- إنضم
- 6 أكتوبر 2009
- المشاركات
- 2,651
- نقاط التفاعل
- 4,258
- النقاط
- 191
- العمر
- 30
السلآم علِيكُم ورحمة اللّه تعالى وبركاته
موضوع الأخت لؤلؤة المضايقات في الحاآفلات فكرني في المضايقات عامة وكاين شيء حوايج يصراو خاصة قلت نحكيلكم واحد الحكاية تضحكو شويا وباه تعرفو بلي كاين شي عباد ناقصة عقليا
الحكاية هاذي صراتلي العام لي فات
كنت نقرا وبما اني نقرا في الجامعة وبعيدة على دارنا ب90 كيلو لازمني الاقامة هذاك النهار كنت رايحة لدار خالتي لي تسكن وين نقرا المهم خرجت رايحة نركب في البيس وانا نتمشى واذا بيه واحد الجان وقف بجنبي ويهدر قلبي حبس قطعت الطريق اوووب نلقاه قدامي قالي احكمي نميرو انا نجري وهو يجري مورايا ههههه نتفكرها تجيني الضحكة المهم لحقت لاري ركبت في بيس والله ماني عارفة وين يدي من الخلعة ركبت وجهي صفار سقسيت الشوفار قالي نفوتو على طريق لُخرى مي توصلك نورمال مازل ماديماراش حبسو الطفل هداك وبدا يسب في الشوفار ويقلو علاه تحكي معاها شكون قلك احكي معاها والله نقتلك وندير فيك وتحرش فيها عليا بخص بيا أون ديري صاحبتو البيس كامل بدا يتفرج فيا قتلهم والله مانعرفو بقاو يتعجبو المهم الجان هداك بقا يطيح في قدر الشوفار ويقلو أنا راني تاع حباس ونباصي على جالك هههه المهم دارلي فيها السيد قصة ولاو واحد النساء تما قالولي ماتراعيش ليه إذا ماعندكش وين تباتي أرواحي معانا قتلهم كْملت هههههه المهم لسق هذاك الجان محبش يروح خلاص نستنا فيه غير يجي يتلاح ليا ستر ربي الشوفار راجل كبير ورزين ولوكان مازربش ديمارا على غفلة كان راح يركب معانا ويدير هزبة المهم استسمحت من الشوفار وقتلو والله مانعرفو وهذا هو الصح يتبلاو عيناني المهم ديمارا ومشينا دخلني في واحد الشوارع والله لوكان مانعتوليش طريق كنت سير نهمل هههه نمشي ونقول ياربي ونلقا الدار ياربي والمشكل زاد جا واحد بالطوموبيل مخلانيش نفوت والله العجب الواحد هامل مش جايب خبر مايفوقش العبد يلقا روحو غير يمشي وخلاص ومبعد لقيت طريقي وفاتت على خير والحمد للّه ...غير لوكان جا الواحد يمشي ويتزعبل ولا مفضوخ نقولو ...والله كي نعود برا ننفخ روحي كي راجل ههههه ربي يهدينا
:d:d
تحياتي
موضوع الأخت لؤلؤة المضايقات في الحاآفلات فكرني في المضايقات عامة وكاين شيء حوايج يصراو خاصة قلت نحكيلكم واحد الحكاية تضحكو شويا وباه تعرفو بلي كاين شي عباد ناقصة عقليا
الحكاية هاذي صراتلي العام لي فات
كنت نقرا وبما اني نقرا في الجامعة وبعيدة على دارنا ب90 كيلو لازمني الاقامة هذاك النهار كنت رايحة لدار خالتي لي تسكن وين نقرا المهم خرجت رايحة نركب في البيس وانا نتمشى واذا بيه واحد الجان وقف بجنبي ويهدر قلبي حبس قطعت الطريق اوووب نلقاه قدامي قالي احكمي نميرو انا نجري وهو يجري مورايا ههههه نتفكرها تجيني الضحكة المهم لحقت لاري ركبت في بيس والله ماني عارفة وين يدي من الخلعة ركبت وجهي صفار سقسيت الشوفار قالي نفوتو على طريق لُخرى مي توصلك نورمال مازل ماديماراش حبسو الطفل هداك وبدا يسب في الشوفار ويقلو علاه تحكي معاها شكون قلك احكي معاها والله نقتلك وندير فيك وتحرش فيها عليا بخص بيا أون ديري صاحبتو البيس كامل بدا يتفرج فيا قتلهم والله مانعرفو بقاو يتعجبو المهم الجان هداك بقا يطيح في قدر الشوفار ويقلو أنا راني تاع حباس ونباصي على جالك هههه المهم دارلي فيها السيد قصة ولاو واحد النساء تما قالولي ماتراعيش ليه إذا ماعندكش وين تباتي أرواحي معانا قتلهم كْملت هههههه المهم لسق هذاك الجان محبش يروح خلاص نستنا فيه غير يجي يتلاح ليا ستر ربي الشوفار راجل كبير ورزين ولوكان مازربش ديمارا على غفلة كان راح يركب معانا ويدير هزبة المهم استسمحت من الشوفار وقتلو والله مانعرفو وهذا هو الصح يتبلاو عيناني المهم ديمارا ومشينا دخلني في واحد الشوارع والله لوكان مانعتوليش طريق كنت سير نهمل هههه نمشي ونقول ياربي ونلقا الدار ياربي والمشكل زاد جا واحد بالطوموبيل مخلانيش نفوت والله العجب الواحد هامل مش جايب خبر مايفوقش العبد يلقا روحو غير يمشي وخلاص ومبعد لقيت طريقي وفاتت على خير والحمد للّه ...غير لوكان جا الواحد يمشي ويتزعبل ولا مفضوخ نقولو ...والله كي نعود برا ننفخ روحي كي راجل ههههه ربي يهدينا
:d:d
تحياتي
.. ربي يهدي الناس وربي يحفظ الأخوات من كل الشرور
