صنع فى .................

[" ام بلقيس "]

السلام عليكم
كل عام و انتم بخير
من بين الحوايج لي أصبحت نتمنى نشوفها في جزائرنا الحبيبة بزاف و اكثر جملة ........صنع في الجزائر ......
هذه لي كانوا اجدادنا يقراوها في وقت الاستعمار اكثر ما نحن نقراوها بعد اكثر من 50 من الاستقلال
من اكبر الحوايج حتى اتفها
صنع في تايلاند ....صنع في فرنسا ....صنع في تركيا .....صنع في تونس .....صنع فيمصر .....صنع في ماليزيا .....
حتى سوريا لي ما خلاتشفيها داعش مازلنا نقراو ....صنع في سوريا
و اكثر حاجة تستفزني ....صنع في الصين
اما صنع في الجزائر فهو شبه معدوم
الأسبوع الماضى زوجي شراء حوايج الخدمة الجداد ........قع البلدان لقيتهم ......ومن بينهم ....في رايكم شكون
صنع في الجزائر .....والهردة فاش ...
اعزكم الله .........في الجوارب ....رغم اني قلت معليهش خيرمن والووووووووووووووووووو
لكن في الجوارب ؟؟؟؟؟؟؟؟
مافهمتش حاجة صارعينا بالمنتوج الوطني و تطوير المنتوج الوطني
و الانتاج الوطني والمؤسسات الوطنية و المصانع الوطنية
و انقاض المنتوج الوطني
و في الأخير يخرج قع هذى الهليلة من اجل
تقاشر......ياريتهم رفع المستوى و خلاوهم تركوات دبو
انا مراحش نحكي في الأسباب و المعوقات و الحلول و النتائج والبدائل


لكن حبيت حاجة وحدى انهم ينقضوا هذى الكلمة من الانقراذ
و يحطوها في البرنامج الدراسى لي راهم يغيروا فيه كل عام
على الأقل الأجيال الجاية ترفع النيفو شوية وتبدل
التقاشر بحاجة ......اهم
لان صنع في الصين عادت جين حتى في المنام
من كثرت ما رانا نتلقاو بيها
و انا هنا نا نحكيش على المواد الغذائية لي مكتوب فيها صنع في الجزائر
لان اذا كان كل مكونات المنتج حتي الالة لي تغلفو مستوردين
فهنا يصبح الاصح
تمت التعبئة في الجزائر .....و مكان لاه نكذبوا على بعضانا ​

تقبلوا مروري..................​

 

[Perle Blanche]

رد: صنع فى .................

السلام عليكم
الصلاة و السلام عليك حبيبي يا رسول الله
ايه هذا لي راكي تحكي عليه الا دل على حاجة يدل على انا دولة مش خدامة و مش راهي تحوس على تطورها و لا تطور منتوجاتها
حتى حنا لوكانتلقايه منتوج جزائري تقولي اواه انا مندير ثقتي و نشريه هذا مش تشكيكا فيهم مي نحكي على الجودة بصفة عامة
يعني ناقصتنا الكفاءة أكيد
العقول المفكرة تاعنا راهي تهرب تروحللدول الاخرى على خاطر هنا غابنينهم و لي عندو هنا فكرة ميقدرش يطورها لأنو ناقص مجال التطور
الجزائر راهي بقات اسم و فقط
انا معنديش بزاف منين شفت واحد الترتيب
الجزار أسوأ خامس دولة في العالم واش يجيك كي تسمعي هذا
راكي تقولي يحكيو في المنهاج التربوي عليها ياي المنهاج التربوي راها خاليها فيه من فوق
ربي يجيب الخير و خلاص
​

 

[ديسق]

رد: صنع فى .................

السلام عليكم ورحمة الله وبركاته

نعم صحيح هي مشكلة تعاني منها الدول العربية عامة والزائر خاصة، واعتقد حتى أن الدول العربي الي ذكرتها أخت الكريمة ممكن أيضا عند اجراء عملية البحث نلقاوها مجرد شركات تركيب وتجميع !! ولكن هذا لا يعني من وجهة نظري عيب أو ما شابه ذلك ونقصد هنا عملية تركيب أو تجميع، لأنه كل واحد والمقدور نتاعو.

