- إنضم
- 22 ديسمبر 2013
- المشاركات
- 6,448
- نقاط التفاعل
- 19,725
- النقاط
- 651
- محل الإقامة
- تلمسان...الجزائر
- الجنس
- أنثى
السلام عليكم
هادا زمان ما حطيتش موضوع هنا و اليوم لؤلؤة قسنطينة شجعتني باش ندير موضوع عبر المسابقة
انا كي شفت محتوى المسابقة تفكرت شحال من حاجة صراتلي و بينتلي انو ما زال الخير في بلادي رايحة نحكيلكم اهم واحدة فيهم
في الصيف لي فات كنا طالعين لهضبة لالة ستي باش نسهرو و نشمو شويا هوا بارد و نقي
تعشينا في الدار وخرجنا كانت ل 11 و نص نتع الليل و رايحين و الدراري فرحانين و النشاط و الضحك مرة واحدة حبست السيارة نتاعنا و الكارثة انها حبست في مكان شبه خالي
انا قلبي قريب حبس سكتنا كامل الضحك تحول الى صمت رهيب كلنا خايفين و زوجي يضحك معانا و يقسر باش ما نخافوش و يقول لنا ما كان والو ماكان لاه تخافو درك نسقمو السيارة و نروحو
هاكداك و هاكداك و حنا نستناو و انا قريب نموت في بلاصتي
مرت علينا شحال من سيارة و حتى واحد ما توقف حنى جات سيارة راكبها شاب يكون في 28 من العمر تقريبا حبس السيارة نتاعو وانا في هاديك الساعة زاد الخوف نتاعي قلت هدا اكيد راه جاي يعتدي علينا وانا عقلي مع راجلي وولادي و خصوصا بينتي
المهم جا سقسى زوجي واش عندك قالو ها واش كاين و فهم المشكل وين راه
كان الشاب في كامل اناقته لبسة و حطة و كامل هاد الشي ما منعوش باش يمد يد العون و كان باين وليد فاميليا و هدا لي خلاني نطمئن من جيهتو
و الله والله خدم مع زوجي اليد في اليد ووسخ يديه ووقف معانا حتى لي تسقمت السيارة و هو يعمل في فندق رونيسانس و هما يتصلو بيه و يعاودو والله ما خلاناش حتى ناضت السيارة و رحنا باش هو تاني راح
حتى للدرك نقول الله يرحم والديه لي رباوه و بارك الله فيه و جازاه الله خير الجزاء وكل مرة نتفكر هداك النهار والله ندعيلو من قلبي لاخاطر كنا في حصلة كبيرة وهو سلكنا ربي يسلكو دنيا و آخرة وهدا يبين ان الشباب نتاعنا مازال فيه الخير :regards01::up:
هادا زمان ما حطيتش موضوع هنا و اليوم لؤلؤة قسنطينة شجعتني باش ندير موضوع عبر المسابقة
انا كي شفت محتوى المسابقة تفكرت شحال من حاجة صراتلي و بينتلي انو ما زال الخير في بلادي رايحة نحكيلكم اهم واحدة فيهم
في الصيف لي فات كنا طالعين لهضبة لالة ستي باش نسهرو و نشمو شويا هوا بارد و نقي
تعشينا في الدار وخرجنا كانت ل 11 و نص نتع الليل و رايحين و الدراري فرحانين و النشاط و الضحك مرة واحدة حبست السيارة نتاعنا و الكارثة انها حبست في مكان شبه خالي
انا قلبي قريب حبس سكتنا كامل الضحك تحول الى صمت رهيب كلنا خايفين و زوجي يضحك معانا و يقسر باش ما نخافوش و يقول لنا ما كان والو ماكان لاه تخافو درك نسقمو السيارة و نروحو
هاكداك و هاكداك و حنا نستناو و انا قريب نموت في بلاصتي
مرت علينا شحال من سيارة و حتى واحد ما توقف حنى جات سيارة راكبها شاب يكون في 28 من العمر تقريبا حبس السيارة نتاعو وانا في هاديك الساعة زاد الخوف نتاعي قلت هدا اكيد راه جاي يعتدي علينا وانا عقلي مع راجلي وولادي و خصوصا بينتي
المهم جا سقسى زوجي واش عندك قالو ها واش كاين و فهم المشكل وين راه
كان الشاب في كامل اناقته لبسة و حطة و كامل هاد الشي ما منعوش باش يمد يد العون و كان باين وليد فاميليا و هدا لي خلاني نطمئن من جيهتو
و الله والله خدم مع زوجي اليد في اليد ووسخ يديه ووقف معانا حتى لي تسقمت السيارة و هو يعمل في فندق رونيسانس و هما يتصلو بيه و يعاودو والله ما خلاناش حتى ناضت السيارة و رحنا باش هو تاني راح
حتى للدرك نقول الله يرحم والديه لي رباوه و بارك الله فيه و جازاه الله خير الجزاء وكل مرة نتفكر هداك النهار والله ندعيلو من قلبي لاخاطر كنا في حصلة كبيرة وهو سلكنا ربي يسلكو دنيا و آخرة وهدا يبين ان الشباب نتاعنا مازال فيه الخير :regards01::up:
