سلام الى كل الاحبة
ما لقيت حتى واحد يفهمني ويجي معايا ونحكيلو باه يساندني لهدا جربت نحكيلكم انتم بلاك تفهموني
راني معمرة غادي نطرطق
سمعو حكايتي .
من صغري وحبي الاطفال هم كل حياتي وشكون فينا ما يبغيش البراءة مي انا كنت بشكل كبير في كل العائلة وحتى الاطفال
يحبوني قلب على القلب كنت نحكم ليبيبي نربيهم وتعلمت فيهم من الصغر ولاد لافامي كامل يحبوني وامهاتهم يرتاحو غير معايا
ويثيقو فيا لانو عارفين ونسمحش في ولادهم مين يخلوهم عندي وحتى ولاد الجيران المهم تكون وصلتكم الفكرة البراءة هي حياتي
حتى ولا حلمي نخدم في روضة او دار ايتام المهم مكان يكون فيه اطفال
وفي الاخير ما حلفنيش الحظ باه نكمل قرايتي وتخطبت وهنا زاد كبر حلمي ككل بنت او فتاة تتزوج مع واحد تحبو ويحبها وتجيب منو بزاف ولاد
وهكا صرا تلاقيت حب حياتي وتوافقنا في كل شي بديت نقول هدا وين ضحكتلي الدنيا وغادي يتحقق حلمي
وهكا مرينا بظروف قاسية حتى تزوجنا وكنا اجمل زوجين على وجه الارض واسعد ثنائي لاني نحبو ويحبني ودرنا المستحيل باه نكونو مع بعض
وهدي هيا الحكاية .....................................
تزوجنا وعشنا فالهنى والعز ومبعد بدات تساؤلات واستغرابات بدينا نستناو في الحمل وكل يوم نوض بهدا الحلم ونرقد بيه
ومرت الايام ومرت وبديت نتقلق ونتوسوس وراجلي حبيبي يصبر فيا ويقول نعيشو حياتنا ومبعد يجي الخير
مي انا تقلقت وبديت نحوس على السبب ......مكاش سبب فات العام الاول
قلت مزال الحال صحا رانى صغار وغادي يجيب ربي
مي زاد فات على زواجنا العام الثاني ومزال ما بان والو
وبديت نحس نفستي راهي تزيد وتسوء كل ما نشوف وحدة زيدة نغير ونقول كون غير راني في بلاصتها ومبعد كي نسمع بلي وحدة غير من مورايا تزوجت وراه عندها بيبي ولا كاين
اللي ولدت وراهي بالحمل والله غير نبكي وليت منروحش قاع للسبوع النفاس او العرضة تاع القصعة غير باه ما نتلقاش النسا ويسقسوني
كرهت هدا السؤال مزال انت ما عندك والو مافوتيش ما رقتيش وراجلك ما دلكتيش وما وما وما
كرهت حيااااااااااااااااااااتي راني ندعي ربي ليل ونهار يرزقني غير واحد نعمر بيه حياتي وماعليش
درت كل وصفة شوفتها ولا سمعت بيها ورحت عند شحال من طبيبة والحل مكانش والمشكلة لحد الان ماعرفتش المشكلة من مين مني ولا من راجلي
والطبيب يقول كل شي عادي مكان حتى مشكل
صبت غير راجلي يواسيني وواقف معايا وهو يقول ليا لازم نرضاو بقضاء الله عز وجل انا اصلا راجلي مدين غير هو اللي يفهمني ويخفف عليا
كل ما نقول غادي ننسى ونسلم امري لربي الناس واللي دايريين بينا مايخلونيش ديما ديما يفكروك وديما يسمعوك ايلا انت نسيتي
لهدا قررت نفترق عن عائلته ببيت فردي نسكنو لوحدنا هكا بلاك الناس تخطينا شوية ونعيشو عادي بلا تكسار الراس
كل ما يغيدني الحال وندايق نقول ربي عطاني راجل فيه كل مواصفات اللي تحبها البنت وداير معايا اللي ما يندارش وصابر معايا على كل شي
وحرمني من الدرية ............وخطرات نقول راجلي هو كل شي في حياتي ما خصني والو ..........
هدي هي قصتي مع البراءة والحمل المتاخر ومع كلام الناس الحساس
ارجوكم انصحوني وارجو التفاعل واللي مجرب اريد الاستفادة منه.......سلااااااااام.
ما لقيت حتى واحد يفهمني ويجي معايا ونحكيلو باه يساندني لهدا جربت نحكيلكم انتم بلاك تفهموني
راني معمرة غادي نطرطق
سمعو حكايتي .من صغري وحبي الاطفال هم كل حياتي وشكون فينا ما يبغيش البراءة مي انا كنت بشكل كبير في كل العائلة وحتى الاطفال
يحبوني قلب على القلب كنت نحكم ليبيبي نربيهم وتعلمت فيهم من الصغر ولاد لافامي كامل يحبوني وامهاتهم يرتاحو غير معايا
ويثيقو فيا لانو عارفين ونسمحش في ولادهم مين يخلوهم عندي وحتى ولاد الجيران المهم تكون وصلتكم الفكرة البراءة هي حياتي
حتى ولا حلمي نخدم في روضة او دار ايتام المهم مكان يكون فيه اطفال
وفي الاخير ما حلفنيش الحظ باه نكمل قرايتي وتخطبت وهنا زاد كبر حلمي ككل بنت او فتاة تتزوج مع واحد تحبو ويحبها وتجيب منو بزاف ولاد
وهكا صرا تلاقيت حب حياتي وتوافقنا في كل شي بديت نقول هدا وين ضحكتلي الدنيا وغادي يتحقق حلمي
وهكا مرينا بظروف قاسية حتى تزوجنا وكنا اجمل زوجين على وجه الارض واسعد ثنائي لاني نحبو ويحبني ودرنا المستحيل باه نكونو مع بعض
وهدي هيا الحكاية .....................................
تزوجنا وعشنا فالهنى والعز ومبعد بدات تساؤلات واستغرابات بدينا نستناو في الحمل وكل يوم نوض بهدا الحلم ونرقد بيه
ومرت الايام ومرت وبديت نتقلق ونتوسوس وراجلي حبيبي يصبر فيا ويقول نعيشو حياتنا ومبعد يجي الخير
مي انا تقلقت وبديت نحوس على السبب ......مكاش سبب فات العام الاول
قلت مزال الحال صحا رانى صغار وغادي يجيب ربي
مي زاد فات على زواجنا العام الثاني ومزال ما بان والو
وبديت نحس نفستي راهي تزيد وتسوء كل ما نشوف وحدة زيدة نغير ونقول كون غير راني في بلاصتها ومبعد كي نسمع بلي وحدة غير من مورايا تزوجت وراه عندها بيبي ولا كاين
اللي ولدت وراهي بالحمل والله غير نبكي وليت منروحش قاع للسبوع النفاس او العرضة تاع القصعة غير باه ما نتلقاش النسا ويسقسوني
كرهت هدا السؤال مزال انت ما عندك والو مافوتيش ما رقتيش وراجلك ما دلكتيش وما وما وما
كرهت حيااااااااااااااااااااتي راني ندعي ربي ليل ونهار يرزقني غير واحد نعمر بيه حياتي وماعليش
درت كل وصفة شوفتها ولا سمعت بيها ورحت عند شحال من طبيبة والحل مكانش والمشكلة لحد الان ماعرفتش المشكلة من مين مني ولا من راجلي
والطبيب يقول كل شي عادي مكان حتى مشكل
صبت غير راجلي يواسيني وواقف معايا وهو يقول ليا لازم نرضاو بقضاء الله عز وجل انا اصلا راجلي مدين غير هو اللي يفهمني ويخفف عليا
كل ما نقول غادي ننسى ونسلم امري لربي الناس واللي دايريين بينا مايخلونيش ديما ديما يفكروك وديما يسمعوك ايلا انت نسيتي
لهدا قررت نفترق عن عائلته ببيت فردي نسكنو لوحدنا هكا بلاك الناس تخطينا شوية ونعيشو عادي بلا تكسار الراس
كل ما يغيدني الحال وندايق نقول ربي عطاني راجل فيه كل مواصفات اللي تحبها البنت وداير معايا اللي ما يندارش وصابر معايا على كل شي
وحرمني من الدرية ............وخطرات نقول راجلي هو كل شي في حياتي ما خصني والو ..........
هدي هي قصتي مع البراءة والحمل المتاخر ومع كلام الناس الحساس
ارجوكم انصحوني وارجو التفاعل واللي مجرب اريد الاستفادة منه.......سلااااااااام.
