شاركنا يومك الأول من عيد الأضحى == مرحبا بيكم ==

[Malika Tlm]

رد: شاركنا يومك الأول من عيد الأضحى == مرحبا بيكم ==

السلآم عليكم ورحمة الله تعالى وبركاته
اولا عيد مبارك على جميع الامة الاسلامية ينعاد عليكم بالصحة والهنا وربي يتقبل من الجميع
احنا كما بنت الـ25 يوم عرفة نصومو كاامل ونهار كامل والقنوات مارش لي تبث اجواء يوم عرفة والحجاج و التكبير والتهليل
نوجدو طاولة الافطار كما تع رمضان :d ونفطرو كامل مع بعض
جو راائع تحس :up:

بون احنا ساكنين كامل في دار كبيـــــــــرة تع جدي الله يرحمو
ملا احنا 4 ديار بصح كل واحد باني في جيهة ملا نعيدو كامل مع بعض ( جداتي ..حنا ..2خوالي :d)
نهار العيد كي يروحو المصليين للجامع احنا نقعدو كامل مع بعض لتحت مع لكباش نلقيو النظرة الاخيرة زعما هههه
كي يجيو نروحو كامل فوحد الحوش كبير ويبداو يدبحو بالواحد حتى لي يكملوهم بـ4 ديما ما نكملوش بكري لحتى 1ونص ولا باش يكملو
النسا دايرين مجموعات لي يغسلو الدوارة وجماعتها ولي يشوطو البوزلوف ويغسلوه كامل يتعاونو مع بعض
وانا وبنت خالي غير احنا لي صغارات فالدار مانديرو والو تقريبا هههه خاطر الغاشي بزاف الله يبارك واحنا ماعنا مانديرو نجيبولهم الصوالح برك وانا ندور كي الفوتوغراف بلاباي افوطو ونصور هههه
بصح السنة راه يستنا فينا تكراط البوزلوف مرت خالي لي موالفه تعملو راها مريضه
ملا العام هدا كامل رايحين ياكلو بوزلوف ناقص هههه خاطر الرسمي نصو نرموه ونخليوله جده هههه
كي نكملو نسيقو انا وبنت خالي كااامل الحوش والدرج ملفوق لتحت (ظهرك يتقسم:down
والفطور مانديرو والو خاطر مانكملوش بكري ،، ديجا نهار الصيام لي قبل يدربو حسابهم ويكترو الماكله
ومرات نطيبو صباح حاجه خفيفه برك
بصح جامي فطرنا باللحم ولا الكبدة كما قالو لي قبل ههه الكبدة حتى ليل ونديرو المجمر ونشويو (كل واحد في دارو ) :love01:
وفي عشية العيد يجو كامل لافامي لدار جداتي ونقعدو ونكملو العشية كامل مع بعض ♥
لحتى يجي ليل ونسقمو داك المجمر والكبدة واللحم الله الله ونشويو وناكلو :d
ولغدوا ماما تصبح على الكرشة تعمرها والمصارن وهكا والروايح اععع :tongue02: :tongue02: كوزينة ماندورش بيها نهار كامل
لحتى يجي بابا لعشية ونعاونو فتقطاع اللحم
+ شفت لي قالو يديرو البوزلوف نهار تاني ومنعرف الله يخليكم تخلو اللحم وتروحو للبوزلوف هههه
احنا البوزلوف يديروه فالكونجيلاتير وحتى لشي نهار من النهارات يكون كمل اللحم يجبدوه هههه :p
هدا هو العيد تاعنا :regards02: :d ماشكيتش كاين لي يفوتو كيفنا :p
جليلو حقك تع الكبدة محفوظ كونك هاني هههه + اللحم المحمر راه ليك حقي انا مانكلوش :d
هدرت بزاف علابالي هههه
وصحا عيدكم ،، وربي يفرج على الامة الاسلامية والعربية جمعاء
وماتكتروش الشحم ماشي مليح :bravo01::sport02: ​

