شاركنا يومك الأول من عيد الأضحى == مرحبا بيكم ==

[مطبخ الأحلام]

رد: شاركنا يومك الأول من عيد الأضحى == مرحبا بيكم ==

ههههههههههههههههههههههه
فشلتوني بالضحك الله يعطيكم الخير
اواه فيولا هدا ماشي حل كامل ههه
ماجاتش فالريحه برك مانقدرش نتوشيها حتى هههه
والراجل لي راك تحكي عليه يا جليلو نفهمو من نهار الخطبة بلي خاطيني هاد الصوالح ههههه
+ ليجون تع لجيل تاعنا راه لي تقولو يقولك الدوارة والبوزلوف نرميهم هههه ملا هكا نتوافقو
والا كان يحبها نبعتهم لامو وهي تتكلف بالامر هههههه​

ههههههههههههههههههههه يا سلام ست البيت انتي غي لي كيفك ولا ماكانش يا لميمة ولا كان راجلك يحب دوارة وزليف تقوليلو روح عند يماك تاكلهم ياك ههههههههههه والله يا نتي راني عارفة طاطا ماتحكمكش من ودنيك وانما ترميك اصبري شويا تزيدي وحد العامين وتقلك تمشي نقيها ولا نجيفك ههههه :yahoo01: اخدمي اخدمي يا بنتي باش يقولو ساجية تبارك الله عليك :sport02:

 

[جليلوس]

رد: شاركنا يومك الأول من عيد الأضحى == مرحبا بيكم ==

ههههههههههههههههههههههه
فشلتوني بالضحك الله يعطيكم الخير
اواه فيولا هدا ماشي حل كامل ههه
ماجاتش فالريحه برك مانقدرش نتوشيها حتى هههه
والراجل لي راك تحكي عليه يا جليلو نفهمو من نهار الخطبة بلي خاطيني هاد الصوالح ههههه
+ ليجون تع لجيل تاعنا راه لي تقولو يقولك الدوارة والبوزلوف نرميهم هههه ملا هكا نتوافقو
والا كان يحبها نبعتهم لامو وهي تتكلف بالامر هههههه​

هههههههههه ماتامنيش انا حسبوني هبلت
:d:d خلاص القرمود طار من الضحك :p :p
هههههههه اواه الصح راه في الفؤاد يا اميرة ... والله يلا راكم مفرطين
وان شاء الله يجيك المكتوب ويكون عياف ليها كيما نتي هاكا تهنينا من المشاكل
هههههههه .... الله يهنيك بورك فيك ... تحيتي

 

[اسيل الحياة]

رد: شاركنا يومك الأول من عيد الأضحى == مرحبا بيكم ==

اللهم بلغنا العيد بالصحة والعافية مشكور يا اخي كالعادة الخدمة والقدام merci

 

[mà_dikrà]

رد: شاركنا يومك الأول من عيد الأضحى == مرحبا بيكم ==

السلام عليكم ورحمة الله وبركاته~°

أولاً نهني كااامل ناس اللمة و الأمة الإسلامية بالعيد السعيد إن شاء الله :d
لمهم بالنسبة لعيدي يبدا ،، يروح بابا يصلي صلاة العيد وكي يجي نبداو انا وماما وخاوتي نعاونوه جو هايل مع العايلة *.*
أيا نبداو الكبدة نطيبوها لولا وبابا مزالو يسلخ نجيبهالو ياكل منها شويا ( من السنة نبداو بالكبدة ^^ )
اياااا كملنا حوايج سيدي كبش مع 9 فهداك الوقت ماما وانا وخاوتي نروحوا نعيديوا ع عمامي لي بحذانا وجيرانا ^^بعد منوليو ،، نروحو نبداو نطيبوا فيه ع الجمر وبأنواعو و ناكلو و بعدها ! نغسلوا لماعن و نجهزوا حوايجنا ونروحو لدار جدوو ^^
ونتلاقاو مع عمامي وعماتي تما
هدا اليوم الأول ليوم الثاني
فدار جدي من ماما ،،
يكون كاين كبش واجد لينا مع خالاتي وخوالي نطيبوه وطبعاً لي يلعب يلعب وووو ،،
منبعد نباتو يومين تما ولا يوم واليوم لاخر نروحوا لصحابات ماما وووو ،،،
هذا تقريباً يحكي عن عيدي
بالرغم يمر هاااايل ^^
صحا عيدكم



سلامي ،،

​

 

[حفيدة الخنساء]

رد: شاركنا يومك الأول من عيد الأضحى == مرحبا بيكم ==

مساء الخير،،
صح عيدكم مسبقا
أنا مازالني نتعلم ههه نهار العيد مانخدمش كولشي
نتفرج برك و البراتيك العام الجاي هههه اللهم بلغنا
ان شاء الله
شكرا جليلو موضوعك قيم

 

[حفيدة الخنساء]

