نتاع قبائل معينة ولا مجموعات معينة..كيما رانا نشوفو ولد المدينة ولا لافيل يستهزئ بولد الريف ولا الدوار .. ولا قادر تلقى العكس..ولا قادر تلقى ثاني ولد لبلاصة الفلانية يستهزئ ويضحك على ولد البلاصة الفلانية..وولد المنطقة العلانية يستهزئ بولد المنظقة العلانية..ولحقت حتى ولات درك ولد البلاد الفلانية رجع مايسواش مقارنة مع ولد لبلاد العلانية..
غير استهزاء .. استهزاء..مي بصح واحد ماسقسى روحوا شكون راهوا مستفاد من هذا الشي كامل؟
الاستهزاء هذا ماراهو غير لعبة واقف موراها ابليس..بويسك الحقيقة أنوا ابليس هو اللي راهو ميت بالضحك عليك..واللي يستهزئ من الناس ويضحك عليهم ماراهو غير يستهزئ بروحوا..بويسك كي تشير بصبعك لكاش واحد راك ناسي بلي الأصابع اللي بقات راهي تشير ليك نتا! ..
المهم في الأخير حبيت نختمها بحكايا نعرفها شخصيا..
نعرف ناس كانوا فنانين في التعلاق على الناس والاستهزائ بيهم..دارت الأيام ورجعوا الناس هذوك في حالة يرثى لها..وفي المقابل الناس هذوك اللي كانوا يضحكوا عليهم نجحوا في حياتهم وفي المجتمع نتاعهم..
المهم ماهيش هذي هي الحكاية اللي حبيت نحكيهالكم..
كاين واحد حكالي بنفسوا وقالي ..ياهوميريس, كان عندي زميل نضالوا نعلقوا عليه وجامي لاكان حسبنالوا..ومنين يكون حاضر يحضر معاه الضحك والاستهزاء عليه..المهم فاتوا ليام والسيد هاذا خلا المكان هذاك وراح ومازاد بان عليه حتى خبر..وبعد سنوات دخلت لأحد المؤسسات الكبرى وكانت عندي معاملة معطلة وكنت حاسب جامي لاكان رايحا تتحل..قلت نروح للمدير بالاك يعاوني..وكي دخلت على المدير تشوكيت وحكمتني الصدمة..بويسك اللي كان قاعد على الكرسي تاع المدير هو السيد هذاك اللي كنا نستهزاو بيه لعوام اللي فاتوا..كنت واقف قداموا كيما الذليل اللي يطلب في حاجتوا وقاعد نسقسي في روحي آسكوا راح يتنقم مني على واش درت فيه بويسك راني مابين يديه دركا!! ..مي تفاجئت لقيتوا تبسم في وجهي وعرفني..وقالي عرفتك نتايا فلان بن فلان, واش راك..وضيفني..وسقساني كشما خصتني حاجة..ولثما حشمت وحسيت بالصغر نتاع نفسي
ومالقيت مانقول..قعدت شوي وقتلوا بلي راني عندي معاملة عندكم وراني معطل عليها وشرحتلوا واش كاين..
قالي هذا مكان؟ قالي ريح, وهز التيليفون وهدر مع المسؤول على المعاملة تاعي..ومن بعد حط التيليفون وقالي سي بون راهي واجدة وتقدر تهزها..
يا خاوتي كان السيد يحكيلي والندامة باينة على وجهوا..وقاعد يقارن في حالتوا اليوم مع حالة السيد هذاك...ولثم قلت في نفسي شكون يستهزئ بالآخر ؟
ونختمها بقوله تعالى:
بسم الله الرحمن الرحيم
{يا ايها الذين امنوا لا يسخر قوم من قوم عسى ان يكونوا خيرا منهم ولا نساء من نساء عسى ان يكن خيرا منهن ولا تلمزوا انفسكم ولا تنابزوا بالالقاب بئس الاسم الفسوق بعد الايمان ومن لم يتب فاولئك هم الظالمون } الحجرات 11
صدق الله العظيم
ان شاء الله من اليوم نحيو هذي العادة..
وكشما عندكم حكايات فيدونا بيها ونتمنى كنت خفيف عليكم..
