إنشاء الله يوصل الميساج ..

[mohamed398]

مازلت نبكي كي نشوف عبد يبكي ‏قدامي ...
و مازلت نتأثر كي واحد يوجعني بكلمة و الوجع يكون دوبل كي يكون أقرب إنسان ‏ليا ...
مازلت نامن بالعشرة و عمري ما ننسى ‏العباد الي عملت معايا ‏المليح ...
‏مازلت نسامح و نبقى نسامح و نخلي كل شئ على ‏ربي... و حتى الخايب نرودو صفحة بيضة و نعديه ...
معنديش الزهر في حتى شئ حتى في الناس الي نحبهم ... بزاف‏ ناس مشيت معاهم بقلبي توجعت منهم و رتحت الحمد لله...
راني نغلط صح و مانيش ملايكة و عندي بزاف عيوب ... بصح كي نغلط نصلح و نطلب السماح و منجرحش واحد بكلامي
الناس الكل تغلط ... مي كاين غلطة من غلطة ... كاين كلام يموت في ‏القلب و مايتقالش ونعرف بلي الغلطة تعلم ‏الرجال ..
إنشاء الله يوصل الميساج ..​

 

[بنت الـ25]

رد: إنشاء الله يوصل الميساج ..

نحيي فيك أخلاقك وأكثر ما أعجبني قولك
راني نغلط صح و مانيش ملايكة و عندي بزاف عيوب ... بصح كي نغلط نصلح و نطلب السماح
وكيما يقولو انت امشي بنيتك وخلي العباد لرب العباد
تحياتي

​

 

[sahiko hamza]

رد: إنشاء الله يوصل الميساج ..

مزال تشوف ومزال تصبر لكن لي يهم انو تقعد انت هو انت ماتتبدلش خلاص
دايما خلي اخلاقك هي ماتبدلهاش اخلاص .
​

 

[عاشقة الكرة]

رد: إنشاء الله يوصل الميساج ..

السلام عليكم
والله كما قال خويا حمزة مزالك تشوووف والشيء المليح لي لازمك تديرو تبقى انت هو انت حسيتك كي شغل تحكي عليا والله يا أخي لنية مليحة بزاااف بصخ منفعتش مع العباد والشي الوحيد لي درتو وهو حل بسيط خليك عايش حياتك واخطيك من الصحبة وخليك انت هو انت والله تعيش بالبيان ...كبر قلبك وربي يسهلك ان شاء الله...تحياتي لک

 

[mohamed398]

رد: إنشاء الله يوصل الميساج ..

ربي يحفظكم ان شاء الله
​

 

[حنان18]

رد: إنشاء الله يوصل الميساج ..

مازلت نبكي كي نشوف عبد يبكي ‏قدامي ...
و مازلت نتأثر كي واحد يوجعني بكلمة و الوجع يكون دوبل كي يكون أقرب إنسان ‏ليا ...
مازلت نامن بالعشرة و عمري ما ننسى ‏العباد الي عملت معايا ‏المليح ...
‏مازلت نسامح و نبقى نسامح و نخلي كل شئ على ‏ربي... و حتى الخايب نرودو صفحة بيضة و نعديه ...
معنديش الزهر في حتى شئ حتى في الناس الي نحبهم ... بزاف‏ ناس مشيت معاهم بقلبي توجعت منهم و رتحت الحمد لله...
راني نغلط صح و مانيش ملايكة و عندي بزاف عيوب ... بصح كي نغلط نصلح و نطلب السماح و منجرحش واحد بكلامي
الناس الكل تغلط ... مي كاين غلطة من غلطة ... كاين كلام يموت في ‏القلب و مايتقالش ونعرف بلي الغلطة تعلم ‏الرجال ..
إنشاء الله يوصل الميساج ..​

الله يبارك قالوا الرجال في هاذ الوقت.