يا تهدر مصواب يا تسكت

[Salam Fleur]

السلام عليكم

اكره حاجة عندي انسان يولي ينتقد في انسان و يبهدلوا قدام الغاشي ........... تحرق في القلب

نعطيكم امثلة ... هاذي البنات يديروها بزاااف

تجي واحدة زاد وزنها ... كي تشوفها زعمة راهي صحبتها

طول يا خاه عليك شحال وليتي قد البقرة

:-o:-o:-o

و لا تلقاها لابسة لبسة عندها مدة وهي شايفتها فيها تقولها قدام الغاشي

واش ماتبدليش ماعندكش حوايج



رايحين تقولولي نورمال بالاك تتمسخر

لالا هذا ماشي تمسخير

راك تجرح في الناس

الانسان يهدر بالظرافة

حتى ولو مثلا ماعجبتكش حاجة فيه قولهالوا بالظرافة ماتجرحوش و تهدرها بيناتكم ماشي قدام الغاشي

هاذي قلة مروءة و قلة تربية تاني

تقبل انت تتحط في الموقف هذاك ... مستحيل

تتسمخر ماعليش بصح بيناتكم .......

قدام الناس اهدر كلام موزون ... ولا غلق فمك


سلام


​

​

 

[لؤلؤة قسنطينة]

رد: يا تهدر مصواب يا تسكت

السّلام عليكم
تم الاعتماد حبيبتي
واش راكي اليوم؟ لاباس؟
والله راكي هاد الايام جايبتلنا مواضيع حصرية ^^, ان شاء الله مزيد من الابداع
والله صح واش قلتِ, الناس ماتحترمش غيرها
اذا الشخص سمين ولا رقيق ولا قشو مقطع علاه تدخل روحك فيه؟
نتا لي توكل فيه ولا تشريلو في القش؟
انا مانكدبش عليك ساعات نشوف بنات يقراو معايا كي يعدي عليهم عام مثلا تسمان
بصح تلقايني نقولها الله يبارك كي هزيتي صحتك زدتي زينتي وهاداك هو الصح ماش نجامل
اصلا لي تمشط شعرها ولا تلبس لبسة جديدة نقولها الله يبارك عليك
بصح باه نقول لوحدة راكي رقيقة عود ولا سمينة بقرة لالا عمري ما نديرها
ومرة قاتلي وحدة تقرا معايا والله يامريم كن تشوفك جويل ( لي مايعرفهاش راهي خبيرة تجميل ولباس ههه)
تبدلك اللبسة كاملة تاعك , يعني لبستي قديمة وستايل قديم قصدها
انا ابتسمت الحق وما قلقتنيش الهدرة خاطر علابالي هدرتها بضحكة وماش قصدها تجرحني وعلابالها بلي مانتقلقش هههه
بصح كاين ناس ربما تأثر عليهم وهادي من حقهم
ماش من حقنا نتمسخرو بالناس سواءا من خليقتهم ولا لبستهم , نبداو نعلقو على نفوسنا ساع ونشوفو
اذا رانا معوجين ومن بعد نروحو للناس
شكرا حبيبتي على الموضوع القيم
تحياتي​

 

[wissam 47]

رد: يا تهدر مصواب يا تسكت

وعليكم السلام اختي
موضوعك في مكانه (وين كاين مخبي ههههه) ايه صح كاين بنات الله يهديهم يقولولك كلام تافه وكي تقوليلهم علاش تقولولي هاكا يقولولك رانا غير نتمسخروا معاك و هوما علابالهم هاذي العقلية نورمال بنسبة ليهم واذا الوحدة قالت لصحبتها راكي سمينة كي البقرة ولا علاش ماتبدليش حوايج معندكش الدارهم ..... وزيد وزيد
انا يا اختي واش نقولك ربي يهدي وخلاص موضوع رائع ابدعتي كالعادة 1☺☻​

 

[Salam Fleur]

