foued1986
:: عضو مُشارك ::
السلام عليكم و رحمة الله تعالى و بركاته
كيف حالكم إخوتي الكرام و أحبائي ؟
هذه مدة ما كتبتش موضوع في هذا المنتدى :d والله توحشتكم كامل سواء الأعضاء القدم أو الجدد :p
المهم راني في قرابة عام و أنا نخدم في محل مجوهرات يعني بعد إكمال دراستي و تحصلي على ليسانس لغة إنجليزية و بعد دراستي تقني في المحاسبة ها أنا اليوم مع السنسلة و البراسلي و المناgش هههه:thumb_up02: ما خليت كونكور, ما خليت جامعات ,ما خليت مؤسسات الخواص, لكن راني في خدمة لي بغاهالي ربي سبحانه و تعالى و الحمد لله كثيرا
آه الأن نجيكم في المفيد مللي بديت هذه الخدمة شفت صوالح بزاف و تعلمت صوالح بزاف و نقولكم بللي بيع المجوهرات تخليك فاطن و حارص جدا مع الزبون لأن كل واحد و نيته في الشراء
سوف أأتيكم بقصتين صراتلي مع زبائن, واحدة من أطمع القصص و الأخرى من أغبئها ههههه
واحد النهار دخلت عندي وحدة هي و أمها و كنت نورريلهم ف les parures و قاتلي البنت يعني لي راهي باغية تتزوج " شوفلي بارور شباب" أنا جبتلها وحدة دير 310000 دج فقالت لي كلمتها المشهورة "راك باغي يدوني باطل " لا و حتى أمها ساندتها في هذا الكلام و قالت لي بأن الزوج هو اللذي يدفع تكاليف البارور .
فقلت لها "المهم أختي غي الطيب و الهنى"
فمازال الناس يلهثون في الذهب و المال و يعرفون أنا كل هذه الأشياء لو انعدمت راحة البال و المفاهمة بين الزوجين و أهم الشيئ القناعة فلا قيمة لها
الكلام موجه حتى للرجال يوجد رجال كذلك همهم الوحيد الطمع ني خدمة ني صدمة و يبغي مرتو تخدم عليه
فيقوا يا أمة محمد اليد العليا خير من اليد السفلى
فهذه من أطمع القصص أما من أغبئها فهي كالتالي
واحد النهار جاني un couple و البنت قاتلي "هادي فضة" تعني الذهب الأبيض فقلت لها "لا , هذا ذهب أبيض" فقالت لي "آه أوكي صحا معليش خويا تجبدلي هاديك البلاكة تع الخواتم " تقصد خواتم ذهب أبيض bon جبتلها ورريتهملهم فقالت لي "كم سعر هذا الخاتم" فقلت لها "75000 دج" فإذا بالمفاجئة قالت لي "يااااه تعدني فضة" ههههههههههه
بربكم كيف تكون ردة فعلكم
لكن هذه هي التجارة لازملك تتعامل مع كل مستويات الزبون بتعامل حسن
يرجى التفاعل
و شكرا لكم:thumb_up02:
