احترم روحك يحترموك الناس

[Salam Fleur]

السلام عليكم

علابالي كثرث من الهدرة بزااف ليامات هاذوا .... هههه ....... الله غالب ..... الاحداث تجي ورا بعضاها :d:d

المهم ......... قالك يا سيدي ....... دخلنا لحانوت تاع مواد غذائية ... شوية لقينا زوج تاع لي جون دخلوا واحد لابس نورمال و الثاني ركزوا مليح ......... لاباس دومي شورت برك ني تريكوا ني بليغة في رجلوا ... بلحفا .... و باين جاو من البحر .....

ملاحظة برك الحانوت راه بعيد بزااااااااف على البحر باه نتفاهموا

بون مول الحانوت كي شاف السيد هذاك قالوا خرج ماتقعدش في الحانوت مد لصاحبك يشري في بلاصتك ....... قالوا الجون هذاك علاه .... رد عليه السيد .... اولا ... راك في حانوت محترم يدخلوه ناس محترمين و كاين لي يجي مع العائلة وانت لبستك راهي لا علاقة ...... كيما رايح الجون هذاك يبدا يضارب وقف ليه راجل واحد اخر قال يا جون ... كي تلبس محترم عندك الحق باه ترد روح ستر روحك ورواح اهدر ............


انا واحدة من الناس كي شفته تبهدلت واشنوا هذا


يا حسرا في وقت بومدين يحكيلينا جدي ... كانت بلاكة مكتوب فيها ممنوع التجوال بلباس البحر في الشوارع العمومية

ودركة ...... عينك ماتشوف


واش رايكم ..؟؟؟؟ عنده الحق السيد كي طردوا من الحانوت ؟؟؟؟؟؟؟؟؟​

 

[مريم.]

رد: احترم روحك يحترموك الناس

موضوعاتك ممتعة اما بالنسبة للرد عنده الحق يطرده من حانوت البحر بحر وحانوت حانوت وهو مراحش راح يموت لوكان لبس تريكو وستر روحه

 

[لؤلؤة قسنطينة]

رد: احترم روحك يحترموك الناس

السّلام عليكم حبيبتي
والله دخلت لقسم واش راك تهدر حتى نلقى 4 مواضيع مقابليني حولت هههه
رحتلهم بالواحد ( الكلافيي كاش نهار يهرب ههه) ودرك باه لحقت لموضوعك راني قريب نحكم طاكسي هههه
المهم شكراً على الموضوع حبيبتي ربي يفتح عليك وينورلك طريقك

اما فيما يخص الموضوع والله درك وين كنت عند إحدى الأخوات وموضوعها عن الرجولة وبردت فيه قلبي
المهم هاد الناس ختي مايحشموش ومايعرفوش معنى الحشمة
" إذا لم تستح فافعل ماشئت "
وأكيد صاحب الدكان عندو حق ولا كيفاه؟؟ ندخلو نقضيو مع والدينا نشوفو ناس عريانين ولا كيفاه؟؟
جيت للبحر مالا ابقى بلبستك هاديك في البحر وماتجيش تنفخ روحك بيها في مكان فيه العائلات
والله عيب كبير
اصلا البحر ولينا نحشمو نروحولو غير من اللبسة العارية تاع البنات والرجال

واش نقولو حبيبتي غير ربي يهدينا والله كرهنا من هاد العباد

شكرا على الموضوع ماقدرتش نزيد نحكي فيه كتر خاطر ناس لي ماتحشمش ماعندك ماديرلها

ان شاء الله مزيد من الابداعات غاليتي
وبالعكس مرحبا بيك في هاد القسم وتشرفينا بمواضيعك القيمة
تقبلي مروري ​

 

[بنقابي افتخر]