رد: شاركنا يومك الأول من عيد الأضحى == مرحبا بيكم ==

بصح ان شاء الله السنة
نعاون ماما اكيد
ونخدم حوايج سهلة ومباعد كي نكبر نولّي نعرف كولش
ان شاء الله
اجمل الايام واحلاها هي ايام الععيد
عيد الاضحى وعيد الفطر
وكذا يوم الجمعة عيد المسلمين،،

 

[عبير الجنان]

رد: شاركنا يومك الأول من عيد الأضحى == مرحبا بيكم ==

السلام عليكم و الله اعجبني الموضوع رائع يعطيك الصحة
ان شاء الله يوم العيد راني نحكيلكم على كل شيء مر علينا شكرا على الموضوع و لي عودة باذن الله

 

[faith8]

رد: شاركنا يومك الأول من عيد الأضحى == مرحبا بيكم ==

salam li 3awda
(had le pc mafihch clavier arabe hhh)​

 

[الامين محمد]

رد: شاركنا يومك الأول من عيد الأضحى == مرحبا بيكم ==

ربي يهديك سيدتنا
مطبخ الاحلام
و الله جوعتينا ااااااااااااااااا
غدوة نكونوا صايمين ممنوع الاقتراب من هته الصفحة
و الا قامت حرب عالمية ههههههههههه
جليلو عقييد اسمح لي ما نقدرش نشارك راني بعيد على العايلة
ربي يدوم سعادتكم احبتي جميعا
الحمد لله عندي احبابي في اللمة
راهم منحين علي الوحش و الضيييقة​

 

[جليلوس]

رد: شاركنا يومك الأول من عيد الأضحى == مرحبا بيكم ==

اللهم بلغنا العيد بالصحة والعافية مشكور يا اخي كالعادة الخدمة والقدام merci

آمين يارب ... والجميع ان شاء الله
العفو مرحبا بيك اختي اسيل الحياة نورتينا
هاديك هيا لازم قالك الهدرة والمغزل :d
ربي يوفقنا لما يحبه ويرضاه
دمتم بخير

 

[الزهرة الحمراء]

رد: شاركنا يومك الأول من عيد الأضحى == مرحبا بيكم ==

السلام عليكم اخي
بارك الله فيك على موضوع التقرعيج هههه
المهم كي يجي نهار العيد نجيييك نجري ونقولك كامل واش صرا
دمت اخي في رعاية الله وحفظه

 

[جليلوس]

رد: شاركنا يومك الأول من عيد الأضحى == مرحبا بيكم ==

السلام عليكم ورحمة الله وبركاته~°

وعليكم السلام ورحمة الله
اهلا بيك اختي ذكرى نورتي بوجودك يعطيك الصحة

أولاً نهني كااامل ناس اللمة و الأمة الإسلامية بالعيد السعيد إن شاء الله :d

اللهم آمين يارب ... ربي يتقبل منا ومنكم ... صحا كبدتكم وملفوفكم
:d:d
لمهم بالنسبة لعيدي يبدا ،، يروح بابا يصلي صلاة العيد وكي يجي نبداو انا وماما وخاوتي نعاونوه جو هايل مع العايلة *.*
أيا نبداو الكبدة نطيبوها لولا وبابا مزالو يسلخ نجيبهالو ياكل منها شويا ( من السنة نبداو بالكبدة ^^ )
اياااا كملنا حوايج سيدي كبش مع 9 فهداك الوقت ماما وانا وخاوتي نروحوا نعيديوا ع عمامي لي بحذانا وجيرانا ^^بعد منوليو ،، نروحو نبداو نطيبوا فيه ع الجمر وبأنواعو و ناكلو و بعدها ! نغسلوا لماعن و نجهزوا حوايجنا ونروحو لدار جدوو ^^
ونتلاقاو مع عمامي وعماتي تما
هدا اليوم الأول ليوم الثاني
فدار جدي من ماما ،،
يكون كاين كبش واجد لينا مع خالاتي وخوالي نطيبوه وطبعاً لي يلعب يلعب وووو ،،
منبعد نباتو يومين تما ولا يوم واليوم لاخر نروحوا لصحابات ماما وووو ،،،
هذا تقريباً يحكي عن عيدي
بالرغم يمر هاااايل ^^
صحا عيدكم

مليح يعطيك الصحة ... شكرا لأنكم فتحتكم لنا بيوتكم
وشاركتمونا فرحة العيد ... الله يهنيكم ويدوم هناكم ان شاء الله
تقبل الله منا ومنكم
تحيتي

سلامي ،،

​

بارك الله فيك

 

[جليلوس]

رد: شاركنا يومك الأول من عيد الأضحى == مرحبا بيكم ==

مساء الخير،،
صح عيدكم مسبقا
أنا مازالني نتعلم ههه نهار العيد مانخدمش كولشي
نتفرج برك و البراتيك العام الجاي هههه اللهم بلغنا
ان شاء الله
شكرا جليلو موضوعك قيم

مساء النور اهلا بيك اختي حفيدة الخنساء
الله يسلمك وانتوما تاني كل عام وانتم بخير ... ربي يتقبل ان شاء الله
خخخخخخخ ماعليش كي اليوم نشوفوك طباخة ماهرة كيما خياتك اميرة ومطبخ الأحلام :d
الله يوفقك ... العفو ولو هادا واجبنا
شكرا لتواجدك