صحيح أن الدول تلعب دور في الصناعات المحلية الخالصة، ولكن حتى الأفراد يلعبوا دور أيضا، ومش أي حاجة نرجعوها للدولة، ولكن على كل واحد منا تحمل المسؤولية نتاعو من مكانه، لأنه لما نروحو للدول الغربية نلقاوا نسبة كبيرة من الشركات هي شركات خاصة، وحتى الموضفين الي عندهم 90 بالمئة منهم يخدموا في الشركات الخاصة !!

شكرا ليك أخت بلقيس على الموضوع

الله يحفظك ^^​

 

[همس الوُرود]

رد: صنع فى .................

السلآم عليكم ~

ههههه صدقتي أختي .. بلآدنآ وش تحبي ~لآزم نقبلوا بيهآ كيمآ تكون ..​

 

[Hakan]

رد: صنع فى .................

ماداام السياسة الجزائرية مصنوعة في فرنساا
والنااس اللي تحت ايديهم المال العاام يخليو الجهاال يتصرفو في هذا المال
اكيد تلقاي هكاك
وزيدي المساطر تانيك منتوج جزائري

لكن رايي الشخصي انو ماهيش مشكلة المال
لكن مشكلة توظيف المال ومن يوظف هذا المال واللي تتحمل مسؤولية تعيين كل هذا هي الحكومة الفارغة من العقول المبدعة​

 

[نجيب]

رد: صنع فى .................

أولا شكرا لك اختي على الموضوع

هد المشكل راه مند الاستقلال لان التطلع الى ما هو احسن مكانش فالسياسة نتاع لبلاد

كان يوجد لدينا فرصة لكي نبني مصانع كبرى و نعطي لشركات الخاصة تسهيلات لكي تبني هي الاخرى مصانع في أنحاء الوطن

و كان سعر البترول يساعدنا على دالك لاكن كل وزير أو رئيس يراعي لمصالحه الخاصة مع الغرب

خمسين سنة من الاستقلال و مازلنا كما قلت نستورد كل شيء و حتى أبسطها كما قلت .

في مطلع السبعينيات كانت لهم نية بالنهوض بالصناعة لاكن بعد ما سمي أنداك بالثورة الزراعية التي حطمت كل شيء

و لم تأتي بأي نتيجة تعود للوطن بالفائدة فسقطت الصناعة تلقائيا من حساباتهم و ركزوا على الزراعة أو كيفية الخروج

من دالك المأزق الدي وقعوا فيه . و في مطلع الثمانينات بدأت معالم الفساد تظهر في بلادنا مع أن هدا المرض بدأ في

أواخر السبعينيات و بدأ كل مسؤول يبحث عن رضى الغرب و تركوا كل شيء و أعتمدوا على البترول الى حين انفجر الوضع

و كانت نتائجه ظاهرة طوال عشر سنوات و حين بدأ الوضع السلمي يتحسن من سنة 2002 الى يومنا هدا ركزوا على البنية

التحتية للبلاد و قالوا بأن الوضع لم يكن يسمح لنا بالنهوض بالاقتصاد و الاقتصاد يلزمه اولا بناء البنية التحتية للوطن ؟؟؟

و قد نسي مسؤولنا أن تركية في سنة 2002 فقط كانت تعاني اقتصاديا و هي الأن من أقوى البلدان من حيث الاقتصاد

و لان المسؤولنا عندنا يتميزون بالنظر الى المستقبل لم يتوقعوا أبدا تدني اسعار البترول و لهدا الجزائر تعاني في كل المجلات .

لو ان الرجال في بلادنا ركزوا على الصناعة كما ركزوا على استراد السلاح لكنا ألان من أحسن البلدان من حيث الاقتصاد.

