شعور العودة الى مقاعد الدراسة

[souma samsouma]

سلام الى الجميع انشاءالله تكونو كامل بخير وخاصة مع الدخول المدرسي
ايه كل واحد يحكيلنا كيفاه حس واش تبدل واش متبدلش التلاميذ والاساتذة ؟؟؟؟
انا اول عام ميعجبنيش اول حاجة لازم تسلم على كامل الناس لخاطر عندك 3 اشهر ماشفوكش انا هدا وشنو نكره
زاد جانا استاذ تاع العام ليفات تاع الرياضيات نكرهوه للاسففف
و قسمنا مقابل الرقابة هههه معناها منقدروش كامل نخرجو ههههههه:-o
و لحاجة لي عجبتني بزاف التلاميذ لي قرينا لعام ليفات جينا مع بعضانا صافي تكون لومبيونس ههه:thumb_up02:
والاساتذة تاع لعام لي فات لي نحبوه طلعو معانا حاجة مليحة لخاطر والفنا بيهم بزاف ونتفاهمو معاهم :up:
انا شخصيا يعجبوني تاع الابتدائي براءة صح تحسهم في اشتياق للمدرسة ووااو احن للطفولة والمئزر الوردي

لكن لازم نشكرو ربي على هذي النعمة وشنو نقولو على اخوانا في فلسطين وسوريا هم يتحدون الصعاب بابتسامة في وجه الاحتلال والحرب

المهم بدون اطالة ربي يوفقنا ويوفق جميع المسلمين ونتمني عام حافل بالنجحات لكل التلاميذ :graduation:
​

 

[لؤلؤة قسنطينة]

رد: شعور العودة الى مقاعد الدراسة

تم الإعتماد ^^
ولي عودة بإذن الله للرد غاليتي
بالتوفيق
​

 

[souma samsouma]

رد: شعور العودة الى مقاعد الدراسة

شكرا عزيزتي على المرور الطيب

 

[السلطانة]

رد: شعور العودة الى مقاعد الدراسة

وعليكم السلام شعور رائع


راح تحنو ليه كي تكملو قرايتكم بعد سنوات


كي شفت صباح التلاميذ راييحين للقراية تفكرت روحي زمان


وان شاا ءلله ربي يفك كرب اخواننا في سوريا وفلسطين

 

[souma samsouma]

رد: شعور العودة الى مقاعد الدراسة

انشاءالله ياربي والله صباح انا رايحة جاو في بالي مساكن ربي يعينهم

 

[lemia23]

رد: شعور العودة الى مقاعد الدراسة

سلام
والله رحت نخدم الصباح والتلاميذ الصغار يا عمري
رووووووووووووووووعة خلاه فارحين بالقراية زعمة
وحوايجهم جدد والله غير فكروني كي كنت صغيرة
ربي يوفقهم هاد العام يا ربي
وربي يكون في غون خاوتنا السوريين والفلسطينين يا رب

 

[لؤلؤة قسنطينة]

رد: شعور العودة الى مقاعد الدراسة

السّلام عليكم
عودة طيبة حبيبتي ^^
و الله كيما قالت ختي ساندريلا ليوم وانا خارجة شفت لولاد الصغار رايحين يقراو ومتجمعين قدام المدارس
والله سخفوني ههههه خاصة بالملابس هادوك وبالطابلية الزرقاء والوردية
وتبقى دائما ذكريات جميلة لا تعوّض
سواءاً في شراء الأدوات المدرسية ولا القش الجديد
كل شي عندو حلاوتو
ربي يوفق الجميع ان شاء الله
وان شاء الله تكون سنة دراسية مميزة وينجح فيها كل متمدرس وكل طالب

وان شاء الله ربي يفرج على كل دولة مسلمة محتلة
لأنهم ماش قاعدين يحسو بطعم الدراسة ولا الأفراح ولا اي حاجة

ربي يهني الجميع وبالتوفيق غاليتي في قرايتي ^^
وماتعدبيش بزااف الأستاذة :d

تقبلي مروري​

 

[بنت الصحراء08]

رد: شعور العودة الى مقاعد الدراسة

اليوم حقيقة كرهت حياتي هاد اول يوم ليا فالثانوية ملقيتش اي واحد من رفقة السوء تاعي ه‍هههههههههههه‍ه ريحت حدا وحدة منعرفهاش هادا بعد رحلة البحث الطويلة عن الاقسام للي معرفناش وين راهي قرينا ساعة مدولنا فيها استعمال الزمن للي مشارجي بزاف من8حتى12ومن,30 .1حتى ل5.30 وبعدها خرجنا لخطرش الاساتذة مجاوش الحمد لله ه‍ههههههههههههه
يارب يكون نهاركم خير من نهاري

