كانت اختي و صديقتي،، للأسف كانت...

[مشكلتي]

السلام عليكم و رحمة الله تعالى و بركاته
اما بعد انا فتاة في 18 من عمري
تحصلت على شهادة البكالوريا هذه السنة بتقدير جيد
مشكلتي هي صديقتي و اختي التي تقاسمت معها كل اطراف حياتي و كل اسراري ...
كنا شخص واحد لكن البكالوريا فرقتنا ...
للاسف لانني نجحت و هي لم تنجح ولهذا هجرتني و و محت كل ذكرياتنا اصبحت لا تبالي باتصالاتي و رسائلي ...
و انا ابكي دائما على فراقها و احن ان نعود الى ايامنا ايام الدراسة اتمنى ان نسدل الستار على مشاكلنا ولكن لقد جربت كل الطرق حتى اكي تكلمت مع امها لكن لا شيئ اتمنى ان تنصحوني ما افعل معها
لقد فقدت معنى الصداقة بعدها ولم اعد مثلما كنت​

 

[Perle Blanche]

رد: كانت اختي و صديقتي،، للأسف كانت...

السلام عليكم
الصلاة و السلام عليك حبيبي يا رسول الله
حبيبتي اولا مبروك نجاحك لعقوبة للتخرج ان شاء الله
ربي يوفقك للخير يا رب
صاحبتك في بالي اعذريها و اعذريها بزاف بالعكس نتيا خليك كل مرة تبقاي تسقسي عليها و تبقاي تزوريها و تحوسي عليها بلا متستناي منها تعاملك نفس المعاملة حاولي تفهمي بلي مهما كانت قوة صداقتكم عدم نجاحها و نجاحك مش مخليها تبعد عليك مي فترة راهي محتاجتها تكون بعيدة عليك بكري كانت تجعكم القراية و تروحو و تجو كيف كيف ذركا تبدلت الأامور نتيا عندك حاجة جديدة و هي لا
يعني الا تحبيها صح خليك متمسكة بطعم الصداقة أعطيها وقت أنها هي تحب تحكي معاك هي تعيطلك و تحوس عليك نهار تحس بلي خلاص فاتت هذا المشكل
انا نقلك عندي صحبتي لي هي أختي توأم روحي المهم صداقتنا بلاك فايت لعشر سنين
العام اللي فات و في رمضان صرا بيناتنا مشكل الله غالب حاولت حاولت هي مقدرناش نتجاوزوه فات عام في رمضان تاع هاذ العام رجعنا لبعضانا و صدقيني محسيناش بقيمة العام اللي فات مي السبة اللي خلااتنا نرجعو كانت اقوى مني اللي فات يعني انا قتلك حكايتي باه تعرفي بلي معندن الصداقة هذا مش لازم يبقى ثابت الله غالب مرات تكون ظروف حتى صديقك ميقدرش يفهمها بلاك نتيا تحبيها مي مكيش حاسة بطعم الفشل اللي هي فاتت و مزال تفوت عليه
خليك قريبة كيما كنتي و متستنايش منها ترجع بين ليلة و ليلة بالعكس خليها تقول رغم الجفا لي شفتيه منها مزالك متمسكة بيها هذا هو التعبير على الحب
الله يقرب بيناتكم و يصلح الاحوال يا رب
​

 

[بنت الـ25]

رد: كانت اختي و صديقتي،، للأسف كانت...

