تجربتي مع منتجات Oriflame

[Salam Fleur]

السلام عليكم

نحكيلكم اليوم على تجربتي لمنتجات اوريفلام ... تجربة اقل ما يقال عنها سيئة .....

المستحضرات لي جربتهم

شامبو للشعر التالف و البلسم و الزيت



واش نقولكم شعري رجع حباكة تاع حديد

و تاني هذا الزيت

مادارلي والوا

و ايضا هاذي الستيك

ريحتها مليحة بصح مادومش خلاص .... يار بي ساعة

و اخيرا خافي العيوب

زعمة للبشرة الذهنية ... بصح كي تحطوا تقولي غطست وجهك في باسينة تاع الزيت


خسارة الدراهم فيهم ​

 

[GI Joe]

رد: تجربتي مع منتجات Oriflame

:down: ma3jebnich, dentifrice khiir

عادي جدا

rihtou bnina çava mais 3andi souvenir mouch mlih m3eh :cray02: tehra9t

hayel, nethass rohi fresh toute la journée :up::thumb_up02:


merci salam fleur

​

 

[السلطانة]

رد: تجربتي مع منتجات Oriflame

وعليكم السلام انا نقول اختي

ممكن المنتجات ماطاحتش على بشرتك

تاع الوجه هادوك فادوني انا بزاف خاصة بيور سكين يحافظ على الوجه باه ميزيتش



لي معجبنيش تاعهم الماكياج كلار بزاف

غوجالافر حسبتو فونصي جيت نديرو مابانش في فمي

وتاني فاراجو مصورينو فونصي كي درتو مايبانش

 

[Salam Fleur]

رد: تجربتي مع منتجات Oriflame

وعليكم السلام انا نقول اختي

ممكن المنتجات ماطاحتش على بشرتك

تاع الوجه هادوك فادوني انا بزاف خاصة بيور سكين يحافظ على الوجه باه ميزيتش



لي معجبنيش تاعهم الماكياج كلار بزاف

غوجالافر حسبتو فونصي جيت نديرو مابانش في فمي

وتاني فاراجو مصورينو فونصي كي درتو مايبانش

اهلا ساندي

رغم انه شريت على حسب بشرتي و لي تبيع فيهم مجرد قلتلها بشرة ذهنية قالتلي بيور سكين .. نهار الاول ظهرلي مليح بصح من بعد ولا وجهي مزيت تكذب ستعملتوا اسبوع و طيشتوا ... الام تاعي دارلها الحساسية .......
​

 

[Salam Fleur]

رد: تجربتي مع منتجات Oriflame

:down: ma3jebnich, dentifrice khiir

عادي جدا

rihtou bnina çava mais 3andi souvenir mouch mlih m3eh :cray02: tehra9t

hayel, nethass rohi fresh toute la journée :up::thumb_up02:


merci salam fleur

​

اهلا اختي

الستيك هاذيك كنت حابة هي لي نشريها و في اخر لحظة بدلت راي ... نساهل الضرب ههههه

و الله اول مرة و اخر مرة ...توبة ...هه​

 

[لؤلؤة قسنطينة]

رد: تجربتي مع منتجات Oriflame

السّلام عليكم
انا ماعنديش خبرة في ادوات التجميل والجماعة هادي لكن دخلت نتوقب هههه
شكرا حبيبتي على افادتنا, وكاين بعض الصديقات لي جربو بعض مستحضراتهم وعجبوهم
لكن باه نقولك ملاح والا لالا معرف

شكرا مجددا على الموضوع
تحياتي​

 

[Salam Fleur]

رد: تجربتي مع منتجات Oriflame

السّلام عليكم
انا ماعنديش خبرة في ادوات التجميل والجماعة هادي لكن دخلت نتوقب هههه
شكرا حبيبتي على افادتنا, وكاين بعض الصديقات لي جربو بعض مستحضراتهم وعجبوهم
لكن باه نقولك ملاح والا لالا معرف

شكرا مجددا على الموضوع
تحياتي​

اهلا مريم

وقبي وقبي ههههه

انا شكرولي فيها ماخلاوش ... قلت سور ملاح ... و الله خسرت 5000 باطل ... بففففففففف .....

​

 

[مريم.]

