اكبر مخاوفي ؟

[bilel milano]

السلام عليكم

الناس كامل عندها مخاوف من الماضي من المستقبل

من الظلام والقائمة تطول وكل واحد كيفاه

ومكانش لي مهوش حاب يتنحالو الخوف

و يقلك اول خطوة باه تروح مخاوفك لازم تعترف بيها

وانا درت ليكم الموضوع باه تحكولنا على اكبر مخاوفكم

وباه يكون الموضوع هادف راح يحاول الاعضاء يساعدوه

بلاك تلقى الحل عند احد الاعضاء

بدون اطالة الفكرة واضحة في انتظار تفاعلكم

تحياتي

:regards01:​

 

[بنت الـ25]

رد: اكبر مخاوفي ؟

فكرة ممتازة أخي بلال
أنا أكبر مخاوفي نموت قبل ما نحس بلي ربي راضي عليا
نموت وانا خايفة نكون من أهل النار
هادي هي أكثر حاجة نخاف منها
​

 

[bilel milano]

رد: اكبر مخاوفي ؟

شكرا على الاعتماد
اختي للاسف قليل الناس لي تخاف من لقاء الله
اسعدني ردك كثيرا
كما اثر في ردك كثيرا
ان شاء الله راح نكونو من اهل الجنة
المهم الانسان يسعى بنية صافية وديما يدير في بالو انو مهوش راح يخلد في الارض
موفقة اختي
تحياتي
:regards01:​

 

[نجيب]

رد: اكبر مخاوفي ؟

يراودني شعور بأنني ظلمت شخص

مع اني كنت جد مقتنع بأنني فعلت الصواب بأخد هد القرار في حق هدا الشخص

لاكن في بعض المرات ينتابني شعور بأنني قد قسوت عليه و ظلمته .

أسأل الله تعالى أن لا أكون من الظالمين .


شكرا على الفكرة أخي بلال ​

 

[bilel milano]

رد: اكبر مخاوفي ؟

اخي راقت لي صراحتك
ولقد قمت بالصواب لانك مقتنع بالعمل الذي قمت به
ما عليك الان سوى ان تدعو له في ظهر الغيب
مشكور على المتابعة
تحياتي​

 

[السلطانة]

رد: اكبر مخاوفي ؟

وعليكم السلام

نخاف نقيس الناس لي نحبهم
ونخاف من سوء الخاتمة

ان شاء الله ربي يرزقنا حسن الخاتمة

 

[لؤلؤة قسنطينة]

رد: اكبر مخاوفي ؟

السّلام عليكم
بارك الله فيك اخي على الموضوع
انا عندي نفس إحساس حبيبتي بنت ال25
نخاف من الموت وواش كاين ورا الموت
ونخاف لا يكون مقامي ماش مليح
هادي من أكبر مخاوفي
رايحة نزيد نفكر ونرجعلك ان شاء الله ^^
تقبل مروري
​

 

[ضآحكة مستبشرة]

رد: اكبر مخاوفي ؟

اكبر مخآوفي
اخآف اني قد جرحت ذلكـ الشخص الذي كانت هو الوردة و انا كنت اشواكهآ​

 

[Salam Fleur]

رد: اكبر مخاوفي ؟

انا اكبر مخاوفي اني نفقد انسان راه كلشي في حياتي ....... ربي بعثهولي بعد سنوات من الوحدة .......

ربي يخليه ليا و مايفرقنيش عليه ... و تكون ساعتنا واحدة ......​

 

[bilel milano]

رد: اكبر مخاوفي ؟

اسعدني مروركم كثيرا
كما امنى ان يساند الجميع بعضه البعض اي لكل من له نصيحة لشخص فاليقدمها
وجعلها الله في ميزان حسناتكم ان شاء الله
تحياتي​

 

[{مُدَلَّلَتُهُ}]

رد: اكبر مخاوفي ؟

السلام عليكم و رحمة الله و بركاته

بارك الله فيك أخي على الموضوع

أكبر مخاوفي كيما الأخت بنت الـ 25 . .. ربي يرزقنا حسن الخاتمةو يجعلنا من أهل الجنة

