السلام عليكم خاوتي
باختصار انا الفتاة الي عشت عند جداتي بعد زواج والدي و تعرضت للاغتصاب من طرف عمي و تزوجت و ترملت بعد شهر من زواجي و الآن جاء خطيب ليا و استشرتكم في امروا
نتمنى تكونوا تذكرتوني
فعلا تمت الرؤية الشرعية بالاثنين و زادتني حيرة و راء حيرة
انا درت كيما قلتولي محكيتش كلمة على حكايتي و راح نحكيلكم وش صرا في اللقاء قولولي في وش غلطت و هل اصبت و وش نعمل؟؟؟والله تخلطت و تخربطتت عليا الامور
اولا بنهار السبت حكى عمي مع بابا قالوا ارواح لخطبة بنتك والدي كان يحوس في تونس قالو اتولا انت الامر و تبرأ من مسؤوليتوا
المهم منكذبش عليكم لكنها لقطة تقيس
الاهم جاء السيد مع امو و بوه و خوه و انا مع عمي و مرتوا قعدت العايلات تحكي عادي و اختكم ساكتة و لا كلمة :$:$ حتى بدى هو بالكلام معي هو يسأل و انا نجاوب باختصار جدا
لكن المشكلة الي صراتلي انو يسال بزاف و دخل في امور خلاني نتهرب من الجواب راح نحكيلكم و انتم احكموا
سألني على حياتي قالي اني سمعت بلي عشتي عند جداتك قلتلوا ايه ربي يرحمها
من بعدها قالي و والديك وقتاه توفاو؟؟؟ انا كي سمعت هذي الجملة قلبي تفتت ملقيت وش نقول فعلا صدق والدي مات في نظري نهار ماتت امي
سكت و قتلوا امي توفات و انا شهرين و بابا او حي
اندهش و قالي وينوا؟؟؟
باختصار قتلوا او خارج البلاد مشغول
قالي و انت اذن راكي هنا عند عمك ايامات برك؟؟؟
قتلوا انا نحب عمي و نعتبروا والدي و هذي تسمى عايلتي
سكت و اعتذر مني قالي بلاك كثرت عليك لكني نحب نعرف عليك اكثر لانك تهميني و ناويك ام ولادي سامحيني على اسئلتي
سكت و ولا هو الي يحكي على حياتوا مع طليقتوا و قالي الطفلة ربي يسمحلها فقط كانت بيناتنا مشاكل تع خدمتها متفاهمناش درنا طلاق بالتراضي
و من بعد قالي انت وش هي الصفات الي تحبيهم في الراجل؟؟؟
قتلوا المهم هو انوا يتمسك بدينوا
تبسم و قالي صح عندك حق لكن انا شرطي الوحيد في المرأة انها تكون معايا صادقة و متخبيش عليا
صدقوني هو قال هكا انا حسيت روحي منسواش حسيتوا علبالوا و راه يستنى فيا نهدر لكن بنت عمي قاتلي متوسوسيش او غير يهدر
في الاخير هو عجبوا الحال و عايلوا ثاني خرجوا و تفاهموا مع عمي بعد اسبوع يجيو يخطبوا و يتفاهموا
بصراحة راني خايفة لاني مصرحتوش و انا الآن بدون اتصال معاه خايفة لا نكون غلطت قولولي غلطت ولا لا؟؟؟و المشكل انو منقدرش نحكي معاه حتى بعد الفاتحة و انا حابة نقولوا و منيش حابة و دخت ربي يحفضكم بعد ماحكيبتلكم وش صرا وش تنصحوني
باختصار انا الفتاة الي عشت عند جداتي بعد زواج والدي و تعرضت للاغتصاب من طرف عمي و تزوجت و ترملت بعد شهر من زواجي و الآن جاء خطيب ليا و استشرتكم في امروا
نتمنى تكونوا تذكرتوني
فعلا تمت الرؤية الشرعية بالاثنين و زادتني حيرة و راء حيرة
انا درت كيما قلتولي محكيتش كلمة على حكايتي و راح نحكيلكم وش صرا في اللقاء قولولي في وش غلطت و هل اصبت و وش نعمل؟؟؟والله تخلطت و تخربطتت عليا الامور
اولا بنهار السبت حكى عمي مع بابا قالوا ارواح لخطبة بنتك والدي كان يحوس في تونس قالو اتولا انت الامر و تبرأ من مسؤوليتوا
المهم منكذبش عليكم لكنها لقطة تقيس
الاهم جاء السيد مع امو و بوه و خوه و انا مع عمي و مرتوا قعدت العايلات تحكي عادي و اختكم ساكتة و لا كلمة :$:$ حتى بدى هو بالكلام معي هو يسأل و انا نجاوب باختصار جدا
لكن المشكلة الي صراتلي انو يسال بزاف و دخل في امور خلاني نتهرب من الجواب راح نحكيلكم و انتم احكموا
سألني على حياتي قالي اني سمعت بلي عشتي عند جداتك قلتلوا ايه ربي يرحمها
من بعدها قالي و والديك وقتاه توفاو؟؟؟ انا كي سمعت هذي الجملة قلبي تفتت ملقيت وش نقول فعلا صدق والدي مات في نظري نهار ماتت امي
سكت و قتلوا امي توفات و انا شهرين و بابا او حي
اندهش و قالي وينوا؟؟؟
باختصار قتلوا او خارج البلاد مشغول
قالي و انت اذن راكي هنا عند عمك ايامات برك؟؟؟
قتلوا انا نحب عمي و نعتبروا والدي و هذي تسمى عايلتي
سكت و اعتذر مني قالي بلاك كثرت عليك لكني نحب نعرف عليك اكثر لانك تهميني و ناويك ام ولادي سامحيني على اسئلتي
سكت و ولا هو الي يحكي على حياتوا مع طليقتوا و قالي الطفلة ربي يسمحلها فقط كانت بيناتنا مشاكل تع خدمتها متفاهمناش درنا طلاق بالتراضي
و من بعد قالي انت وش هي الصفات الي تحبيهم في الراجل؟؟؟
قتلوا المهم هو انوا يتمسك بدينوا
تبسم و قالي صح عندك حق لكن انا شرطي الوحيد في المرأة انها تكون معايا صادقة و متخبيش عليا
صدقوني هو قال هكا انا حسيت روحي منسواش حسيتوا علبالوا و راه يستنى فيا نهدر لكن بنت عمي قاتلي متوسوسيش او غير يهدر
في الاخير هو عجبوا الحال و عايلوا ثاني خرجوا و تفاهموا مع عمي بعد اسبوع يجيو يخطبوا و يتفاهموا
بصراحة راني خايفة لاني مصرحتوش و انا الآن بدون اتصال معاه خايفة لا نكون غلطت قولولي غلطت ولا لا؟؟؟و المشكل انو منقدرش نحكي معاه حتى بعد الفاتحة و انا حابة نقولوا و منيش حابة و دخت
ربي يحفضكم بعد ماحكيبتلكم وش صرا وش تنصحوني
