العنف اللفظي

[daisy87]

السلام عليكم ورحمة الله

كيف احوالكم اخوتي في اللمة
​

هاذا اول موضوع ليا في اللمة ونتمنى نلقى ترحيب وتفاعل عند الاخوة الكرام
كيما واضح من العنوان الموضوع عن "العنف اللفظي" او بمعنى اخر السب والشتم..هاذي الظاهرة لي كنا نشوفوها عند الكباروكنا نرفضوها ولي انتقلت للاطفال الصغار, تقريبا كلما نفوت على مجموعة من الاطفال الصغار لي ممكن مازال ما يعرفوش حتى يقولو جملة مفيدة بطريقة صحيحة لكن تسمع منهم كلام اكبر من حجمهم ولو تتكلم معاهم وتحاول تنصحهم تسمع منهم مالذ وطاب من السباب والشتائم وكلام ممكن عمرك ما سمعت بيه حنا لي كنا نعرفوه انو الاطفال يمثلو البراءة...في وقتنا هاذا مابقاتش براءة :down: والكارثة الاكبر انو احيانا تلقى الطفل يسب قدام والديه والام "مثلا" تضحك وما تنهيش ابنها وتقولك راهو صغير يكبر ويعرف صلاحو:s...ولي لازم نعرفوه انو البرمجة العقلية للطفل تبدا من الصغر حيث ان 50%من سلوك الطفل يتشكل في 5 سنوات الاولى فاذا لقى تشجيع بطريقة مباشرة او غير مباشرة هنا تكون مسؤولية المحيطين بيه خاصة الوالدين...
اخيرا نقول ربي يقدر الخير
ونخلي الباقي للاخوة انتظر منكم التفاعل
تقبلو تحيتي :regards01:

 

[بنقابي افتخر]

رد: العنف اللفظي

يعني واش تقولي
كلش على الوالدين
ورفقة السوء
لا حوله ولا قوة الا باللهو

 

[الزهرة الحمراء]

رد: العنف اللفظي

السلام عليكم اختي
يعطيك الصحة على موضوعك الباهي
وصح هادي ظاهرة منتشرة بزاااف
والله عشنا وشفنا بعد ماكنا نمشوا فالطريق ونشوفوا مثلا لكبار هوما لي يخسروا فالهدرة عادوا تاني دركا الصغار تكوني تمشي حتى تفوتي على ذراري صغار تلقايهم يلعبوا ونهار مايتفاهموش يايما لكلام لي تسمعيه حدث ولا حرج
ومام حتى فالعايلات تلقاي الطفل الصغير فيهم كامل يسب نورمال وكيما قلتي الام تاعو تضحك وتقولك واش نهدر معاه مايعرفش ومايفهمش درك كي يكبر وية نفهمو بعد واش تفهميه بعد مايكبر ويوالف هادوكا لطبايع يعني بالعكس الطفل الصغير كيما الورقة البيضاء واش ترسمي فيها تلقايه حاولي منا لصغر ترسمي فيه الخصال الحميدة
وزيد دركا مولاوش غير الدراري الصغار يسبوا كاين وين لحقت حتى بنات الصغار والله شفتها بعيني طفلة ياربي ماتلحقش 6 سنين تخسر فالهدرة عيني عينك
ربي يهدينا ويصلح احوالنا
احتي يعطيك الصحة على موضوعك
دمتي في رعاية الله وحفظه ​

 

[LINA LOLO]

رد: العنف اللفظي

الله غالب
هذا الشي محسوب على الوالدين الي ماعلموش ولادهم على الطريق الصحيح
وعلى اصحاب السوء وتاني يقلدو في لولاد الكبار
ربي يهدي
يعطيك الصحة على الموضوع
دمتي في رعاية الله

 

[مريم.]

رد: العنف اللفظي

والله الوالدين يربو ويتعبو لكن الزنقة صعيبة اما بالنسبة للام التي تسمع وتضحك راح يجي نهار يضحكو عليها وهي تبدا تبكي ويمكن يبدا بها هي الاولى لخطرش الاطفال نعمة يعطيهم لك ربي ويحاسبك عليهم فقط نقول ياربي تستر اولادنا المسلمين

 

[لؤلؤة قسنطينة]

رد: العنف اللفظي

السّلام عليكم غاليتي
ان شاء الله راكي لاباس؟؟
موضوعك جميل حبيبتي ونحييك عليه , بالرغم من انو عندو مدة طويلة من لي ظهر بصح الآثار تاعو كبيرة
خاطر لما تشوف طفل كبير يسب ويشتم ويقول في الكلام الفاحش اعرف بلي تربى على هاد الشي من الصغر
كاين لي يتحجج ويقولك راهو تعلم من الشارع, بصح الناس كامل تخرج للشارع ماش غير ولدك
بصح كاين لي لسانو نظيف ولي لسانو موسخ حاشاك

نشفى عليها واحد الاسبوع هكاك ولا كتر هبطت لعند جداتي وحنا طالعين في الباطيما انا وماما وختي
حتى نلقاو زوج ولاد , الأول عمرو 18 هكاك و التاني 10 سنين, كي شافونا طالعين بدا لكبير يستفز في الصغير مكرا
حتى ولا الصغير هاداك ينطق في الكلام الفاسد وقليل الحيا صدقني غمضت عينيا واستغفرت, وهكاك بقا يعاود فيها مرة وزوج وتلاتة , حتى قاتلو ماما احشم واتربى رانا 3 نسا قدامك معديين ونتوما لا حشمة ولا حيا ولا تربية , والله عيب كبير

تكون مع عايلتك حتى تسمع مالا يرضيك, ولاد في عمرهم 5 سنين كيما قلتيها مازال حتى مايعرفش يقول بابا وماما
بصح كلام العيب والفساد يعرفو, مرة دارو سبر للآراء وسقساو على الكلام الفاحش والسبب تاعو
وبداو الشباب هادوك يتفلسفو وهوما نفسهم بالاك يقولو الكلام الفاحش, اتخيلي واحد قالو نروح للدار نلقى المشاكل والفقر نولي نهرب برا ونبات في الشارع ونردها على الكلام هاداك هههههه يعني ربي رزقك بالفقر , ونقولها ونعاودها "رزقك بالفقر"
المال رزق والفقر رزق, تولي تخرج الفقر هاداك في كلام العيب و تكفر على لي خلقك؟؟ علاه ماش كي لفحل تروح تتوضا وتصلي زوج ركعات لربي يفرج عليك خير من الكلام الفاسد لي تتفاخر بيه

خاطر درك ولاا لكلام الفاسد تعبير عن الرجولة حبيبتي, تخرج الخماج حاشاك من فمك تسما راجل ؟؟ والله هادو معوقين ذهنيا بالنسبة ليا
انا نعرف وحدة من العائلة ولدها صغير عمرو 10 سنين بالاك تقابد مع طفلة قاتلو يماه "قولها الكلام الفاحش باه تسكت خاطر نتا راجل والراجل هاهو واش يهدر"

الله يبارك على التربية تاعنا الباهية , هوما معوجين وزادو تعوجو

المهم نحبس هنا علابالي كترت الهدرة
رب ييحفظك على الموضوع حبيبتي وان شاء الله مزيد من التوفيق

تقبلي مروري
​

 

[Hakan]

رد: العنف اللفظي

السلاام اهلا اختي ومرحبا بيك في الركن اللي راه فيه ساركيلاسيون كبيرة
العنف اللفظي يعتمد على طبيعة المحيط اللي عايش فيه الطفل تلقى الوالدين يربو مي الشارع يفرض رايو او حتى المدرسة اللي يتعلم فيها الطفل من صحابو
وهنا لازم الوالدين يحرصو على اولاادهم وحاجة اخرى تصيبي ابناء المدن الكبرى اشر من ابنااء القرى والمدااشر
والسب والشتم اذا سمعو الطفل من الام نتاعو او الاب هاذيك الكارثة
واحسن وسيلة لتجنيب الاولاد السب والشتم هي تحفيظهم للقرآن ربي

