الحبّ في الجزائر

[Telemly]

الحبّ في الجزائر !!

مجرّد خدعة عنوانها أنتي مرتي و ملازمش تحشمي مني'' و أنت راجلي

موضوعها حبّك يجري في دمّي كما يجري الحلّوف في الغابة ، اممم كي تقولي هكذا نذوب كما يذوب تشين تشين في الماء

سرّ إستمرارها واش راكي لابسة عمري .. ديري لاكام .. بعدي له نشوفك مليح
واش عندك سيّارة حبيبي ، خلاصلي لكريدي في التلفون !

خدعاتها بابا نروح نريفيزي مع صحّبتي لعشية ولاّ ندير روحي رايحة نقرا او أنا navigui كاش ركبة في ibiza ولاّ في كاش polo المهم حديدة و هو الشيخ ماعليش ندّي طونوبيل نروح نجبد كوارط

أسرارها مكتوبة بأحرف من ذهب في الغابات و الحدائق

الرابح الأكبر منها نجمة تصبح أوريدو موبيليس و الكوبل يتكلّم جيزي عيش لافي

نهاياتها هو يدومن في الحومة intik ou bien فرّج عليه ربًي بطفلة 1ere main ماشي miss tout le monde و هي تعمّر وسادتها بالدموع و تخلاص عليها ....


خلآصة القول

الراجل يخرج راجل و يدخل راجل و يبقى راجل الصح و الباقي فالمرأة

و الحديث قياس ...

 

[عاشقة الكرة]

رد: الحبّ في الجزائر

يعطيك الصحة خونا
ماتنساش الخبيثون للخبيثات والطيبون للطيبات..نقطة إنتهى وكما قلت الحديث قيااس

 

[Salam Fleur]

رد: الحبّ في الجزائر

السلام عليكم

هههههههههههههههههههه ........... و الله كلامك جابها قدقد ....

هاذي العقلية لي ماشيا دركة... ربي يستر و يهدي ​

 

[AmiR@RoRo]

رد: الحبّ في الجزائر

السلام عليكم
نبدا من الاخير اخي

الراجل يخرج راجل و يدخل راجل و يبقى راجل الصح و الباقي فالمرأة

ملا هدا هو تخمامكم
يتسمى لي يخدع وينافق ويكدب على البنات ويلعب بهادي وهاديك يتسمى راجل ؟
انا نقولك ماراجل ما والو يسمى رخيس ويسمى ذكر ماشي راجل
خاطر الرجلة عندها معانيها وعندها مفاهيمها
والراجل هو لي يخاف على عرض الناس وبنات الناس كما يخاف على اختو وبنتو وعرضو بصفة عامة
وكما لعب ببنات الناس يلعبولو باختو ويلا ماشي باختو ببنتو
المهم لاحقاتو لاحقاتو كما تدين تدان
ولافوط ماشي غير فيه حتى فديك البهلوله لي تامنو وتمشي على هدرتو
الله يهدي ما خلق ويبقي الستر​

 

[Salam Fleur]

رد: الحبّ في الجزائر

السلام عليكم
نبدا من الاخير اخي

ملا هدا هو تخمامكم
يتسمى لي يخدع وينافق ويكدب على البنات ويلعب بهادي وهاديك يتسمى راجل ؟
انا نقولك ماراجل ما والو يسمى رخيس ويسمى ذكر ماشي راجل
خاطر الرجلة عندها معانيها وعندها مفاهيمها
والراجل هو لي يخاف على عرض الناس وبنات الناس كما يخاف على اختو وبنتو وعرضو بصفة عامة
وكما لعب ببنات الناس يلعبولو باختو ويلا ماشي باختو ببنتو
المهم لاحقاتو لاحقاتو كما تدين تدان
ولافوط ماشي غير فيه حتى فديك البهلوله لي تامنو وتمشي على هدرتو
الله يهدي ما خلق ويبقي الستر​

و الله انتيا تولهتي انا ماشفتهاش خلاص

صح خويا ... كيفاه راجل يبقى راجل

و الله يلعب ببنات الناس و يغدر بيهم و يبقى راجل ... واش من معنى للرجولة يقعد ... راه يولي كيفوا كي ذكور الحيوانات

​

 

[Telemly]

رد: الحبّ في الجزائر

لافوط ماشي غير فيه حتى فديك البهلوله لي تامنو وتمشي على هدرتو
الله يهدي ما خلق ويبقي الستر​

c'est ca mon but



PS: c'est juste se que vie actuellement l'Algérie , je ne parle pas de moi , ni de toi , ni de personne, juste en général

الله يهدي ما خلق

 

[Telemly]

رد: الحبّ في الجزائر

و الله انتيا تولهتي انا ماشفتهاش خلاص

صح خويا ... كيفاه راجل يبقى راجل

و الله يلعب ببنات الناس و يغدر بيهم و يبقى راجل ... واش من معنى للرجولة يقعد ... راه يولي كيفوا كي ذكور الحيوانات

​

:d

في مجتمعنا المتخلّف

 

[Salam Fleur]

رد: الحبّ في الجزائر

:d

في مجتمعنا المتخلّف

و في المجتمع المتطور يقعد راجل ؟؟؟؟​

 

[AmiR@RoRo]

رد: الحبّ في الجزائر

c'est ca mon but



PS: c'est juste se que vie actuellement l'Algérie , je ne parle pas de moi , ni de toi , ni de personne, juste en général

الله يهدي ما خلق

ايه هادي هي الله غالب بكلمة حلوة زوج خلاص تروح فطريق الفساد وتغرها كلماتو
وانا تاني علابالي بلي ماراك لا عليا لا على واحد بصح برك صححتلك العبارة هاديك لي ماعندها حتى معنى
خاطر لي يدير كامل هاد الشي مايبقاش راجل
وصحيت
:regards01:​

