الله يستركم عاونوني

[sousou abrous]

انا سنة العام الاول تاعي او درت علوم اقتصادية و التسيير و علوم تجارية كي كنت في الثانوي شعبة علوم او قالولي صعيبة عليا svp svp قولولي واش الي صعيب. فيدوني بمعلومات على هاد la branche ربي يحفظكم و يجازيكم

 

[Hakan]

رد: الله يستركم عاونوني

السلاام عليكم
علوم تجاارية وكنتي تقرااي علوم تجريبية في الثاانوية
يااختي ماكانش اللي يخلعك
كلية الاقتصااد درووسها او تخصصها سااهل مااهل
مافيهش حواايج كباار
يحتاج برك
تكوني مليحة في الرياضيات
لانو رايحة تقراي الاحصااء واشيااء تتعلق بالحسااب
بالتوفيق ختي
ومنا وجااي ما تسقسيش النااس الفااشلين ماشي وااحد جاتو صعيبة لازم يصعبها على الغااشي كاامل سلاام..​

 

[لؤلؤة قسنطينة]

رد: الله يستركم عاونوني

السّلام عليكم
نوافق خويا حكيم في كلامو
مالا نقولك حاجة لي ماجور عندنا في كلية العلوم الإقتصادية والتجارية نصهم من العلمي
خاصة السنة الأولى تجيهم ساهلة
واشوا نعارض الأخ حكيم برك كي قال سهلة , يعني ماش واعرة وماش ساهلة لازم تقراي باه تلحقي
واذا عندك اي مشاكل واي اسئلة راني هنا نعاونك ونقولك مثلا على الشعب لي كاينة
خاطر هادا اختصاصي وربما نقدر نعاونك شوي
وبالتوفيق حبيبتي ​

 

[sousou abrous]

رد: الله يستركم عاونوني

يعتيكم الصحة خاوتي طلعتولي لمورال ربي يحفظكم

 

[لؤلؤة قسنطينة]

رد: الله يستركم عاونوني

يعتيكم الصحة خاوتي طلعتولي لمورال ربي يحفظكم

بلا مزية حبيبتي
واذا اي استفسارات او مشاكل تقدري تسأليني هنا ولا على الخاص الشي لي يريحك وان شاء الله نعاونك بلي نقدر عليه
بالتوفيق​

 

[Nilüfer]

رد: الله يستركم عاونوني

السلام عليكم

لا اختي بالعكس

انا تاني كنت علوم تجريبية ودرت علوم اقتصادية فالجامعة والحمد لله

ما تخافي ما والو انتي عندك فرصة اكبر انك تتفوقي خاصة فالرياضيات والاعلام الآلي وتاني المواد اللي تعتمد على الحسابات مثل الاحصاء

توكلي على ربي وما تخافيش هاد المجال ماهوش صعيب بزاف واذا عندك اي سؤال قوليلي على اي موديل وان شاء الله نفيدك
​

 

[sousou abrous]

رد: الله يستركم عاونوني

Ya3tik saha khti ravi yfarhak o yhanik djazaki allah khayr

 

[رضاك ربي]

رد: الله يستركم عاونوني

السلام عليكم ورحمة الله
اولا عليك بالتوكل على الله والاستعانة به
ثانيا علوم اقتصادية وتجارية وتسيير يعتمد على الفهم وليس الحفظ واذا كنت فاهمة الرياضيات كل شيء ان شاء الله يسهال وهي عبارة على قوانين ومفاهيم محاسبية واقتصادية وتحليلية المهم افهم القانون والنص قبل كل شيء

 

[ريحـان]

رد: الله يستركم عاونوني

الحمد الله انا درتها وراني لاقيا فيها روحي
ما شي صعيبة برك يليق تقراي وثاني ما كاين حاجة
في الدنيا ساهلة