يهدينا​

ويحفظ اخواننا وابنائنا​

 

[مسك وعنبر]

رد: العنف اللفظي

سلااااام أختي في الله بالفعل عندك حق في كل كلمة قلتيها رانا في وحد الوقت وين الفاهيم انقلبت رأس على عقب :sيعني ممكن تصيبي تصرفات ما عندها حتى علاقة بالقيم والأخلاق والناس يقولو يعطيك الصحة واش نديرو في مجتمع وين الإعجاب للدناءة والسخرية للأخلاق :-oواش نقولو من غير ربي يصلح لحوال موضوع جدير بالإهتمام :up:إ ن شاء الله تصيبي مزيد من التفاعل تقبلي مروري مع تحياتي

​

 

[أم أحمــــد يــسّ]

رد: العنف اللفظي

اهلين عزيزتي نورتي القسم بموضوعك..لا يختلف اثنان ان التربية تبدأ من البيت وان اساس شخصية الطفل يبنيه والداه..
فان كان الاساس متينا او هشا فانه سيعطي ثماره...
وقد يذهب ” الفاشلون” الى ان هناك حاجز امام تربيتهم لاولادهم وهو ” الشارع” لكن حسب ظني ان متانة الاساس ستقف امام تلك العوائقصحيح ان ابنك سيخرج للشارع ويلتقي. اصنافا من الرفقة بصالحها وطالحها لكن اين هو من تربيتك انت واين تأثيرهم ” اللحظي” من تأثيرك ” الدائم”؟؟
الن يرجع الطفل الى بيته بعد تجوله في الشارع؟ الم يتعلم منك ” الصحيح” والخطأ؟؟
فعلا الوالدان اساس كل شيء. فماذا نتوقع من والد يشتم زوجته امام اولادها؟ او يشتم جاره او اقرباؤه امامهم؟ وماذا نتوقع من بنت ترافق امها الى مجالس النسوة؟ واخرى تتفرج امام بناتها افلاما ومسليلات ماجنة؟ واخرى تمشي بنصف اثوابها وكومة مساحيقها امام صغيرتها؟ كيف سنخرج جيلا من هكذا اآباء.......
سواءا كان العنف لفظيا او جسديا فان عواقبه على الابناء وخيمة...تصدقينني ان قلت انني حين درست يوما في الابتدائي رأيت هكذا عينات والله ليندى لها الجبين...لم الم الصغار فالاكيد انهم كالصفحة البيضاء نكتب فيها نحن الكبار مانشاء لكن لمت المجتمع اولا كون اننا صرنا نرى العجب العجاب خارجا...
الى حين مرة زارني ولي تلميذ فرأيت ” قبح الالسنة” فطردته واذا به يتخاصم مع المدير فيسمعه مالا يعقل... ومرة التقيت بطفلة صغيرة مع امها فاصتدمنا على اعتبة الباب صدفة فتصوري لفظ البنت.....وامها حين ضحكت لها ؟؟ تصوري انني وقفت وفاهي مفتوح على كلامها وموقف امها؟؟ قلت لها اسمحيلي يا بنتي انا الغالطة فزادت امها ضحكا؟؟ هنا تيقنت اننا صرنا نحن الجهلة وليسوا هم...

 

[daisy87]

