دعوة برك

[مشكلتي]

السلام عليكم و رحمة الله تعالى و بركاته
راني في كرب كبير جدااااااااااا
و الله تعبانة بزاف بزاف راني كارهة كلشي
و الدنيا راني نشفوها كحلة و نشوف حياتي مش رايحة تتبدل
رايحة نبقى دايما هكذا
غير في الحزن و الهم و المرض
و الناس اللي تحطمني و تشوفني نبكي
كرهت من المواضيع اللي تقول لازم تكوني قوية و ماتضعفيش ووووووو
لكن انا مش قوية و ضعيفة بزاف و مش حابة نقاوم نفسي
طلبي
ادعولي الله ييسر امري
و يهديني و بعد الهداية الثبات
و يفرج علي في القريب
ييييييييييييييييييارب
و حطولي رد باش يبقى الموضوع في الصفحة الاولى
و الله و الله راني محطمة كليا
الله يفرج همكم و ييسر اموركم
​

 

[راضية حامدة]

رد: دعوة برك

تم الاعتماد
ربي ييسر امرك و يفرج همك و يشرح صدرك و يفتحلك ابواب الخير
وصيتي الوحيدة ليك ان تتفاءلي بالخير تجديه و ان تخلي ثقتك بربي سبحانو كبيرة فما ابتلاك الا لانه يحبك فارضي بما قسم لك و قدر فبعد العسر يسرا

 

[نجيب]

رد: دعوة برك

ربي يفرج عليك كيان لي راه أكثر من حالتك

قولي الحمد لله على كل شيء

حتى واحد ما راه هاني بصح كي نشوفوا الناس لي راهي تعاني اكثر من حالتنا

نقولوا الحمد لله على كل شيء​

 

[AmiR@RoRo]

رد: دعوة برك

ربي ييسرلك امرك أختي
ويفرج كربك
ويرزقك سعادة من حيث لا تحتسبين
ربي يكون معاك واصبري برك
قال سبحانو {وبشر الصابرين }
احتسبي امرك لله اختي وراح يكون حسبك
ربي يزيل الهم والغم عن كل مسلم

 

[لؤلؤة قسنطينة]

رد: دعوة برك

السّلام عليكم اختي الغالية
حبيبتي سامحيني ولكن راني نشوف راكي غارقة في بحر اسمو اليأس
وحتى ولو قلتي كرهت من المواضيع لي تقول كوني قوية انا نقولهالك ونعاودهالك كوني قوية
خير مانقولك يا ستار واش صرالك وراكي في محنة وغيرها من الكلمات لي تحطمك
حبيبتي اتفاءلي خير تلقايه كيما قالتها ختي راضية حامدة
ماش معناها نتمسخر بمشكلتك ولا نتفلسف عليك, قادر راكي في حالة مايحسدك عليها حتى واحد
بصح الحل وينو؟؟ بالبكاء؟؟ باليأس؟؟ بالضعف؟؟ ولا بالجلوس في زاوية مظلمة وانتظار النور يدخل وحدو؟
حبيبتي الله سبحانه وتعالى يقول في كتابه الكريم بعد بسم الله الرحمن الرحيم:{ادعُوني استجب لكُم }
يعني خطوة من عندكم صغيرة وتلقاوني موجود, تعرفي ختي لعزيزة ماش معناها ماتستاهليش دعوة ولا
بالعكس رانا هنا باه نوقفو معاك وندعيولك في صلواتنا بصح حتى نتي لازم تكون مبادرة منك بالدعاء والاستغفار
ختي لعزيزة, تعرفي علاه ربي يبتلينا بالأمراض وبالهم والكرب, غير باه يسمع منا كلمة "يارب"
الله سبحانه وتعالى راهو اشتاق يسمع دعاءك صدقيني, كاش قدك ربي سبحانو يشتاق لدعاءك
مالا ختي لعزيزة بالرغم من المشاكل لي راكي فيها نقولك ماتضعفيش, راكي عبدة من عباد الله سبحانه وتعالى
ولي قدر يرفع سماء من دون عمد ماش رايحة تجيه صعيبة يمحي الحزن والضرر عليك
كتري الاستغفار والدعاء ومايكون غير الخير ان شاء الله