السلآم عليكم
بداية صحا عيدكم وكل عام وانتم بالف خير
والامة الاسلامية بخير
وربي يفرج وييسر على اخواننا المستضعفين في كل مكان
نبداو بيوم عرفه كل عام نصوموه كامل العايلة وفالافطار نتلمو كامل على المايدة كما رمضان
نكترو التهليل والتكبير والدعاء والصلاة لعل وعسى ربي يتقبل منا ويغرفلنا
نهار العيد نوضو صباح بكري نصلو الفجر وكي يبدا يطلع النهار نوض ونسيق نوجد القهوة ندير عود قماري مايجينيش العيد بلا بيه هههه
يروح خويا وولدي والرجال كامل تع الدار للجامع ونبقاو انا ومرت خويا نكملو توجاد صوالح الذبيحه وغيرهم
ونعاودو نهبطو لعند الكباش كما قالت اميرة نلقو النظرة الاخيرة ههه
كي يكملو الصلاة نتغافرو ويطلعو كاامل لعنا (بيت الجدة ) يشربو قهوة مع الام
كي يكملو يهبطو للدبح
وراها حكات بنت اختي كلشي الباقي بالتفصيل مكان لاه نزيد ههههه
راكي نسيتي حاجه احنا مانشوطوش الزليف بالشاليمو احنا نديرو النار بالخشب وكامل نار تقليدية :d وامي تتكفل بيها (ربي يخليهالنا)
ايا اميرة العام هدا مش كما لي فاتو غي دوري وتصوري راه تكراط الزليف يستناكم نتي ومروة تعاونوني فيه هههه :sport02:

تعيدو بالصحة والهنا ان شا الله وربي يتقبل منا ومنكم سائر الطاعات
وبارك الله فيك جليلو عالموضوع
وراح نخبيلك سفود تع ملفوف هههه
سلام ​

 

[جليلوس]

رد: شاركنا يومك الأول من عيد الأضحى == مرحبا بيكم ==

السلام عليكم
بارك الله فيك وجازاك خيرا و ارجو من الله عز و جل ان يتقبل دعاءك و دعاء الجميع
نتمنى للجميع عيد مبارك سعيد و كل عام و انتم بخير
يعطيك الصحة جاليلو على الموضوع هكدا نتعرفو على عادات بعضنا البعض

وعليكم السلام ورحمة الله
اهلا بيك خالتو ام منير نورتي بوجودك الطيب
ان شاء الله اجمعين ... شكرا لدعائك ... اكثروا منه اليوم فلعلها تكون ساعة استجابة
وربي يتقبل من الجميع

انا اليوم رانا صايمين بادن الله تعالى ان شاالله ربي يتقبل منا ومن الجميع

مليح ربي يتقبل اجمعين صيامنا وقيامنا ودعائنا يارب يا مجيب
صيامنا وصيامكم في الجنة

غدوا ان شاء الله نصلي الفجر وما نزيدش نرقد نعجن الخبز و نوجدو قبل ما يكملو الصلاة و نروحو للمقبرة لزيارة ابي رحمه الله

اكيد نهار لول تاع العيد مايجيش الرقاد سبحان الله منبه طبيعي
ونوضوا كامل قبل الفجر ... يا لقدرته وجلاله سبحانه عزوجل
احنا المقبرة مانروحولهاش نهار لول راكم عارفين الهاراج بزاااف
كي يحبس العفس عليها نهر ثالث ولا الرابع
الله يرحم موتانا ان شاء الله

من بعد الصلاة ندبحو تعرفو هاديك الصبحة اشغال شاقة الدوارة و البوزلوف والحاجة لمليحة ريحنا من الهيدورة راهم يدورو بالكاميونات و يدوهم يبيعوهم رحمة ربي
المهم تعب في تعب و الحمد لله حتى نفشلو و ما نقدروش ناكلو
انا نفطر بالحريرة لي تكون باقية من اليوم كل عام هكدا قلبي يطلع من الدم و الوسخ و نتبلع صراحة

الصح في هاديك اللمة ولومبيونس تاع العيد
كامل هاداك التعب ماتحس بيه ادا كان الجو العائلي ملائم
ههههه صح بكري كانوا جداتي ويما ينقوهم ويخدموهم بطاين لحد الآن ماخسروش
مي دروك راهم المساجد يلموهم على كل حي ...
ينقوهم ويغسلوهم ويمدوهم لمصليات تاع برا لي ساكنين في الأرياف ...
خخخخخ والفتي الحريرة انا لوكان مانتغداش على كبدتها والطحال مانحسش بلي ذبحنا ههههه
الله يصبرك خالتو ... يحسن عونك :d:d

