أرى مستقبلي يضيع بين عيني ساعدوني

[مشكلتي]

سلام عليكم اصحاب اللمة إن شاء الله تكونواكامل بخير

أولا نحب نشكركم على هذي الفرصة لي مديتوهالنا باه نفرغوا على قلبنا ونحاولوا نلقاو حل مشكلتنا

أنا مشكلتي ربما في شخصيتي طموحة بزااااف من صغري كنت حابا نكون فعال في مجتمع وعندي مكانتي وكنت على علم بلي غير قرايتي لي راح تحققلي هدفي على هكاك من صغر كبرت وانا حارصا على قرايتي كنت متفوقة ومثابرة والحمد الله في مشواري دراسي ماعادا في طور ثانوي مادرتش نوالف ونزل مستواي بزااف مي هكاك ما فقدتش أمل في اني نكون طبيبة حتا جا عام الباك ويا ريتو ما جا الحق انا تعبت فيه بززاااف من حصص دعم لليسي نرجع لدار نقرى مهم ماخليتش دقيقة ماوجدتلوشش فيها عقبت الباك وانا كل مانرحع لدار وانا نبكي كنت حاسا بلي ماخدمتش وعرفا بلي مستحيل راح نحقق حلمي وكان احساسي في محلوا حمد الله انا جبت الباك ولكن بأدنى علامة ديتها في حياتي عب عليا صيف اسود خاصا كي شفت بلي كاين ناس كان من مستحيل يجيبوه بصح جابوه وخير ومني بفضل كتافهم والحق انا عندي معريفة بصح كنت حابا نجيبو بعرقي مهم بدا عام دراسي نتاعي في جامعا خيرت إختصاص مش عاجبني بوكل ونهار لحد راحا نبدا القراية ان شاء الله حبيت نعاود لباك بصح خفت عاونوي تعيشو اسكو ننسى حلمي ونكمل حياتي هكاك بلا هدف ولانعاودو مع انو راح يكون صعيب عليا نوفق بين جامعة والباك خاصة اختصاص لي خيرتو صعيب شويا وشكرا :s :s

 

[Salam Fleur]

رد: أرى مستقبلي يضيع بين عيني ساعدوني

السلام عليكم

صح عيدك كل عام و انت بخير

شوفي اختي ..... انتي عندك حلم و ماشاء الله عليك ... ودايما الانيان لما يحوس يحقق حلمه يلقى عقبات ..... و الانسان قوي العزيمة مستحيل يتنازل عن حلمه .... انتي عندك فرصة و اثنين و ثلاثة و عشرة تاني ... شوفي اقراي في الجامعة و عاودي الباك .... و اذا ماقدرتيش توفقي بين قراية الجامعة و الباك تقدري تبلوكي العام ...... فكرتيني بواحد تاع فاميلتي ... 7 سنين وهو يعاود في الباك حتى داه و راه دركة يخدم في الشرطة القضائية و كانت حلمه من الصغر ..... و الحمد لله حققه بالعزيمة

توكلي على ربي .... و ربي يفتحلك ابوابه ........

سلام​

 

[أميرة تقرت]

رد: أرى مستقبلي يضيع بين عيني ساعدوني

ممكن الاختصاص الي خيرتيه يكون احسن ليك
"عسى ان تكرهو شيئا و هو خير لكم
وعسى ان تحبو شيئا و هو شر لكم"

 

[بقايا إنسان]

رد: أرى مستقبلي يضيع بين عيني ساعدوني

السلام عليكم

صح عيدك كل عام و انت بخير

شوفي اختي ..... انتي عندك حلم و ماشاء الله عليك ... ودايما الانيان لما يحوس يحقق حلمه يلقى عقبات ..... و الانسان قوي العزيمة مستحيل يتنازل عن حلمه .... انتي عندك فرصة و اثنين و ثلاثة و عشرة تاني ... شوفي اقراي في الجامعة و عاودي الباك .... و اذا ماقدرتيش توفقي بين قراية الجامعة و الباك تقدري تبلوكي العام ...... فكرتيني بواحد تاع فاميلتي ... 7 سنين وهو يعاود في الباك حتى داه و راه دركة يخدم في الشرطة القضائية و كانت حلمه من الصغر ..... و الحمد لله حققه بالعزيمة

توكلي على ربي .... و ربي يفتحلك ابوابه ........

سلام​

أفضل رأي أراه سديدا

 

[Bella2]

رد: أرى مستقبلي يضيع بين عيني ساعدوني

السلام عليكم صحا عيدك اختي دخول جامعي موفق انشاء الله
تفهمت وضعك لانو صديقتي المقربة تاني جابت الباك بمعدل جامي جابتو فحياتها تصرا عامك لول هدا ماتنخلعيش بصح ادا باغية تعاودي الباك لولا شوفي روحك انت تعرفي مستواك ادا قادرة تحسني هادالمعدل فوتي الباك وبالإرادة مكانش مستحيل نعرف وحدة العام لي فات كانت تعاود فالباك وتقرا علوم دقيقة مشي ساهلة وجابت معدل الطب انتي خمي مليح ودائما بالارادة مكانش مستحيل
بصح نوصيك على حاجة تاني ماتبلوكيش العام تاع الجامعة فاي ظرف من الظروف جيبب عامك لانو هو المضمون تبقا فالباك انشاء الله تنالي ما تمنييتي ربي يوفقك اختي

 

[Hakan]