رد: يا تهدر مصواب يا تسكت

السّلام عليكم
تم الاعتماد حبيبتي
واش راكي اليوم؟ لاباس؟
والله راكي هاد الايام جايبتلنا مواضيع حصرية ^^, ان شاء الله مزيد من الابداع
والله صح واش قلتِ, الناس ماتحترمش غيرها
اذا الشخص سمين ولا رقيق ولا قشو مقطع علاه تدخل روحك فيه؟
نتا لي توكل فيه ولا تشريلو في القش؟
انا مانكدبش عليك ساعات نشوف بنات يقراو معايا كي يعدي عليهم عام مثلا تسمان
بصح تلقايني نقولها الله يبارك كي هزيتي صحتك زدتي زينتي وهاداك هو الصح ماش نجامل
اصلا لي تمشط شعرها ولا تلبس لبسة جديدة نقولها الله يبارك عليك
بصح باه نقول لوحدة راكي رقيقة عود ولا سمينة بقرة لالا عمري ما نديرها
ومرة قاتلي وحدة تقرا معايا والله يامريم كن تشوفك جويل ( لي مايعرفهاش راهي خبيرة تجميل ولباس ههه)
تبدلك اللبسة كاملة تاعك , يعني لبستي قديمة وستايل قديم قصدها
انا ابتسمت الحق وما قلقتنيش الهدرة خاطر علابالي هدرتها بضحكة وماش قصدها تجرحني وعلابالها بلي مانتقلقش هههه
بصح كاين ناس ربما تأثر عليهم وهادي من حقهم
ماش من حقنا نتمسخرو بالناس سواءا من خليقتهم ولا لبستهم , نبداو نعلقو على نفوسنا ساع ونشوفو
اذا رانا معوجين ومن بعد نروحو للناس
شكرا حبيبتي على الموضوع القيم
تحياتي​

و عليكم السلام

جويل يا حسرا كاين شي بنت ماتعرفهاش ...ههههه .......... بصح مرات ماتجيبهاش كامل تقول راهي تركب فيهم

كاين صح بالاك تعرف عقليتها و تعرفك .... انا عندي صاحبتي منين تبدا تهدر معايا اول كلمة تقولي يا الجايحة ... بصح نورمال لانه نعرفها وتعرفني و داخسين على بعضانا

المشكل في الناس لي تعرفك غير بالاسم و لا علاقتك معاهم صباح الخير مساء الخير لاباس لاباس و سلام عليكم

ياو هاذو لي يدخلوك للحيط

حاسبين روحهم مثاليين مافيهم حتى عيب و هي لو تبدا تحسبي عيوبهم ماتخلصيش منا العام الجاي

يعني ربي يهدي ما خلق

شكرا حبيبتي على الاعتماد اولا و على مداختلك القيمة ثانيا

:regards01:​

 

[Salam Fleur]

رد: يا تهدر مصواب يا تسكت

وعليكم السلام اختي
موضوعك في مكانه (وين كاين مخبي ههههه) ايه صح كاين بنات الله يهديهم يقولولك كلام تافه وكي تقوليلهم علاش تقولولي هاكا يقولولك رانا غير نتمسخروا معاك و هوما علابالهم هاذي العقلية نورمال بنسبة ليهم واذا الوحدة قالت لصحبتها راكي سمينة كي البقرة ولا علاش ماتبدليش حوايج معندكش الدارهم ..... وزيد وزيد
انا يا اختي واش نقولك ربي يهدي وخلاص موضوع رائع ابدعتي كالعادة 1☺☻​

اهلا اختي

بارك الله فيك شكرا على الاطراء :$

و كاين انا هاذي صرات قدامي ... الطفلة باين فيها ماتولهتش بلي الروبة تاعها في الضوء تبين ... ولات واحدة من لي كانوا قاعدين معانا ........ من صاف راسها هدرتها ...... ياو راكي تباني كيما راك ... الطفلة طلع وجها حمر و الغاشي لي داير بينا كامل شاف معاها .... فضحتها ... ولات دخلت لواحد لونفي ... و عيطنا لواحدة لي قراو معانا مقيمات ولات جابتلها لاجيب لي يتلبس تحت لحوايج ....

غداداك كي جات مسكينة مبهدلة .... ولينا ديرنالها الكوراج بلي نورمال تصرا مرات مانتولهوش ..... لو راحت ليها و جبدتها خاطي و قالتلها نورمال بصح هكذا راهي فضحتها على المباشر ........