رد: احترم روحك يحترموك الناس

ايه عندو الحق يطردو من الحانوت
باغسكو كاين حاجا يسموها حرمة الاماكن العموميه
ونزيدك حاجا ماوليناش نشوفو لجون برك
ياحفيظ استر حتى البنات
والله غير يحشمو بهادك اللبسه ويروحو يشريو ونورمال تقول ما عرب ما مسلمين ما والو
الله يهدي ما خلق

 

[Yayan]

رد: احترم روحك يحترموك الناس

انا نشوف بلي حريتو يلبس كيما حب وديجا كي يروح لبحر ويلبس لبسه هذيك ويشوفوه نفس الحاجه اذا شافوه في مكان اخر و هو لابس هكا يعنيّ المهم هوما شافوه بالهيئه هذي شافوه
دبراسو
ومول الحانوت ماشي بيو ولا امو ماهوش مسؤول عليه باش ينعتلو طريق الغالط والطريق الصحيح
هو مسؤوليتو انو يبيع للزبائن ووش دخلو فيهم يلبسوا ولا مايلبسوش ربي يسهل عليهم كل واحد مسؤول على نفسو وكل واحد يتحاسب وحدو وكل واحد حر في نفسو من الناحيه هذي
هذا هو رايي
ومرسي على الموضوع

 

[Salam Fleur]

رد: احترم روحك يحترموك الناس

موضوعاتك ممتعة اما بالنسبة للرد عنده الحق يطرده من حانوت البحر بحر وحانوت حانوت وهو مراحش راح يموت لوكان لبس تريكو وستر روحه

اهلا مريومة ..... شكرا شكرا شكرا . بارك الله فيك ....... و الله صح واش خسر كي ييستر روحه ... تقول رايحة تتنحى منه لحمة ......

شكرا على مرورك العطر ........ تحياتي :regards01:​

 

[Salam Fleur]

رد: احترم روحك يحترموك الناس

السّلام عليكم حبيبتي
والله دخلت لقسم واش راك تهدر حتى نلقى 4 مواضيع مقابليني حولت هههه
رحتلهم بالواحد ( الكلافيي كاش نهار يهرب ههه) ودرك باه لحقت لموضوعك راني قريب نحكم طاكسي هههه
المهم شكراً على الموضوع حبيبتي ربي يفتح عليك وينورلك طريقك

اما فيما يخص الموضوع والله درك وين كنت عند إحدى الأخوات وموضوعها عن الرجولة وبردت فيه قلبي
المهم هاد الناس ختي مايحشموش ومايعرفوش معنى الحشمة
" إذا لم تستح فافعل ماشئت "
وأكيد صاحب الدكان عندو حق ولا كيفاه؟؟ ندخلو نقضيو مع والدينا نشوفو ناس عريانين ولا كيفاه؟؟
جيت للبحر مالا ابقى بلبستك هاديك في البحر وماتجيش تنفخ روحك بيها في مكان فيه العائلات
والله عيب كبير
اصلا البحر ولينا نحشمو نروحولو غير من اللبسة العارية تاع البنات والرجال

واش نقولو حبيبتي غير ربي يهدينا والله كرهنا من هاد العباد

شكرا على الموضوع ماقدرتش نزيد نحكي فيه كتر خاطر ناس لي ماتحشمش ماعندك ماديرلها

ان شاء الله مزيد من الابداعات غاليتي
وبالعكس مرحبا بيك في هاد القسم وتشرفينا بمواضيعك القيمة
تقبلي مروري ​

اهلا لؤلؤة

ههههه ..... و الله حتى انا دخت ...... مالقيت علمن نرد ......... خخخخخ

و الله يا اختي و تجي تشوفي عجب ... راهي كيما قلتي بنات و رجال ماشي غير بنات نساء تلقاها مزوجة و لا شيبة شيبية جدة تلبس لبسة و الله انا في الدار نحشم نلبسها فما بالك برة

و ربي يهدي

بارك اللهعلى مشاركتك الرائعة و القيمة

تحياتي :regards01:​

 

[Salam Fleur]

رد: احترم روحك يحترموك الناس

ايه عندو الحق يطردو من الحانوت
باغسكو كاين حاجا يسموها حرمة الاماكن العموميه
ونزيدك حاجا ماوليناش نشوفو لجون برك
ياحفيظ استر حتى البنات
والله غير يحشمو بهادك اللبسه ويروحو يشريو ونورمال تقول ما عرب ما مسلمين ما والو
الله يهدي ما خلق

اهلا ليدي

و الله ربي صح ربي يهدي .؟.. و ربي يسترنا ويستر وليداتنا ..........

