السلام عليكم ناس اللمة وش راكم ان شاء الله تكونو لاباس
بالشوية اني راح نقولكم صح عيدكم كل عام و انتم بخييير
عندي بزاف ما دخلتش للمنتدى مي راكم في القلب و ربي شاهد
راني رجعت و معايا قداه من موضوع
الموضوع الاول و الاهم هو على العيد و الاضحية
و هو انو بلادنا مازال فيها الخير و مازل فيها الرجال و الحمد لله
صرات حادثة للانسان قريب لينا
يا خويا السيد شاري كبش ب6 ملايين فارح بيه جبو للدار ليلة العيد شوية و جاه وليدو باباب الكبش ماعلاباليش وش بيه ما يوقفش السيد راح يجري لقى الكبش مات وي مات
و هو ما عندوش يزيد يشري كبش اوخر
المهم بعث مرتو الى بيت اهلها و ولادو معاها باش يعدو تما
الصباح الجيران دارو لمة و راحو شراولو كبش و داوهولو للدار و قالو يلا روح جيب مرتك واولادك يجيو يعيدو في دارهم
حادثة رائعة تبين فريمون بلي مازال الخير في بلادنا
وش رايكم الي عندو حكاية كيما هادي يحكيلنا