من بعد يروحو يغافرو انا نروح عند امي العائلة كامل تتلايم تما نفوتو لعشية
من بعد كل واحد يروح لدارو وكل واحد مع المجمر راكم تعرفو البقية

كامل هاكا صح ... الله يدوم لمتكم ان شاء الله

نوصيكم برك ما تاكلوش هكدا عشوائيا و ما تكتروش الشحم راها المعدة تنخلع و تعشيو في الاستعجالات اللهم عافنا
كما قال واحد اضحية العيد هو الكبش و المرا
الكبش ندبحوه و لمرا اشغال شاقة

هههههههههه ماتخميش دايرين الإحتياطات الا اذا قدر ربي وخرجت فوق طاقتنا :yahoo01::yahoo01:
الله لا يبلي حد ان شاء الله ...
صدق ذلك القول والله عندو الحق ... المرأة هي التاعبة وبالبزاااف في العيد خاصة الكبير
ربي معاكم

المهم تعيدو بالصحة و الهنا و كل عام و الجميع بخير
​

وصحا عيدكم انتوما تاني
كل عام وانتم بخير ربي يتقبل من الجميع ان شاء الله
تحيتي

 

[sosobibicha]

رد: شاركنا يومك الأول من عيد الأضحى == مرحبا بيكم ==

السلام عليكم
شكرا على الموضوع الرائع انا كل صباح عيد كنت نروح للمقبرة انا جدتي رب يرحمها لكن هذ العام لا يمكن ان تكون معي لانها توفيت اتمنى ان تدعو لها بالرحمة
تقبل مروري

 

[amina he]

رد: شاركنا يومك الأول من عيد الأضحى == مرحبا بيكم ==

ههههههههههههههه ان شاء الله جاليلو

 

[جليلوس]

رد: شاركنا يومك الأول من عيد الأضحى == مرحبا بيكم ==

السلام عليكم
اميييييين ياربي الهداية مليحة شحال ما كثرت من هاد الدعاء مليح ^^
هههههههه اليوم مانحط والو مايخصنيش ذنوب على راسي خلاص ليباج تجاوزناهم خليك غير فالتالي ماراح تشوف والو ^^
اللهم امين يارب العالمين اللهم اجعل الفرج قريب على جميع الامة الاسلامة ونصرنا على القوم الفاسدين
ماتخممش مااحش نخليوك وحدك اخونا رانا معاك برك شويا صبر وان شاء الله ربي يفرج :-r




تفاهمتو عليا
:yahoo01::sport02::yahoo01::yahoo01::sport02::sport02:

​

وعليكم السلام ورحمة الله
ههههههه ماعليش تعيشي وتاكلي غيرها :d:d
خويا الآمين وينو ... خلاص ارواح مكان والوا اليوم مادروش غير بالنص برك
انا خاطيني :p:p ... ربي يفرج عليك يا خويا ...
الله ينورك اختي مطبخ الاحلام سعدت بتواجدكم احبتي في الله
الله يعطيك ماتتمناي ... دمتم بخير

 

[جليلوس]

رد: شاركنا يومك الأول من عيد الأضحى == مرحبا بيكم ==

​

لبيك اللهم لبيك لبيك لا شريك لك لبيك
ان الحمد والنعمة لك والملك لا شريك لك

 

[جليلوس]

رد: شاركنا يومك الأول من عيد الأضحى == مرحبا بيكم ==

ههههههههههههههه ان شاء الله جاليلو

شكرا سررت بردودكم الطيبة
بارك الله فيك ... وصحا عيدكم :up::up:

 

[جليلوس]

رد: شاركنا يومك الأول من عيد الأضحى == مرحبا بيكم ==

السلام عليكم
شكرا على الموضوع الرائع انا كل صباح عيد كنت نروح للمقبرة انا جدتي رب يرحمها لكن هذ العام لا يمكن ان تكون معي لانها توفيت اتمنى ان تدعو لها بالرحمة
تقبل مروري

وعليكم السلام ورحمة الله
العفو مرحبا بيك يعطيك الصحة
ربي يرحمها ويجعل مثواها الجنة ... عيدها في الفردوس اجمل
ادعيلها بالرحمة واستغفري ربي ... مرورك الطيب اسعدني
باركك الرحمن

 

[ندى الشاوية]