بصح السؤال ماهو سبب انتشار هذه الظاهرة ؟؟؟؟؟؟؟؟؟؟؟؟؟
و الله تحيري صح ..... مرات تحسب روحك في احدى بلدان اوروبا ماراكش قاع في دزاير

شكرا لمرورك العطر :thumb_up02:
تحياتي :regards01:​

 

[Salam Fleur]

رد: احترم روحك يحترموك الناس

انا نشوف بلي حريتو يلبس كيما حب وديجا كي يروح لبحر ويلبس لبسه هذيك ويشوفوه نفس الحاجه اذا شافوه في مكان اخر و هو لابس هكا يعنيّ المهم هوما شافوه بالهيئه هذي شافوه
دبراسو
ومول الحانوت ماشي بيو ولا امو ماهوش مسؤول عليه باش ينعتلو طريق الغالط والطريق الصحيح
هو مسؤوليتو انو يبيع للزبائن ووش دخلو فيهم يلبسوا ولا مايلبسوش ربي يسهل عليهم كل واحد مسؤول على نفسو وكل واحد يتحاسب وحدو وكل واحد حر في نفسو من الناحيه هذي
هذا هو رايي
ومرسي على الموضوع

اهلا

ممممممممممم

سما لو جا عريان كامل؟؟؟؟ ...تقولي حرية .....!!!!... الحرية الشخصية تحبس لما تكون تعدي على الاداب العامة ...................

و اي واحد عنده نخوة و شهامة صح يظهرلي ييدير واش دار السيد هذاك ...........

علابالك بلي لبسته هاذيك راهي لا تجوز .... و راهي هتك لستر نفسه ... نتمنى انك تكون فهمتي قصدي ....

شكرا على مرورك الكريم
:regards01: ​

 

[الزهرة الحمراء]

رد: احترم روحك يحترموك الناس

السلام عليكم اختي
يعطيك الصحة على موضوعك
وصح ولينا نشوفوا العفسة هادي بزااف بعد ماكانوا يلبسوا لي شورت ولاو يدورا بلا تريكوااات هكاك ودركا ولاو يلبسوا لي فيزو حبوبة يعني ماكفاوناش لبنات دركا ولاو الشباب
وزيد بالنسبة لموضوعك ماشي غير الشباب حتى لبنات ولاو يسركلوا نورمال بلبسة لبحر عادي حتى تحيري وتولي تقولي وين رانا عايشين
راحت الحشمة خلاص
ربي يهدينا ويصلح احوالنا اختي
دمتي في رعاية الله وحفظه ​

 

[Salam Fleur]

رد: احترم روحك يحترموك الناس

السلام عليكم اختي
يعطيك الصحة على موضوعك
وصح ولينا نشوفوا العفسة هادي بزااف بعد ماكانوا يلبسوا لي شورت ولاو يدورا بلا تريكوااات هكاك ودركا ولاو يلبسوا لي فيزو حبوبة يعني ماكفاوناش لبنات دركا ولاو الشباب
وزيد بالنسبة لموضوعك ماشي غير الشباب حتى لبنات ولاو يسركلوا نورمال بلبسة لبحر عادي حتى تحيري وتولي تقولي وين رانا عايشين
راحت الحشمة خلاص
ربي يهدينا ويصلح احوالنا اختي
دمتي في رعاية الله وحفظه ​

اهلا زهرة

بارك الله فيك

و الله صح ... حنا 3 شهور تاع صيف ماتحلميش تخرجي بالعائلة .... و الله ني حشمة ني حياء ...... بصح ما فهمتش هذه الظاهرة كيفاه حتى شاعت هكذا ........... ؟؟؟ .........

