ممكن مساعدة

[اسيل17]

السلام عليكم و رحمة الله

انا الشهر الي فات اجتني الدورة و عملت تحاليل دم و طلع معي ارتفاع في هرمون الحليب بنسبة 40 . رحت عند الطبيب و عطاني حبوب بارلودل اشرب نص في اليومين الاولى وبعدين حبة صباح وحبة مساء و شربت كلوميد لمدة 5 ايام وحبوب بروجينوفا و حبوب دوفاستون من اليوم 16 الى اليوم 25 حبتين في اليوم .
انا اليوم عندي 27 من الدورة و عندي الام حادة مثل الام الدورة تجي ة تروح . وكمان كثرة الافرازات مع الام في الجهة اليمنى . ارجوكي يا دكتورة تساعديني و طمنيني ممكن يحدث حمل في هذا الشهر ام لا وهل ممكن اجراء تحليل منزلي اليوم . و شكراااااا

 

[نبض الحياة]

رد: ممكن مساعدة

السلام عليكم ورحمة الله وبركاته
( اسيل اعتقد انك الاخت التي تاخرت عليها المرة الماضية في الاجابة على سؤالك فعذرا غاليتي كان عندي انقطاع في النت )
ربي يشفيك حبيبتي ويرزقك ذرية صالحة معافاة في القريب العاجل يا رب
بالنسبة لحالتك مع الدواء اللي تشربيه اعتقد انو عندك كيس ممكن في المبيض الايمن واللي هو سبب الآلام
او ممكن تعدد الاكياس الامر اللي سببلك ارتفاع في هرمون الحليب
اليوم 27 حبيبتي مازالك بعبدة نوعا ما على التاست
لانو الدورة العادية فيها 28 وفي حالة تاخر تصبري مدة 3 او 5 ايام على الاقل عاد وتعملي التاست حتى تتاكدي
لانو حاليا اذا عملتيه اكيد النتيجة رايحة تكون سلبية وتقلقي روحك باطل
والله سبب الوجع بالضبط ما نقدر نقولك واش هو
اوموان ايكو حتى نعرفو واش كاين الداخل
مرت عليا حالة مشابهة لحالتك مع الآلام لكن كان سببها الكيس فقط
لكن ليست بالضرورة حالتك
ان شاء الله امنيتي يكون حمل وربي يفرحك
واذا نزلت الدورة تبعي دواك وكملي علاجك
لانو اذا ما حبطش هرمون الحليب نسبة ضئيلة يحصل فيها الحمل
لانه تقريبا يبلوكي الاباضة
ربي يفرحك غاليتي
وطمنيني عنك

 

[اسيل17]

رد: ممكن مساعدة

شكرا حبوبتي علا الرد السريع و المفيد . نسيت اقولك اني رحت عملت ايكو في اليوم 22 من الدورة و قال الطبيب عندي انتفاخ في المبيض الايمن بس ما قال شي عن الكيس والدورة عندي تجي كل 30 يوم منتظمة

 

[نبض الحياة]

رد: ممكن مساعدة

من بين اعراض الكيس حبيبتي انتفاخ في المبيض
لكن بما انو دورتك منتظمة ممكن في احتمالات اخرى
ما قالك اي شيء الطبيب
مثلا علاه مدلك دوفاستون وبروجينوفا

 

[اسيل17]

رد: ممكن مساعدة

ايه اختي لعزيزة هو عطاني هاد الأدوية غي باه تساعدني على الحمل ما قاليش gاع على الكيس و الله راني تقلقت كي قلتيلي كيس فهل هو مضر واش لازم ندير باه يروح. انا الشهر لي فات كان عندي حجم البويضة 13 في اليوم 26 من الدورة وقال لي الطبيب هرمون الحليب هو الي مخلاهاش تكبر وقال الانتفاخ سببه الكلوميد لي شربته. إن شاء الله تفهميني و شكراً حبيبتي و آسفة كثير هبلتك معايا

 

[مريم.]

