السلام عليكم ورحمة الله وبركاته باغية رايكم في موضوع هو انا و 2 صحباتي دوسنا هههههه راكم باينة تقولو علينا راكم مزال صغار والمهم في هاذ المو ضوع انا عندنا 3 سنين مع بعض وعمري محسيت انهم اصدقاء حقيقين يعني انا مصلحة بالنسبة ليهم وهكذاك حبيتهم وكل ميحتاجو حاجة يجو عندي نمدهالهم عندكم لا تفكرو ان راني نشكر في روحي ولكن قلت ياك رانا اصدقاء لازم نساعدو بعضانا ...وكل ما تغلط وحدة فيهم معايا نروح انا ليها ونفلها خلي نرجعو لبعضانا ونحب بعضانا وهكذا كل ميغلطو نرجعلعم ونروحلهم انا الاولى ومع ان مش انا اللي غلطت ..وصراحة انا هاذ الايام كانت عندي ظروف خاصة بعدها وموليتش نحب نهدر الا مع الاستاذ او الاستاذة فقط بعدها قالولي علاش راكي هكذا تبدلتي قلتاهم مكاين حتى حاجة وفاتت الايام حتى زملائي في القسم استغربو قالو هاذي اللي كانت تهدر درك راها تبدلت وخاصةيوم امس كانت عندنا حصة فراغ وقلت انا خلي نشد السبحة ونستغفر احسن منولي نهدر بدون فائدة ديت معايا السبحة لليكول وقعدت نستغفر حتى لجاوني هذوط صحباتي 2 وقعدو يصرخو في وجهي وقالولي وشبيك راكي متهدريش وموليتيش تقيمي قلتهم خلي مبعد درك راني نستغفر ردو عليا وقعدو ياكلو في رواحهم وجرحوني بكلامهم ياسر وعادو يقولولي واش راكي تيت لراكي رافدة السبحة ومن هذاك الكل والله حسيت بوحد الشعور تاع خيبة امل قلت هاذو اصدقائي يدورولي هاك والله مصدقتش ومتفهموش ظروفي ومبعد فات يوم مكلمتهش ومكلمونيش قعدت حزينة مصدومة بالشي ء .اللي صار مع الاضافة بالظروف اللي راني عايشتها ........في النهار الثاني قلت خلي نروحلهم ونقلهم نرجعو كيما كنا صراحة مش يعني خايفة منهم ولا معنديش قيمة بالعكس من الصفات الحسنة ان تكون مسامح لغيرك وهانا رجعنا لبعضانا في الصباح وغيجا المساء ساعة الاولى مقرينهاش وريحت معاهم جبدول ي الموضوع وقعدو يعاتبو فيا وقالولي حقنا قع منكلموكش غيكلمتينا قبيلة في الصباح غاضني الحال وسكتت وعاود شرحتلهم موقفي مبغاوش يتفهموني وبكوني والله بكيت في ليكول مقدرتش نتحملهم خلاص للصبر حدود كل مايغلطو نسامحهم ونروحلهم انا الاولى معرفتش شكون الغالط انا ولا هما معليش تنصحوني كيفاش نتعامل معاهم وهل انا اللي غلطت ولا لا اسمحلولي هدرت ياسر ولكن راني فرغت واش في قلبي راني نحكيلكم وقلبي مجروح منهم وشكرااااااااااااااااااااااااااااااااااااااااا