و الله تحيري .............. البنات ماتحكيش تلقاها مع بوها لابسة لبسة ربي يستر واشنوا هذا ........

ربي يستر من الزمان لي راهوا جاي

شكرا على مرورك العطر و مشاركتك القيمة :thumb_up02:

تحياتي :regards01:
​

 

[أم أحمــــد يــسّ]

رد: احترم روحك يحترموك الناس

كانت لحشومة جاية غير من لبسة لبنات وصلت حتان الشباب؟
تبانلي عاجباتو روحو وباغي يعرض عضلاتو المخلوق هههه
ربي يهدي انشالله وعندو الحق مولا الحانوت لانو الاحترام واجب وقادر يجي واحد مع بنتو ولا اختو ....
يعني الموقف محرج حقا..
تسلمي ع الموضوع

 

[Salam Fleur]

رد: احترم روحك يحترموك الناس

كانت لحشومة جاية غير من لبسة لبنات وصلت حتان الشباب؟
تبانلي عاجباتو روحو وباغي يعرض عضلاتو المخلوق هههه
ربي يهدي انشالله وعندو الحق مولا الحانوت لانو الاحترام واجب وقادر يجي واحد مع بنتو ولا اختو ....
يعني الموقف محرج حقا..
تسلمي ع الموضوع

ههههههههه ...... و الله يا جنان ضحكتيني .........

شكرا على مشاركتك العطرة :thumb_up02:

:regards01:​

​

 

[بقايا إنسان]

رد: احترم روحك يحترموك الناس

سلام الله عليكم وبعد:نشكرك ختي بزاف على هذا الموضوع المنبه لسلوك بعض لعباد لنطلب من ربي الهداية ليا وليهم
اما باش يدخل لحانوت شبه عاري فهذا يدل على انو خالف فطرة رب العالمين حتى في البحر المفروض يكون مستور خاطر كاين ناس مح**** تروح لبحر سواء وحدهم او مع عوايلهم وكل واحد ودرجة الحياء عندو كاين حتى لي هو في وسط لبحر ومستور بالرغم أنو عورة الرجل محدد من السرة إلى الركبتين ومع ذلك تلقاي كتافو مستورين وعملا بقول الله عز وجل(يَا بَنِي آدَمَ قَدْ أَنْزَلْنَا عَلَيْكُمْ لِبَاسًا يُوَارِي سَوْآتِكُمْ وَرِيشًا ۖ وَلِبَاسُ التَّقْوَىٰ ذَٰلِكَ خَيْرٌ ۚ ذَٰلِكَ مِنْ آيَاتِ اللَّهِ لَعَلَّهُمْ يَذَّكَّرُونَ) وقد فسر بعض الصحابة رضي الله عنهم أن من كان تقيا أحسن سترة عورته هذا والله أعلم
نحيي فيك اختي الكريمة هذا السلوك الفطري
تقبلي مرور أخاكي المتواضع

 

[Salam Fleur]