 

[محبة أبناء الوطن]

رد: الحبّ في الجزائر

يعطيك الصحة خونا
ماتنساش الخبيثون للخبيثات والطيبون للطيبات..نقطة إنتهى وكما قلت الحديث قيااس

لا أزيد على كلام أختي عاشقة كرة مشكوريين على الموضوع

 

[Telemly]

رد: الحبّ في الجزائر

و في المجتمع المتطور يقعد راجل ؟؟؟؟​

OUI

dans un monde ou un homme est un Homme avec un grand H
(oui le monde parfait qui n’existe pas encore faute de civisme ( tarbiya

 

[Salam Fleur]

رد: الحبّ في الجزائر

ايوة التربية

واحد يكون يخاف ربي و الله مايديرها .... و هاذيك المهبولة كيما قالت الاخت اميرة يعني ربي يهديها تامن في الذكر هذاك ...

الراجل لي يحب بنت يروح يطلبها من ولي امرها ..لانه يخاف عليها و على سمعتها .. هذا هو الحب .. ​

 

[Telemly]

رد: الحبّ في الجزائر

الراجل لي يحب بنت يروح يطلبها من ولي امرها ..لانه يخاف عليها و على سمعتها .. هذا هو الحب .. ​

sans + tu a bien résumé

:up:

 

[Hakan]

رد: الحبّ في الجزائر

انا فهمت من كلام الاخ وهو نظرة المجتمع للفضيحة عند الانثى والفضيحة عند الرجل
وبااش نوضحلكم الفكرة المجملة
رااجل يغلط المجتمع عادي يقول عليه رااجل ويساامحوه نورمال ومش موحال يزوجوه بناتهم
مي الطفلة نهار تغلط مسكينة يرموهاا لكااش حيوانات يتبادلوها بيناتهم
ربي يهدينا لانو المجتمع الذي نعيش فيه حقير بما تحمله الكلمة من معنى ...​

 

[لؤلؤة قسنطينة]

رد: الحبّ في الجزائر

السّلام عليكم
هادا لا حب ولا بن عمو
الحب الحقيقي هو
طبطيبة على الباب+ صينية قهوة + كلام تاع رجال + مهر + عرس
هنا يبدا الحب
اما تاع تمنيتك مرتي
ولا رانا ناويين لحلال وكي ليوم نتزوجو
ولا شفتك في منامي بلاغوب بلونش
هادو ماعندهمش علاقة بالحب
لأنو الحب رجولة قبل كلشي, والحب تبين الحب تاعك قدام والديها ماش تتخبى ورا تيليفون

وفي النهاية اكيد تجي على المرأة لأنو المجتمع تاعنا يمشي بمقولة الرجل لا يعيبه شيء

ماعندي ما عندي مانزيد نضيف على كلام الاخوة والأخوات
تقبل مروري​

 

[Salam Fleur]

رد: الحبّ في الجزائر

السّلام عليكم
هادا لا حب ولا بن عمو
الحب الحقيقي هو
طبطيبة على الباب+ صينية قهوة + كلام تاع رجال + مهر + عرس
هنا يبدا الحب
اما تاع تمنيتك مرتي
ولا رانا ناويين لحلال وكي ليوم نتزوجو
ولا شفتك في منامي بلاغوب بلونش
هادو ماعندهمش علاقة بالحب
لأنو الحب رجولة قبل كلشي, والحب تبين الحب تاعك قدام والديها ماش تتخبى ورا تيليفون

وفي النهاية اكيد تجي على المرأة لأنو المجتمع تاعنا يمشي بمقولة الرجل لا يعيبه شيء

ماعندي ما عندي مانزيد نضيف على كلام الاخوة والأخوات
تقبل مروري​

ههه عجبتني تاع شفتك في منامي بلاغوب بلونش ... و الله ياهذا ... يستحق جائزة نوبل للتبلعيط ​

 

[Mr Brahim]

رد: الحبّ في الجزائر

لقد طرح اخونا حكيم موضوع رائع عن الكذب ربما خص به العالم الافتراضي * النت * و لكن مع الاسف هذا الوباء منتشر في العالمين الحقيقي و الافتراضي على حد سواء . . . العيش في الوهم والجري وراء السراب​

 

[Mr Brahim]

رد: الحبّ في الجزائر

انا فهمت من كلام الاخ وهو نظرة المجتمع للفضيحة عند الانثى والفضيحة عند الرجل
وبااش نوضحلكم الفكرة المجملة
رااجل يغلط المجتمع عادي يقول عليه رااجل ويساامحوه نورمال ومش موحال يزوجوه بناتهم
مي الطفلة نهار تغلط مسكينة يرموهاا لكااش حيوانات يتبادلوها بيناتهم
ربي يهدينا لانو المجتمع الذي نعيش فيه حقير بما تحمله الكلمة من معنى ...​

ان كان كذلك فهذي طامة كبرى . . . المجتمع الاسلامي يعيش اسوء حالاته​

 

[GI Joe]

رد: الحبّ في الجزائر

hada mouch hob
tbedel l ma3na ta3 l hijab, doka ta3 l amour !!

خلآصة القول
etmeskhir w le3b hadek manssemouhech hob

​

 

[azer01]

رد: الحبّ في الجزائر

راكم قاعدين ديروا فالحس باطل العقلية لي راهوا يهدر عليها عقلية المجتمعات الكافرة اما المسلنين عندهم دينهم وضح كل شئ