السلام عليكم يا ناس اللمة الحلوين 
واش راكم إن شاء الله تمام ومبسوطين :up: اليوم ومن خلال ركن واش راك تهدر اللي دايما يعطينا الفرصة باش نهدرو على ظواهرمختلفة في المجتمع ديالنا وبلغتنا العامية باش توصل لكامل فئات المجتمع الجزائري حبيت نهدر على ظاهرة غريبة صادفتها في محطات مختلفة من حياتي واللي أثرت فيا لدرجة كبيرة بالزاف وخلاتني نتحسر بشكل كبير على حالة أمتنا أمة إقرأ وهي السخرية يعني التمسخير بالعلم وأهله لا حول ولا قوة إلا بالله يا ناس ولينا اللي يشوفوه يقرا كتاب ترانكيل في أمان الله يبداو يدحكو عليه ويقولولو منك صح راك تقرا نتا والله كافي(متخلف) لحقنا للزمان اللي قال عليه الرسول عليه الصلاة والسلام الرويبضة وهو الوقت اللي الجهال يحكمو في أصحاب العلم ويستهزاو بناس العلم يعني ولا العلم اللي هو نهضة المجتمعات ومشعل النور ليهم عندنا ماكاين والو :down: سبحان الله العظيم ولاو الناس يقبلو باش يمدو دراهم كبار على الماكلا واللبسة والطوموبيلات والحفلات بالصح باش يخمم يشارك في مشروع لبناء مكتبة مثلا ولا يساهم باش يشري كتاب ولا يدخل في حملات توعية لضرورة القراءة والمطالعة تجيه طياحة ولا حاجة هابطة ومع العلم باللي الهدف اللي حبو باش يوصلولو أعداء الإسلام راهم حققوه بنجاح باهر خلاو دول العالم الثالث وأكيد بما فيها بلادنا الغالية نهتمو بظواهر الأمور ونخليو الباطن واللي هوتزويد النفس بالعلم وتطهيرها من الخبائث صدقوني والله دارو إحصائيات في الآونة الأخيرة بلي إسرائيل راهم يحتلو المرتبة الأولى في العالم من حيث المطالعة يقرام ما يقارب 7 كتب في الأسبوع تخيلو تقديرهم للعلم مع أنهم هوما سبب دمار الشعوب وأحنا اللي رانا أمة إقرأ
واللي أول كلمة نزلت على رسولنا الكريم هي إقرأ رانا نستهزاو بالعلم والقيمة ديالو في الحياة نتاعنا مع الأسف الشديد وفي الأخير راني حابة نوجه نداء لكامل اللي ممكن يصادفهم هاد الموضوع البسيط اللي كتبتو ونقول حاولو تقراو ولو صفحتين كل يوم من أي كتاب تشوفوه مناسب ليكم لأن القليل من العلم شىء خطير ما بالك كي ينعدم كليتا وربي يهدينا إلى سواء السبيل إن شاء الله مع تحياتي ليكم :regards01: نتمنى الإعتماد أختي الغالية لؤلؤة ولك ألف شكر
واش راكم إن شاء الله تمام ومبسوطين :up: اليوم ومن خلال ركن واش راك تهدر اللي دايما يعطينا الفرصة باش نهدرو على ظواهرمختلفة في المجتمع ديالنا وبلغتنا العامية باش توصل لكامل فئات المجتمع الجزائري حبيت نهدر على ظاهرة غريبة صادفتها في محطات مختلفة من حياتي واللي أثرت فيا لدرجة كبيرة بالزاف وخلاتني نتحسر بشكل كبير على حالة أمتنا أمة إقرأ وهي السخرية يعني التمسخير بالعلم وأهله لا حول ولا قوة إلا بالله يا ناس ولينا اللي يشوفوه يقرا كتاب ترانكيل في أمان الله يبداو يدحكو عليه ويقولولو منك صح راك تقرا نتا والله كافي(متخلف) لحقنا للزمان اللي قال عليه الرسول عليه الصلاة والسلام الرويبضة وهو الوقت اللي الجهال يحكمو في أصحاب العلم ويستهزاو بناس العلم يعني ولا العلم اللي هو نهضة المجتمعات ومشعل النور ليهم عندنا ماكاين والو :down: سبحان الله العظيم ولاو الناس يقبلو باش يمدو دراهم كبار على الماكلا واللبسة والطوموبيلات والحفلات بالصح باش يخمم يشارك في مشروع لبناء مكتبة مثلا ولا يساهم باش يشري كتاب ولا يدخل في حملات توعية لضرورة القراءة والمطالعة تجيه طياحة ولا حاجة هابطة ومع العلم باللي الهدف اللي حبو باش يوصلولو أعداء الإسلام راهم حققوه بنجاح باهر خلاو دول العالم الثالث وأكيد بما فيها بلادنا الغالية نهتمو بظواهر الأمور ونخليو الباطن واللي هوتزويد النفس بالعلم وتطهيرها من الخبائث صدقوني والله دارو إحصائيات في الآونة الأخيرة بلي إسرائيل راهم يحتلو المرتبة الأولى في العالم من حيث المطالعة يقرام ما يقارب 7 كتب في الأسبوع تخيلو تقديرهم للعلم مع أنهم هوما سبب دمار الشعوب وأحنا اللي رانا أمة إقرأ واللي أول كلمة نزلت على رسولنا الكريم هي إقرأ رانا نستهزاو بالعلم والقيمة ديالو في الحياة نتاعنا مع الأسف الشديد وفي الأخير راني حابة نوجه نداء لكامل اللي ممكن يصادفهم هاد الموضوع البسيط اللي كتبتو ونقول حاولو تقراو ولو صفحتين كل يوم من أي كتاب تشوفوه مناسب ليكم لأن القليل من العلم شىء خطير ما بالك كي ينعدم كليتا وربي يهدينا إلى سواء السبيل إن شاء الله مع تحياتي ليكم :regards01: نتمنى الإعتماد أختي الغالية لؤلؤة ولك ألف شكر