رد: ممكن مساعدة

اختي فالله انا اعطيت دواء هرمون الحمل ومنشط المبايض ونصيحة لا تكتري كلوميد لانه يسبب الاكياس في المبيضين نصيحة مني اليكي

 

[نبض الحياة]

رد: ممكن مساعدة

ايه اختي لعزيزة هو عطاني هاد الأدوية غي باه تساعدني على الحمل ما قاليش gاع على الكيس و الله راني تقلقت كي قلتيلي كيس فهل هو مضر واش لازم ندير باه يروح. انا الشهر لي فات كان عندي حجم البويضة 13 في اليوم 26 من الدورة وقال لي الطبيب هرمون الحليب هو الي مخلاهاش تكبر وقال الانتفاخ سببه الكلوميد لي شربته. إن شاء الله تفهميني و شكراً حبيبتي و آسفة كثير هبلتك معايا

لا لا يا حبيبتي ما تنخلعيش برك
ماشي قتلك كيس يعني عندك كيس هههه
مجرد فرضية غاليتي ما تنخلعي ما والو
وانا حبيت نوصل للكلام اللي قالهلك الطبيب
خلاص مالا حبيبتي ماعليك شر
المهم حاليا لازم هرمون الحليب يهبط هاد هو المشكل
ان شاء الله يكون فيه حمل
وكيما قالت الاخت مريم هاد النوع من الادوية عبارة عن هرمونات الواحد مالازم يكثر منهم
فمثلا الكلوميد على ما اظن اذا لم تخني الذاكرة اذا استعمل لمدة 9 دورات ولم يجد نفعا يجب التوقف عن اخذه
ربي يفرحك غاليتي بعد ايام اذا تاخرت الدورة عن يوم 30 اعملي التاست وان شاء الله بشرى ليك ولينا يا رب
ملاحظة: حبوبتي الكيس ما يخوفش تاني هو بالدوا ويهبط ماشي حاجة كبيرة :d

 

[اسيل17]

رد: ممكن مساعدة

مشكورة اختي الغالية و جزاك الله خيرا على ردودك . أتمنى ربي يرزقني هاد الشهر ادعيو معايا ربي . و شكراً حبيبتي و أي جديد راني نقولك عليه

 

[نبض الحياة]

رد: ممكن مساعدة

العفو غاليتي ربي يبشرك بالخير
ويا رب يكون فيه حمل ان شاء الله
اكثري من الدعاء والاستغفار غاليتي

 

[اسيل17]

رد: ممكن مساعدة

حبيبتي الدكتورة . في هاد الأمسية تعبت شوية طلعت و نزلت مع الدروج بزاف راه عندي نغزات في اسفل البطن و خاصة في المبيض الأيمن و الام الدورة تجي وتروح و كثرة الافرازات البيضاء . واش يعني هذا وربي يجازيك

 

[نبض الحياة]

رد: ممكن مساعدة

سلامتك حبيبة
الافرازات مافيهاش رايحة ولا محرقة لالا؟

 

[اسيل17]

رد: ممكن مساعدة

لالا ما في اي شيء

 

[نبض الحياة]

رد: ممكن مساعدة

ان شاء الله حبيبتي ما يكون غير الخير يا رب
ممكن من انك تعبتي بزاف وتحركتي كثر
ويا رب تكون علامات بداية حمل ان شاء الله

 

[اسيل17]

رد: ممكن مساعدة

ان شاء الله و شكراااااااااااااااااااااااا

 

[نبض الحياة]

رد: ممكن مساعدة

العفو حبيبتي ماتنسيش تبشريني بالخير عن قريب ان شاء الله

 

[اسيل17]

رد: ممكن مساعدة

سلام يا دكتورة رجعت من جديد . اليوم عندي 30 من الدورة ولايوجد أي علامة من علامات الحيض بس نزلت مني إفرازات بيضاء مثل الجبن وأحيانا احس بألم اسفل البطن فما معنى هذا. انا آخر دورة كانت 23/8 .؟

 

[نبض الحياة]

رد: ممكن مساعدة

صباح النوار غاليتي كيفك؟
اممممم ان شاء الله تكون علامات حمل يا رب
هي من بين علاماته كثرة الإفرازات المهبلية لدى المراة وبعض الآلام وممكن قطرات دم ناتجة عن عملية التعشيش
ان شاء الله يكون حمل يا رب وليس امرا اخر
ربي يفرحك غاليتي
بعد ايام اذا تاخرت الدورة اكثر جربي التاست وان شاء الله يكون النتيجة ايجابية يا رب

 

[اسيل17]

رد: ممكن مساعدة

مشكورة دكتورة أن شاء الله يكون حمل انا كثير متوثرة

 

[نبض الحياة]

رد: ممكن مساعدة

حبيبتي ما تتقلقيش بزااف
وحاولي ما تحطي الامر في بالك كثير
وخليها على رب العالمين

 

[اسيل17]

رد: ممكن مساعدة

لحد الآن ما شرفت الدورة ممكن اعمل التاست اليوم في الليل ؟