السلام عليكم أختي
وكأنها قصتي ترويها أخرى على لساني
فقد حدث معي نفس الأمر ، عندما اجتزت البكالوريا ونجحت وصديقة عمري لم تنجع وعشرة الـ 10 سنوات هانت عليها
لكن عندي قاعدة " اللي باعك بالفول بيعك بقشورو"
وأنتي لم تقصري وتحاولين التواصل معها ولكنها تتهرب
ربما لأنها تشعر بالنقص كونك نجحت وهي لا ، وسعيك للتسجيل في الجامعة ودراستك فيها سيجرحانها ويؤلمانها
ربما ستنسى مع الوقت ولكن هذا الأمر مستبعد خصوصا غذا تعرفت هي على أصدقاء جدد فحتما سوف تصبحين في حياتها شخصا عاديا حتى لو عدتما صديقتين
وربما لن تنسى لأن بعض الناس لا يغبطونك ويتمنون الخير لك كما لأنفسهم بل يحسدوك على نعمة حرموا منها ولو شاؤوا لانتزعوها من بين يديك
ولا يعلمون أن الله تعالى قال: "وعسى أن تكرهوا شيئا وهو خير لكم"
إعلمي أخيتي أن صديقتي تلك التي حدثتم عنها نجحت في العام الموالي
لم تتواصل معي طيلة عامي الجامعي الأول وفي نهايته أجدها تتصل لتخبرني أنها نجحت وتطلب لقائي
بعدها انقطعت الاتصالات لسنوات ثم عادت مرة أخرى لتتصل وتخبرني بأنها حازت على الماستر
وآخر مرة وبعد سنوات أخرى أيضا أجدها تتصل على هاتفنا الأرضي دوما لتخبرني أنها سوف تتزوج
ليس لاهتمامها بي وبصداقتي بل لتثبت ان فشلها في البكالوريا ونجاحي لم يغيرا شيئا فهاهي نجحت ودرست في الجامعة وسوف تتزوج :tongue02:
صراحة تلك المرة أخبرتها أن تنسى الرقم وأنني من زمان نسيت فتاة بهذا الاسم وأنني أنا أيضا حائزة على شهادة أحسن منها
وسأتزوج رجلا أحسن من زوجها وسأسكن في منطقة لطالما حلمت هي بها :p مكرة برك
منذ ذلك اليوم انطفأت لمبتها :p

قصتك ذكرتني بقصتي فآسفة على مداخلتي الطويلة كانت مجرد فضفضة
ويا رب تكون ظنوني ليست في محلها وترجع المياه لمجاريها مع صديقتك
​

 

[شمس الاصيل2]

رد: كانت اختي و صديقتي،، للأسف كانت...

اختي الحبيبة انت ان كنت خسرت صديقة فانا خسرت كل صديقاتي بسبب نجاحي في الباكالوريا لكن انا من طبيعتي اني لا احب التعامل مع شخص يغار مني انا كان حلي صباح الخير يا جاري انت فحالك وانا فحالي

 

[ام أمينة]

رد: كانت اختي و صديقتي،، للأسف كانت...

ما تخافيش تعيا و تندم وتولي ليك
صرالي موقف لاكن ماشي فالبكالوريا
​

 

[أحبك ياجزائر]

رد: كانت اختي و صديقتي،، للأسف كانت...

سلام الله عليك
لا تقنطي من هذه الصداقة فانت وحدك تعين قيمة الصداقة ،
اعرف إحساس زميلتك ربما تقول في نفسها أنك ستقسين عليها بسبب نجاحك ن وهذا النقص في عديد من الناس خاصة من فرقتهم مثل حالتك ، هي حالة بسيطة وجميلة
أعطيك حل بسيط خذي امك او وحدك وخذي هدية بسيطة وخاصة مما تشتهي زميلتك لأن اهل مكة أدرى بشعابها وفاجئيها في البيت ، وإن أبت ملاقاتك لا تترددي وواصلي ،فواضح معدنك طيب لنك لم تستسلمي من هذه الصداقة في زمن قلت فيه الصداقة وأصبحت مادية ولا مصلحة لاغير ، أصري وألحي ،حتى يلين قلبها فمستحيل أن يذهب ما كان بينكم سدى نفهي عشرة عمر إلا غن كانت هناك امور خفية أخفيتها عنا ،فثم ماعليك سوى طلب السماح والعفو نوربي يصلح الاحوال والله المستعان

 

[عاشقة الكرة]

رد: كانت اختي و صديقتي،، للأسف كانت...