رد: العنف اللفظي

السلام عليكم اختي
يعطيك الصحة على موضوعك الباهي
وصح هادي ظاهرة منتشرة بزاااف
والله عشنا وشفنا بعد ماكنا نمشوا فالطريق ونشوفوا مثلا لكبار هوما لي يخسروا فالهدرة عادوا تاني دركا الصغار تكوني تمشي حتى تفوتي على ذراري صغار تلقايهم يلعبوا ونهار مايتفاهموش يايما لكلام لي تسمعيه حدث ولا حرج
ومام حتى فالعايلات تلقاي الطفل الصغير فيهم كامل يسب نورمال وكيما قلتي الام تاعو تضحك وتقولك واش نهدر معاه مايعرفش ومايفهمش درك كي يكبر وية نفهمو بعد واش تفهميه بعد مايكبر ويوالف هادوكا لطبايع يعني بالعكس الطفل الصغير كيما الورقة البيضاء واش ترسمي فيها تلقايه حاولي منا لصغر ترسمي فيه الخصال الحميدة
وزيد دركا مولاوش غير الدراري الصغار يسبوا كاين وين لحقت حتى بنات الصغار والله شفتها بعيني طفلة ياربي ماتلحقش 6 سنين تخسر فالهدرة عيني عينك
ربي يهدينا ويصلح احوالنا
احتي يعطيك الصحة على موضوعك
دمتي في رعاية الله وحفظه ​

وعليكم السلام اختي العزيزة
شكرا على مرورك العطر
تحيتي :regards01:

 

[daisy87]

رد: العنف اللفظي

يعني واش تقولي
كلش على الوالدين
ورفقة السوء
لا حوله ولا قوة الا باللهو

شكرا على مرورك الطيب
تحيتي

 

[daisy87]

رد: العنف اللفظي

السلام عليكم اختي
يعطيك الصحة على موضوعك الباهي
وصح هادي ظاهرة منتشرة بزاااف
والله عشنا وشفنا بعد ماكنا نمشوا فالطريق ونشوفوا مثلا لكبار هوما لي يخسروا فالهدرة عادوا تاني دركا الصغار تكوني تمشي حتى تفوتي على ذراري صغار تلقايهم يلعبوا ونهار مايتفاهموش يايما لكلام لي تسمعيه حدث ولا حرج
ومام حتى فالعايلات تلقاي الطفل الصغير فيهم كامل يسب نورمال وكيما قلتي الام تاعو تضحك وتقولك واش نهدر معاه مايعرفش ومايفهمش درك كي يكبر وية نفهمو بعد واش تفهميه بعد مايكبر ويوالف هادوكا لطبايع يعني بالعكس الطفل الصغير كيما الورقة البيضاء واش ترسمي فيها تلقايه حاولي منا لصغر ترسمي فيه الخصال الحميدة
وزيد دركا مولاوش غير الدراري الصغار يسبوا كاين وين لحقت حتى بنات الصغار والله شفتها بعيني طفلة ياربي ماتلحقش 6 سنين تخسر فالهدرة عيني عينك
ربي يهدينا ويصلح احوالنا
احتي يعطيك الصحة على موضوعك
دمتي في رعاية الله وحفظه ​

وعليكم السلام اخيتي
فعلا كلامك صحيح هذي الظاهرة ماولاتش مقتصرة غير
على الاولاد ولكن عند البنات الصغار ثاني
ربي يهدينا
وبارك الله فيك على مرورك العطر
تقبلي تحيتي :regards01:

 

[daisy87]

رد: العنف اللفظي

الله غالب
هذا الشي محسوب على الوالدين الي ماعلموش ولادهم على الطريق الصحيح
وعلى اصحاب السوء وتاني يقلدو في لولاد الكبار
ربي يهدي
يعطيك الصحة على الموضوع
دمتي في رعاية الله

شكرا على مرورك اخيتي
بارك الله فيك
تقبلي تحيتي:regards01:

 

[daisy87]

رد: العنف اللفظي

والله الوالدين يربو ويتعبو لكن الزنقة صعيبة اما بالنسبة للام التي تسمع وتضحك راح يجي نهار يضحكو عليها وهي تبدا تبكي ويمكن يبدا بها هي الاولى لخطرش الاطفال نعمة يعطيهم لك ربي ويحاسبك عليهم فقط نقول ياربي تستر اولادنا المسلمين

شكرا على مرورك الطيب
تقبلي تحيتي

 

[daisy87]