يعني ربي يهدي صح

شكرااااا لمرورك العطر :regards01:​

 

[عاشقة الكرة]

رد: يا تهدر مصواب يا تسكت

والله ماراكي غالطة يوجعو القلب كي يعودو يعلقو وديما تلقايهم يطبقو هاذيك نتاع الهدرة عليا والمعنى على صاحبي .... يعييو الصراحة تلقايها هي معارف كي دايرة وتعلق على لبسة فلانة على مشية فلانة على....
الديفو في عبادنا تحكم من المظهر
عامي لول في الجامعة ماكنتش نعرف بزاف بنات وانا طبيعتي مانخالطش في عامي التاني قريت مع وحدة هي من نفس المدينة لي نسكن فيها وولينا صحابات وديما مع بعض ...قاتلي العام لول كي كنت نعرفك من بعيد قاتلي كنت حاطاتك كسالة ومتكبرة وكلش قاتلي بصح بعد ماعرفتك تعينتي حاجة واحد أخرى ...يعني الناس تحكم على المظاهر والباطن قليل لي يلاحظو
ميرسي حبيبتي على الموضوع وماعلينا غير نقولو اللّه يهديهم ..الغيبة ماشي ساهلة

 

[wissam 47]

رد: يا تهدر مصواب يا تسكت

اه اه اه اه اه اه اه اه شحال واعرة هذا ما نقولك ربي يهدي برك لا شكر على واجب موضوع يستاهل الرد و المرور​

 

[Salam Fleur]

رد: يا تهدر مصواب يا تسكت

والله ماراكي غالطة يوجعو القلب كي يعودو يعلقو وديما تلقايهم يطبقو هاذيك نتاع الهدرة عليا والمعنى على صاحبي .... يعييو الصراحة تلقايها هي معارف كي دايرة وتعلق على لبسة فلانة على مشية فلانة على....
الديفو في عبادنا تحكم من المظهر
عامي لول في الجامعة ماكنتش نعرف بزاف بنات وانا طبيعتي مانخالطش في عامي التاني قريت مع وحدة هي من نفس المدينة لي نسكن فيها وولينا صحابات وديما مع بعض ...قاتلي العام لول كي كنت نعرفك من بعيد قاتلي كنت حاطاتك كسالة ومتكبرة وكلش قاتلي بصح بعد ماعرفتك تعينتي حاجة واحد أخرى ...يعني الناس تحكم على المظاهر والباطن قليل لي يلاحظو
ميرسي حبيبتي على الموضوع وماعلينا غير نقولو اللّه يهديهم ..الغيبة ماشي ساهلة

اهلا حبيبتي

هاذي تاني لازملها موضوع وحده ... انا واحدة من الناس لي مايعرفنيش يقول عليا متكبرة ... و انا الحمد لله عمري في حياتي لا تكبرت ... الله لا يوصلني اني نتكبر على اي واحد مهما يكون

شكرا حبيبتي على مشاركتك العطرة

:regards01: ​

 

[حكاية قمر]

رد: يا تهدر مصواب يا تسكت

السلام عليكم
موضوعك شباب بزاف بويسك هاد لعفسة راهي كاينة سيغتو شيرات يديروها الحمد لله ما ندارتليش باسكو يعرفو العقلية والحمد لله ومام انا مانديرهاش لوحدة مهما كانت الا قضية السمن والنقص وهدا ادا كانت بيناتنا صحبة وتتقال ماشي من باب التمسخير
واصلا لمعايا في جامعه ماشي صحبة معاهم حتى يفوتوا الخطوط بيناتنا سلام وشويه هدوري سطحية
اه نرجعو لي يديروها بحال تبغي تبين روحها تعرف تزعق ولا فور وتفهم في مودا وهي كل شي خرطي وينراه شعبنا من لامودا ومام تبغي تطيح لمورال ولا تسالهالها
ونرجعو اهم حاجه وهي المعاملة لانو الدين معاملة قبل كل شي لازم لواحد يحلي لسانو وماشي يتمسخر بالناس
بويسك كما تتمسخر كاين لي يتمسخر بيك
وفي الاخير ربي يهدينا وكامل المسلمين