واقع مضحك والله لي باعك بالفول بيعو بقشورو عزيزتي متكسريش راسك خلاص بيها أوكي...فاتو عليا مواااااااااقف كثر من هك والحمد لله كلمة صاحبتي عندي ne existe pas يمالا ربي يسهل عليها تعيا وتعرف قيمتك ماتتسماش صديقة لي تبيعك على حاجة تافهة نورمالمو تفرحلك....ربي يسهلك غاليتي...موفقة بإذن الله

 

[GI Joe]

رد: كانت اختي و صديقتي،، للأسف كانت...

ouii kima galet bent l 25
اللي باعك بالفول بيعك بقشورو
mathawssich 3liha nti derti li 3lik, la wellat lik w 3rafti beli kanet ghaydetha bzef 3omorha et tt saha, sahebtek w nti ta3erfiha w tessemhilha
sinon fi had l wa9t tkouni bla amies khiirlek puisque la plupar tot ou tard tbi3ek w tghir menek 3la hwayej tafhin

 

[mà_dikrà]

رد: كانت اختي و صديقتي،، للأسف كانت...

بالعكس تبالي عاقلة مسكينة !°
باسكو لوكان جات تكرهك ،، مجرد تحس أنها فاشلة ونتي تتقلشي قدامها
افهميها برك قبل متحكمي عليها ،، ولوكان تمري بواش مرت تغلطي أكثر
الله يسهل

 

[برنسسdz]

رد: كانت اختي و صديقتي،، للأسف كانت...

وعليكم السلام اختي
والله صراتلي نفس القصة مع اعز صحباتي
معليهش اختي انشاء الله ترجع صداقتكم
و اعذريها ممكن ظروف عندها زيدي اعطيها شوية وقت

 

[عاشقة الكرة]

رد: كانت اختي و صديقتي،، للأسف كانت...

وآقيلآ رآكي تحكي هكآ أختي لأنك جبتي البآك بعآمك ~

يقولوا ما يحس بالجمرة غير الي عفص عليهآ .. رآهي مآبآعتهآش فقط فترة الله غآلب عليهآ ومع الوقت ترجع لأحوآلهآ العآدية ..

والي مآيعذرش صديق و رفيق الروح شكون رآيح يعذر في حيآته ؟؟

ويقوولو جيب للإنسآن بزآف أعذآر وكي تلقى بلي مكآنش عذر يمكن يكون روح لومو ​

والله يا اختي لوكان نقلك تكذبيني والله غير جبت الباك من عامي الثاني وربي لي يعلم وصاحبتي لانتيم نجحت من عامها والله غير فرحتلها وباركتلها وانا لي نعيط ماشي هي فهمتيني ...دوك نحكيلك مليح على الصداقة وش معناتها بويسك واجعني قلبي منها بزاف شفتي نحي من فمي ونعطيهالها متفاهمين تاع صح وجامي عيطت وقاتلي معليهش راكي تعوضيها ومعليهش كي منجحتيش كلمة مسمعتاهش من فمها بالعكس انا لي نكوراجي فروحي درت القلب وقريت ونجحت والحمد لله سنة نكمل في الجامعة وش يعني كي متنجحيش حبيبتي والله عسى ان تكرهوا شيء ويجعل الله فيه خيرا كثيرا ديريها فبالك مليييح هاذ الهدرة وفيما يخص الجمرة لكان عفستي عليها انا تشويت عنيت مع صحابات النفاق هاذو ...نسقسيك صاحبتك لي تحبيها وتموتي عليها وتحبيلها غير لخير كي تجيك وتقلك صورتيني وش تكون ردة فعلك خليها لربي سبحانو وخلاص كون نبدا نحكي مفراتش حبيبتي...حبيت برك نقلك عفست على الجمرة تالي والله ماننصحها . ..ربي يهنيكم ختاتي
وديري ربي فبالك واقراي وماتهمك حتى حاجة ولي سقسا عليكم اهلا وسهلا ولي مسقساش ريي يسهل
وكي نجحت عامي دوزيام بقيت نتواصل مع البنات لي كانو معايا وماحالفهمش الحظ حتان نهار ريزيلتا لي وحدة مافخرتني وريبوندات وأنا حايرة ونبعث في المساجات وخلي وخلي. دمتِ بود