 

[souma samsouma]

رد: شعور العودة الى مقاعد الدراسة

السّلام عليكم
عودة طيبة حبيبتي ^^
و الله كيما قالت ختي ساندريلا ليوم وانا خارجة شفت لولاد الصغار رايحين يقراو ومتجمعين قدام المدارس
والله سخفوني ههههه خاصة بالملابس هادوك وبالطابلية الزرقاء والوردية
وتبقى دائما ذكريات جميلة لا تعوّض
سواءاً في شراء الأدوات المدرسية ولا القش الجديد
كل شي عندو حلاوتو
ربي يوفق الجميع ان شاء الله
وان شاء الله تكون سنة دراسية مميزة وينجح فيها كل متمدرس وكل طالب

وان شاء الله ربي يفرج على كل دولة مسلمة محتلة
لأنهم ماش قاعدين يحسو بطعم الدراسة ولا الأفراح ولا اي حاجة

ربي يهني الجميع وبالتوفيق غاليتي في قرايتي ^^
وماتعدبيش بزااف الأستاذة :d

تقبلي مروري
سلام لعزيزة
ههههه لالا انا مشاغبة بصح نجيبة خارقة للعادة مالفين القرايين يكونو عاقلين ويخافو انا كتشوفيني نبانلك عادي بصح مظاهر خداعة
​

 

[oumaima m]

رد: شعور العودة الى مقاعد الدراسة

السلام عليكم

ايه هذا هو موضوع الساعة الدخول المدرسي

انا ماكنتش رايحة مي صحاباتي عيطولي رحت على العشرة سماطة

مانيش في القسم تاع العام الماضي

يعني مانيش مع ليمام زامي

ان شاء الله نتعود


​

 

[حمزةusma]

رد: شعور العودة الى مقاعد الدراسة

بالتوفيق للجميع
شكرا لك على الطرح المميز

 

[daisy87]

رد: شعور العودة الى مقاعد الدراسة

عودة ميمونة وبالتوفيق للجميع تلاميذ كانوا او أساتذة
وربي يكون مع اطفالنا واخواننا في فلسطين و سوريا

 

[souma samsouma]

رد: شعور العودة الى مقاعد الدراسة

انشاءالله يا رب

 

[ام أمينة]

رد: شعور العودة الى مقاعد الدراسة

ربي يوفقهم و ينجحهم وان شاء الله ربي يفك كربهم
​

 

[مفخرة الجزائر]

رد: شعور العودة الى مقاعد الدراسة

السلام عليكم
أنايا ضرك فت الطور الثانوي وانتقلت للجامعي
بصح ما تتصوريش قداه حابة نرجع لليسي ونقرا فيه
بنة النهار الاول وحدها
وربي يفرج على المسلمين كامل
تقبلي مروري
​

 

[souma samsouma]

رد: شعور العودة الى مقاعد الدراسة

[FONT=&quot]اسعد الله قلوبكم وامتعها بالخير دوماً[/FONT]
[FONT=&quot]أسعدني كثيرا مروركم وتعطيركم هذه الصفحه[/FONT]
[FONT=&quot]وردكم المفعم بالحب والعطاء[/FONT]
[FONT=&quot]دمت[/FONT]
[FONT=&quot]بخير وعافية[/FONT]

 

[Yayan]

رد: شعور العودة الى مقاعد الدراسة

هذا اول عام ليا ف الليسي سامط ييقتل واش رح نقلك وزاد الاساتذه معلابالهمش بينا لا يقرّوا لا والو يجوا يتفلسفوا علينا والطابليه والكراس والكتاب والحضور و مبعدا يضربوا هدرتهم عرض الحائط وزاد مانيش موالفه بالجو والتلاميذ ما عجبني والو سااامط
ان شاء الله مع الوقت نوالف مع ان السمانه رح تفض وانا على نفس الحال مزال ماوالفتش حاسه راني ف "الغربه" موالفه بالسيام الدلال و كلشي بصح الليسي اهماال تام واحد لا علابالو بلاخر وانا حابه زعما اساتذه يهتموا بينا ، النهار الاول يهفوك يقولك لازملنا الانضباط والقرايه ومبعدا ما يبان والو قعدوا كي الهم استغفر الله ربي يكون ف العون برك
​

 

[souma samsouma]

رد: شعور العودة الى مقاعد الدراسة

انشاءالله ياربي