رد: شاركنا يومك الأول من عيد الأضحى == مرحبا بيكم ==

السلام عليكم

عيدكم مبارك تعيدو وتزيدو اعوام وسنين ان شاء الله انت وعائلاتكم الكريمة مجتمعين

اما بعد نهار اللولتاع العيد
انا نوض بكري نوض بابا باه يروح يصلي
ونزيد نوض خواتاتي الصغار نصشورلهم شعورهمونلبسلهم كي نخلصلهم نزيد نوض خويا الصغير نزيد نلبسلو ونعدلو مليح
فالوقت لي ماما وختي يفرزو شوية سيرتو اذا درنا الحنة راهي تمرمد هههه
يجي بابا نغافروه نغافرو بعضانا

نولي نلبس ونعدل روحي باه نصور ههه وكي نخلص التصوار نعود نبدل قشي وهنا التعبة تاع الصح نعاون بابا الذبيح مع اني من عاداتي فالعيد ما نعرفش نحكم لخروف مليح هههههه ومبعد نعاون بابا فالسليخ ومبعد الكرشة والراس والرجلين نتعاون فيهم انا وختي وماما تفرز الباقي
نخلصو بابا يروح يعاون بيت جدي لانهم يذبحو اكل ثما الا حنا
وحنا ندخلو ندوشو نعدلو رواحنا ماما توجد لغدى وحنا فالغدى نقليو
يجي بابا انتغداو بابا وماما يديرو القيلولة وحنا نبداو نغافرو الجيران
نروحو نوليو نروحو توال بيت جدي نتلاقاو العايلة كاملة عند جدي نعقبو العشوة ثما
ومبعد نروحو يدير بابا الشواء ونرقدو
اما اليوم الثاني نزيدو نروحو توال بيت جدي وباقي اليوم توال التلفاز هههه



تحياتي
​

 

[جليلوس]

رد: شاركنا يومك الأول من عيد الأضحى == مرحبا بيكم ==

لسلام عليكم ورمة الله تعالى وبركاته اتمنى عيد سعيد ومبارك لكل الامة الاسلامية وكل عام وانتم بخير

وعليكم السلام ورحمة الله
الله يسلمك وكل عام وانتم الى الله اقرب
شكرا لتواجدك :up::up:

 

[جليلوس]

رد: شاركنا يومك الأول من عيد الأضحى == مرحبا بيكم ==

وعليكم..السلام
الله يسلمك خويا وصح عيد
جميع اعضاء 4algeria
والجزائريين والمسلمين عامة
...
كيفاه نفوت العيد.ممممم
يعني العيد هاذا راح يفوت كيما
العيد الصغير ورمضان والاعياد تاع
العام الي فات ولي قبله .....
يفووت بعيد على الدار.
منتلاقا بوالديا لا خاوتي لا لافامي لا صحابي...
هذا واش نقدر نحكي..
...
المهم....تعيدو بالصحة والهنى
متكثروش اللحم بزاف راه يضركم
سلام.​

اهلا بيك خويا وليد نورت
يسلمك حبيبي وكل عام وانت بخير
الله يكون في عونك ... ماعليش خويا
ربي يلاقيك بيهم في اقرب وقت ... الله يهنيك
ههههه صحيت ... :d:d
تعيد بالصحة والهناء ... دمت بخير ...

 

[جليلوس]

رد: شاركنا يومك الأول من عيد الأضحى == مرحبا بيكم ==

السلام عليكم ورحمة الله وبركاته

اهلا بيك وعليكم السلام ورحمة الله
نورتي اختي فايث مرة اخرى ...

نبدى مباشرةً فالموضوع

راني نقرا يا الله على بركة الله :d:d

حنا نهار لول تع لعيد بابا ينوض يسحر بش يصوم لدبيحة خاطر المعروف ليدبح يصوم ويفطر مور ما يدبح (سنة) وحنا نoدو جوايه 6 نخدموا شغل نغسلو مواعن نوجدو وش نديرو لفطور يكون عادةً بطاطا وسلطة خاطر يكون بزاف القليان (الكبدة والقلب)

مليح تقريبا المتعارف عند الجميع
اللهم فبارك ... الله يهنيكم ويخليلكم الوالد الكريم