رد: تجربتي مع منتجات Oriflame

شكراعلى الافادة نتاعك رانا نستفيد منك بزاف اختي سلام فلور​

 

[Salam Fleur]

رد: تجربتي مع منتجات Oriflame

شكراعلى الافادة نتاعك رانا نستفيد منك بزاف اختي سلام فلور​

اهلا مريم

لا شكر على واجب

:regards01::regards01:​

 

[Mariamariana]

رد: تجربتي مع منتجات Oriflame

والله يا سلام ضحكتيني كي قلتي تقول
غطست وجهي في بسينة نتاع زيت

 

[Salam Fleur]

رد: تجربتي مع منتجات Oriflame

والله يا سلام ضحكتيني كي قلتي تقول
غطست وجهي في بسينة نتاع زيت

اهلا و الله صح يولي وجهك هذاك يبرق و جهة الانف و الذقن و الجبهة تقطر بالزيت .... حسيت روحي ساردينة رايحة نتقلى ​

 

[Mariamariana]

رد: تجربتي مع منتجات Oriflame

هههههه انا معنديش تجربة معاهم
هكذا نبهتيني مندورش جيهتهم
شكراا

 

[شمس الاصيل2]

رد: تجربتي مع منتجات Oriflame

اختي كي تحبي تجربي منتجات من ماركة معينة ماتشريش كلش اشري حاجة ادا ماولمتكش بدلي

 

[Salam Fleur]

رد: تجربتي مع منتجات Oriflame

اختي كي تحبي تجربي منتجات من ماركة معينة ماتشريش كلش اشري حاجة ادا ماولمتكش بدلي

انا غاشي شكرلي فيها بنات العائلة كامل يشريو منها .. قلت هاذي سور راهي مليحة توب....

بصح ياريت انه حاجة واحدة كانت مليحة ... والوا الحوايج كامل مايسواوش ..... حرت فيهم وهوما تاني حاروا فيا ..... منها كرهت حكاية تشري باغ نت ... ​

 

[¬Đỉaмơŋđ ✿]

رد: تجربتي مع منتجات Oriflame

وعَليكُم السَلآم ورَحمَة الله وبرَكآتُه

منْ منتُوجآت أوريفلآم جربتْ جآل سيلك بيُوتي لإزالَة الشعر ريحتُو مليحَة
هآد الستيكْ تاني والصآبون اللي يمشي معآه ريحتُو عجبتنِي لكنْ مآيدومشْ بزآف كيمآ كآتبينو هومآ فالكآتآلوجْ ..

صحآباتِي اللي يخدمُو معآيآ جربُو أكثر من مستحضرْ خآصة تآع التجميلْ مآيشكروشْ فيهمْ خلآص .. أنآ توبَة مآنزيدشْ نشريهم أبدًا.
​

 

[Salam Fleur]

رد: تجربتي مع منتجات Oriflame

وعَليكُم السَلآم ورَحمَة الله وبرَكآتُه

منْ منتُوجآت أوريفلآم جربتْ جآل سيلك بيُوتي لإزالَة الشعر ريحتُو مليحَة
هآد الستيكْ تاني والصآبون اللي يمشي معآه ريحتُو عجبتنِي لكنْ مآيدومشْ بزآف كيمآ كآتبينو هومآ فالكآتآلوجْ ..

صحآباتِي اللي يخدمُو معآيآ جربُو أكثر من مستحضرْ خآصة تآع التجميلْ مآيشكروشْ فيهمْ خلآص .. أنآ توبَة مآنزيدشْ نشريهم أبدًا.
​

اهلا

و الله صح توبة ​

 

[شمس الاصيل2]

رد: تجربتي مع منتجات Oriflame

انا جربت منتجات نيفيا كريم النهار و كريم الليل في الاسبوع الاول خرجت عليا ومن بعد ولا وجهي كيما قلتي مزيت و سمرتلي البشرة خسارة الدراهم برك

 

[Salam Fleur]

رد: تجربتي مع منتجات Oriflame

انا جربت منتجات نيفيا كريم النهار و كريم الليل في الاسبوع الاول خرجت عليا ومن بعد ولا وجهي كيما قلتي مزيت و سمرتلي البشرة خسارة الدراهم برك

نيفيا الحاجة الوحيدة لي استعملها هي الجل دوش .... هذاك لاكريم تاعها يدير الحب ... كانت تستعملوا ماما ... في البداية يبان مليح من بعد ولي يدير الحب​

 

[ahla assala]

رد: تجربتي مع منتجات Oriflame

هههههه والله تاع الصح منتوجاتهم معجبتنيش وخسارة الدراهم وكريم بي بي سيئة جدااااا

 

[الورده الجوريه]

رد: تجربتي مع منتجات Oriflame

كانت لدي تجربة مع بعض منتجات oriflame منها ماهو جيد و منها ما هو عادي على غرار باقي الماركات التجارية
• استعملت بودرة الوجه fond de teint en poudre و كان مناسبا جدا سواء للاستعمال اليومي او للسهرات
• كذلك استعملت مزيل العرق silk الأزرق، يحافظ على الانتعاش اليومي الا انه لا يقلل الشعر كما ذكر عنه.
• ايضا استخدمت أحمر الشفاه أعجبني لونه كثيرا إلا أنه يختفي سريعا.
اتمنى ان اكون قد افدتكن و لو قليلا. >3