- إنضم
- 7 جويلية 2010
- المشاركات
- 2,386
- نقاط التفاعل
- 1,948
- النقاط
- 111
- محل الإقامة
- الجزائر العاصمة
- الجنس
- أنثى
السلام عليكم و رحمة الله و بركاته
بلادنا بلاد الخير
بلاد المليون و نصف شهيد
بلاد الكرم و الجود
صح الشعب راه يتخبط في مشاكل كبيرة
و لكن نقولو دايمن الحمدلله هكذا و لا اكثر
بالاك لاحظتو فالاونة الأخيرة اللاجئين الماليين لي راهم في بلادنا, هذي نقطة سلبية من جهة بصح إيجابية من جهة أخرى لانو فالوقت لي البلدان الكبار راهم يبنو فالحصون تجنبا لوفود اللاجئين, الجزائر فتحت كامل البيبان لهاذو الناس لي لقاو في بلادنا متسع لهم
انا ماكتبتش موضوعي على اللاجئين, كتبت موضوعي على مشهد صرى قدامي و ما ننساهش طول ما حييت
كنت فالموقف تاع الحافلات انا و وحدة حبيبتي, رانا نستناو فالـbus يجي, حتى جازت علينا bus فيها البكاء تاع طفلة صغيرة, دُرنا نشوفوها لقيناها وحدة من اللاجئين هاذوك, واش نقوللكم عمرها يكون 5 سنسن هكاك برك, طلعت تطلب الصدقة ديمارا بيها الشوفور’ خافت مسكينة و رمات روحها, طاحت ساحلها الدم و هي تعيط و تبكي, و انا و صحباتي مازالنا نشوفو فيها, هبط الروسوفور ليها, حكمها من يدها باش ينوضها ناضت تبكي, عيط عليها حتى شبع حتى نطقت انا و قلتلو خليها مسكينة مازالت صغيرة, ركب و خلاها مرمية’ زاد جا الشوفور ضربها و سبها
قدامنا !! ماشي راجل
الموقف لي ما ننساهش مازال ما ذكرتوش’ في هذيك اللحظة وصل شاب صغير يكون فالعشرينات على عكس الشوفور الشااارف -_- قعد فالارض قدامها و ما خممش كامل على حوايجو ولا حاجة أخرى, عطالها دراهم و قاللها خلاص اسكتي نزيدلك, سكتت و بقات تشوف فيه, زاد عطالها دراهم و لعب معاها, ما قال موسخة, ما قال فقيرة, نووورمال لعب معاها حتى شبعت ضحك باش خلاها و راح, الموقف دياللو عجبني بزااف, و عرفت بلي صح االخير مازال في بلادنا, الحمدلله
و الموقف الثاني, عندها أيام برك, دار جيرانا انحرقت و الحمدلله سلكو بخير, الحاجة لي بقاتلي في راسي هي انّو كامل ولاد حومتي, تلمو على الدار و طفّاو النار و وقفو معاهم رجال و الحمدلله, ما شاء الله عليهم
فالاخير نقوللكم الحمدلله بلادنا صح صح مازال فيها الخير, و مازال فيها ناس يستاهلو الخير
سلام
بلادنا بلاد الخير
بلاد المليون و نصف شهيد
بلاد الكرم و الجود
صح الشعب راه يتخبط في مشاكل كبيرة
و لكن نقولو دايمن الحمدلله هكذا و لا اكثر
بالاك لاحظتو فالاونة الأخيرة اللاجئين الماليين لي راهم في بلادنا, هذي نقطة سلبية من جهة بصح إيجابية من جهة أخرى لانو فالوقت لي البلدان الكبار راهم يبنو فالحصون تجنبا لوفود اللاجئين, الجزائر فتحت كامل البيبان لهاذو الناس لي لقاو في بلادنا متسع لهم
انا ماكتبتش موضوعي على اللاجئين, كتبت موضوعي على مشهد صرى قدامي و ما ننساهش طول ما حييت
كنت فالموقف تاع الحافلات انا و وحدة حبيبتي, رانا نستناو فالـbus يجي, حتى جازت علينا bus فيها البكاء تاع طفلة صغيرة, دُرنا نشوفوها لقيناها وحدة من اللاجئين هاذوك, واش نقوللكم عمرها يكون 5 سنسن هكاك برك, طلعت تطلب الصدقة ديمارا بيها الشوفور’ خافت مسكينة و رمات روحها, طاحت ساحلها الدم و هي تعيط و تبكي, و انا و صحباتي مازالنا نشوفو فيها, هبط الروسوفور ليها, حكمها من يدها باش ينوضها ناضت تبكي, عيط عليها حتى شبع حتى نطقت انا و قلتلو خليها مسكينة مازالت صغيرة, ركب و خلاها مرمية’ زاد جا الشوفور ضربها و سبها
قدامنا !! ماشي راجلالموقف لي ما ننساهش مازال ما ذكرتوش’ في هذيك اللحظة وصل شاب صغير يكون فالعشرينات على عكس الشوفور الشااارف -_- قعد فالارض قدامها و ما خممش كامل على حوايجو ولا حاجة أخرى, عطالها دراهم و قاللها خلاص اسكتي نزيدلك, سكتت و بقات تشوف فيه, زاد عطالها دراهم و لعب معاها, ما قال موسخة, ما قال فقيرة, نووورمال لعب معاها حتى شبعت ضحك باش خلاها و راح, الموقف دياللو عجبني بزااف, و عرفت بلي صح االخير مازال في بلادنا, الحمدلله
و الموقف الثاني, عندها أيام برك, دار جيرانا انحرقت و الحمدلله سلكو بخير, الحاجة لي بقاتلي في راسي هي انّو كامل ولاد حومتي, تلمو على الدار و طفّاو النار و وقفو معاهم رجال و الحمدلله, ما شاء الله عليهم
فالاخير نقوللكم الحمدلله بلادنا صح صح مازال فيها الخير, و مازال فيها ناس يستاهلو الخير
سلام