نحكيلكم على دبيحة
حنا كاين تحتنا جنان لتما يدبح بابا مع الجيران طبعاً مور صلاة لعيد
ديماً كبشنا لاول مسكين هههه خطر بابا كي يكمل يدبح للجيران مش كامل يعرفو يدبحو
كي يبداو حنا نكون موجدين لماء والباسينات وشاليمو
أولاً يطلعولنا رجلين وزليف أنا نستكلف بهم برعاية شاليمو ههههه

مليح راكم ناشطين ... مليحة الجنان كامل يتلموا فيها :up::up:
مسكين البوزلوف " انتوما تقولوا الزليف " راه يعاني معاكم :d

أمبعد دوارة bصح ماما أنا مازل منعرفلهاش مليح وهي لتحب تقولي أنا نقيها بيدي نكون مهنية وأنا منقولش لالا هههه
وكي يكمل بابا دبيحة نقلولو شوية كبدة يكسر بها صيامو ^^ ونسيقو لحالة
كي يلحق وقت لفطور نحطو نفطرو بنة وحدها تع العيد لكبير ^^

اكيد بنة العيد والشواء لا تعوض :-r
احنا نشووها ونديروها معا الشحم ملفوف
كيما التصاور لي جابتهم مطبخ الاحلام
:d:d يم يم ... حمبوك فكرتيني .. علاه حرام عليك

أمبعد نغسل مواعن مر ميجي بابا من الصلاة هو ليقطع زليف مور ما يغلى
أمبعد نجوز أنا وماما نطيبو لعصبان وبوزلف فالكوشة نقعدو معهم عشية كامل
كي نكملو ندوشو نصلو نحط لقهوة والقاطو ولمسمن
أمبعد ماما وبابا يروحوا يعيدوا على عمتي وكبار لعايلة وأنا نقعد نعس لماكلة
ونزيد نطيب شطيطحة مخ وشطيطحه مصران نكونو نقيناه هديك لعشية
أنا يقتلوني منكلوش ههههه

هههههه يعني كلش في نهار .... يحسن الون راكم تعانيووو
خخخخخ وزيد تاني ماتاكليش :-o اواه ماراكمش ملاح نتوما بنات اللمة :s

كي يجو نحط لعشا بوزلف وشطاطح هدوك أنا عادةً منتعشش نتقهم من ريحة طياب
نغسل مواعن نعاود نسيق لكوزينة ونروح للمة شوية ونيني ههه

يعني من القضيان للنت ... دورة الحياة هادي :thumb_up02:
:thumb_up02: مليح راكي مسطاليتها ... وتزيدي تشخري تاني
الله الله انا ينوض الرصاص ومانرقدش :yahoo01:

نهار تاني يجوز عادي حنا فطورنا يكون عصبان بنين بزاف كش نهار نعردكم تاكلوه عندنا ^^
ولعشية مور الظهر نروحو نزورو لاحباب ولعائلة ماني، عمامي، خالتي ووو
وnwallo لدار يكونو جاو خوتاتي مع ولادهم نديرو شوى ونسهرو نقصرو
فوالا ^^ هاكا نجوزو لعيد تعنا

مليح الله يدوم لمتكم ... بارك الله فيك
شاركتنا فرحتكم وادخلتنا لداركم يعطيك الصحة

شكراً على لموضوع
صحة عيدكم ادا مدخلتش نقوللكم بصحة ولهنا عليكم

الله يسلمك انتوما تاني تعيدو بالصحة وكل عام وانتوما بخير

سلام ^^
ps: clavier arabe te3 internet habelni sem7ouli dyali tkassar -_-​

خخخخ مازلتي غير تعاني معا الكلافي ... يحسن عونك

nsit te9ta3 l7am ykou 2ème jour sba7 bekri nkoun ana ra9da nod nel9a mama w papa kamlo hhhhh
merci encore
slm

ههههههه صحيتي ... بارك الله فيك
الله ينورك :up::up:

 

[جليلوس]

رد: شاركنا يومك الأول من عيد الأضحى == مرحبا بيكم ==

السلآم عليكم
بداية صحا عيدكم وكل عام وانتم بالف خير
والامة الاسلامية بخير
وربي يفرج وييسر على اخواننا المستضعفين في كل مكان

وعليكم السلام ورحمة الله
اهلا بيك اختي مليكة نورتي يعطيك الصحة
الله يسلمك وانتم بخير ... آمين يارب
شكرا لدعائك ... بوركت