 

[همس الوُرود]

رد: كانت اختي و صديقتي،، للأسف كانت...

والله يا اختي لوكان نقلك تكذبيني والله غير جبت الباك من عامي الثاني وربي لي يعلم وصاحبتي لانتيم نجحت من عامها والله غير فرحتلها وباركتلها وانا لي نعيط ماشي هي فهمتيني ...دوك نحكيلك مليح على الصداقة وش معناتها بويسك واجعني قلبي منها بزاف شفتي نحي من فمي ونعطيهالها متفاهمين تاع صح وجامي عيطت وقاتلي معليهش راكي تعوضيها ومعليهش كي منجحتيش كلمة مسمعتاهش من فمها بالعكس انا لي نكوراجي فروحي درت القلب وقريت ونجحت والحمد لله سنة نكمل في الجامعة وش يعني كي متنجحيش حبيبتي والله عسى ان تكرهوا شيء ويجعل الله فيه خيرا كثيرا ديريها فبالك مليييح هاذ الهدرة وفيما يخص الجمرة لكان عفستي عليها انا تشويت عنيت مع صحابات النفاق هاذو ...نسقسيك صاحبتك لي تحبيها وتموتي عليها وتحبيلها غير لخير كي تجيك وتقلك صورتيني وش تكون ردة فعلك خليها لربي سبحانو وخلاص كون نبدا نحكي مفراتش حبيبتي...حبيت برك نقلك عفست على الجمرة تالي والله ماننصحها . ..ربي يهنيكم ختاتي
وديري ربي فبالك واقراي وماتهمك حتى حاجة ولي سقسا عليكم اهلا وسهلا ولي مسقساش ريي يسهل
وكي نجحت عامي دوزيام بقيت نتواصل مع البنات لي كانو معايا وماحالفهمش الحظ حتان نهار ريزيلتا لي وحدة مافخرتني وريبوندات وأنا حايرة ونبعث في المساجات وخلي وخلي. دمتِ بود

Ma3lich khti bessah koul wahed wkifech ykhemem ana nhar eli sma3t
Fih beli majebtech elbac khrejt barekt leshabati li dew w wgeft m3a li madawech wkount fi gelbi nebki nebkiii besah kount hakmetha wnedhak
Allah ghaleb lazem elhouzn bessah houma galouli nti mathessich
Sah eli jabou lbac sedgini bkaw houma fi blasti bessah ay wehda mbe3d
Tjini wtehkili 3la ljami3a ngoul wechbiha hadi ye3ni sah hasbetni manhessech!! Choufi khti belek tkoun banetlak normal t3awdih

Mais imposible matheznich ki tchoufi rouhek mazelti. Fetanawia welasatida yetkhel3ou fi wejhak ki ychoufouk temma

Nti tgolili lakan sah wehda sahebtek a3tiha men foumek wana ngoul lakan sah sahebti te3darni chwia wela lela

Wfelakhir koul chakhs wraeyou wwech yhes houwa

 

[عاشقة الكرة]

رد: كانت اختي و صديقتي،، للأسف كانت...