ومن عندي ربي يحفظ ختي لعزيزة ويفرج همك وكربك, ربي يفتح كل الأبواب المغلقة لي في وجهك
اذا مرض ربي يشفيك ويعافيك واذا مشاكل ربي يحلهالك, واذا مجرد عثرات ربي يوفقك وين ماكنتي
يارب سدد خطواتها وبعد عليها وكل هم, يارب بعد عليها الشيطان والوسواس وكل سوء وشر
يارب فرج عليها وارسم البسمة على وجها ورجع السعادة لقلبها يارب

ربي معاك حبيبتي ورانا هناو واش يخصك ارواحي فرغي قلبك
رايحين نسمعولك بعد ربي سبحانو
تحياتي ونتمنى تطمنينا عليك غاليتي
سلام​

 

[محمد العباسي]

رد: دعوة برك

أهلا أختي الكريمة
استغفري رب العالمين
كيف حوالك معاه ؟؟؟
ارجعي لله و توكلي عليه بحق, ستجدين أن الأمور تتحسن بإذنه تعالى, الشيء الوحيد ألي راه زايد همك هو الشيطان.
و الله العظيم هاد اشيطان هو لي راه غالبك بحق, قولي بنية صادقة
لا حول و لا قوة إلا بالله
أعيدي تكرارها و افتحي كتاب الله و اقرئي ما تيسر ثم انهضي لصلاة نافلة
ثم اشغلي نفسك بالذكر أو أي شيء يلهيك عن وسوسته, أهل العلم يقولون أن الشيطان يحدثك في أمور فيهيء لك أنك تتحدثين لنفسك و الحقيقة أنه هو من يحدثك حتى يزيدك حزنا و هما.
نصيحة:
إبتعدي عن الموسيقى

ربي يفرج عليك الهم و الغم
الله يعطيك ما تتمني في خير
الله يبارك لك في نفسك
إن شاء الله تلقي الخير في ردي هذا ... أرجوك لا تقنطي من رحمة الله


​

 

[مريم.]

رد: دعوة برك

صح عيدك وتاني ئ متقعديش وحدك حاولي تجالسي اختك او امك ادا موجودين ووكربتك احكيها لله كتر من كلمة لا حولة ولاقوة الا بالله وقولي ياربي عندي هم فرجه عليا هكدا تحطي كفالتك كلها لله وربي والله ما يخليك اشكيله وبكي ربي رحمته واسعة
اللهم اني اسالك يا حنان يامنان يارب العباد ان تهون مصيبة اختي وارزقها الطمئنينة اللهم يارب

 

[حكاية عطر]

رد: دعوة برك

اختي ربي يفرج عليك ويشافيك ويفتح عليك ابواب الخير امييييييييين
واذكري ربي
قال تعالى (الذين آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلَا بِذِكْرِ اللَّهِ تَطْمَئِنُّ الْقُلُوبُ) [الرعد : 28].

عن عبد الله بن مسعود رضي الله عنه قال : قال رسول الله ( ما قال عبد قط إذا أصابه هم وحزن اللهم إني عبدك وبن عبدك وبن أمتك ناصيتي بيدك ماض في حكمك عدل في قضاؤك أسألك بكل اسم هو لك سميت به نفسك أو أنزلته في كتابك أو علمته أحدا من خلقك أو استأثرت به في علم الغيب عندك أن تجعل القرآن ربيع قلبي ونور صدري وجلاء حزني وذهاب همي إلا أذهب الله عز و جل همه وأبدله مكان حزنه فرحا قالوا يا رسول الله ينبغي لنا أن نتعلم هؤلاء الكلمات قال أجل ينبغي لمن سمعهن أن يتعلمهن ).

 

[Hakan]

رد: دعوة برك

ربي يكون معااك ختي
مي كلاامك راهو قانط بزااف من رحمة ربي
عليك بالفرار الى الله
بااش يحلك المشااكل نتاوعك
واذا تقدري على الاقل قوليلنا واش هي مشااكلك بااش نعاونوك
لربما تلقاي حل ولا مسااعدة هنا
في الوقت الحالي نلتزمو بوااش قلتي وندعولك لكن نتمنى تطرحي المشكل او مجموعة المشااكل
وان شااء الله تلقاي يد المسااعدة..​

 

[أحبك ياجزائر]

رد: دعوة برك

سلام عليكم
والله لو وصفت لك حالي ، لعدلت عن رأيك وقلت راني بخير
أعطيك شيء بسيط فقط ، انظري حال من هم أسوء منك ،وقارني بحالك وكربك
واهم وصفة وفعالة أتناولها الآن عودي إلى بر الأمان ربي وربك الكريم فهو خير من نتذلل له وحده القادر أن يرفع كربنا فقط تقربي منه ،وأدعي ولا تستهيني بالدعاء ولا تكلي وواصلي والله المستعان

​

 

[ازهار الربيع]

رد: دعوة برك

وعليكم والسلام

ربي يخفف همك ويفرج كربك ويزيل حزنك ويرزقنا واياك الهداية والثبات
تذكري دائـمـــــــــــــــــــــــــا

 

[ازهار الربيع]

رد: دعوة برك

اليك هذا الدعاء لازالة الهم:
اللهم اني عبدك ابن عبدك ابن امتك ناصيتي بيدك ماض في حكمك عدل في قضاءك اسالك بكل اسم هو لك سميت به نفسك او انزلته في كتابك او علمته احدا من خلقك او استاثرت به في علم الغيب عندك ان تجعل القران ربيع قلبي ونور صدري وجلاء همي وحزني.
ايضا لا اله الا انت سبحانك اني كنت من الضالمين.

 

[GI Joe]

رد: دعوة برك

nhar tkouni haba t9awmi w makich 9adra ned3ilek;; desolée,,
paaartout nass tssoufri physiquement psychiquement wladhom ymoutou godemhom makanch pire, les viols, l esclavage... mais yessayiw y9awmou, alr nekreeh hyatna hna ta3 wahda la3bet b l corp ta3ha whadha, ta3 khalaha sahebha, ta3 mamaha mathebhech, ta3 virginité, ayaa chwiiaa choufi li pire 3lik, li cancereux w mazal yluti

...

 

[farisufc]

رد: دعوة برك

ربي يفرج عليك

 

[خفيفة الروح]

رد: دعوة برك

ربي يسترك اختي

 

[¬Đỉaмơŋđ ✿]

رد: دعوة برك

وعليكم السلآم ورحمة الله وبركآته

حبيبتي ماضآقت إلا لتفرج هذآ هو حآل الدنيآ حتى وآحد ماراهو عآيش الحيآة كيمآ متمنيهآ
لآزم تكون منغصآت ومشآكل وعقبآت بصح تأكدي أنو الحيآة مآتبقآش على وتيرة واحدة يجي النهآر اللي تفرج وتفرحي بإذن الله
المرأة بطبعهآ شخص ضعيف حتى لو تظآهرت بعكس ذلك،لكن اليأس لا يحل بقلب مؤمن عامر يقين بالله..الحياة تتطلب الكثير من الصبر والقوة مآتفشليش أختي خلي ربي سبحآنو ديمآ في قلبك وبآلك حتى لوكان الجميع ضدك كي يكون ربي معآك هذا الأهم.
ربي سبحآنو إذا أحب عبدا إبتلآه وإنتِ ربي يحبك ورآهو يختبر في صبرك والأكيد رآح يعوضك أضعآف واش راكي تتمنآي
تمنيآتي لكِ بالشفآء والعافية
ربي يفرج همك ويزيل غمك ويرزقك من حيث لاتحتسبين

​

 

[seifellah]

رد: دعوة برك

أدخلي لهذا الموضوع وإن شاء الله رايح ينشرح صدرك


ألا بذكر الله تطمئن القلوب ​

 

[إلياس]

رد: دعوة برك

قولي الحمد لله على كل شيء
ادعي الله ان شاء الله يفرج همك لان الله هو الوحيد مفرج الهم و الكرب

 

[ibtissam imene]

رد: دعوة برك

انشاء الله ربي يفرج همك أختي
صلي ركعتين ودعي ربي
و انشاء الله ربي يستجيب لك وينحيلك غبينتك

 

[Malika Tlm]

رد: دعوة برك

السلام عليكم
والله يا اختي العزيزة علاه كامل هاد القنطة علاه
مدام كاين رب جليل سبحانو وكلي امرك ليه
وادا احب الله عبدا ابتلاه نتي ربي حبك ابتلاك
باش يختبر صبرك عليك بالاستغفار حبيبتي
ربي معاك صلي وادعيه ورايحا تشوفي بصح لازم تكون ثقتك
بربي قوية
ربي يفرج همك يارب يارب