نبداو بيوم عرفه كل عام نصوموه كامل العايلة وفالافطار نتلمو كامل على المايدة كما رمضان
نكترو التهليل والتكبير والدعاء والصلاة لعل وعسى ربي يتقبل منا ويغرفلنا

ربي يتقبل صيامنا وقيامنا وخالص اعمالنا بمزيد من الاجر والثواب والمغفرة
الله يدوم لمتكم ان شاء الله اختي

نهار العيد نوضو صباح بكري نصلو الفجر وكي يبدا يطلع النهار نوض ونسيق نوجد القهوة ندير عود قماري مايجينيش العيد بلا بيه هههه
يروح خويا وولدي والرجال كامل تع الدار للجامع ونبقاو انا ومرت خويا نكملو توجاد صوالح الذبيحه وغيرهم
ونعاودو نهبطو لعند الكباش كما قالت اميرة نلقو النظرة الاخيرة ههه
كي يكملو الصلاة نتغافرو ويطلعو كاامل لعنا (بيت الجدة ) يشربو قهوة مع الام
كي يكملو يهبطو للدبح

ههههههه نقدر نقول بلي نتي واميرة فاميلا وحدة ههههههههه
... الله يبارك عليكم ... بصح مهابل دوريجين .... :d:d
امزح فقط ... الله يهنيكم

وراها حكات بنت اختي كلشي الباقي بالتفصيل مكان لاه نزيد ههههه
راكي نسيتي حاجه احنا مانشوطوش الزليف بالشاليمو احنا نديرو النار بالخشب وكامل نار تقليدية :d وامي تتكفل بيها (ربي يخليهالنا)
ايا اميرة العام هدا مش كما لي فاتو غي دوري وتصوري راه تكراط الزليف يستناكم نتي ومروة تعاونوني فيه هههه :sport02:

ربي يخليلكم الوالدة ... خخخخخخ مليح خليها تخدم شوي
حاب برك نشوف حاجة
البوزلوف من تحت يدين اميرة كيفاه يولي .... :yahoo01::yahoo01:

تعيدو بالصحة والهنا ان شا الله وربي يتقبل منا ومنكم سائر الطاعات
وبارك الله فيك جليلو عالموضوع
وراح نخبيلك سفود تع ملفوف هههه
سلام

الله يسلمك ...آمين يارب
يبارك فيك وفي يامك .... مادابيك ماتنسايش
وحق اميرة معاك تاني ... ياك مكان مكان ماكلة عندها
:d:d
​

شكرا لتواجدكم بارك الله فيك

 

[جليلوس]

رد: شاركنا يومك الأول من عيد الأضحى == مرحبا بيكم ==

السلام عليكم

وعليكم السلام ورحمة الله
اهلا بيك اختي ندى الشاوية نورتينا

عيدكم مبارك تعيدو وتزيدو اعوام وسنين ان شاء الله انت وعائلاتكم الكريمة مجتمعين

الله يسلمك يبارك فيك ...
ونتوما بخير ... ربي يتقبل منا ومنكم

اما بعد نهار اللول تاع العيد
انا نوض بكري نوض بابا باه يروح يصلي
ونزيد نوض خواتاتي الصغار نصشورلهم شعورهمونلبسلهم كي نخلصلهم نزيد نوض خويا الصغير نزيد نلبسلو ونعدلو مليح
فالوقت لي ماما وختي يفرزو شوية سيرتو اذا درنا الحنة راهي تمرمد هههه
يجي بابا نغافروه نغافرو بعضانا

هههه مليح راه كلش عليك
ربي يخليلك خاوتك واهلك يارب ... دوم لمتكم وقوسطوكم ان شاء الله

نولي نلبس ونعدل روحي باه نصور ههه وكي نخلص التصوار نعود نبدل قشي وهنا التعبة تاع الصح نعاون بابا الذبيح مع اني من عاداتي فالعيد ما نعرفش نحكم لخروف مليح هههههه ومبعد نعاون بابا فالسليخ ومبعد الكرشة والراس والرجلين نتعاون فيهم انا وختي وماما تفرز الباقي

ههههه الله يعاونكم ان شاء الله ... المعونة زينة خاصة في العيد تحس بشارم تاعه :up:

نخلصو بابا يروح يعاون بيت جدي لانهم يذبحو اكل ثما الا حنا
وحنا ندخلو ندوشو نعدلو رواحنا ماما توجد لغدى وحنا فالغدى نقليو
يجي بابا انتغداو بابا وماما يديرو القيلولة وحنا نبداو نغافرو الجيران
نروحو نوليو نروحو توال بيت جدي نتلاقاو العايلة كاملة عند جدي نعقبو العشوة ثما
ومبعد نروحو يدير بابا الشواء ونرقدو
اما اليوم الثاني نزيدو نروحو توال بيت جدي وباقي اليوم توال التلفاز هههه

هههههه الله يدومها ... :up:
وينو حقي تاع الملفوف والكرشة :yahoo01::yahoo01:
سمحتيني فيهم هههههه امزح فقط الله ينورك
شكرا لمرورك

تحياتي
​

تحية اخوية متبادلة
صحا عيدكم وكل عام وانتوما بخير

 

[جليلوس]

رد: شاركنا يومك الأول من عيد الأضحى == مرحبا بيكم ==

 

[جليلوس]

رد: شاركنا يومك الأول من عيد الأضحى == مرحبا بيكم ==

 

[samah06]

رد: شاركنا يومك الأول من عيد الأضحى == مرحبا بيكم ==

اولا حبيت نهنيكم انتم اهل اللمة واهل بيتي والامة السلامية جمعاء بعيد الاضحى او العيد لكبير
الان راني نكتب في مساء يوم عرفة راني خلصت التوجاد للعيد
مزال الا الفطور لاننا ككل الامة اليوم عندنا 9 ايام وزاحنا صايمين نسا اللع ان يتقبل منا طاعتنا
اما عن العيد فهو يوم جد متعب بالنسبة لي ابدا اولا بشغ البيت والفطور وغسل اواني افطور يلبسو الاولاد ويخرجو انا نلم واش وسخو نحطهم للغسالة
ونطيب قهوة وتاي ونوجد سينية القهوة ونوجد حوايج الذبيحة للحاج
وثاني ندير الغذاء معلبليش بزاف يوو نديرو الشواء لكن انا نوجد شخشوخة وهاذ العيد راح ندير ثريدة
وبعد مانتغافرو من بعد صلاة العيد اكيد راح يذبحو ومن ثمة تبدا الاعمال
نخدم بوزلزف ونرجع للدوارة ونغديهم ونرجع نغسل لماعن ونعاود التسياق من جديد
ونوجد قهوة اذا جاك كاش ضيف في المساء ونروح لعجوزتي وشيخي نغفرلهم ونزيد نعاون واش نلقى خدمة عند عجوزتي ونروح مع اذان المغرب مهدودة
هنا يجي دور الحاج زوجي وابنائي ميدو وانيس يحضرو العشاء عليهم طبعا حتى يناديولي نروح نتعشا
طبعا شواء وسلاطة وديسار لكن في الوقت اللي يديرو العشاء انا نخيط الدوارة ونقسم الدماغ ونكونجليهم
بعد العشاء طبعا يجي دور الجزار اللي يقسم الجزرة ونختموها بسينية قهوة وقسرة مع شهودة
النهاية
يوم شاق بجد هنيالكم يا رجالة غير تذبحو تخرجو
شوفو النساء واش يديرو مساكن
والله يبلغنا العيد لا فاقدين ولا مفقودين
واذا حبيت كيفاه نقضي اليوم الثاني راح نحكيلكم ثاني
هنا دور اللحم والبربوشة

 

[louizalina]

رد: شاركنا يومك الأول من عيد الأضحى == مرحبا بيكم ==

اااه نذكركم ماتنسوش حقي تاع الملفوف hhhhhhhhhhhhhhhhhhhhhhh mareheba bik

 

[هدى ا]

رد: شاركنا يومك الأول من عيد الأضحى == مرحبا بيكم ==

يومي تع عرفة راني صايمة و راح نرقد دوكا باي

 

[AmiR@RoRo]

رد: شاركنا يومك الأول من عيد الأضحى == مرحبا بيكم ==

مساء الخير عليكم
تفكرت حاجه رجعت
جليلو انت حطيت الموضوع وكامل ناس حكات
بقيت نتا صاحب الموضوع وماحكيتلناش كفاش تفوت العيد
رانا نستناو :d​