رد: العنف اللفظي

السّلام عليكم غاليتي
ان شاء الله راكي لاباس؟؟
موضوعك جميل حبيبتي ونحييك عليه , بالرغم من انو عندو مدة طويلة من لي ظهر بصح الآثار تاعو كبيرة
خاطر لما تشوف طفل كبير يسب ويشتم ويقول في الكلام الفاحش اعرف بلي تربى على هاد الشي من الصغر
كاين لي يتحجج ويقولك راهو تعلم من الشارع, بصح الناس كامل تخرج للشارع ماش غير ولدك
بصح كاين لي لسانو نظيف ولي لسانو موسخ حاشاك

نشفى عليها واحد الاسبوع هكاك ولا كتر هبطت لعند جداتي وحنا طالعين في الباطيما انا وماما وختي
حتى نلقاو زوج ولاد , الأول عمرو 18 هكاك و التاني 10 سنين, كي شافونا طالعين بدا لكبير يستفز في الصغير مكرا
حتى ولا الصغير هاداك ينطق في الكلام الفاسد وقليل الحيا صدقني غمضت عينيا واستغفرت, وهكاك بقا يعاود فيها مرة وزوج وتلاتة , حتى قاتلو ماما احشم واتربى رانا 3 نسا قدامك معديين ونتوما لا حشمة ولا حيا ولا تربية , والله عيب كبير

تكون مع عايلتك حتى تسمع مالا يرضيك, ولاد في عمرهم 5 سنين كيما قلتيها مازال حتى مايعرفش يقول بابا وماما
بصح كلام العيب والفساد يعرفو, مرة دارو سبر للآراء وسقساو على الكلام الفاحش والسبب تاعو
وبداو الشباب هادوك يتفلسفو وهوما نفسهم بالاك يقولو الكلام الفاحش, اتخيلي واحد قالو نروح للدار نلقى المشاكل والفقر نولي نهرب برا ونبات في الشارع ونردها على الكلام هاداك هههههه يعني ربي رزقك بالفقر , ونقولها ونعاودها "رزقك بالفقر"
المال رزق والفقر رزق, تولي تخرج الفقر هاداك في كلام العيب و تكفر على لي خلقك؟؟ علاه ماش كي لفحل تروح تتوضا وتصلي زوج ركعات لربي يفرج عليك خير من الكلام الفاسد لي تتفاخر بيه

خاطر درك ولاا لكلام الفاسد تعبير عن الرجولة حبيبتي, تخرج الخماج حاشاك من فمك تسما راجل ؟؟ والله هادو معوقين ذهنيا بالنسبة ليا
انا نعرف وحدة من العائلة ولدها صغير عمرو 10 سنين بالاك تقابد مع طفلة قاتلو يماه "قولها الكلام الفاحش باه تسكت خاطر نتا راجل والراجل هاهو واش يهدر"

الله يبارك على التربية تاعنا الباهية , هوما معوجين وزادو تعوجو

المهم نحبس هنا علابالي كترت الهدرة
رب ييحفظك على الموضوع حبيبتي وان شاء الله مزيد من التوفيق

تقبلي مروري
​

وعليكم السلام
انا لاباس الحمد لله
شكرا ليك حبيبتي :love01:
فعلا الظاهرة هاذي عندها مدة طويلة وكيما
قلتي كانهم قاصدين يستفزوك باش تتكلمي
وعمرو ماكان الكلام البذئ علامة على الرجولة بصح واش نقولو غير
ربي يهدينا ويهديهم
شكرا على مرورك الرائع وشكرا لاثراء الموضوع
وتعجبيني كي تكثري الهدرة ههههه

 

[daisy87]

رد: العنف اللفظي

السلاام اهلا اختي ومرحبا بيك في الركن اللي راه فيه ساركيلاسيون كبيرة
العنف اللفظي يعتمد على طبيعة المحيط اللي عايش فيه الطفل تلقى الوالدين يربو مي الشارع يفرض رايو او حتى المدرسة اللي يتعلم فيها الطفل من صحابو
وهنا لازم الوالدين يحرصو على اولاادهم وحاجة اخرى تصيبي ابناء المدن الكبرى اشر من ابنااء القرى والمدااشر
والسب والشتم اذا سمعو الطفل من الام نتاعو او الاب هاذيك الكارثة
واحسن وسيلة لتجنيب الاولاد السب والشتم هي تحفيظهم للقرآن ربي