 

[جليلوس]

رد: شاركنا يومك الأول من عيد الأضحى == مرحبا بيكم ==

بصح ان شاء الله السنة
نعاون ماما اكيد
ونخدم حوايج سهلة ومباعد كي نكبر نولّي نعرف كولش
ان شاء الله
اجمل الايام واحلاها هي ايام الععيد
عيد الاضحى وعيد الفطر
وكذا يوم الجمعة عيد المسلمين،،

ان شاء الله ... اختي الصغرى ... لا مانع لديك ان لقبتك كهذا :up:
علابالي بلا مانسقسي رانا في العيد والعواشير .... ربي يتقبل منا برك
الله يرضى عليك الوالدين ... روحي راكي رابحة :d ديها من عندي هادي
دمتِ بخير

 

[جليلوس]

رد: شاركنا يومك الأول من عيد الأضحى == مرحبا بيكم ==

السلام عليكم و الله اعجبني الموضوع رائع يعطيك الصحة
ان شاء الله يوم العيد راني نحكيلكم على كل شيء مر علينا شكرا على الموضوع و لي عودة باذن الله

وعليك مالسلام ورحمة الله
مروركم الأروع اختي عبير الجنان
ان شاء الله بإنتظارك فمكانك محجوز لا تقلقي ... تعيدو بالصحة
ماتكتروش اللحم بزاااف :d ... ربي يهنيكم

 

[جليلوس]

رد: شاركنا يومك الأول من عيد الأضحى == مرحبا بيكم ==

salam li 3awda
(had le pc mafihch clavier arabe hhh)​

ههههههه ماعليش اختي ... معذورة
بإنتظارك مرة اخرى ... موفقة

 

[جليلوس]

رد: شاركنا يومك الأول من عيد الأضحى == مرحبا بيكم ==

ربي يهديك سيدتنا
مطبخ الاحلام
و الله جوعتينا ااااااااااااااااا
غدوة نكونوا صايمين ممنوع الاقتراب من هته الصفحة
و الا قامت حرب عالمية ههههههههههه
جليلو عقييد اسمح لي ما نقدرش نشارك راني بعيد على العايلة
ربي يدوم سعادتكم احبتي جميعا
الحمد لله عندي احبابي في اللمة
راهم منحين علي الوحش و الضيييقة​

اهلا خويا العزيز نورت
شفت شفت عذبتنا ... الله يهديها :d:d
خخخخخخخ تقوم القيامة غدوا نجيبوا البوشية ولي يدور منا نجيبوا نهايته :sport01:
ااااه ماعليش خويا ربي يلاقيك بأحبابك واهلك ... اكيد رانا هنا حبيبي
الله يفرج كربتك وضيقتك .... دمت بخير

 

[جليلوس]

رد: شاركنا يومك الأول من عيد الأضحى == مرحبا بيكم ==

السلام عليكم اخي
بارك الله فيك على موضوع التقرعيج هههه
المهم كي يجي نهار العيد نجيييك نجري ونقولك كامل واش صرا
دمت اخي في رعاية الله وحفظه

وعليكم السلام ورحمة الله
خخخخخخ فضحتينااا :d هع هع هع
ان شاء الله هايا ماتنسايش راكي وعدتينا .... بإنتظاركم
وصحا عيدكم لافونس كل عام وانتم بخير
دمتم بخير

 

[opira99]

رد: شاركنا يومك الأول من عيد الأضحى == مرحبا بيكم ==

شكرا على موضوعك أخي , انا نهار الاول تاع العيد راح ندير كلش يعني بوزلوف و الكرعين في البسينة ولعشية نقطع الجزرة الخ......ربي يعاوني ان شاء الله ههههههه :p وكشمى كاين شوى راكم معروضين من ضرك

 

[آمِيْرَتُه]

رد: شاركنا يومك الأول من عيد الأضحى == مرحبا بيكم ==

السلام عليك

ربي يجعله يوم مبارك على الجميع

نهار العيد نوض بكري مع ماما نديرو المسمن اممممممممم و نوجد القهوة و يروحو خوتي يصلو

نصلي و نخمل الدار و نوجد حوايج للذبيحة و سني القهوة للي يعاونو خويا

كي تكمل الصلاة ديركت نغافر عجوزي و شوية اقارب بعاد كيما خويا و خوتاتي

كي يكملو نروح نبدا نغسل في دوارة و نشوط بوزلوف و نغسله و نقطعه مع زوجة اخي و ماما توجد فالفطور

نفطرو و نكمل القضيان نخدم العصبان و نظف الحوش

نطيب قهوة و نقولهم يا الله انسوني شوية

نرتاح و ماما و لا مراة خويا يوجدو العشاء شواء راك عارف

اما نهار الثاني هذاك نتاع ضياف يدو يجو فيه و نبدا كي شغالة هههه

نتنفس حتى مع نهار 3