كرهت

[مشكلتي]

انا شاب في عمري 25 نحب وحدة ونموووت عليها وحد نهار رحت ننويها باه نخطبها في الحلال
البروبلام والديها ما قبلوش وانا مانقدرش نعيش بلا بيها
اريد نصيحة ...

 

[راضية حامدة]

رد: كرهت

تم الاعتماد
حاول ابعثلهم ناس ممكن يقنعوهم
و في الاخير كل شي بالمكتوب و ربي ما يحبلنا غير الخير


ربي يفرحك يا رب

 

[إلياس]

رد: كرهت

حاول مرة ان شاء الله فيها خير استخر الله

 

[♫الباحثة عن الحظ♫]

رد: كرهت

الي ما يقبلش براجل حلال و قاصد باب دار ربي يسهل عليهم
هم الي راح يخسرو مش انت وكل مع الوقت يتنسى
مي الا مش قادر على فراقها شف هي الا باغية تعيش معاك تقول لوالديها وديرو البوسيبل
ربي يجيب الخير و نسمعو اخبار تفرح

 

[وائل ابن الجزائر]

رد: كرهت

وينو المشكل ننصح خويآ ~ اهلها مقبلوش هآدي شوف غيرهآ ~ ديجا مكاش حب وقتنا هذا ~ كنا كيفك زعما نعشقو نموتو وفي لآفآن تزوجت وخلآتنآ اصلا عادي ومتنساش كل مكتوب خويآ ~ خيرها في غيرهآ ~ رآك راجل

 

[لؤلؤة قسنطينة]

رد: كرهت

السّلام عليكم
أهلا بأخي الكريم ان شاء الله راك لاباس؟
راني مستغربة خاطر من مدة طويييييييييييلة ماشفناش راجل في قسم مشكلتي
ولا بالاك ماكنش خلاص الرجال في قسم مشكلتي
المهم لا علينا , والله يا خويا هي صح صعيبة الواحد يبني حياتو على امل ولا على حلم جميل ومن بعد يتهم الحلم هاداك
بصح هادي ماش نهاية العالم, نتا دير لي عليك وابعتلهم ناس لي يقدرو يقنعوهم كيما قالوها لي قبلي
اذا كتبلك ربي تكون هاد الانسانة من نصيبك رايح تديها ولو بعد 10 سنوات واذا لالا مهما واش دير ماش رايح تديها
بصح اللغز في الموضوع علاه رفضوك؟ يعني ماعطيتناش التفاصيل تاع المشكلة
غير هاد الشي اذا بقى الرفض من طرف الوالدين اسحب نفسك بهدوء وروح شوف بنت حلال خلاف
خاطر كن تكمل رايح تسبب مشاكل للبنت وتخلي علاقتها مع والديها تفسد
هادا من رأيي والله أعلم , وزيد شوف رأي باقي الاعضاء
تحياتي​

 

[classic girl]

رد: كرهت

كيما قالو اللي قبلي '' خيرها في غيرها "
لازم دوكا تتشجع وتنساها وكيما يقولو اللي راح وخلاك يجي يوم ويتمناك
شوف وحدة خير عليها وربي يجيب ساعة الخير اخي
اختك في الله ​

 

[عاشقة الكرة]

رد: كرهت

السلام عليكم
اخي حاول تبعث ناس كبار ويفهمو واذا كانت الطفلة قابلة بيك متخافش أكيد راح توقف معاك وكلش بالمكتوب إذا كانت هي مش حابة اسمحلي تتراجع خيرلك
يعني دير ربي فبالك ولي جابها ربي مرحبا بيه متفقدش الامل خلاص وربي يوفقك وتكون من نصيبك في الحلال

 

[الزهرة الحمراء]

رد: كرهت

السلام عليكم اخي
صح قد مانهدروا ونحكوا ماناش رايحين نحسوا واش راك تحس انت
ولكن عندي كلمة برك كل شيء بالمكتوب يعني اذا كانت مكتوبك الطفلة هاذي صدقني حاجة ماهي رايحا تبعدها عليك لا والديها ولا والديك
واذا كانت ماشي مكتوبك تاني حاجة ماهي رايحا تقربها ليك يالوكان يصرا واش يصرا
وماتكره وماتقنط لقوله تعالى " ...ولا تيأسوا من روح الله إنه لا ييأس من روح الله إلا القوم الكافرون "
وربي يكتبلك أخي لي فيه الخير
وان شاء الله نسمعوا خبر يفرح من عندك

​

 

[Hakan]