راني نلاحظ بلي انتشرت ظاهرة الاستهزائ أو السخرية بين أفراد المجتمع تاعنا وفي مختلف مناطق العالم على كل حال, وماعندكمش شك بلي هذي العادة ناتجة عن ضعف الوازع الديني اللي يخلي هذاك الشخص يحب ينقص من القدر نتاع شخص آخر حتى يا لوكان بالأنديراكت كيما نقولوا,
فمثلا قادر تكون تمشي في الشارع ويفوت عليك انسان عادي مي برك الجسم نتاعو ضعيف ( نحيل) تروح نتا تبدا تعلق عليه مع صحابك بلا مايحس هو بالطبع وتستهزئ بالمنظر نتاعو..ونتا في الداخل نتاعك تحسابلك راك ضحايكي ودمك خفيف ..الخ
وبلا ماننساو ثاني الإستهزاء هاذاك نتاع قبائل معينة ولا مجموعات معينة..كيما رانا نشوفو ولد المدينة ولا لافيل يستهزئ بولد الريف ولا الدوار .. ولا قادر تلقى العكس..ولا قادر تلقى ثاني ولد لبلاصة الفلانية يستهزئ ويضحك على ولد البلاصة الفلانية..وولد المنطقة العلانية يستهزئ بولد المنظقة العلانية..ولحقت حتى ولات درك ولد البلاد الفلانية رجع مايسواش مقارنة مع ولد لبلاد العلانية..
غير استهزاء .. استهزاء..مي بصح واحد ماسقسى روحوا شكون راهوا مستفاد من هذا الشي كامل؟
الاستهزاء هذا ماراهو غير لعبة واقف موراها ابليس..بويسك الحقيقة أنوا ابليس هو اللي راهو ميت بالضحك عليك..واللي يستهزئ من الناس ويضحك عليهم ماراهو غير يستهزئ بروحوا..بويسك كي تشير بصبعك لكاش واحد راك ناسي بلي الأصابع اللي بقات راهي تشير ليك نتا! ..
المهم في الأخير حبيت نختمها بحكايا نعرفها شخصيا..
نعرف ناس كانوا فنانين في التعلاق على الناس والاستهزائ بيهم..دارت الأيام ورجعوا الناس هذوك في حالة يرثى لها..وفي المقابل الناس هذوك اللي كانوا يضحكوا عليهم نجحوا في حياتهم وفي المجتمع نتاعهم..
المهم ماهيش هذي هي الحكاية اللي حبيت نحكيهالكم..
كاين واحد حكالي بنفسوا وقالي ..ياهوميريس, كان عندي زميل نضالوا نعلقوا عليه وجامي لاكان حسبنالوا..ومنين يكون حاضر يحضر معاه الضحك والاستهزاء عليه..المهم فاتوا ليام والسيد هاذا خلا المكان هذاك وراح ومازاد بان عليه حتى خبر..وبعد سنوات دخلت لأحد المؤسسات الكبرى وكانت عندي معاملة معطلة وكنت حاسب جامي لاكان رايحا تتحل..قلت نروح للمدير بالاك يعاوني..وكي دخلت على المدير تشوكيت وحكمتني الصدمة..بويسك اللي كان قاعد على الكرسي تاع المدير هو السيد هذاك اللي كنا نستهزاو بيه لعوام اللي فاتوا..كنت واقف قداموا كيما الذليل اللي يطلب في حاجتوا وقاعد نسقسي في روحي آسكوا راح يتنقم مني على واش درت فيه بويسك راني مابين يديه دركا!! ..مي تفاجئت لقيتوا تبسم في وجهي وعرفني..وقالي عرفتك نتايا فلان بن فلان, واش راك..وضيفني..وسقساني كشما خصتني حاجة..ولثما حشمت وحسيت بالصغر نتاع نفسي
ومالقيت مانقول..قعدت شوي وقتلوا بلي راني عندي معاملة عندكم وراني معطل عليها وشرحتلوا واش كاين..
قالي هذا مكان؟ قالي ريح, وهز التيليفون وهدر مع المسؤول على المعاملة تاعي..ومن بعد حط التيليفون وقالي سي بون راهي واجدة وتقدر تهزها..
يا خاوتي كان السيد يحكيلي والندامة باينة على وجهوا..وقاعد يقارن في حالتوا اليوم مع حالة السيد هذاك...ولثم قلت في نفسي شكون يستهزئ بالآخر ؟
ونختمها بقوله تعالى:
بسم الله الرحمن الرحيم
{يا ايها الذين امنوا لا يسخر قوم من قوم عسى ان يكونوا خيرا منهم ولا نساء من نساء عسى ان يكن خيرا منهن ولا تلمزوا انفسكم ولا تنابزوا بالالقاب بئس الاسم الفسوق بعد الايمان ومن لم يتب فاولئك هم الظالمون } الحجرات 11
صدق الله العظيم
ان شاء الله من اليوم نحيو هذي العادة..
وكشما عندكم حكايات فيدونا بيها ونتمنى كنت خفيف عليكم..