Ma3lich khti bessah koul wahed wkifech ykhemem ana nhar eli sma3t
Fih beli majebtech elbac khrejt barekt leshabati li dew w wgeft m3a li madawech wkount fi gelbi nebki nebkiii besah kount hakmetha wnedhak
Allah ghaleb lazem elhouzn bessah houma galouli nti mathessich
Sah eli jabou lbac sedgini bkaw houma fi blasti bessah ay wehda mbe3d
Tjini wtehkili 3la ljami3a ngoul wechbiha hadi ye3ni sah hasbetni manhessech!! Choufi khti belek tkoun banetlak normal t3awdih

Mais imposible matheznich ki tchoufi rouhek mazelti. Fetanawia welasatida yetkhel3ou fi wejhak ki ychoufouk temma

Nti tgolili lakan sah wehda sahebtek a3tiha men foumek wana ngoul lakan sah sahebti te3darni chwia wela lela

Wfelakhir koul chakhs wraeyou wwech yhes houwa

صح حبيببتي كل واحد كفاه يخمم انا والحمد لله منستعرفش بالصداقة للأسف كل واحد كفاه يقدر يعبر بويسك تضريت من صحاباتي بزاف
وشوفي نزبد نوصيك ملييييح تضريت بالبزاف كي منجحتش وكي يتألمو معاك والديك وأقاربك دنيا ومافيها وقفو معايا وحتى البنات لي عاودو تلقاي فيهم نفس مشاعرك
نصيحة ليك حبيبتي مش كي مجبتيش الباك معناتو نهاية دنيا انا كنت كثر منك بصح درت ثقة فربي سبحانه ومبعد لقيت لوكان نجحت في عامي لول راح يصراولي حوايج بزاف مش ملاح يمالا شافها ربي بخير كبري بالك وكوني كوراج خيتي تعياي وتنجحي وتفرحي ناس راها عاوداتو ب7 مرات ومفقدوش الامل حتان جابوه اقراي والباقي على ربي
واسفين على التطويلة
موفقين

 

[Salam Fleur]

رد: كانت اختي و صديقتي،، للأسف كانت...

حكايات الباك ... انا تاني ماديتش الباك بعامي ...... بصح العام هذاك اغلبية لي قراو معايا ماداوهش .. عمروا لا يعني انه عاودت العام سما راحت الدنيا . وعسى ان تكرهوا شيئا وهو خير لكم

اما حكاية الصحابات ......... خليها لربي

اختي مايهمك ختى واحد احكمي قرايتك ... اما صاحبتك ... واش نقولك ... زيدي هدري معاها ...و عينيك ميزانك ... اذا لقيتيها كانه هزاتهالك في قلبها انه انتي تنجحي وهي لالا انا نقولك اخطيك منها ربي يعوضك ما خير منها ........... و كاينة حاجة تاني تولهي لعمرك رانا في زمان عباده هبلوا .... و ربي يعينك ​

 

[Bella2]

رد: كانت اختي و صديقتي،، للأسف كانت...

مبروك البكالوريا عقبال نجاحات اخرى
وجدت نفسي في حيرة كل يجيب حسب تجربته وليست عندي تجربة في امر كهذا
لكن انا متأكدة انكي تعرفين صديقتك و تفكيرها
ان كنت متأكدة انو. هي تعزك و تريدلك غير الخير و حالة و تمر هادي شدي فيها و اصبري ادا لا و من اول امتحان سمحت فيك الحياة لاتقف عند شخص
ربي يفرحك خبيبتي

 

[راجية العفو]

رد: كانت اختي و صديقتي،، للأسف كانت...