رد: كرهت

مشكلتنا حنا الرجال في بعض الاحياان ما نوضعووش اللوم فينا
يعني ما نعرفووش طريقة التقد للخطبة انت تحبها حااجة مليحة
انت حاب تخطبها حاجة اروع لكن يااخي شوف في نفسك واسئل نفسك
هل انت جااهز لحاجة اسمها زوااج
سقسي رووحك وااش الحااجة اللي نقصت وخلات والد الحبيبة ما يوافقش
اذا كنت ماراكشش خدام روح اخدم على روحك
اذا مازال تقرى كمل قرايتك اولا ومن بعد سااهل
اذا ما راكش تقي يعني مخصرها في الشاارع نتاعك اخلاقك سيئة تحكي عليك الناس بالعيب اذن لازم تحسن اخلاقك
واذا توفرت فيك كل الشرروط اللي ذكرتهم اما من ناحية العمل المستوى الدرااسي وهنا المستوى الدرااسي طبعا اذا كانت الحبيبة
احسن منك مستوى لازم ترفعو اذا توفرت فيك اخلاقك مليحة دياانتك وكل شيء مليح وما قبلكش الوالد نتاعها
هنا لازم تخلي شويا عزة للنفس نتااعك بااسكو ماهيش من الرجولة يمرمدوك الرجال على جال طفلة بارك الله فيك ..​

 

[Perle Blanche]

رد: كرهت

السلام عليكم
الصلاة و لسلام عليك حبيبي يا رسول الله
في بلي زيد روج و زيد ابعثلها ناس مقربين يعني متخليش اليأس يدخل قلبك و حياتك خليك مصر عليها بلاك تتبدل حاجة
و تاني صلي صلاة لاستخارة و ادعي ربي يسهل أمورك ان شاء الله الدعاه يغير بزاف حوايج في حياتنا خليك قريب من ربي سبحانو
الا كانت مكتوبك مهما طالت الحكاية رايح يوافق الاب تاعهاا و الا مكانتش مكتوبك حاجة متعترضش عليها
نزيد نقلك حاجة يعي و اا عن تجربة الاب مستحيل يرفض اي شخص يجي لبنتو الا الا شاف منو حاجة متعجبوش و لا بلاك شافو لشخص الغير المناسب هنا في بالي لزم تدير بنصائح الاخ حكيم_راه عطاك حل لكل حاجة ممكن تكون عائق قدام هاذ الخطبة_
الله يفرحك و يهنيك خويااااااااا
​

 

[دعاء19]

رد: كرهت

الله أدير لك تأويل دالخير

 

[آل مطر]

رد: كرهت

هذا من البداية وتقول كرهت !!
على الاقل يا اخي صلي لله يوفقك
ادعوه يستجيب لك في جوف الليل

وربي يتمم الخير دائما وهذا وعد منه تعالى

جرب قيام الليل و أجبنا في يوم ما ’’​

 

[غزيل ياسمين]

رد: كرهت

لازم انو تعرف راي البنت بيك ومبعد قرر يمكن ماهاش حابا توجهك بالحقيقة

 

[مريم.]

رد: كرهت

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.
ربي وحده يعلم بالغيب يمكن ربي بغاك وبعد عليك شئ انت متعرفهش ووالله خلي يقينك بالله هو يوجهك والمحبة تجي بعد الزواج ماشي كل من حبو ومتزوجوش ماتو بالعكس تستمر الحياة وربي خلق شئ اسمه النسيان صللي استخارة وربي يوجهك لشئ ليريحك​

 

[محمد تلمساني_13]

رد: كرهت

khoya chouf gawriya

 

[همس الوُرود]

رد: كرهت

السلآم عليكم ~

ربي يسهل عليهم .. صلي صلاة إستخآرة ويلآ كتبلك ربي تزيد تروح تخطب روح ويلآلآلآ ربي يسهل..

 

[خفيفة الروح]

رد: كرهت

حكايتك تشبه لحكتايتي
رانا كيف كيف

 

[جليلوس]

رد: كرهت

السلام عليكم
خويا العزيز راني حاس بيك عاود جرب معاهم وشوف
راهم يحيروني انا والله يجوهم الخطابة ويزيدوو يتشرطو وفوقها يزيدو يرفضووو
ابعت ناس يكون عندهم جاه ويحشموهم والصح راه في البنت ادا حاباتك راه دير البوسيبل عليك
ويبقى كلش بيد ربي والمكتووووب ادا جا مايشدو حتى واحد
ادا ماكتبش ماتخليهاش متعلقة بيك اكثر من اللازم
​