رد: احترم روحك يحترموك الناس

سلام الله عليكم وبعد:نشكرك ختي بزاف على هذا الموضوع المنبه لسلوك بعض لعباد لنطلب من ربي الهداية ليا وليهم
اما باش يدخل لحانوت شبه عاري فهذا يدل على انو خالف فطرة رب العالمين حتى في البحر المفروض يكون مستور خاطر كاين ناس مح**** تروح لبحر سواء وحدهم او مع عوايلهم وكل واحد ودرجة الحياء عندو كاين حتى لي هو في وسط لبحر ومستور بالرغم أنو عورة الرجل محدد من السرة إلى الركبتين ومع ذلك تلقاي كتافو مستورين وعملا بقول الله عز وجل(يَا بَنِي آدَمَ قَدْ أَنْزَلْنَا عَلَيْكُمْ لِبَاسًا يُوَارِي سَوْآتِكُمْ وَرِيشًا ۖ وَلِبَاسُ التَّقْوَىٰ ذَٰلِكَ خَيْرٌ ۚ ذَٰلِكَ مِنْ آيَاتِ اللَّهِ لَعَلَّهُمْ يَذَّكَّرُونَ) وقد فسر بعض الصحابة رضي الله عنهم أن من كان تقيا أحسن سترة عورته هذا والله أعلم
نحيي فيك اختي الكريمة هذا السلوك الفطري
تقبلي مرور أخاكي المتواضع

اهلا بيك خويا

و الله صح و الظاهرة راهي رجال بنات نساء .... و الله تدهش واشنوا هذا .......... يعني ربي يهديهم و يهدينا

شكرا على مشاركتك القيمة
تحياتي لك :regards01:​

 

[Hakan]

رد: احترم روحك يحترموك الناس

يعني البيااع هذا لوكن جاتو طفلة لابسة نصف لبسة متاكد ماراهوش رايح يهدر هاذ الهدرة
بااسكو ابتلينا بواحد الكاليتي
صراالهم كي وحد القصة حكاها الشيخ كشك قلهم
كاين في راجل طلع في الحاافلة في مصر لابس شورت كيما نقولو
ايا بدات هاديك الغاشي ياعمي عيب عليك
والنساا يهبطو في ريووسهم
ايا تم تم طلعت طفلة لابسة شورت اقصر من الشورت نتاع الراجل
وساادت حالة من الصمت ترحما على روح الفقيدة ""النخوة ""
وانتهت الحكااية الزمان تبدل لا لا العبااد تبدلو ربي يهديناا شكراا على الموضوع .. ​

 

[Salam Fleur]

رد: احترم روحك يحترموك الناس

يعني البيااع هذا لوكن جاتو طفلة لابسة نصف لبسة متاكد ماراهوش رايح يهدر هاذ الهدرة
بااسكو ابتلينا بواحد الكاليتي
صراالهم كي وحد القصة حكاها الشيخ كشك قلهم
كاين في راجل طلع في الحاافلة في مصر لابس شورت كيما نقولو
ايا بدات هاديك الغاشي ياعمي عيب عليك
والنساا يهبطو في ريووسهم
ايا تم تم طلعت طفلة لابسة شورت اقصر من الشورت نتاع الراجل
وساادت حالة من الصمت ترحما على روح الفقيدة ""النخوة ""
وانتهت الحكااية الزمان تبدل لا لا العبااد تبدلو ربي يهديناا شكراا على الموضوع .. ​

اهلا حكيم

ممممم ....... ممكن

بصح نحكيلك حكاية صرات في ثانوي عندنا في جيجل ...... كاين مراقبة عامة كل صباح قدام باب الليسي لي تشوفوا لابس شورت و داير جال تخيروا واحدة من زوج يا اما تغسلوا شعروا تم او يروح يجري للدار يبدل حوايجوا و يسقم شعروا و يجي

و البنات نفس الشي لي تلقاها لا بسة ميني او شعرها دايرتلوا سيشوار و مطلوق و لا يكونوا حاطين ماكياج ..... يا هي تغسلهوم شعرهم ووجوهم و لا يرجعوا للديار يسقموا رواحهم


ممممم

حكاية مليحة

بصح هاذي المراقبة راهي مولات الميني و شعار الاقاغسون


مرات تحوس تفهم الدوخ

شكرا على مرورك الكريم

:regards01:​

 

[خفيفة الروح]

رد: احترم روحك يحترموك الناس

هذا يسمى قلة احترام
ليجان تاعنا ولاو مايحشمو ما والوا