رد: أرى مستقبلي يضيع بين عيني ساعدوني

الحلم يااختي يبقى حلماا
ما دنت على قيد الحياة وما تبعيشذراي النااس اللي تفشلك كيما فشلوني اقرب النااس لياا
وتخليت على الحلم
ربي يوفق اختي وننصحك نصيحة عندك خيارين اما تركزي على حلمك
اما تنصرفي منه
مكانش حاجة اسمها نوفق خااصة في التخصصات اللي تحتاج انك تباتي نايضة باش تدي ١٠ في هذااك الموديل​

 

[لؤلؤة قسنطينة]

رد: أرى مستقبلي يضيع بين عيني ساعدوني

السّلام عليكم حبيبتي
صح عيدك وكل عام ونتي بخير
ربي يوفقك غاليتي وتنجحي وتوصلي لواش حابة بإذن الله
ربما رايحة نديرلك رد شوي طويل خاطر خرجت من موضوعك بنتيجتين, النتيجة الأولى هي مادامك حابة توصلي لحلم معين ومادامك مازلتي تتنفسي معناها كاين امل , وانا نعرف وحدة كانت حابة دير طبيبة لكن المعدل تاعها كان ضعيف, مالا دخلت تقرا في التخصص لي بعتوها ليه, وعاودت الباك وجابتو بمعدل مليح لي يسمحلها تكون طبيبة , ومن بعد دات ليسانس بالتخصص تاعها وعرضو عليها حتى تعمل في الادراة تما بعد , يعني دارت 3 حوايج في حاجة, هادي من ناحية وصلت لواش حابة, يعني من ناحية التوفيق بين زوج حوايج هادي شوي صعيبة كيما قالها خويا حكيم, يعني حبيت نفهمك بلي ماكانش حاجة اسمها مستحيل.
اما النتيجة الثانية وهي حنا نخيرو وربي يخير وقرار الله تعالى هو الاحسن, نتي نفسك قلتي ناس مايستاهلوش يديو الباك وداو ونتي لي تعبتي ديتيه بمعدل ضعيف, ماش معناها ربي كرهك, بالعكس ماتدريش ربي واش مكتبلك, وباه مانخربطكش نحكيلك على نفسي, انا مثلا لما كنت نقرا في الليسي كان حلمي نروح للطب وخاصة البيطرة , بصح تاني عام ليا بعتوني تسيير واقتصاد في الاول قلقت بصح من بعد قلت بالاك ربي شافلي فيها خير, وصح بالاك كن كملت علوم كنت نجيب معدل ضعيف ونروح حاجة ماش حابتها خلاص خاصة انو عام الباكالوريا عديت بظروف منعتني من الدراسة ومن الدروس الخصوصية, ودرك الحمد لله لقيت روحي في المجال هادا وخاصة في الجامعة , وزيد نقولك حاجة اللخرة لي صراتلي قبل ايام باه نبينلك بلي ربي كي يحبلك حاجة , انا هاد العام وقبل ايام رحت باه نسجل سنة اولى ماستر وعطاونا 10 تخصصات كاملين ومانعرف عليهم والو, وليت بالشوي خيرت 3 وحطيتهم في ورقة التسجيل, وبحكم انا كان معدلي مليح وكنت مرتبة في القائمة الاولى يعني اي حاجة نخيرها يعطيوهالي, مالا انا حطيت ادارة اعمال عامة هي الاولى وادارة اعمال مالية هي الثانية والثالثة تسويق نظن, وانا كنت حابة ندير ادارة اعمال عامة خاطر نصحوني بيها, وبعد يومين ولا 3 من التسجيل خرجت في النت قائمة المقبولين في الماستر, وانا كي الفحلة هزيت القائمة لقيت روحي مقبولة وبعتوني ادارة اعمال عامة كيما حبيت, هيا فرحت وعيطت لبنات كامل لي طاحو معايا بشرتهم وحتى هوما شافولي وقالولي مبروك, هيا نهار رحت نسجل غير مديت لورق تاعي قاتلي لي تخدم تما اسمك ماكانش في قائمة المقبولين في ادارة اعمال عامة, وقاتلي روحي اتأكدي من القائمة, كي رحت للقائمة صدقيني لقيت روحي بعتوني ادارة اعمال مالية, وسبحان الله انا وكامل البنات شفنا وواحد ماتوله بلي ماش ادارة اعمال عامة, وزيد رحت نسجل في النهار اللخر, يعني ماعنديش طريقة كيفاه ندير الطعن , في الاول قلقت ومن بعد قلت سبحان الله معدلي مليح و حطيت ادارة اعمال عامة هيا الاولى وشفت القائمة وانا ولبنات وماتولهتش بلي مابعتونيش واش حابة, يعني قلت انا خيرت حاجة وربي كتبلي حاجة وقرار ربي سبحانو اكيد خير من قراري

يعني واش نقصد ختي لعزيزة, مستحيل يبعتك ربي لحاجة وهي ماش مليحة, ربما فيها خير, يعني نتي اقراي اول عام وشوفي ومن بعد اذا حبيبتي تعاودي الباك عاودي مازال مافاتش الحال, كاين لي عاودوه 10 مرات وماكرهوش
ربي يوفقك ختي العزيزة وربي يهنيك
واسمحيلي على الرد الطويل
تقبلي مروري​

 

[الملكة بسمة]

رد: أرى مستقبلي يضيع بين عيني ساعدوني

السلام عليكم
اختي هدا ما كتب الله لك فربما هو خير لك وانت عليك الدراسة ونسيان ما مضى والتعلم من واش فات واتمنى للكالتوفيق

 

[farisufc]

رد: أرى مستقبلي يضيع بين عيني ساعدوني

ماتيأسيش وربي معاك