أكبر مخاوفي نفقد الناس الي نبغيهم و نعزهم و على رأسهم والديا ربي يخليهملي و يحفظهم من كل شر

أكبر مخاوفي نظلم ناس بقرار اتخذته ... أو بفعل خارج عن نطاق إرادتي


​

 

[Hakan]

رد: اكبر مخاوفي ؟

اكبر مخاوفي
ندخل للجنة ما نلقااش حبابي
او ندخل لجهنم ونلقااهم معاياا ان شااء الله ما نشوفهم في جهنم..​

 

[وردة النرجس]

رد: اكبر مخاوفي ؟

اكبر مخاوفي ان ياتي يوم اندم فيه على قرار اتخذته....

 

[عاشقة الكرة]

رد: اكبر مخاوفي ؟

مشكور اخي والله أكبر مخاوفي هي الموت قبل رضا ربي منيش خايفة من الموت قد ماراني خايفة من غضب ربي ....هذا الخوف يراودني كل يوم ومنقدرش نفوت نهار بلا مانخمم آسكو ربي راضي عليا و لا لا...وشكرا على طرح هذه المساحة أخي...تقبل مروري

 

[Malika Tlm]

رد: اكبر مخاوفي ؟

السلام عليكم
بارك الله فيك اخي علي الفكرة الممتازة
حبيت نقدم نصيحة تفيدنا كامل الخوف من الموت
لالا من احب لقاء الله احب الله لقائه
وحنا نخدموها مليحة بربي ان شاء الله نلقاوها مليحة

من حقنا نخافو بصح نخافو يلا قصرنا فحق او فرض
فرضو ربي علينا وحنا نخدمو ونتوكلو علي ربي
ويارب يارب نكونوا جميعا مع سيدنا محمد
صلي الله عليه وسلم
وراح نرجعلكم نحكيلكم علي مخاوفي تقبلو مروري

 

[أمنياتي]

رد: اكبر مخاوفي ؟

انا عندي خوف غريب شويه ، أخاف من التصريح بالأشياء اللي اخاف منها يعني اذا خفت من شيء لاأقول أني خائفه منه .
يعني نخاف نقول منين راني خايفه يجيني احساس اني اذا صرحت بالشيء الذي أخافه يقع فعلا يعني مخاوفي لاأصرح بها لأحد

 

[أم أُنٌَيسة]

رد: اكبر مخاوفي ؟

السلام عليكم و رحمة الله تعالى و بركاته
بارك الله فيك و جزاك خيرا أخي بلال دمت متميزا و دام تميزك أخي الكريم
كما قالت الأخت بنت ال25
أكبر مخاوفي نموت قبل ما نحس بلي ربي راضي عليا
نموت وانا خايفة نكون من أهل النار
هادي هي أكثر حاجة نخاف منها
​

 

[Perle Blanche]

رد: اكبر مخاوفي ؟

السلام عليكم
الصلاة و السلام عليك حبيبي يا رسول الله
أكبر مخاوفي حقاا هو فقدان أغلى ناس في حياتي حاجة منخممش فيها مي ساكنة في اعماق قلبي يعني في حاجة صغيرة بلاك في مرض نحس روحي اضعف وحدة في هاذ الدنيااا_والديا_ربي يطول في عمرهم
​

 

[ملكة الكبرياء]

رد: اكبر مخاوفي ؟

ولله مخوفي كثير وكبير
اولا واهم شيئ الجوف من الموت وربي موش رضي عليا
نخاف نفقد اعز الناس علي قلبي وسورتو ولديا
نخاف من المستقبل واواش راه يسنا فيا
ونخاف من حجا وسمها افعا لشتات اسمها نخاف يتدكر توالي

 

[♫الباحثة عن الحظ♫]

رد: اكبر مخاوفي ؟

اكمبر مخاوفي نفقد امي بعد ما فقدت ابي فجاة
​