 

[Salam Fleur]

رد: يا تهدر مصواب يا تسكت

السلام عليكم
موضوعك شباب بزاف بويسك هاد لعفسة راهي كاينة سيغتو شيرات يديروها الحمد لله ما ندارتليش باسكو يعرفو العقلية والحمد لله ومام انا مانديرهاش لوحدة مهما كانت الا قضية السمن والنقص وهدا ادا كانت بيناتنا صحبة وتتقال ماشي من باب التمسخير
واصلا لمعايا في جامعه ماشي صحبة معاهم حتى يفوتوا الخطوط بيناتنا سلام وشويه هدوري سطحية
اه نرجعو لي يديروها بحال تبغي تبين روحها تعرف تزعق ولا فور وتفهم في مودا وهي كل شي خرطي وينراه شعبنا من لامودا ومام تبغي تطيح لمورال ولا تسالهالها
ونرجعو اهم حاجه وهي المعاملة لانو الدين معاملة قبل كل شي لازم لواحد يحلي لسانو وماشي يتمسخر بالناس
بويسك كما تتمسخر كاين لي يتمسخر بيك
وفي الاخير ربي يهدينا وكامل المسلمين

اهلا اختي

شكرا على الاطراء بارك الله فيك

المشكل مش في الحدود المشكل تطيحي مع ناس لسانهم مايدخلش لحلقهم

لو مايعلقوش يموتوا بالقنطة

ربي يهدي هذا ماكان

شكرا اختي على مرورك القيم

:regards01:​

 

[Hakan]

رد: يا تهدر مصواب يا تسكت

ياويلو وياسواد ليلو اللي يحطني في موقف كيما هذا
وحد القصة خليت اللحية نتاعي تكبر صح مي كي تكبر تولي غير منتظمة ههه الله غالب من عند ربي
المهم كي وصلت ليه كان مع صحابي زعما هو الفايق ومكتشف وصاحب ملاحظة قالي وااش راهو حالف فيك الحفاف
هههه بكل صرااحة ما نحكيلكمش على الاجابة نتاعي لانها دخلت فيها ضربات الجزااء
لكن مسسكين حشمتو وبقى ساكت
ياخويا وانت واا دخلك فيا وبالمناسبة هذا السيد كان لابس ملابس بيني وبينكم ختي تحشم تلبسهم
مي ما حبتش نحرجو يعني قبل لا تشوف في النااس شوف في روحك وزيد عيب علييك تجرح واحد
كاين واحد زوالي ما شراش لبسة تروح انت تجرحو كاين الله غالب مريض بالسسمنة تروح انت تجرحو
لكن المشكلة ماهي في هادو بقدر انو اليد اللي يدخل في موقف كيما هذا لازم يسلك روحو
وكثير من المرات حشمت جماعة غير من هذي العقلية شكراا على الموضوع ...​

 

[الورد الأحمر]

رد: يا تهدر مصواب يا تسكت

السلام عليكم ورحمة الله
كاين ناس تبانلهم الطريقة هذي شغل حاجة كبيرة بينو رواحهم بيها وكاين ناس ما يهتموش لمشاعر الغير المهم هوما ما يتقاسوش ولي يقيسهم خلات عليه ... لبنات بين بعضهم تصرا الطريقة هذي بزاف على خاطر كاين بنات شايفين رواحهم حاجة وهوما تليق فيهم كلمة حاشاك ... إذا كانت النصيحة أمام الناس فضيحة وإذا كان من الآداب أنك ما تحكيش عالسمنة قدام السمان وعالإعاقة قدام المعاقين فما بالك في ناس تتعمد تجرح وتهين ناس بالطريقة هذي !! ... النوع هذا من الناس نسميه خماج لرض وهذو هوما الناس لي يستاهلو يموتو لو كانت الموت بيدي على خاطر نشوفهم ميكروب ماشي فوق لرض والميكروب يعدي ! ... مغسي اختي عالموضوع ان شاء الله تكون رسالتك وصلت للمعنيين