السلام عليكم ورحمة الله وبركاته
اختي الباكلوريا مش حاجة ساهلة وانت حفظك ربي من السقوط فيها سقسيني على واش معناها متجيبيش الباك ههه
انت اكثر وحدة تعرفي تفكير صديقتك كيفاه يعني الا تفكر في القراية ياسر معناتها بلاك مجروحة اما اذا مش من النوع المجتهد فممكن غايرة او خايفة تتبدلي عليها
انا كي جبت الباك العام الثاني ههههه اعز صديقة مجابتوش وحتى بعدي مجابتوش ومكانش عندها مشكل مع انها خافت انا ننساها وبعد ماعاودت ياسر ومجابتوش تزوجت وكي تخرجت انا بالشهادة الحمد لله كان عندها طفل كيما القمر ربي يحفظولها وبصراحة انا صديقتي هي مثل الملاك ربي يبارك وحتى الان مازلت كيما بكري ربي يسعدها
اسفة نسيت الموضوع من حبي ليها
المهم الا محبتش ترجعلك ان شاء الله تلقاي صديقة تقدرك وتقدر مفهومك لصداقة في الجامعة
ورب يرزقك على قلبك الطيب والمخلص وهي ربي يهديها
متحزنيش درك تدخلي تقراي وتنساي كلش
حاولي تستمتعي وتجتهدي وتحافظي على روحك لانك لو خسرتي روحك ولا واحد في الدنيا يعوضك

 

[شمس الاصيل2]

رد: كانت اختي و صديقتي،، للأسف كانت...

انت راكي صغيرة وهدا درس ليك كل حاجة تبدلت حتى الصداقة ماتتعلقيش بالناس لدرجة ما تقدريش تخليهم شوي شوي اتهلاي في قرايتك

 

[Hakan]

رد: كانت اختي و صديقتي،، للأسف كانت...

هذي هي الصحبة الفاشلة
صحبة زمانةومكان ومصلحة
اذا تبدل عنصر واحدىراحت الصحبة
ختي نعطيك نصيحة عندك اهلك والرحم نتاعك اما الباقي
نضن زياادة في زيادة ​

 

[لؤلؤة قسنطينة]

رد: كانت اختي و صديقتي،، للأسف كانت...

السّلام عليكم
وصح عيدك ختي وكلشي مبروك نجاحك ان شاء الله مزيد من النجاحات
اما فيما يخص مشكلتك نوافق ختي بنت ال25 لي باعك بالفول بيعيه بالقشور
ماش معناها نقولك اقطعي صداقتك بصح لي ماوقفش معاك في فرحك وكتاه يوقف مالا؟؟
انا صاحبتي تعرفت عليها لمدة عامين وبرك , وتلاقيتها صدفة نهار بدلت الليسي ودخلت ليسي جديد ماعرفت والو هي لي لقيتها في طريقي
نعتتلي وزيد الصدفة طاحت معايا في نفس القسم, حبيتها لدرجة لا يتصورها العقل وحتى هي حبتني
وكانت اول وحدة نخلها لداري, صدقيني في عامين كانت بالنسبة ليا اكتر من الأخت, بصح انا جبت الباك وهي لالا
صدقيني فرحتلي وجات حتى لداري مع انو دارها بعيدة على دارنا, وباركتلي و م نبعد عاودت الباك للمرة التانية و ماجابتوش
ومن بعد باباها زوجها, آخر مرة شفتها فيها قبل عرسها بيوم رحت شفتها وحكيت معاها, منتم لا خبر عليها خاطر راجلها منعها
بصح للدرك نعزها وعلابالي هي تعزني وحتى ولو رانا بعاد على بعضانا كل يوم زيد نتشوق ليها كتر وزيد نتوحشها كتر
يعني الصداقة ماش شرط تشوفي عبد كل يوم ولا تتعرفي عليه مدة 15 سنة, انا صاحبتي مجرد عامين ولدرك رانا بعاد وغير نلقى وحدة من صحاباتها لي يسكنو قدامها يقولولي راهي غير تسقسي عليك
يعني الصداقة باينة
نتي درتي لي عليك واذا هي ماش حابتك كاين غيرها لي يحبوك ويعزوك
ربي يفرج حبيبتي ونتمنى تولي المياه لمجاريها
تحياتي ​

 

[INDIAN SARA]

رد: كانت اختي و صديقتي،، للأسف كانت...

ربي يهدي ما خلق