كل السياسات التي مرت على الجزائر لم تأتي بالجديد نفس الحكم نفس النظرة نفس التسير و الشيء الوحيد الدي نهضنا به

هو الفساد .

حتى الشركات الخاصة في الجزائر محدودة و تحتكر كل شيء و المنافسة منعدمة بينهم .

لا أعرف كيف يفكرون أبدا ؟؟؟

يقولون الأن أنهم يوزعون سكنات اجتماعية على الشعب يا أخي كان يتوجب عليكم بناء مصانع و خلق مناصب شغل يستفيد منها

الشعب والوطن و بمبلغ شهري محترم و لا تعطيه مسكن بالمجان بل يشتريه منك بالتقسيط .

لاكن كل مسؤول في كرشوا التبن

لأن الغرب يستفزونهم بالفساد الدي وقعوا فيه مند شبابهم و يستغلون دالك في الزامهم على توقيع اي اتفاقية .

بالدارجة اشري عليا الجوارب كيما قلتي و لا ندخلك للمحكة الدولية بتهمة الفساد وووووو الخ.

نتمنى نشوف اقتصاد نتاع لبلاد يكفي الشعب بلا بترول هدي أمنية و حلم لا يتحقق أبدا .

شكرا لك مرة اخرى أم بلقيس و لك كل التقدير.​

 

[حكاية قمر]

رد: صنع فى .................

السلام عليكم
برايي أنه قدرات التي تملكها الجزائر تحطم بقلة الانتاج واستثمارات الداخلية
ما علاباليش شا يلزم باه كخيطو جلابة ولا حجابات هادوك ساجدة بحال تحتاج تخطيط وgاع
ديفوا تجي تخمي في هاد لبلاد مخك يحبس
ومشكل انو ماكاش مشكل يمنع الانتاج في بعض الأمور !!
مي كاين أيادي نتنة وفاسدة تعتمد ع استيراد علبال عملة وغيرو واكيد هاد لناس ما يخموش وحدهم كاين لي يحركهم من خارج لبلاد


بارك الله فيك اختي ​

 

[" ام بلقيس "]

رد: صنع فى .................

السلام عليكم
الصلاة و السلام عليك حبيبي يا رسول الله
ايه هذا لي راكي تحكي عليه الا دل على حاجة يدل على انا دولة مش خدامة و مش راهي تحوس على تطورها و لا تطور منتوجاتها
حتى حنا لوكانتلقايه منتوج جزائري تقولي اواه انا مندير ثقتي و نشريه هذا مش تشكيكا فيهم مي نحكي على الجودة بصفة عامة
يعني ناقصتنا الكفاءة أكيد
العقول المفكرة تاعنا راهي تهرب تروحللدول الاخرى على خاطر هنا غابنينهم و لي عندو هنا فكرة ميقدرش يطورها لأنو ناقص مجال التطور
الجزائر راهي بقات اسم و فقط
انا معنديش بزاف منين شفت واحد الترتيب
الجزار أسوأ خامس دولة في العالم واش يجيك كي تسمعي هذا
راكي تقولي يحكيو في المنهاج التربوي عليها ياي المنهاج التربوي راها خاليها فيه من فوق
ربي يجيب الخير و خلاص
​

سلام اخت الكريمة
مشكورة علي المشاركة القيمة
انا نتفق معاك فيى فكرة الدولة ماشى خدامة و منتوجنا ما يرقاش للمستوي اللازم لكن في الحقيقة هوالسبب الحقيقي ليس نقص الكفاءة و انما هونقص الامانة
وهنا نحكي على .....الكل.....من حكام الى المحكومين .......

 

[" ام بلقيس "]

رد: صنع فى .................

السلام عليكم ورحمة الله وبركاته

نعم صحيح هي مشكلة تعاني منها الدول العربية عامة والزائر خاصة، واعتقد حتى أن الدول العربي الي ذكرتها أخت الكريمة ممكن أيضا عند اجراء عملية البحث نلقاوها مجرد شركات تركيب وتجميع !! ولكن هذا لا يعني من وجهة نظري عيب أو ما شابه ذلك ونقصد هنا عملية تركيب أو تجميع، لأنه كل واحد والمقدور نتاعو.