يهدينا​

ويحفظ اخواننا وابنائنا​

وعليكم السلام اخي حكيم
عندك حق في كل شيء قلتو
ربي يقدر الخير
وشكرا على مرورك العطر
تحيتي:regards01:

 

[daisy87]

رد: العنف اللفظي

سلااااام أختي في الله بالفعل عندك حق في كل كلمة قلتيها رانا في وحد الوقت وين الفاهيم انقلبت رأس على عقب :sيعني ممكن تصيبي تصرفات ما عندها حتى علاقة بالقيم والأخلاق والناس يقولو يعطيك الصحة واش نديرو في مجتمع وين الإعجاب للدناءة والسخرية للأخلاق :-oواش نقولو من غير ربي يصلح لحوال موضوع جدير بالإهتمام :up:إ ن شاء الله تصيبي مزيد من التفاعل تقبلي مروري مع تحياتي

وعليكم السلام اخيتي
امين يارب ربي يهدينا ويصلح احوالنا
شكرا على تفاعلك
وبارك الله فيك على مرورك العطر
تحيتي

 

[daisy87]

رد: العنف اللفظي

اهلين عزيزتي نورتي القسم بموضوعك..لا يختلف اثنان ان التربية تبدأ من البيت وان اساس شخصية الطفل يبنيه والداه..
فان كان الاساس متينا او هشا فانه سيعطي ثماره...
وقد يذهب ” الفاشلون” الى ان هناك حاجز امام تربيتهم لاولادهم وهو ” الشارع” لكن حسب ظني ان متانة الاساس ستقف امام تلك العوائقصحيح ان ابنك سيخرج للشارع ويلتقي. اصنافا من الرفقة بصالحها وطالحها لكن اين هو من تربيتك انت واين تأثيرهم ” اللحظي” من تأثيرك ” الدائم”؟؟
الن يرجع الطفل الى بيته بعد تجوله في الشارع؟ الم يتعلم منك ” الصحيح” والخطأ؟؟
فعلا الوالدان اساس كل شيء. فماذا نتوقع من والد يشتم زوجته امام اولادها؟ او يشتم جاره او اقرباؤه امامهم؟ وماذا نتوقع من بنت ترافق امها الى مجالس النسوة؟ واخرى تتفرج امام بناتها افلاما ومسليلات ماجنة؟ واخرى تمشي بنصف اثوابها وكومة مساحيقها امام صغيرتها؟ كيف سنخرج جيلا من هكذا اآباء.......
سواءا كان العنف لفظيا او جسديا فان عواقبه على الابناء وخيمة...تصدقينني ان قلت انني حين درست يوما في الابتدائي رأيت هكذا عينات والله ليندى لها الجبين...لم الم الصغار فالاكيد انهم كالصفحة البيضاء نكتب فيها نحن الكبار مانشاء لكن لمت المجتمع اولا كون اننا صرنا نرى العجب العجاب خارجا...
الى حين مرة زارني ولي تلميذ فرأيت ” قبح الالسنة” فطردته واذا به يتخاصم مع المدير فيسمعه مالا يعقل... ومرة التقيت بطفلة صغيرة مع امها فاصتدمنا على اعتبة الباب صدفة فتصوري لفظ البنت.....وامها حين ضحكت لها ؟؟ تصوري انني وقفت وفاهي مفتوح على كلامها وموقف امها؟؟ قلت لها اسمحيلي يا بنتي انا الغالطة فزادت امها ضحكا؟؟ هنا تيقنت اننا صرنا نحن الجهلة وليسوا هم...

وبيك اهلا القسم منور بصحابو
كلامك صحيح مئة بالمئة ولينا عايشين في وقت غريب ربي يستر برك
شكرا على اثراء الموضوع بكلامك الرائع وشكرا على مرورك الاروع
تقبلي تحيتي