صحيح أن الدول تلعب دور في الصناعات المحلية الخالصة، ولكن حتى الأفراد يلعبوا دور أيضا، ومش أي حاجة نرجعوها للدولة، ولكن على كل واحد منا تحمل المسؤولية نتاعو من مكانه، لأنه لما نروحو للدول الغربية نلقاوا نسبة كبيرة من الشركات هي شركات خاصة، وحتى الموضفين الي عندهم 90 بالمئة منهم يخدموا في الشركات الخاصة !!

شكرا ليك أخت بلقيس على الموضوع

الله يحفظك ^^​

وعليكم السلام
كلامك منطقي و تحليلك صحيح .....كثير من هذه الدول التى ذكرتها مهمتها هي اعادت التصنيع و التركيب فقط ....لكن الفرق بينها وبين جزائرنا ان هذه الدول تشتري المواد الاولية بابخص الاثمان و تعيد تحويلها وتصنيعها و تركيبها لتبيعنا اياها باثمان خرافية ,......اما نحن فنشتري المواد الغذائية باغلي الاثمان و نقوم بتعليبها لنبيعها باسعار مدعمة ليغطي النظام على فشله و يسكت افواه الجائعة قبل ان تطالب باشياء اخري
تلك الدول لم تبدا من عدم بل بدات من خلال التقليد و التركيب والاستراد لكن من خلال المثابرة اوجدت لنفسها اقتصاد و عملة و مكانة اقتصادية و عالمية و تخطت فكرة......صنع في..........
كما قلت انت ......ليس النظام وحده المسؤول .....لان اذا الشعب عند فكرة الاستهلاك افضل من فكرة الاجتهاد و الابداع فصدقنى لن تحرك ابدا من مكاننا

لك كل الشكر..............

 

[" ام بلقيس "]

رد: صنع فى .................

ماداام السياسة الجزائرية مصنوعة في فرنساا
والنااس اللي تحت ايديهم المال العاام يخليو الجهاال يتصرفو في هذا المال
اكيد تلقاي هكاك
وزيدي المساطر تانيك منتوج جزائري

لكن رايي الشخصي انو ماهيش مشكلة المال
لكن مشكلة توظيف المال ومن يوظف هذا المال واللي تتحمل مسؤولية تعيين كل هذا هي الحكومة الفارغة من العقول المبدعة​

رغم اني فرحت كي قتلي المساطر صنع جزائري ......الى انى تشوكيت البارح لما قريت في صاشي نتاع حنة ....ايه الحنة ......صنع في الهند .....تحصرت على الحنة الورقية البسكرية ....لي كانت الوالدة الكريمة تحنينا بيها في العيد

اما في ما يخص توظيف المال و من يوظف المال انا في رايي كاين مال راه يتسرق ماشى يتوظف

 

[" ام بلقيس "]

رد: صنع فى .................

أولا شكرا لك اختي على الموضوع

هد المشكل راه مند الاستقلال لان التطلع الى ما هو احسن مكانش فالسياسة نتاع لبلاد

كان يوجد لدينا فرصة لكي نبني مصانع كبرى و نعطي لشركات الخاصة تسهيلات لكي تبني هي الاخرى مصانع في أنحاء الوطن

و كان سعر البترول يساعدنا على دالك لاكن كل وزير أو رئيس يراعي لمصالحه الخاصة مع الغرب

خمسين سنة من الاستقلال و مازلنا كما قلت نستورد كل شيء و حتى أبسطها كما قلت .

في مطلع السبعينيات كانت لهم نية بالنهوض بالصناعة لاكن بعد ما سمي أنداك بالثورة الزراعية التي حطمت كل شيء

و لم تأتي بأي نتيجة تعود للوطن بالفائدة فسقطت الصناعة تلقائيا من حساباتهم و ركزوا على الزراعة أو كيفية الخروج

من دالك المأزق الدي وقعوا فيه . و في مطلع الثمانينات بدأت معالم الفساد تظهر في بلادنا مع أن هدا المرض بدأ في

أواخر السبعينيات و بدأ كل مسؤول يبحث عن رضى الغرب و تركوا كل شيء و أعتمدوا على البترول الى حين انفجر الوضع

و كانت نتائجه ظاهرة طوال عشر سنوات و حين بدأ الوضع السلمي يتحسن من سنة 2002 الى يومنا هدا ركزوا على البنية

التحتية للبلاد و قالوا بأن الوضع لم يكن يسمح لنا بالنهوض بالاقتصاد و الاقتصاد يلزمه اولا بناء البنية التحتية للوطن ؟؟؟

و قد نسي مسؤولنا أن تركية في سنة 2002 فقط كانت تعاني اقتصاديا و هي الأن من أقوى البلدان من حيث الاقتصاد

و لان المسؤولنا عندنا يتميزون بالنظر الى المستقبل لم يتوقعوا أبدا تدني اسعار البترول و لهدا الجزائر تعاني في كل المجلات .

لو ان الرجال في بلادنا ركزوا على الصناعة كما ركزوا على استراد السلاح لكنا ألان من أحسن البلدان من حيث الاقتصاد.

كل السياسات التي مرت على الجزائر لم تأتي بالجديد نفس الحكم نفس النظرة نفس التسير و الشيء الوحيد الدي نهضنا به

هو الفساد .

حتى الشركات الخاصة في الجزائر محدودة و تحتكر كل شيء و المنافسة منعدمة بينهم .

لا أعرف كيف يفكرون أبدا ؟؟؟

يقولون الأن أنهم يوزعون سكنات اجتماعية على الشعب يا أخي كان يتوجب عليكم بناء مصانع و خلق مناصب شغل يستفيد منها

الشعب والوطن و بمبلغ شهري محترم و لا تعطيه مسكن بالمجان بل يشتريه منك بالتقسيط .

لاكن كل مسؤول في كرشوا التبن

لأن الغرب يستفزونهم بالفساد الدي وقعوا فيه مند شبابهم و يستغلون دالك في الزامهم على توقيع اي اتفاقية .

بالدارجة اشري عليا الجوارب كيما قلتي و لا ندخلك للمحكة الدولية بتهمة الفساد وووووو الخ.

نتمنى نشوف اقتصاد نتاع لبلاد يكفي الشعب بلا بترول هدي أمنية و حلم لا يتحقق أبدا .

شكرا لك مرة اخرى أم بلقيس و لك كل التقدير.​

لك كل الشكر علي المداخلة القيمة اخي الكريم
وانا لن ازيد حرف واحد على ماقلت لانك كفيت ووفيت
لكن لا تغلق باب الامل لعله ياتي يوم تشوف اقتصاد بلادنا افضل

 

[" ام بلقيس "]

رد: صنع فى .................

السلام عليكم
برايي أنه قدرات التي تملكها الجزائر تحطم بقلة الانتاج واستثمارات الداخلية
ما علاباليش شا يلزم باه كخيطو جلابة ولا حجابات هادوك ساجدة بحال تحتاج تخطيط وgاع
ديفوا تجي تخمي في هاد لبلاد مخك يحبس
ومشكل انو ماكاش مشكل يمنع الانتاج في بعض الأمور !!
مي كاين أيادي نتنة وفاسدة تعتمد ع استيراد علبال عملة وغيرو واكيد هاد لناس ما يخموش وحدهم كاين لي يحركهم من خارج لبلاد


بارك الله فيك اختي ​

صدقت اختي قمر ,,,,,,,خطوة الاستراد المبالغ فيه و الغير مدروس و لي يخدم حفنة معروفة و معلومة هو لي زاد كمل على هذى البلاد
شكرا على التفاعل ,,,,,,,,,